قبل اسبوع وديت سيارة ابوي الاند كروزر 2003 الوكالة لتشييك هي ماشيه حوالي 20 الف وتشييك الوكالة كان اخر مرة 10 الاف بس ماودينا السيارة المهم جلست يوم في الوكالة ويوم جيت ادفع طلع المبلغ حوال 800 ريال ويم شفت الفاتورة لقيت فلتر فلتر فلتر فلتر فلتر فلتر زيت زيت زيت زيت زيت سير سير سير سير وهكذا
اول مرة ادري ان السيارة فيها كل هذة الفلاتر والزيوت والسيور واصلا السيارة جديد ليش غيرو كل هذا والله مادري احس انة نصب

هلا اخوي انا اعتبرها نصب يعني يغيرو لك فلتر زيت وفلتر قير فلتر ماادري ويش يطلع لك بدااك الحساااب يعني فلتر البي ام ماادري اي فئه 700 ريااااال احنه سيارتنه كرايسلر M300 اخر مره يوم نوديها طلع 2000 كله على فلتر قير وزيت وماادري شنوووه .
وشكرآ

تصدق اخوي بوعبود في ناس ما يودون سيارتهم الوكالات للتشيك....
لان مره واحد من الاهل خبرني انه ما يعترف بهذا التشيك وما يودي سيارته ابد للتشيك في الوكاله 1500 كيلو 10000 الالف كيلو وغيره...
قال لي ما تدرين ان هاذي حركة نصب من الوكالات...
لانه يدري انه بيطلعون له فيها الف عله وعله....
هو بخبرته يعرف كيف يعتني فيها ويغير لها الشغلات اللي صدق السياره محتاجتنها.....
بس ما ادري اذا تصرف هذا الشخص صحيح او لا...:rolleyes:
لان عادتاً السيارات يكون عليها ضمان لمدة 3 سنوات.....
في إذا فيها خلل فني كبير...احسن يكتشفونه الوكاله بأنفسهم خلال مدة الضمان...
اسفه على الاطاله.....

واللي يرحم لي والديك يأخوي SeSo_2003

أنا وديت السيارة الوكالة وهي ماشية 5000

وفيها ضربة وقلنا لهم يعدلوها على حسابهم ولا سووا شيء

نصب في نصب بلا وكالة بلاهم

صادق اخوي في كلامك ..الوكالات كلها نصب ..وخاصه وكاله التويوتا

قارن معي في السعر

تشييك راف 4 في ال20,000 الف سعر 500 درهم

تشييك فولكس واجن بيتل في ال20.000 سعر 220 درهم

مع ان الاولي تويوتا والثانيه المانيه ونفس الكيلومترات ومابدلو في السيارتين اي شي

حتى خدمه وكاله تويوتا زفته بالمرة يوم وديت السيارة لهم قالوا ماعندنا مكان لها هاتها بعد يومين او احجز لها وين داشين مستشفى

ويوم استلمت السيارة ما فيه اي شغل او تظبيط صح
يخرب بيت الوكيل

أنا صيانة الفالون 2003 ال20.000 في تويوتا كلفتني 400 ريال زيت وفلتر زيت وصفاية زيت وبواجي

لكن 285يقولون حقت شغل يد لو أوديها ورشه بره ماتكلفني 100 ريال

تحياتي

اذا في لسته الفحص اشياء غبيه
مثلا
فحص المرايات الداخليه و الجانبيه
فحص الانوار و الغمازات ( تقول رايح الفحص الدوري مو صيانه )
و الاشياء الاساسيه عاده ما يسووها
لان الفلاتر تعمر مده طويله
و يسجلو في الفاتوره فلتر و فلتر وفلتر
وتلاقيهم ما غيروا الا فلتر زيت و بس

الواحد المفروض ما يودي سيارته لهالنصابين
بس المشكله لو لا سمح الله وتعطلت السياره لاي سبب من الاسباب
و كنت منقطع عن فترات الصيانه
و وديت السياره لهم
بيقولوا ترى موترك مو منتظم على الصيانه
و اذا تكلفه التصليح مرتفعه
اكيد بيقولوا لانك ما تنتظم على الصيانه خربت السياره و خلاص هالمره التصليح على حسابك او يكنسلوا الضمان

حركه حلوه

بعدين اجور اليد في الوكالات معروف انها غاليه
و بعض الوكالات تتاخذ فلوس على الشغل بالساعه
اما البعض الاخر يحط تسعيرات من جيبه على كل شي
تخيل تغييل بواجي لجمس يوكون 2000 ب 90 ريال ( شغل يد بس )
لو يغيرهم برا ما يكلفوه 30 ريال و لو هو اللي يركبهم ما يطول 30 دقيقه

السلام عليكم

والله كلامكم صحيح بنسبة كبيرة


الوكالات يوم تبيع السيارة تجعل هامش ربحها في الصيانه

يوهمون الواحد بأنهم يتهتمون في سيارته ولازم تحافظ على تشيكاتها اول بأول كأنها مريض مسوين له زراعة كلى (بعيد عنكم)

ولازم تمشي على التشيكات وانهم مايحتااااااااااااااااااااااااااج يعني


بلا تشيكات بلا بطيخ ( سامعها في فلم مصري )

المهم مثل ماقال واحد من الشباب سعر القطع الي تتبدل عادي

لكن شغل ايدينهم ( شلت ايدينهم ) يطلع 250-400 على او ساعات يوصل اعلى من سعر القطع مثل ماصار مع اخوي لما بدل له كم قطعه في وكالة تويوتا



