من تالي انا ملاحظ ان المواضيع المنقوله كثرت, وانا هنا ما اتكلم على اني مشرف او مراقب, ابداً, انا اتكلم على اني عضو في المنتدى احرص يوميا(او كنت احرص) على دخوله , منها للاستفاده في جوانب , وبرضه عشان ساعة الصدر....

لكن من تالي زي ماقلت فوق, صرت اخش على الايميل اول واشيك الرسايل اللي واصلتني من قروبات الياهو, بعدين اخش المنتدى, واقرا المواضيع المهمه للاعضاء وغيرهم مهما كانت عناوين مواضيعهم لاني ادري انها شي جديد ماقريته قبل كذا , بعدين ابدا اشيك على باقي المواضيع واي تشابه بين العناوين اللي استلمتها في الرسايل وبين العناوين اللي هنا, ما ادخل الموضوع نهائيا, لان الموضوع وللاسف راح يكون منقول, وانا بصراحه اخش هنا ابي شي جديد, شي من ابداعات الشخص اللي يكتب, مو من كلام منقول.

فانا اقول عشان تعم الفايده الكل, ومايصير اخونا نسى رساله مانقلها لنا هنا, كل واحد هنا يحط اسم القروب اللي هو مشترك فيه هنا, عشان اللي تعجبه مواضيع الشخص الفلاني, يروح يشترك في القروب اللي هو مشترك فيه ونقضي منها.

انا عن نفسي مشترك في قروب الجامعه المجنونه او"Crazy University" , ومزايا هالقروب:

*اللي مايحبون الرسايل الكثيره مثلي فترا هالقروب مايملأ لك الايميل ابدا, كل يوم رساله او بالكثير رسالتين. وايام الاختبارات يوقفون عشان ماتروح على الاعضاء اللي مايتابعون فرصةمتابعة رسائلهم الشيقه جداً جداً جداً.
*معهم عضو اسمه Amegos, هذا العضو رسايله مرادفه للطرطعه والهبال, اذا تبي تشترك في القروب فاشترك عشانه هو لحاله....متاسفين يالمودريتورز الباقين, بس انكم من جنبها..":"..
*رسايل القروب شامله لكل المجالات,
القروب الثاني اللي هو الجعاطيط....

هذا القروب انا بالاصح كنت مشترك فيه, وانا هنا رجال اخاف على نفسي فما راح اذم,

القروب ميزته وبنفس الوقت اللي خلاني اتركه هو انه يرسل رسايل كثير, يعني مافيه امل انك تدخل مره لايميلك وماتلقى شي ماتقراه لمدة نص ساعه....البعض يرا ان هذي ميزه وانا كنت منهم في اول الامر, لكن مع الوقت وانشغالي عن النت, صار البريد يمتلي ويصير في حاله ماتسمح له انه يرسل او يستقبل رسايل زياده.


هذي هي القروبات اللي انا مشترك فيها. ممكن تقولون لنا اللي انتم مشتركين فيها عشان تفكونا؟؟!