السلام عليكم ورحمة الله وبركاته

شخباركم شبيبه .. اليوم يايب موضوع فنتك .. وحبيت أغير شويه ..

بسم الله ..

مندش عرض ..

أول شي الشخصيات الأساسيه :

أنا = (درمبو) ..

ربيعي = (الله يخصك) ..

ربيعي الثاني = (منور) ..

ولد عمتي =(بو حنج) ..

..

كانت في سيارة مطيحه ببيت يدتي .. راعيها خالي .. ماخذنها حول 1500 درهم .. السيارة شغاله ولا شي بلاها .. بس القير لك عليه شويه .. المهم .. الخال اهمل السيارة .. أشتراها أونه حق الزراعه (يشل أجياس السماد فيها) .. بس نساها وخلاها للزمن .. وبعد سنتين من وقفه السيارة في حوي البيت .. واستوت ستور للأغراض .. يا درمبو :banana: .. وكان يباها .. يبى يعابل فيها ويلعب .. يعني يتمكنك عليها .. وعرض عليه شرائها .. السيارة كانت في حالة تعبانه لها أوراق بس ضاعت ... وما بقى منهى الا أرقام التصدير اللي عليها .. والسويج ضايع .. الخال كان يقولي .. السيارة بس محتاجه تبديل بطاريه .. وكل شي بيكون تمام .. بس سنتين واقفه بالشمس لا أشتغلت .. وجافت أهوال الجو من حرارة .. وبرودة .. ومطر وعواصف .. (وين يالسين) .. مشي حالك .. خالي قالي .. شلها بس من حوي البيت وفكني منها وخذها حقك .. طبعا درمبو كانت جه حالته > :eek: ..

وأتفق درمبو مع (الله يخصك) عقب العصر نتطلع السيارة من البيت ونشوف حالتها ..

السيارة وحالتها :

شكلها روعه هالكدلاك .. وكانت الحلا ماكلنها بس بشكل متوسط .. نغسلها ونترس توايرها وكل شي يكون أوكيك ..

المكينة كانت سمول بلوك كربيتر 307 .. مع غيار تماتيك على ما أعتقد 3 غيار ..







وكانت تتميز بحمرتها الروعه من داخل .. شوفوا الكراسي .. حرام نقولي كراسي .. قنفات والله ..





وطبلونها المخشب وعدادها المسطره ..



ومني مع الحب .. عصتيشني ..



السيارة كانت خلف البيت .. وقلصتها بالصتيشن لها المكان (قريب الباب) .. ومني صورتها ..

بتقولون درمبو شو كان يبى يسويبها .. المخططات المقترحه :

قص السقف ..

ترفيع الموتر ..

تواير 900 ولا بالون ..

صبغ السيارة ورررررردي .. :shy: .. خخخخخخخ .. فنتك والله ..

..

السيارة كان صعب صعب التعامل معها .. التواير مفسدة .. والبور ستيرنج ما يشتغل الا يوم تشتغل السيارة .. قلنا بنحاول نقلصها لأقرب محطه ونترس توايرها .. وربطنا القلص .. ويلا لأقرب محطه .. معاناة والله معاناه صارتلنا .. يمكن القلص أنقطع أكثر عن 5 مرات .. وكنى نتفادى الشوارع الرئيسيه ونحاول ناخذ السكيك والفرجان .. والخايسه أستوت .. أنقطع القلص وحنا في نص الشارع بالضبط .. كنا بنعبره بالعرض .. وأنقص ووقفت الكدلاك بالنص .. وسدت الشارع .. الساير والياي يتمنظر فينا وحنا نحاول نربطها مرة ثانية .. بس وناسه .. :knight: ..

وصلنا البيت مرة ثانية .. وعرفنا أستحاله قلصها للصناعيه .. وماشي غير اللي يحمل السيارة ..

بعض الصور الزقرتيه .. بعد ترس التواير ..

وتشوفون القلص عاقدينه بكمن مكان ..





ووعلى هاي الحزة حضر (الله يخصك) وسرنا الصناعيه نييب اللي يسحب السيارة .. قلناله .. من مشيرف للصناعيه كم .. قال 50 .. قلتله 20 .. قال 40 .. قلتله 30 .. ومشينا ..


