أخواني ...

الحمد لله شريت سيارة أكورد 2006 أوتوماتك 4 سلندر وما كملت فيها 1000 كيلو .. وملاحظ شغلتين ...

--- الأولى : اذا كانت السياة باردة أول ما أمشي فيها وحتى قبل ما تغير الأول اسمع صوت طقة كأنها من القير ما تتكرر أبد إلا اذا وقفت وبردت السيارة .

-- الثانية : ألاحظ ان تغييرات القير مش بسلاسة الموديل اللي قبله ( كانت عندي أكورد 2001 ) يعني لما تغير من الأول للثاني أو من الثاني للثالث تحس بالتغيير ونتعة بسيطة مش ثابتة ...

هل هذي مشاكل ولا طبيعية في الموديلات الجديدة ..

أرجو من أصحاب الأكورد والمجربين إفادتي ولكم مني جزيل الشكر ...

مبروك على السيارة اخوي


ان شاء الله يفيدونك الشباب


بس انت راجع الوكيل لان السيارة بعدها على الضمان

اشرح لهم المشكلة

السلام عليكم..
اخي ابو عمر..
في البداية الف مبروك عليك السيارة الجديدة..
ثانيا انصح بتشغيل السيارة و الانتظار حتى يرجع الزيت و يتوزع في المحرك و الجير و ايضا حتى يسخن المحرك شوي..و ان شاء الله ماتسمع الطقة اللي في الجير الاول.. و ان شاء الله خير..

اخوي امشي كمان 3000 بيها ووديها بعدين الى الصيانه

اخوي والله شو اقولك المشكله الأولى موجوده وانا موديل 2005 والتبديل انا عندي عادي اما نقعة الجير هي يوم تبدل من D إلى P والعكس صح ولا ؟؟

والله انا مستغرب من هذي السيارة هل هذي فعلا مشكلة ولا صوت عادي مثل أي سيارة ... انا السبت رايح الوكاله لفحص 20 الف و تصليح حادث بعيد الشر عنك ... والله يعين ...

الصوت هذا عادي اكثر السيارات سواء شفر مازدا وهوندا فيها هالشي واعتقد انه من الدركسون ومو عارف ويش هو بس كانه صمام يفتح في علبة الدركسون او شي كذا :think:


يالنسبه للتعاشيق اعتقد هالشي عادي جداً في الجو البارد على مايوصل الجير لحرارته المثلى بالمشي طبعاً وانا انصحك اول كم كيلو تمشي بالسياره على الهداوه..هذا غير السياره جديده وكلشات الجير بعدها ماتزبط مع بعض عشان هذا السبب في للجير تمرين :-)


تحياتي

ودها الوكالة من أحين

هاذي نصيحتي

و ما بتخسر شي إذا استعجلت بالصيانة بالعكس يمكن إذا تأخرت يزيد الخلل

مرحبا اخوي ابو عمر ، اولاً حياك الله بينا وان شاء الله تفيد وتستفيد

ثانياً بخصوص المشكله الاولى فعلاً انا لاحظت هالشي ، ( اللي عندي 2006 ) يوم تكون السياره بارده وتشغلها الصبح مثلاً ، تسمع مثل صوت طقه خفيفه قبل لا يبدل القير الاول .. وبعدين يختفي الصوت عادي ..

المشكله الثانيه بخصوص تبديلات القير ، في اول 2000 كيلو كانت التبديلات سريعه وما تحس فيها ، بس الحين سيارتي ماشيه 5000 كيلو وقمت احس بالتبديل القوي للقير ..
هذا اذا كنت ماشي على راحتي ، اما اذا كنت ادووس يصير العكس تماما ! القير ما تحس فيه أبداً .. وهالشي انا مستغرب منه !

الحين بودي الموتر الفحص الثاني في الوكاله 5000 كيلو وبقولهم عن هالمشاكل ، مع اني متأكد انها طبيعيه لأني سمعت هالكلام عن القير والاصوات من كم واحد ، كلهم يقولون شي طبيعي .. بس كنصيحه مني راجع الوكاله وقولهم عن المشكله عشان تكون في السليم يعني ..

تحياتي لك

أشكر جميع الإخوان على مداخلاتهم .. ووالله كفيتو ووفيتوا ..

الأخ غالب ، بالنسبة لتسخين السيارة .. انا غالبا ما أمشي الا بعد مايرتفع المؤشر لوضعه الطبيعي ومع ذلك أسمع صوت الطقة ..

الأخ لومينا .. بالنسبة لصوت الطقة ،، فهو مش صوت التبديل من ال P الى R او D كما ذكرت وأتوقع هذا الصوت عادي (أقصد صوت التبديل) بحكم تجربتي لأكثر من موديل للأكورد ، اللي أقصده صوت بعد ما تمشي وقبل ما تغير للأول ...

الأخ مؤيد والأخ uae speed ،، شكلكم معي على الخط وفاهمين ايش اقصد :banana: على كل حال عند تشييك الألف بأخليهم يشيكون مع أني عارف انهم ما بيعطون العميل وجه الا اذا كان القير مخبط ( :bomb: ) ، وأتمنى اذا جاكم خبر ياليت تفيدونا ....


ختاما ،، منتدى مميز واعضاء مميزين ،،، لكم كل الشكر والتقدير ...

انا مااتوقع الجير فيه شي..التباديل قويه شوي لان الجيور الحديثه تبدل اسرع من السيارات القديمه الي تبدل بالتدريج ان صح التعبير..الحين طريقة التبديل اسرع والي يساعد الجير يطول اكثر على حساب الراحه بشكل بسيط :p

الله يعطيك خيرها و يكفيك شرها أخي الغالي أبو عمر ووفقك الله لما يحبه و يرضاه ان شاء الله.. :shy:

يا سلام عليك يابو عمر قدر توصل المعلومه بشكل حلو

من اول ما شريت الأكورد 2005

وانا ملاحظ هالشي

تجي طقه خفيفه بعد ماتمشي حوالي 100 متر

ولا تزال المشكلة مع اني ماشي فيها حوالي 62 ألف كيلو :blink: :blink:

السلام عليكم

انا عندي اوبل اوميجا فيها نفس الحركة بعد ما اعشق d اسمع صوت زي حاجة تنزلق او مش عارف ايش بالتحديد ولكن الشي هذا كان من اول ما اشتريت السيارة الى يومك هذا يسير ( السيارة للحين استخدمها )

والحين عندي هوندا اكورد 2005 ونفس الشي بالظبط يسير فيها ولاتشيلون هم السيارة مافيها مشكلة ابد

أنا اقول السيارات الي نظام دركسونها Rack and pinion فيهم هالشي :think:

طيب جرب الحركه هذي :

ادعس الفرامل الى الآخر يعني الين توصل رجلك للصاجه

عشق الجير من P الى D




انتظر ردك

السلام عليكم ..

هذي مشاركه وصلتني من الأخ مشعل عبر الايميل وما عنده عضوية في سوالف :

- - - - - - - - - - - -


اخوي ابو عمر انا معي اكورد 2006 و فيها نفس الصوت اذا بيبدل القير من الاول

دورت بالانترنت شي عن هذا الصوت , و لقيت بمنتدى اجنبي امريكي ان هذا الصوت

عباره عن تنشيط لنظام ال ABS و ما يطلع الا اذا كانت السياره بارده

و بالنسبه لسلاسة تبديل القير انا جربت سيارتين اكورد وحده 2003 و الثانيه

2004 و كلها نفس الشي , يعني ان شاء الله القير طبيعي .

- - - - - - - - - - - -