سياره عزمها عالي وخفيفة وزن وجير عادي ودفع امامي تصير حريقه في المقاوم..الدفع الامامي احسن شي في القومه من الصفر.

بس دحدره ماتفرق واجد بين خلفي وامامي..يعني مثلاً الالتيما تمسك مع اللومينا من الصفر لانها خفيفه ودفع امامي وجير عادي وقويه..بس الدحدره مالها امل لانها اقل قوه

^^^^^^^^^^^^^ سيم سيم

المواصفات اللي قالها أحسن شي

و لكن الدفع الأمامي لمجال قوة معينة يكون مفيد لكن القوة ما توصل أكثر من حد معين لكل سيارة

لكن الدفع الخلفي يمكن توصله لفوق ال 2000 حصان بعد

و أقوى مثال الدراق

_______

بالنسبة للمحرك:

فعندي آنا و عن تجربة السيارات الأمريكية في الخط دائماً أقوى من منافساتها

و أعتقد إنه بسبب إنه السعة ما يصغرونها مقابل الأحصنة مثل ما هو في السيارات الآسيوية

فعندي آنا ما يهم لا سعة و لا سلندرات أهم شي عدد الأحصنة و العزم و الدورات

لكن طبعاً هذه الأشياء هي عوامل زيادة الأحصنة و العزم و الدورات > السعة و السلندرات

و شكراً على الموضوع

ما شاء الله عليك . . .

والله شوف بالنسبه لقومات فما فيه فايده من الحصان العالي والعزم العالي والوزن الخفيف او قير

عادي او توماتيك لانها زي البهارات اذا ازاد او نقص شي عن شيء فاكيد راح يؤثر في القومه

يعني ممكن سياره 6 سلند تقوم على سياره 8 سلند

اوسياره وزنها ثقيل تقوم على سياره وزنها ثقيل

او عزم قليل تقوم على وزن خفيف او في الحصان قليل وتقوم على حصان عالي

هوه اهم شيء انه الطاقه الحركيه المنتجه من المكينه تصل الى الكفر باقل قدر ممكن من الفقدان

وبالنسبه انه الدفع الامامي افضل او الخلفي في القومه فمعروف ان سيارات الدفع الرباعي هي

الافضل في القومات ولكن مشكلتها تكلفة تصنيعاها ووزنها اللى يؤثر على السياره

ومن امثلة الدفع الرباعي بورش تيربو 911 واودي TT والايفو .

يعني ممكن سياره ذات حصان عالي وعزم عالي ووزن ممتاز لكن ما تقدر على سيارات اقل منها

في الحصان والعزم ونفس الوزن

يعني على سبيل المثال سيارات اللوتس حصان قليل جدا وزن متواضع وعزم متواضع لكن تعطيك

نتائج مذهله وبصراحه انا احترم هذي الشركه .

وبرضه سيارات BMW نفس الشيء وعلى سبيل المثال سيارتها BMW Z4 هذي السياره

تعطيك 231 حصان وعزم 300 نيوتن .متر عند 3500 دد ووزنها المتواضع 1300 كيلو غرام

وست سلندر وتعطيك من الصفر الى 100 في 5.9 ثانيه

يعني شوف كيف الحصان القليل والعزم المتواضع وشوف كيف النتيجه 5.9 ثانيه فقط .

فالسر هنا هوه جودة وطريقة تصنيع هذي المكينه وتصميم السياره بحيث مافيه اي فقدان لطاقه.

