لو خيروك بين ها الاثنين

lexus gs 300




المحرك:
3.0L V6, 24 valve, 245@6200hp


BMW 5 Series 530i




المحرك:
3.0L I6, 24 valve, 255@6600hp


انا بنظري اشوف البيئم احلى واشيك ومميزاتها اكثر

ومن ناحية السعر بعد ارخص

شوفو نتايج المقارنة اللي سويتها

هنا


الباب مفتوح لكم

اللكزس فيه مميزات أكقر لكن البي ام احلى وافخم وارز لكن اللكزس عملي وتشتري راحة بالك وياه ويمسك سعره بالسوق :knight:

حيرتني

الحين لكزس ولا بيئم

تصحيح للمعلومه .......

البي ام أغلى وليس ارخص


ومن ناحية راحة البال >>>>>>> خذ اللكزس ولا تاخذ البي ام

بالمقارنة للمواصفات .....

اللكزس متفوقة بعدة مميزات + موديل حديث وفي اول الجيل ..... + شيك في يدك تبيعها لو بغيت ماراح يطيح منها كثير في السعر

البي ام راح يبقى معك فترة اقل من اللكزس وراح يتغير كجيل + الموديل الحالي سيتغير في وسط الموديل يعني بالمواصفات الحالية سيكون بموقف محرج مع لكزس وصعب انك تسويله تحديث لو فكرت






>>>>>>>>> خذ لكزس

عن نفسي افضل البيئم...

اسمه بيئم مو تويوتا فل اوبشن

هذي الفرق حتى لو تدفع اكثر بس الناس تطالع انت شنو راكب ...

وال540 بعد احسن واحسن يفرق عن ال530 2000 دينار بس 8 سلندر

كقوة أكيد البيئم أقوى ، و حق خطوط أحسن

الثبات مو مجرب أي السيارتين بس أحس البيئم أثبت

السعر أكيد اللكزس بيبقى فيه السعر

لكن لو كان في يدي آنا جان اخذت البيئم ، ما أفتكر في سعر السيارة بعد الإستعمال

آنا أقول BMW و شوية تعديلات تسويها M5

BMW

لكزس وريح راسك ... مع كرهي لها لكنها عملية واستهلاكها للبنزين ممتاز ...
الفئة الخامسة من بي ام ما ادري ليه احسها ماهي فخمة والوانها الداخلية غبية ....









اخوكم الشبابي

تبي تريح راسك لاتفكر غير اللكزس :smart:

الواحد ما بياخذله سيارة عشان ثاني يوم يبيعها :knight:

المهم ان السيارة تتم اطول فترة ممكنة بدون عوار الراس

بالنسبة للشباب اللي يقول يكفي ان البي ام افضل لان اسمها .... ان اقول كلامك صحيح لو كانت الفئة السابعة




صحيح كلامك اخوي ........ بس انت ماتدري عن ظروف الزمن وعازاته .....

بعدين أعلمك نقطة .... كمواصفات ايضا راح ترجح كفة لكزس وتصميمها ابداع وعصري


اللكزس هذي بالذات سويتلها تست درايف عنيف من الوكالة .... فعلا حسيتها في التماسك أفضل من الفئة الكبيرة LS .... إلتصاقها قوي لدرجة تشك انها من تويوتا .... ثباتها يضاهي السيارات الألمانية .....السيارة تغيرت ياجماعه وتم تصميمها بمعايير جديدة .........والله بعد مانزلت اخترت لها اسم ..... ( ألماني اليابان )

اخوي اللكزس من غير تفكير...

مواصفات افضل من البي ام+ سعر اقل + سعر ممتاز عند اعادة البيع+ راحة بال وانعدام الاعطال...

ولا عليك من بعض الناس الي يعرفون روحهم ويقولون لك (تويوتا فل اوبشن) :ranting: مو كأن تويوتا كسرت راس كل الشركات...وبعد يتكلمون

طالع المكيف بالشاشة على الزاوية

راحة بال اللكزس ولاشك

فخامة ورزه وشكل واداء وتماسك لاشك البي ام

:banana: بي ام دبليوا وبس!!

لا تنسى اللكزس صيانة كل 5000 كيلوا في حال ان البي ام كل 15 الف واكثر...

البي ام صيانتها كل 25000 الف وحاليا بعض السيارات كل 30000 الف كيلو

ولو كنت بالامارات ما تدفع فلس واحد للوكالة حتى السفايف لمدة ثلاث سنوات

انا اشوف جرب السيارتين وخذ اللى يرتاح لها قلبك وعقلك ولا تهتم كثيرا باراءنا لان السيارتين
لايعلى عليهم

السلام عليكم ..

الكل يقولك ريح بالك وخذ لكزس عشان ما تعطل وشيك في جيبك

انا اقول خذ لكزس عشان الاسباب التاليه :-

شكل توه نازل وملفت للنظر عكس البي ام احس تصميمه عادي

مواصافات اكثر ..

أسرع من البي أم ..

