بسم الله الرحمن الرحيم

.

السلام عليكم ورحمة الله وبركاته

.





ياشباب نلاحظ في سيارات الفولكس واجن صغر حجم المرايه الجانبية اليمنى

انا جربت بورا 2003 ....... بصراحه تتعبك المرايه في الزحمه مني شايف ولا شي

وش السبب ؟؟


تحياتي ,,

:p :ranting:


يمكن عشانها اول مستوى

خد الفل كامل تجيك كامله

:smart: او اطلب اكسسوارات حتجيك كامله زي اليسار



:blink: ما تضحك :blink: :cry1:
:blink: not funny

طيب عشان اكون صريح معاك
قريبي سال واحد في الوكاله قلو السبب وهو : الانسيابيه
ايش دخل الانسيابيه مني عارف :think:

كيف الانسيابيه ؟؟ يسوقوها ؟؟؟

حركه خطيره يعني الانسيابية اهم من السيفتي ؟؟؟ :bomb:

لو انها الانسيابية كان خلو المرايتين كلها صغيرة





ما بضحك :shy:

أنا واحد من المعانين جداً من هذا الموضوع



ولاكن ممكن علشان لما تكسر المرايا تكون ارخص من اللي جنب السايق
ولاكن إسش دخل الإنسيابية في هذا الموضوع


حركة غبية وعادمة ام الدنيا

مشكور اخوي

انا بعتبر هذه الحركة من الألمان جداً فاشلة .. وما ليها داعي ..

إذا ما تجيك مثل مرايا الفراري ولا الكورفت .. طالعين كأنهم آذان ارنب .. ولا بلاااااش .. :p
مشان تشوف كل اللي حواليك في لمحة ..! :cool:

ركب مرايا جمس

انا لاحظت ان اغلب السيارات الاوربية مرايتها صغيرة نسبياً..

لأنهم ما يحتاجون مرايا كبيرة في بلادم .. مع شوارعهم و ممراتهم الضيقة ...

لكن الواجب يعملون نسخة للخليج .. بمقاسات مرايا جمس
او فورد اكسكيرجن

الله يخلي المرايات مال الفورد اكسبديشن كأنه مراية البيت شكبرها

بس ترا الإنسيابية يعني ما شافوا شي ثاني يصغرونه إلا المرايات ؟! :blink: و لا بعد صوب واحد بس

فعلا ..مرايا ( اليوكون والسوبربان ) اكبر مرايا شفتها :banana:
...


عموما بالنسبة لصغر المرايا
هو شي مزعج فعلا ويضايق اثناء القيادة
..بس اللي سمعته من مجربين ..انك راح تتعود على المرايا الصغيرة مع مرور الوقت

و الله انا ما اشوف فيها اي مشكله
و فعاليتها زي فعاليه مرايه الجمس

تتعود ما عليك .. فرق بين مرايه الكارس واللندكروزر .. بس ممشي حالتي ..

وأذا تماتيك ما بتعبك واايد ..

هاذي اخوي سيدكو الحبيب أسميها...انسيابية عاليمين

هلا

انا مادري ليش هم مسوينها صغيره بس انا ماشوفها مشكله
اشوف المرايا مثل مرايه اي سياره وافضل


وادا على السعر ياMR.FERRARI فسعر المرايتين الصغيره والكبيره نفس الشي

بس اكيد في سبب خلاهم يسوو مرايا صغيره ومرايا كبيره بس ايش مادري

حبيب ألبي al0ne .............
أنا شريت المرايتن من الوكالة الصغيرة ب 500 ريال والكبيرة ب 650 ريال
لأن السيارة إندقت من الجهتين وأتكسرت المرايات كلها

اعتقد ان الحجم يفرق لان وحده بتكون ابعد من الثانيه ويصير حجمهم واحد للسايق والصوره وحده ولا يدوخ ويقدر يقدر المسافه نفسها للاشياء سواء يمكن او يسار يصيرو نفس الشي ops:

اخيرا عرفت من انت ياجاري والله انا كنت شاكك من اول
بس يومك ما قلت بورا عرفتك مزبوط ياخي الله يعينكم ايام المطر قداب باب بيتكم يسير بحيره
ياخي على فكره متى ناوين يسفلتو الشارع الي قدام بيتنا

تعرفون شو السبب يا شباب ؟

أنا اقولكم

صغر المراية الجانبية لكي تعرف ان المقاسات في المراية غير حقيقية اي انها اقرب او اصغر من الحالة الطبيعية و ان الي بجانب السائق حقيقية فحجمها طبيعي اي للفت الانتباه لهذا الشي ليس إلى حيث ان الابعاد في الصغيرة ليست حقيقية و لكن حاليا غيرو الامر بالكتابة علي المراية ان ابعاد الرؤية غير حقيقية و اصبحت في الموديلات الجديدة كبيرة الحجم اما في السابق فكان الاعتماد علي الحجم و كانت عادة في اوربا اما في اليابان وشرق اسيا يضعون مراية ثالثة في بعض الموديلات في الامام و لكن حاليا جميع هذي الامور بدأت تنقرض و استغنوا عن كل هذي الامور بالكتابة لاخلاء المسؤولية القانونية عن افسهم . وسلامتكم

انا اعتقد انه مدام انها المراية البعدية عن السائق هم مسويين دي الحركة علشان ادا مريت في اماكن ضيقة ولا شي تكون المراية صغيرة ولا تظرب في المرايات الثانية

