السلام عليكم
عندي سؤال غريب عن السلف وموقعه
ليش السلف في سيارات تويوتا منفصل عن المقود ؟؟ والسيارات الثانية يكون في نفس المقود !!!
ادري انه سؤال غريب لكن نشوف وش عند الشباب يمكن يفيدونا ويشيلون الحيرة اللي في راسي
تحياتي

عادي
عشان عشان ياخذ راحته يوم يسرق السيارة

أعتقد بس ديزاين:cool:

الله يصبرك إن شاء الله على حيرتك

سلااااااااام

والله صدق شي غريب ليش تويوتا بس ؟
صح ان فيه سيارات يكون مافيها مفتاح وسيارات يكون مفتاحها باماكن اغرب من كذا لكن التويوتا سياراتها منتشرة وهذا اللي خلاني احدد التويوتا .. يعني اقصد في سؤالي ليش السلف حق السيارات المنتشرة يختلف في التويوتا عنه في السيارات الاخرى :think:
تحياتي

عندك في البورش السلف عند الباب, و في الرنج السلف عند الجير و الهوندا S2000 بتلقا فيه فص احمر يخوف شكله حق السلف.

يعني كل شركة تبغي تتفنن و تخترع حركة جديدة.

بس فعلا سؤالك غريب شوي :blink:

سيارات ساب السلف عند القير

السلام عليكم ورحمة الله وبركاته


السمارت سلفها عند الجير

المسأله كلها ديكور وتصميم تختلف من سياره لسياره
مثلا انا معي رينو لاجونا مافيها سلف مجرد كبسة زر

قايل لكم انا اسئلتي غريبة وتضحك
واحمدوا ربكم اني مو فاضي مرة ولا كان يمتلي سوالف اسئلة من هالنوع
تحياتي

بالعكس اخوي سؤالك في محله

اغلب الشركات تحاول وضع السلف في الطبلون من ناحيه يمين الدركسون و يكون مرتفع نسبيا و هذه تعتبر ميزه سلامه في حاله الحوادث عشان تكون الركبه بعيده عن المفتاح و تلاحظ في السيارات الفاخره غالبا يكون السلف في الطبلون على يمين الدركسون و في مكان مرتفع .

مثال اخر
غالبا تجد العادم في الجهه المقابله لفتحه البنزين يعني العادم في اليمين و فتحه التانكي في اليسار و هذي الحركه عشان حراره الشكمان تكون بعيده عن بخار البنزين و لايحدث حريق باذن الله .

مثال اخر

جهاز توزيع ضغط الزيت لل ABS يكون في داخل المحرك و خاصه على يمين او يسار المحرك و في اخره يعني قريب من الحاجز بين المقصوره و المحرك و هذا عشان يقوم بعمله حتى اخر لحظه ممكنه في حالة الحوادث.


لاتدققون كثير في السيارات ترا تتعبون كثير

اخوي infiniti
والله من يوم شفت اسمك وانا حاس ان اجابتك راح تريحني كثير
طيب الحين يعني المفتاح اللي نفس طريقة التويوتا هذا هو الاكثر امان للركبة ولا قصدك المفتاح اللي بالدركسون ؟؟
واشكر الجميع على مشاركتهم وانتظروا ماتبقى من سلسلة الأسئلة الغريبة
تحياتي وتقديري للجميع