تــــــــــــــــــــــــابــــــــــــــــــــــــع

بعد ما سحبنا السيارة وردينا للصناعيه .. وقفناها جدام كراج نوال الزغبي .. قصدي الزعبي .. :banana: .. فتحنا البونيت .. وقلناله شغلنا السيارة .. قال وين السويج .. قلناله ماشي .. قال ماشي مشكله .. حط سكروب مكان المفتاح وحاسها .. قامت تدور دورة وتوقف .. عابل مني مناك قال البتري يباله جرج .. شلينا البتري ووديناه نجرجه .. ترينا 1 وحدة في الجرج .. وردينا للمكينة .. وأبت أن تشتغل .. قلناله البتري صارله سنتين والسيارة ما تشتغل .. قال لزم بتري يديد .. غميضة على هالكدلاك .. سرنا السكراب الامريكي وقلناله .. عطنا بتري شغال .. خذناه بـ20 وردينا .. وبعدها ما شتغلت .. ردينا للسكراب .. وطالبنا بالـ20 .. :p ..

يلسنا نفكر .. مني مناك .. ماشي غير بتري يديد .. سرنا المحل .. خذنا بتري بـ170 .. ردينا للسيارة .. شبكناه .. وحسنا السكروب .. المكينة تدور اكثر بس ما تشتغل .. (الله يخصك) قال يبالها عصير .. وش سالفه العصير .. قال نصب شوية بترول في الكربيتر .. وشربناها العصير .. حيسه مره ثانيه للسكرب .. وتتا .. :eek: .. السيارة أشتغلت .. الزعبي مستغرب .. يقول هاذي أول مرة تستويله جه .. والله مب هين الأمريكي .. من شغلنها الكربيتر قام يطلع غبار والمكينة تنتفض .. قال الزعبي خلوها ربع ساعه وكل شي بيكون تمام ..



وبعد الربع ساعه يلسنا بالسيارة .. وتتوقعون شوا .. المكيف كان شغال .. والسيارة برررد .. والله عجيبه .. شغلنا الرادو .. كل شي طالع .. ومن داخل .. تقول يالس بروز مب كدلاك الليتات اللي بالباب عجبتني حييييل مع حمرة الكراسي .. كبرت بعيني ..



حطينا القير بالـD .. والسيارة بندت .. أفااا .. ردينا على P .. وشغلناها .. وتمينا نضاغط ريسات فيها .. .. ردينا شبكنا بالـD .. حسينابها بتبند .. ودسنا الريس .. وفزت السيارة ومشت .. الصراحه .. روعه كانت .. السكان مثل الريشه مع البور ستيرنج .. والجامبيل كان رايح .. بشكل انه تقول يالسين بيخت على الماي ويتمايل .. وما كنا نحس بالحفر ولا المطبات .. الجامبيل يمتص كل شي .. ويعطيك شويه تمايل .. والله عجيبه ..

كان الثلاثا وباجر دوام الأربعا .. والساعه 9 ونص فليل .. والفذر يدقدق تليفونات .. تواعدنا علأربعاء نرد الصناعيه .. وقفنا السيارة بجنب الكراج ورحنا كل واحد بحال سبيله .. وجا الأربعا .. وعقبه الخميس والجمعه .. وما ردينا الصناعيه .. المهم الوالد درى بالسالفه .. وقالي أشوفك تعق فلس حمر عليها .. :cry1: .. ليييييييش .. حاولت وياه ماشي فايده .. فكرنا وفكرنا وفكرنا .. واتفقوا درمبو و(الله يخصك) على بيع السيارة .. قلنا دام ما نقدر نسوي فيها شي .. بنبيعها والبيزات .. بعقها عالصتيشن .. سرنا سالنا بكم وكم وكم .. أعلى ما وصلنا 800 درهم .. ومع البتري الجديد .. حرام والله .. كنا حاطين آمال بهالسيارة .. بس شو نثوي .. الزعبي قال لو تسمكرها قطعه قطعه بتحصل 2800 من وراها .. تبيعها كامله بـ800 .. حرام يا ناس .. المهم اتفقنا أنا نبيعها ..

وطاف السبت وجا الأحد .. هالمره مع بو حنج .. منور .. ودرمبو .. ..

سرنا الكراج ما لقينا السيارة .. سالناه وينها .. قال مناك .. ورنا مناك .. وركب بوحنج مع منور بالكدلاك ودرمبو بالصتيشن .. وحنا بالدرب .. لعبنا فيها حراق .. ويلات .. كل شي .. ويوم أقتربنا من السكراب اللي بنبيعها علييه .. منور سوى ريس بريك .. وصراحه كانت .. هد الريس .. يمين يسار .. اشوف الحبيب ما خف .. ودبفففففففففففف .. فيني من ورى .. :sss: ..