انا كان ودي اكتب رد طويل بس لانه اذا كتبت إلي في بالي ماراح اخلص
كل إلي قاله اخوي الكبريت صحيح ولكن عدد الاحصنه مع سعة لترات قليلة ماراح تفيدك لان اذا كانت عدد الاحصنه مناسبة لوزن السيارة والمفروض ان كل سيارة في هالعالم تكون عدد احصنتها اكثر من وزنها وهذا الشي اكيد 100% ولكن عدد اللترات (الازاحه) يحرك لك الاحصنه ويعطيك العزم وعدد تحرك البستن في الثانيه ثابت تقريبا في جميع انواع السيارات في العالم ولكن لما تكبر الازاحه (عدد اللترات) في هالحاله انت وسعت حجم المحرك اي ان البستن حجمه صار اكبر اي حرق للبترول اكثر واسرع مما يؤدي الى انتقال الحركة سريعا يعني انت قاعد تاخذ حركة بستنين (2 بستن) في بستن واحد مثل ما يقولون عصفورين بحجر
والعزم يلعب دورة في حالة وزن السيارة اذا كانت ثقيله لان السيارة راح تسحب وزنها معاها او تدفعها اذا كانت دفع خلفي
الدفع الامامي اسرع في المقاومه لان بالسحب الامامي تخلوا الصانعين عن الكثير من الوزن وخلوا الضغط على الاطاات الامامية بالمحرك نفسه يعني مانشوف سحب امامي والمحرك موجود بالخلف ما يصير
ولو تلاحظ ان سيارات بورش او السيارات الفخمه السبورت ذات الدفع الخلفي معظمها ذات محرك خلفي علشان المحرك يضغط عالاطارات في الخلف ويتخلون عن الوزن الزائد
لان لو كان المحرك في الامام هذا وزن وراح في هالحاله يظطرون ان يحطون مثل الوزن في الخلف فقط للضغط عالاطارات علشان تماسكها مع الارضيع (الكمارو او الموستانج على سبيل المثال وزن الزجاج الخلفي اثقل من المكينه لولا وجود المساعدات لرفع الصندوق)
انا عندي من الكلام الكثير بس اتمنى انك عرفت شوي من الكلام وهذا الكلام مختصر لان فوق هذا كلة تعتمد ايضا على ديناميكية عمل المحرك فمثلا المازدا RX-7 او RX-8 يعتمد عمل المحرك على حركة التنقل اي المثلث وسعتها صغيرة وهي 1.3 لتر وعدد احصنتها بسيطه جدا وهي في حدود 240 حصان وعزمها 216 باوند لكن قدم عن 5000 rpm وهي 4 اسطوانات بديناميكية العمل التنقل ولكنها تنافس الكثير الكثير من السيارات ذات عدد الاسطوانات 4 او 6 او 8 اسطوانات وذلك ذات اللترات التي تفوق عدد لتراتها بالاضعاف او كذلك تفوق مقدار العزم فيها ولكن هذه السيارة استطاعت ان تثبت ان ليس عدد الاسطوانات او عدد اللترات او العزم وغيرة هي سبب القوة وانما ديناميكية العمل وسرعة برمجه الطاقة الى طاقة حركية وهذا الشي موجود في المازدا بمحركها التنقل

وإسف عالاطاله

جميع ما ذكرته اضف الى ذلك تصميم السياره و انسيابيتها + ارتفاعها عن الارض + اتجاه الرياح + مهاره السايق..




EMO

أخوي الكبريت اسمحلي إنت قصدك عدل

لكن مثلاُ إذا جبت الزد 4 و وصلته 400 حصان ايش بيصير ؟؟ طيارة

فكل ما قالوه الشباب هي عوامل إيجابية و ليس شرط إنه كلها تتوفر ، كل سيارة و لها معادلة تقريباً

الهوندا سيفيك تايب آر بعد 200 حصان لكنها تسوي بلاوي

_________

مشكور دورانقو على الإضافات ، كنت ناسيها آنا

مودائما المريكي قوي في الخط..