شوفوا الواحد شو يسوي

لازم يعرف متى يبدل القطع الاساسيه في السياره

من السيور فلتر الجير زيت القير وينتظم على هذا الشي

ماعليكم من فحص الكمبيوتر في الوكالة

اذا في السياره شي بيبان عندك لان في كمبيوتر في كل سياره ينبهكم للاعطال


اول سنه ونص ممكن الواحد يواضب على التشيكات لكن بعدين خلاص

في خبره تصير عند الواحد في سيارته


تحياتي للوكالات والنهب المشروع

الغلط منك بعد


المفروض انت اللى تقول ليهم ايش يبدلو


لأنهم اساساً ادا ما تكلن العميل يرجعو لجدول مدير الصيانة


عمي ودى اللكزس ماكلفته 300 ريال في الـ20000

طيب وش رايكم تشييك مرسيدس s500
80.000 الف كم موديل 2000
من يوم ما طلعناها ما دخلت الوكاله
الا 80.000
طلعت فاتوره الاشياء اللي غيروها 30.000 الف ريال !!!!
واجور اليد 6.000 الاف



طبعا الاشياء اللي غيروها على الضمان
ودفعنا 6 الاف بس


بس........

قسم بالله نصب في نصب
تشييك ب 30 الف اطلع بها السعر سياره جديده

يعني لو دفعتو ها السعر كان مجانين والله اخليها بدون تشييك
حتي لو مشت مليون
اذا كانت السياره استعمالك تعرف ويش فيها ويش ما فيها
والله قهر قهر قهر قهر قهر قهر قهر قهر

خلونا في المهم يعني الواحد لمن يطلع سيارة جديدة يوديها الصيانة ولا يطنشهم ... لأنه احسه كله نصب واجور اليد غالية لكن المصيبة انه انا ما أعرف ايش الي لازم يتغير كل فترة لأنه كتالوج السيارة يقلك تغيير أو تصحيح كل 10 الأف وفي حاجات تتغير لكن بعد فتره مره طويلة.

وتحياتي لكم

معكم كل الحق اخواني ...
اذكر دخلنا سياره خويي المكسيما موديل 2001 وكاله نسيان هنا بالرياض السياره توها ماشيه 4000 كيلو ...
المهم طلعوا فيها بلاوى موب طبيعيه !!!! دفعنا 2600 ريال !!! بعدها حرمنا !!!
والاحين اخوي معه فولفو من فئه S60 كل 10.000 كيلو وكاله يعلم الله انه نصب بنصب كل مره يطلعون بشي مره الزيب ومره المساعدات ومره مدرى ايش ومره ومره ومره الخ !!!

بس بالاخير اعتقد ان السياره مالها الا وكالتها !!!

قسم بالله انا جايب في شركة تيوتا العيد تعرفو العيد

مو الشركه الي ناصبه عليي انا الي ناصب عليهم

انا معاي كامري2002 اوديه يطلع مع المهندس عامر مطيلق

ولا طالب ماادري غالب المغاسله يكشف على السياره

ويقولي خلاص نشيك عليها
طيب اذا اروح يغيرو الزيت والفلتر يقولي ادفع قيمة الزيت والفتر بس
اقولهم طيب ادفع 75 ريال مره ثانيه
رحت غيرة الهبات ولقماشات قالي ادفع 744 ريال قلت له
ولا ريال قالي معترض على السعر قلت له ايه
وادخل الى استقبال الصيانه صاحبنا محسن السودان
قالي ادفع 100 ريال بس قلت له ولا 100 السالفه مو بخل بس اطلع
قيمت 85 الف الي ناصبين علي فيها
تالي دفعت 57 ريال
والى الحين ماوديتها داكيه ماشيه 22 الف:rolleyes:

المشكله الوحيدة ،، وهي مربط الفرس ياأخوان ،،

عدم توفير فرصة للعميل لمشاهدة مراحل التشييك لسيارتة ،،

فهي بحد ذاته تدعو للشك بعد مشاهدة الفاتورة ،،

يعني لو يوفرون هذة الطريقة كان كل العملاء مرتاحين على كل

ريال يدفعونه ،،



يعني مثلا لو رحت ورشه عادية ،، وجالس أنت عنده من الصبح ،،


وتشوفه وش يركب قطعه قطعه ،، وطلب منك 500 درهم مثلا ،،

ماعندك أي مشكله ،، تعطيه (طبعا مع المكاسره) على طول ،،

وأنت مرتاح ،،



أنا صراحة يوجعني قلبي لما أروح لوكيل هوندا ،،

تخيلو أي تشييك بعد 5000 بدون قطع بـ 400 ريال ،،

على إيش بلله ؟؟ على تعبهم لتغيير الفلتر والزيت ؟؟!! عجبا ،،

والمشكله الوكالات ،، ماعندهم إستشاره للعميل ،، يغيرون أي شئ

يحسون إنه مستهلك ،، (لاحظوا كلمه يحسون)



مانقول إلا حسبنا الله ونعم الوكيل ،،

تحياتي للجميع ولهذا الموضوع الهام ،،

نصاب بس دا انت محترف

bashar_255
اخوي لو مو الواسطه
انكان دفعونا 744

النصب في تشييك الوكاله امر مفروغ منه

لكن المشكله انهم يربطون الضمان بالتشيكك


وبعضهم يقولك اذا ما تشيك كل 5 الاف كيلو الغي لك الضمان :eek:

وين يا عمي شاري السياره عشان اداوم كل اسبوع بورشتكم ؟؟؟؟؟

مممممممممممم اعتقد في النهاية كل واحد افضل له ان يبدل القطع الأساسية عندك ميكانيكي والتصليحات الدقيقة والصعبة للوكالة