أنا أصلا من شفته انه ما خف وأقترب فيني دست ريس كامل قبل لا يدعمني .. عرفت والله من هد البريك ومشت السيارة أنه بدعمني .. نزلت من السيارة ناقع من الضحك .. يوم أتوتر أضحك .. .. وأشوف بوحنج فاج حنجه .. .. ومنور شويه وبيصيح .. خخخخخخخخخ .. ويجوفوني أضحك .. المهم الحادث كان متوسط والحمدالله الكل بخير .. السبب .. حديدة الريس .. نشبت بأرضيه القماش وبريك اصلا ماشي ..

الأضرار كانت فادحه بالكدلاك .. والأستيشن متوسط .. والكدلاك كان بعد يشتغل .. :banana: .. بس دخيلكم شوفوا المصابيح .. ناط من مكانه مثل مالرسوووم .. ..






أنا بدون ليسن .. الكدلاك بدون أوراق .. شو نسوي .. والمصيبه الأكبر .. الفذر .. شو أقوله .. قال منور أنا بدقله وبيتعذر منه لأنه مب غلط درمبو هذا .. وبعد مضي الوقت شويه .. دقيت للوالد وخبرته .. قلتله .. الفذر .. أنا سويت حادث الغلط مب مني .. اللي دعمني الكدلاك .. وأنا ببيع الكدلاك وبالمبلغ بصلح عالصتيشن .. أشوف الوالد ما رد .. قلت خاربه خاربه .. شويه والا يضحك .. قالي انته بتصلحها قلتله هيه .. قالي أوكيه .. أحلى مزااااااااااج ..


تــــــــــــــــــــــــــــابــــــــــــــــع

سألنا كمن قراج عن تكلفه تصليح عالصتيشن .. وتراوحت بين 350 و500 .. (بدون المصباح الخلفي ) .. قلنا اوكيه .. مقدور عليها .. ردينا للسكراب اللي بنبيعله الكدلاك وخبرناه بالقصه .. والزبدة .. السارة أنباعت بـ400 .. :cry1: .. ومع البتري .. ..

أحين شو نسوي .. وين نييب اوراق المرور .. قال منور خلوها عليي وباجر بتحصل الأوراق .. وردينا البيت وخبرنا الجميع بالقصه .. وستوينا مصخره .. ..

بالأثنين لا شفنا الورقه ولا شي .. وللاربعا والسيارة بدون اوراق تصليح .. (الله يخصك) قال .. اعرف قراج بيصلحلك بدون اوراق .. :sss: .. وينو هذا .. قال بالشارجه .. وبيخلصلك السيارة بيومين بالكثير .. كنا نتريا الأوراق بس يوم شفنا طالت السالفه سرنا للقراج اللي بالشارجه ..

تشوفون الشغل مني .. كان تمام ..





وطبعا مرت عالحادث تقريبا سبوع والـ400 خذنا فيها المصباح الخلفي بـ190 يديد والباقي في الهوى .. .. والسيارة كانت بالقراج من يوم الأربعا ليوم السبت .. الوالد مسافر .. ومن وين نييب بيساااا .. دقيتله تلفون .. وقلتله .. وقال وين اللي بيصلحها .. .. قلتله يا بووي .. خذت الليت وما بقالي واايد ..

قال يوم برد بعطيك .. بس طلع السيارة من الكراج ..

وسرنا للكراج ومني مناك وخذنا السيارة .. وحليله بعد أسبوع كامل ردتله البيزات .. 500 درهم .. بالتمام والكمال ..

يا فرحه ما تمت .. كنا نأمل ببيزات الكدلاك نعدل شو بالصتيشن .. بس الله كاتبه الله يصير ..

التصليح ما كان ذاك الزود وكان باين .. المهم كل شي راح .. لأنه الدبه تغيرت وركبنا دبه أم تاير بالباب .. لأنه الصراحه كل ما أدش البر كنت أغرز بالتاير الأسبير اللي تحت .. طبعا التعديل صار عقب فتره من التصليح ..

وتوته توته خلصت الحتوته .. حلوه ولا فتفوته ..

يوم في صناعيه عيمان .. ولا هو أكثر عن أسبوعين .. والموضوع صار موضوعين .. الكدلاك والستين .. وبالنهايه .. أتمنى انه يحوز على رضاكم وأعجابكم .. ونتريا الردووود .. والأنتقادات ...

أخوكم غـــانــم ..