اعتقد يعني

في الوكالة قالولي ان السبب هو زيادة القدرة على التجاوز بين السيارات في المناطق المزدحمه ولا يوجد سبب اخر


سلالالالالالالالالالالالالالالالالام

ترى حتى الفل كذا :(

مدري بس انا على كلام غريب السيف

:rolleyes:

اعتقد عشان يخفضو التكاليف الانتاج ---->بخل شوية
او زي ما قال الاخ الهداف

طيب

ليش برضو الفولكس واجن فيها لمبة رجوع وحدة ((ريوس))

عقدت الموضوع

MR.FERRARI
ولا ارخص ولا حاجه ... لو عشان ارخص كان خلو المرايتين ووفرو شويتين
والله يعينك على المعاناه :(
شكرا على انبراشتك في الموضوع :laugh1:



abumhdi
هلا ابو مهدي
انا بعتبر هذه الحركة من الألمان جداً فاشلة .. وما ليها داعي
انا معاك في انها فاشله ومالها داعي .... بس غريب ان النقطة ذي تفوت عليهم
وللمعلموية ... اهم شي في المرايه مو انها تكون اذان ارنب .... اهم شي انها تكون اذان فيل (حجم كبير) ...... والحجم لحاله مايكفي لازم تقعر جيد

مشكور على المشاركه



FSM
ما يحتاجوها في بلادهم ؟؟ .... طيب اش معنى مرايه وحده بس ؟؟ ;)



sayedco
قبل ما ترد .......ابغاك تروح تدور على جيب ميتسوبيشي 88 ...... المرايه اكبر من الباب

حاول تشوفها والله شكلها كاااااااااااااااااااااي
الله يذكرك بالخير يالباجيرو ذكريااات :banana:
مشكور عزيزي ,,


مؤيد اف1
بس ياخي تتعب في السواقة :(
مشكور على الانبراشة

TerroRx7
انت ورأيك عزيزي :rolleyes:
بس هل كلامك من واقع تجربة السيارتين ؟؟ والا التعود ؟؟
مشكوووووووور ,,


راعي البيج
انت كمان لازم تشوف مرايا الباجيرو 88
بس يا عزيزي هذا غلط ........ وترى كل شي يجي بالتعود ... يعني لو اعطيك سيارة بمرايه داخليه وبس ..... حجيلك يوم تتعود ......... بس هذا غلط :knight:
مشكور على المشاركه ,,



EL_3grab
التعود سهل ......بس ليش الغباء هذا من الالمان ؟؟؟
تحياتي ,, :smart:


بن غالب
اخخخخخخ .... من جد انسيابية من اليمين :smart:

مشكور على المشاركة .


al0ne
ما تاوقع انها زي باقي المرايات
تحياتي ,,

clk 230

هلا هلا هلا ولد حارتنا

اخخخخ ...
ابقلك حاجه بس ما حتصدقني :shy:

اقسم بالله العظيم وربي اللي خلقني مو أنا صاحب البورا الزقا اللي ساكن صاحبها على شارعكم ومني ساكن في شارعكم كمان
هيا شوفني حلفت

بس البورا اللي جربتها حقت واحد صاحبي
وبالنسبه للشارع لا تخاف ان شاء الله حيسفلتوه بعد 6 او 7 سنوات وما حيطولو اكثر

الله يعينكم على زحمة المدرسة مع الحفريات
اش المكسيما حقتكم تنقز والله شفتها مره وفكيت كااااااي :laugh1: :laugh1:

تحياتي ياعزيزي ومشكور على المشاركة ..... واشوفك ان شاء الله لو كان فيه تجمع لسوالف في جده


الهداف
تعرفون شو السبب يا شباب ؟

أنا اقولكم

صغر المراية الجانبية لكي تعرف ان المقاسات في المراية غير حقيقية اي انها اقرب او اصغر من الحالة الطبيعية و ان الي بجانب السائق حقيقية فحجمها طبيعي اي للفت الانتباه لهذا الشي ليس إلى حيث ان الابعاد في الصغيرة ليست حقيقية و لكن حاليا غيرو الامر بالكتابة علي المراية ان ابعاد الرؤية غير حقيقية و اصبحت في الموديلات الجديدة كبيرة الحجم اما في السابق فكان الاعتماد علي الحجم و كانت عادة في اوربا اما في اليابان وشرق اسيا يضعون مراية ثالثة في بعض الموديلات في الامام و لكن حاليا جميع هذي الامور بدأت تنقرض و استغنوا عن كل هذي الامور بالكتابة لاخلاء المسؤولية القانونية عن افسهم . وسلامتكم


كلامك منطقي 100% :banana:
هذا السبب المنطقي الوحيد يعطيك الف عافيه
مشكور ,,


nismo
ممكن ... لكن اقرا رد الاخ الهداف :banana:

مشكور على المشاركة :rolleyes:


غريب السيف
قالو لغيرك عشان الانسيابية :smart:
اقرا رد الاخ الهداف ومشكور على المشاركة

ابو علاء

مشكور على المداخلة



1100R
اش الاسم هذا ؟؟ دباب ؟؟

من جد عقدت الموضوع

بس ترى هذا في اغلب السيارات الاوروبية

وهذا المفروض ... ليش ؟؟... لان لمبة الريويس مهي شغالة على طول .. الفايده منها انك تنبه اللي وراك انك راجع ورا ... مو لازم لمبتين

تحياتي ,,