أحلي من الداخل والخارج (من الداخل انوار الطبلون روووووووووعه بمعني الكلمه )

جذاب بشكل مو طبيعي

هدوء داخلي الكل ما يقدر ينكر هالِشي

سياره اعتماديه ولها اسمها بسووق

أخر شي اخوي انصحك تروح تشوف الكزس بالوكاله وتعرف عنها كل صغيره

وكبيره وياليت تقدر تاخذ Gs430 لانه فضيعه , وأحس انها أحلي سيارات لكزس حاليا

والله يووفق الجميع ..

السلام عليكم..

ياخوي وش مقصدك؟؟ تراني مافهمتك

يا سلام

هذا عين العقل

اخوي انا ما ادري اذا انت ذكرت ان التكييف يدوي في البي ام او غيرك... وانا اثبت العكس! الظاهر انه فيه احد تفشل وراح حرر الرد ماله! وغير الي كتبته انا!

لحححححححححححححححححححححححححححححظه



انا ابي اريح لك راسك ............................................



بسم الله الرحمن الرحيم



صار لي فوق السنه اقارن بين الفئه الخامسه والجي اس ومرسيدس إي كلاس وأودي اي 6.... وبالاخير ما اشتريت ولا وحده منهم لأني لقيت اللي احسن منهم كلهم


المهم ما عليك




خلنا في البي ام واللكزس



اللكزس ال 6 سلندر نوعين


175 الف ريال:
- بدون فتحه
- بدون ذاكره للمقاعد والمرايا
- بدون شاشه
- خطوط جانبيه بلون أسود (الفل تجي كروم)
- بدون حساسات


200 الف ريال فل اوبشن بكل الأشياء الناقصه..



بالنسبه للفئه الخامسة:

فل اوبشن بـ 200 الف (الكلام ذا من مده... يمكن تغيرت شوي الحين)




وش الفرق...


والله بالضبط مدري... بس تقريبا المواصفات نفسها...



اذا عندك استفسار معين عن مواصفات السيارتين اسأل



بس اذا انت من النوع اللي يكرف السياره ويوصلها حدها خذ اللكزس


واذا كنت تخاف ان شكل السياره يتغير خذ اللكزس (البي ام باقي له 3 سنين)


اما اذا كنت تدور المتعه في القياده خذ بي ام

اللكزس بارده جدا ولا فيها متعه.. واستجابتها جدا ضعيفه

معليش اخواني لحد يعترض على الكلام لأني مجرب وطول حياتي عايش على اللكزس...

والجديد منه سواء جي اس او ال اس ينطبق عليهم نفس الكلام.. ممله


تعرف الشعور اللي اذا نزلت من السياره ودك ترجع تسوق.... ما احسه في اللكزس ابد... لكن احسها في اي سياره المانيه اسوقها مع انها مو ملك لي... شعورها غير


وعلى فكره هذا مو بس كلامي.... في كثييير من المنتديات والتعليقات في المواقع العربيه والاجنبيه وكذلك تجربة الخبراء كلها تردد نفس الكلام... انها ممله


و في موقع ممتاز للي يبي يشتري سياره وهو www.consumerreports.org


هذا الموقع متميز بـ:

- مصداقيته... حيث انه ما ياخذ دعايات زي بعض المواقع الثانيه اللي ممكن تاخذ دعايات او فلوس وتمدح سياره معينه او شي.. والدليل انك لازم تشترك بفلوس في الموقع

- يسوون اختبارات عنيفه جدا جدا لقياس مدى تحمل السياره واعتماديتها



وهذا الرابط فيه نتائجهم لعام 2005:

http://autos.msn.com/advice/CRArt.a...ntentid=4023543

لاحظ كلامهم عن الجي اس والفئه الخامسه





وانا عن نفسي افضل الفئه الخامسه... بي ام دبليو غير... وكذلك اعتماديتها ممتازه




والسياره اللي انا اشتريتها احسن منهم كل ابوهم وبسعر منافس جدا جدا جدا جدا جدا جدا


اذا انت جاد وتبي تشتري قل لي وانا ادلك عليها



معليش طولت ... :-)

خلاص الحين فهمتك

بس أنا أقصد السويتش إللي تفتح وتقفل المكيفات

بس الظاهر كان بيتهيأ لي إنه يدوي..إذا كلامك صحيح بروح الوكالة وبشوف.. :think: عشان أتأكد أكثر..

والله بصراحة أنا أشوف اللكزس فيها متعة بالقيادة :knight: ((وطبعا للناس أذواق :smart: ))

وأحب أقول للرجال صاحب الموضوع تراك ماراح تقتنع أبداً بكلام الأعضاء ولازم تروح الوكالة وتشوف بنفسك

ووقتها بتعرف وش اللي يناسبك بالضبط :-)

والقرار قرارك..

ياخي فوجهه نظري اللكزس حلوة ومريحه وقطع غيار تقريبا مناسبه ووكيل ممتاز بس ياخي الالماني والله ممتاز... ههههههه

احس اني توهتك زياده تبغى نصيحتي استخيييير وبس ومبروك مقدما....

BM أشوفها أفضل وأرزن في الشارع ...