وتحياتي

ههههههههه

ما شاء الله كاتب القصه كامله .. ما صار يوم هذا شهر كامل في الصناعيه

تبا الصراحه غانم ، احلى شي يوم تكون في الصناعيه وتدخل كراجات وتشوف اليوله هناك ، وناسه والله

بالنسبه للكادلاك والله تحسفت عليه ياخي ، المفروض يتعدل صح لان شكله كلاسيكي ..
وكفايه ديكوره الداخلي احمرر شي خرافي ..

المهم الحمدلله على السلامه ، في الحديد ولا فيك
والستيشن ما اتعور وايد شكله ..

سلم لي على الشله الحلوه

lumina

لا والله مب شكله .. الا عجب سنتين واقف .. وبتغير البتري أشتغل .. :banana: يسلمو ...


بن ممدوح

هلا والله .. عيبك عييل الموزووع .. هيه والله كنت متحسف على البتري اليديد .. بس شو نسوي .. بس فكرتك حلوة .. بس المشكله يوم عندك سيارة ما تسوى بيزة .. وبتعق عليها 2000 ولا 3000 .. تتغمض .. وتقول لو عقيتها في سيارة تسوى بيكون أحسن .. وفي مشروع عالصتيشن .. بس نفس ما يقولون "لونج تيرم" .. لأنه الميزانيه كلها من عندي وما بعتمد على حد .. :banana:

TerroRx7

نفس ما قلت .. وقالولنا بيطلعون فايده من السيارة أكثر عن 2500 .. بس بعد شو نسوي .. بس ياخي صعبه .. 100-80 وقالص .. يمكن عالهاي ويي .. بس بين الفرجان والحفر .. واطلع وانزل .. صعبه .. انا كنت اسوق عالصتيشن .. وراشد الماجد (راسي أبو بكر) دريولنا يسوق الكدلاك .. ومشكور على الرد .. :p


uae speed

خخخخخخخخخ .. تبى الصراحه .. صناعيه عيمان احلا صناعيه .. :banana: .. ألو شي يبالك فورويل علشان تمشي فيها .. .. وشغل فيها برخص التراب .. مقارنه بالشارجه .. بس نفس ما قلت لو على هوااي .. جان السيارة ما أنباعت .. كله ولا حمرتها .. بس الفذر .. شو نسويبه .. وتسلم من الألب على تثبيت الموضوع .. :shy:


كراون فكتوريا

السيارة موديلها 85 .. وعلى فكره كانت في سيارة موديل 87 .. وبالمره مب حليانه .. والجامبيل صاحي .. ومن داخل .. قماش أحمر .. مب جلد أحمر نفسي .. طالب فيها 5000 .. درهم .. السيارة كانت مسجله وكل شي .. يعني ما عليها كلام .. فرق بين 5000 و400 درهم ..


Mr_CoRvEtTe

لا تخبره ولا بيزعل .. :sss: .. سلامي


ERT

وينك عزيزي .. الله يسلمك يالطيب .. لا مسن .. ولا حضرت التيمع .. وبيني وبينك .. السالفه صارلها سنه بالضبط .. :sss: ..


Cayenne_Turbo

ههههههههههه .. ما دريت أحين بمب ماي رايد انترناشنل .. يعني على مستوى العالم .. عز الله لو قربوا صوب الشرق الأوسط ..


رفجة عرب

العفو يالطيب .. هيه والله .. يبالها كمن غرزة .. وبولش .. وبيلق مثل اليديد .. تحياتي ..


ThAt Me

وأنت معايا .. .. بس أبا أعرف 30 ثانيه ليش .. :knight: .. سلامي ..


edubai

هذا اللي كنت اباه .. بس للأسف كنت أندر أيج .. يعني قراراتي مب بيديا .. .. الجايات أكثر أن شاء الله .. وتحياتي ..



مشكورين شباب عالمشاركه .. أثريتوا الموضوع والله ..

بندوق

ويرد السلام عليك .. خخخخخخخخخخ ..


ERT

هههههههههههه .. والله أدري انه العاب النت أدمان .. زين انه كمبيوتري ما يقدر يشغل الألعاب اليديدة ..


قلق و رجه

الله يسمع منك يالطيب .. وهذا اللي نباه .. :-)


JAPANESE_911

خخخخخ .. حلوة منك .. صناعيه عيمان منتفه شو فيها للجياتي ..



وسلامي شباااب ...

sayedco

أحس فيك .. كم مرة مستوتلي .. الصور تنمسح .. بس طنش تعش تنتعش وأشرب فيمتو ..

سلامي ..


RED Chevy

الفتره كانت قريبه من الأمتحانات .. وكله من الفذر .. مب مني ..


الهداف

العفو حبوب .. :cool:


سلامي