موستنق موديل 94 - 98 بمحرك 4.6 تسويه هوندا بمحرك 2.2 VTEC مسخرة على الخط

كل شي يعتمد على ظروف..خصوصاً في المقاوم..كل سياره لها ظروف مثالية مو شرط تناسب السيارات الثانيه


بالنسبه للامريكي فاكثر سياراتها خطها قوي لكن هالشي ماينطبق على الكل..اكثر شي ينطبق على جي ام وكرايسلر ودودج (8 سلندر)

بصراحه كلامك كله عسل لكن ذلحين بدات اغلب الشركات بصناعة سيارات ذات لترات قليليه وقوه
وعزم عالي (باستثناء مكائن الفانكل) لانه مكائن ذات اللترات العاليه مشكلتها الوزن ثم الوزن الزائد
اضف الى ذالك صرفية الوقود صحيح ان قوة المحرك ذات سعه اكبر يكون اعلى من محرك سعته اقل لانه تقدر تتحكم في عدد او حجم الاسطوانات لكن الضريبه هيه الوزن وممكن زيادة سعة اللترات يأثر على الجوده الحجميه للمحرك لذالك اقوى سيارات فراري ويهي الانزو عندها 6 لتر فقط
بينما لونظرنا في في سيارات اخرى حتلاقيها تتخطى 8 لتر ولكن ماتجيب رقم الانزو .
لذالك في البورش كاريرا 3.5 لتر وتعطيك 325 حصان وعزم الدوران 370 ن.م عند 4250 rpm ومن الصفر الى 100 في اقل 5 ثواني .
يعني اقصد انه صحيح بعض السيارات سعت مكينتها قليل لكن تحس ان مكينتها مستغله بالكامل ومافيه اي فقد في الطاقه.
برضه ماننسى الجيربوكس هذا هوه المقتل لانه فيه سيارات قوتها في الجير وهذا اللعبه اللي لعبتها صح BMW يعني ممكن ربع قوة السياره في القير حقها .

يعني الفن في صناعة المكينه هو كيف تصنع مكينه ذات لترات قليله وتعطيك قوه هائله .

مشكورين للتفاعل لكن أفهم أن الدفع الرباعي أفضل من الامامي؟؟
سؤال ثاني:وشو الدراق والفانكل؟؟

السعه اللتريه مالها شغل بالصرفيه


شوف الارقام وتاكد

قارن بين مودينا 3.6 لتر بالكورفت 7 لتر

او الانزو 6 لتر بالكورفت7 لتر

او الام 3 بالكورفت 6 لتر

يا شباب انا عندي سؤال أيهم أفضل وهذا السؤال داخل في سيارات BMW ايهم احسن جيربوكس العادي أو جيربوكس SMG من ناحية عندما تسابق

ال SMG افضل وتقنيته جايه من الفورمولا1..موطن اعلى التقنيات واحدثها وحقل تجارب لها

أخوي King GT-r

و الله عجبتني هاذي الأسئلة و لا بلاش
:cool:

على الأقل نطلع مستفيدين :p

القير الSMG يبدل في أقل من 300 جزء في الثانية و عدد التبديلات على ما أظن 6 إلى 7 حسب السيارة

[/QUOTE]لكن أفهم أن الدفع الرباعي أفضل من الامامي؟؟
سؤال ثاني:وشو الدراق والفانكل؟؟[QUOTE]

مافي شي يحدد كل سيارة يشيلها شي...بعض السيارات خفة وزنهم(( ماكسيما كمثال)) بعض السيارات مكاينهم( اللومينا كمثال)) بعض السيارا قيرهم((الM3)) وبعضهم الدفع(( الايفو)) وغيره وغيره وغيره ومافي سيارة تعتمد على شي واحد وكل شي يكمل الثاني من قير ومكينة ودفرنس ووزن وانسيابية... :banana: وأخرتها مابتوصلون لحل حق هالموضوع

السلام عليكم
كيف الحال إخوي سدرك أهم شي في القومه وهذا الي نسوه الشباب وهو السواق وبعدين تجي خواص السياره:
وهنا تبداء أمور كثيره منه المحرك ويعتمد على عدد الدوران والعزم وعدد الأحصنه ، تالي يجيك القير وطبعاً لي يقولك ما فيه فرق بين القير العادي والقير التماتيك فهو غلطان ويجيك تالي الدفع الأمامي حق المسافات الصغيره لاكن حق المسافات الطويله مايصلح إلا الدفع الخلفي ومن أهم الأسباب في القومه وزن السياره .
وشكراً

