مضبوط ... هذا يسمونه Emergency Brake... قوي جدا جدا جدا


حقين الوكاله ذولا موصينهم... اي واحد يجي يجرب السياره يعلمونه عليها علشان يبهرونه بقوة الفرامل


ويستانس جدا اذا شاف الزبون طايره عيونه من قوة الفرامل....



بس اذا اشتريت السياره يقولك لك لا تسويها كثير...



وهو يسويها اسمع بس صوت الفرامل... صوت قوي وغريب ... يعور القلب بعد تحس ان السياره صار فيها شي



هااا متى الحلقة الاخيره

الله يساعدك...

نصيحتي..

الاودي حتى لو كان عاجبك ابعد عنه...ماتضمن مشاكله والوكيل عندك حدث ولا حرك...
البي ام اعزه كثير ويستاهل كل فلس يندفع فيه اداء وشكل وهيبة ومواصفات..

الكدلك نفس البي ام بس يعتمد عليك انت.. ومواصفاته ازيد من ال530...

ماحطيت ببالك الq45 امس شفت اليديد2006 يهبل

والله الانفنتي Q45

حلوه حيل لو تشوفها عجيبه وعليها قوه وثبات..

تحياااتي

لاني أحب اللكزس :banana:

بل ومتعصب لكزس

بس أنا معجب بالأودي :cry1:

ومحتار بين الإثنين :knight:

الضمان عن اللكزس الله أعلم بس الأودي 5 سنوات بكل شي من شغل يد وقطع غيار :smart: و3 سنوات عن المكينة والقير :( ..

الأودي لما ركبته بالمعرض ماشاء الله الهيكل متين والديكور الداخلي عملي :eek: تحس إنه كل شي فيها قوي :sss: حتى مساكات الباب ماشاء الله جامد :think: يعني الديكور ماشاء الله حلو ونوعية الخامات ممتازة جدا جدا :smart: بس قطع غيار ناار :( وسعره يطيح بسرعة

البيئم لما ركبته إستغفر الله حسيته كامري ماحسيته بيئم وللأسف مافيها ذيك الفخامة إللي توقعناه منها..

الجودة يبغا لها فلوس والفلوس مو كل مره بتصرفها اذا عندك جوده عاليه :think:

اشكركم جميعاً على تعقيبكم ..
بعد كل هذا التعب , وتجربة السيارات , والمقارنات , والاستشارات , و"استئجار السيارات",

أعتقد إني وصلت لقرار أخير غير متوقع بالنسبة لي ولا لكم ..

( قررت تأجيل شراء السيارة لفترة من الزمن قد تطول وقد تقصر ) :cry1:

أشكر كل من ساهم في المساعدة على الاختيار, (خاصة Ascari ), وأتمنى أن يكون هذا الموضوع والمقارنة , مرجع لكل من احتار بين السيارات المذكورة .
(على فكرة النتيجة النهائية أصبحت : 59% أودي A6 , و 40% للبي إم 530 , و 1% كدلك STSعشان Ascari بس )

شكراً جزيلاً لكم جميعاً .

جربت الكادي ؟

أفا وفي الآخير طلعت بلللوشي

واللكزس ما لها نصيب عندك

هههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هههههههههههههه حللللللللوة السحبة

تحس قهر بعد كل هالهواش ما اشترى شي :ranting:




والله حنا اللي رحنا بلوشي




الله يوفقك الحين ولا بعدين بس تطلع بقرارن زين ما تندم عليه (يعني افهمها )

افضل الاودي والبي ام

ليش ما تبي CLS ! ?

السلام عليكم ,,
تحياتي لكم ياشباب و رمضان كريم ,,
الموضوع هذا أنا فتحته للنقاش معكم قبل سبع شهور تقريباً ووصلت لحل إني أأجل شراء السيارة.
الآن أرفع الموضوع هذا علشان أعطيكم الحل النهائي اللي وصلت له وطبقته .


رحت للناغي أبشتري ال530 الاسبوع الماضي , وانصدمت يوم قالي ماعندنا + مافيه أي شي جاي بالطريق!!! اللي عندنا بس 523 أو 550 !!
523 --> ضعيفة , سعرها 159 ألف ريال
550 --> قوية , سعرها 280 ألف ريال !!!!

طبعاً تحطمت , قلت مافيه الا نروح ابو جميل نشوف وش صار على الجي اس.
لقيت عنده جي اس 300 ب 181 الف ريال موديل 2006 , وب187ألف ريال لموديل 2007
الفرق بينهم 2007 يشغل دي في دي .
قلت للرجال هناك أبي اجرب ال300 وال 430 علشان احكم (الفرق بينهم 20 الف ريال على مكينة وجنط ونظام تعليق مادري وشو)
المهم طلعت اجرب الثنتين , اعجبتني طلة ال430 وكذلك فراملها (اقوى من ال300) ومكينتها.
لكن ال300 شفتها مناسبة اكثر لي , مكينتها ممتازة , وكل شي فيها .
الحمد لله اشتريت الجي اس 300 موديل 2007 اللون الابيض الجديد.
اهم شي وهذا اللي خلاني اتهور واتكل على الله انها تمسك سعرها عند بيعها.
يعني لو نزلت البي ام الجديدة انشالله , السيارة هذي "يمكن" تتبدل وتجي ال "535" انشالله.

هذا شكر للي شاركوا معي في الموضوع , حبيت أعلمهم بالمستجدات .
أي سؤال عن الجي اس 300 انا مستعد, وان بغيتوا موضوع منفرد لها مافيه مشاكل.



لا اله الا الله

كذا تسوي فينا ، هاذي نهايتها.
وعليكم السلام ورحمة الله وبركاته،،

و رمضان كريم علينا كلنا ، عسى الله أن يعيننا على الصيام و القيام و يتقبل منا.
أولاً ألف ألف مبروك و زي ما قلت في العنوان عسى الله يعطيك من خيرها و يكفيك شرها ، لكن أتمنى فضلاً لا أمراً أن تجيبني:
- هل جربت الكادلك ( على الأقل من أجل خوينا لأنه ما قصر و أتعب نفسه ) و ما هو رأيك إذا كنت جربتها.
- ما هو إنطباك عن سيارتك حالياً.
و إذا أمكن أن تخبرني (و أنت محب للألماني أو روح السيارة الألمانية) ما هو الفرق أو ما هو إحساسك بين سيارتك الحالية و سيارة ألمانية من التي ذكرت سابقاً (الأودي و البي أم).
و تتهنئ فيها إن شاء الله .

شكرا "وينك تعال" على ردك ,,
- الكدلك ايه جربتها, ممتازة , لكن الوكيل عندنا "الجميح" نسبة اللي يمدحونه 0/10000 !!!
- السيارة الحالية ( اللكزس) قمة في الهدوء, بعكس اللي اخذتها يوم التسيت درايف, الخدمة في الوكالة شي فوق الطبيعي , تحس انك الوحيد اللي شاري لكزس !
- بالنسبة للفرق بين الالماني والسيارة الحالية , الالماني صحيح ان مكينته اخشن شوي ومافيها نعومة مكينة اللكزس, لكن الالماني يفرض عليك انك تميل له.

شكرا

يبدو لي إن المنتدى تغير عن أول , الأعضاء انقرضوا !! أو انه فيه اضراب عن الكتابة !!

:mad1: كويس إنك رديت :eek: .
بسم الله الرحمن الرحيم
عزيزي مشكور على ردك و لو إنك لم تعطيني انطباعك الشخصي عن السيارة الكدلك أقصد.
أما الأعضاء فقط انتقلوا لمنتدى آخر ( فعلاً إنك كنت مبتعد لأن الأحداث كانت متوالية ).
على كل حال مبروك عليك السيارة و تتهنئ فيها إن شاء الله