لكن أفهم أن الدفع الرباعي أفضل من الامامي؟؟
سؤال ثاني:وشو الدراق والفانكل؟؟

اخوي سدرك طبعا الدفع الرباعي افضل في القومات من الدفع الامامي والسبب انه السياره اذا قمت فيها ماتسحب معاك يعني اغلب السيارات اذا فمت فيها تسمع صوت تفحيط الكفر في الارض وممكن السياره تسحب معاك مسافه طويله وهذا يأخرك في القومه عشان كذا اغلب السيارت
يحطو فيها انظمه تمنع الجر او السحب على الارض وطبعا هذي الانظمه برضه تأخر في القومه .

اما بخصوص الدراق فبأختصار هو سباق مسافة 400 متر يحاول المتسابق قطع هذي المسافه في اقل وقت ممكن

اما الفانكل فيسمى في بعض الكتب العربيه ب ((الفانكل او الوانكل ))فيه مكينتها ما فيها لاصمامات ولامكابس عاديه (اربع اشوط ) لكن المكبس اللي فيه له شوطين ومايشتغل المكبس بشكل علو او سفلي ولكن يشتغل بطريقه رحويه rotory
وسميت بهذا لاسم نسبه الى مخترع هذي المكينه فلكس وانكل اللي اخترعها عام 1950
وهذي طريقة عمله

صحيح كلامك انه لو وصلنا الى 400 حصان ح تصير طياره

لكن لو انا كنت مدير شركة بي ام كان حطيت مكينة M5 القديم في الزد 4
عشان انافس مرسيدس SLK اللي مكينتها 8سلندر وتجيب 385 حصان

لكن ايش سوو مهندسين بي ام في الزد 4 فئة ام حطو مكينه قوتها 365 حصان انا لما سمعت365 حصان تعجبت من الرقم لكن يوم عرفت انه ست سلندر قمت وضربت تحية عسكريه
لانه ذلحين كسبو وزن خفيف ومكينه قويه وطبعا اكيد تسارع قوي .

في شيء مهم وهو انه كلما ارتفعت السعه اللتريه وزاد عدد السلندرات كلما ارتفعت صرفية الوقود

بالنسبه لمقارنت الانزو مع الكورفت او مع الفراري اشوف انه في شيء من الاجحاف

الشيء الثاني كيف تقارن الانزو ذو 12 سلندر مع سياره 8 سلندر

بلنسبه لسيارات فراري عموما تحتاج لضخ كميه كبير من الوقود عشان تعطيك اداء عالي وسرعه رهيبه وعشان كذا مكينتها تتحمل احتراق البنزين العاليه بدون مايصير اي ضرر للمكينه
فلو مثلا ركبنا بوجي واحد من بواجي فراري في الكورفيت يمكن الكورفت تنفجر .

اما بالنسبه لمكينة الام 3 فلا تنسى نظام فانوس اللى موجود في جميع سيارات BMW اللي
يتحكم في الصمامات عشان يقلل من صرفية الوقود واللي تجيب فيه M3 في حدود 11.5
ربرضه في نظام موجود في اغلب السيارات الالمانيه اللي يتدرج في استخدام السلندرات عشان يقلل صرفية الوقود .
برضه في نظام ثالت وهو عندما تشيل رجلك من دواسة البنزين المكينه القير يغير على N عشان بقلل من صرفية الوقود .

مو مشكله انت تقول السعه اللتريه تأثر في الصرفيه


بس مدى تأثير هالشي مو مباشر ابداً


فمحرك الانزو 6 لتر والكورفت 7 لتر بعض النظر عن عدد السلندرات :-)


ورغم صغر محرك الام 3 لكن صرفية الكورفت اقل بشي مو بسيط


وهذا الشي يدل على ان السعه اللتريه ماتؤثر في كل الحالات :cool:

طيب انت على كذا تقول ان الكورفت سياره اقتصاديه


طيب صرفية الكورفت كم؟؟