احذر

الأن يتم استخدام هذه الكاميرات لرصد السرعة في الدمام أيضاً

على طريق الدمام – الظهران السريع

بالقرب من قصر الخليج و أنت ذاهب بإتجاه الظهران

و مقابل الكلية التقنية بإتجاه الدمام

و المخالفة يتم تدوينها على رقم السيارة بدون الحاجة لإيقافها

والله على ما سمعت سارات مخالفات السرعة في السعودية

شديدة كثير
يقولوا توقيف أنت والسيارة من يوم ألى 3 أيام مع مخالفة
بس يعتمد على سرعتك ..
و ما أدري أيش السرعة وأيش مخالفتها

وحطوا كامرات للرصد حتى في جسر الملك فهد للبحرين .

هناك يحطون تفتيش ...

انا مرة كنت مار هناك .. وكانت الدوريات توها واقفة ... وواحد جالس يحط الاقماع البرتقالية ..

قبل 400 متر تلاقي كامري بيضاء مكتمة اسود واقفة تحت شجرة ... عنده كاميرا او رادار ....

و الادهى و الأمر .. ان هناك كانت توقف حوالي 15-20 سطحة .... :cry1:

يعني انت وسيارتك الحجززز :(

الله يعين بس :sss:

تتوقع يعني هالكامرات بتخليكم توقفون عن السرعه





مافي امل

وللمعلومية ترا المخالفة 900 ريال تنقدها قبل تطلع من الحجز واذا عليك مخالفات ثانية تشخلل جيوبك قبل تطلع وتسدد الجميع والا تكمل لعب بلوت بالتوقيف

واذا رحت الحجز عشان تاخذ المحروسة سيارتك يدفعونك 100 ريال حقت السطحة :ranting:

التوقيف بسبب 3 أشياء:
1. قطع اشارة 900 ريال
2. السرعة 300 ريال
1. عكس سير 100 ريال

تدفعها كاملة بدون تخفيض والمخالفات السابقة كلها تدفعها عن طريق الصراف وبعدين تخرج وحسب السرعة تتحدد أيام التوقيف لكن اقل شي 24 ساعة

الشرطة السرية سوناتا بعدة الوان وكامري بيضاء وطبعاً سيارات المرور

التزمو بالنظام مو كل مره تسلم الجره أخوكم اتوقف 5 ساعات

والله زين في تطور مشاءالله اهم حاجه يراقبون اصحاب التريلات لأن هذولا مسوين أذيه حق العالم كله يجي لك باكستاني او بنقالي يمشي 120 وهو في الخط البطئ وماتشوفه الاساقط عليك بدون حتى ماينتبه يبي يتجاوز تريله قدامه


ويالله عقبال مايحطون في مكان على شان هالمرجوجين يلتزمون بالسرعه<<<مسكين متعقد



افااا الحين اذا بروح يبغالي امشي بالهداوه :ranting:

صح عليك السرعة 300 ريال بس هذا على الطريق السريعة...داخل المدينة توصل 900 على حسب سرعتك

انا كنت في طريق دائري بداخل البلد

مسكوني على سرعة 160

الكاميرا ترصد المخالفة بس مافيها توقيف...

الرادار هو الي عليه الكلام

طيب يا شباب أنا أخوي يسوق وما معه رخصه

الولد عمره 17 وباقي له 5 شهور ويدخل 18

التصريح بـ1300 ريال لمدة سنه واحدة فقط :ranting:

فإحنا قلنا له حرام يعني ندفع 1300 عشان تمشيك لمدة 5 شهور :m:

فالسؤال الذي يطرح نفسه أرضا

أخوي لا قدر الله لو مسكوه المرور

راح يحجزوه ؟

بسبب ما معاه رخصه ولا راح يعطونه مخالفه والسلام :think:

شباب نبي كلام صحيح مو من راس أحد لوووووووول لا توهقوني خخخخخ

اذا جاك واحد طيب((طبعا اشك في هالنقطة)) وبن حلال اعتقد يمشيه بدون مخالفه

لوووووول حلوة هذي اشك فيها خخخخخ



أممم

اخوي إحنا مو هامتنا المخالفة إحنا شايلين هم التوقيف وحجز السيارة مثلا

يعني السؤال

إللي ما معه رخصه هل يروح للتوقيف ولا بس مخالفة يعطيه العسكري ويمشيه ؟ :think:


ويسلمووووووو أخوي على ردك لوووول أحس صاحب الموضوع راح يشوتني :knight:

oil_HKS_lio <<<


لا أحد يتحرش :knight: :knight: :knight:

اتوقع يعطيه مخالفة (عدم حمل رخصة) ....واذا كانت السيارة باسمه مااتوقع يتوقف...

يعطيه مخالفة عدم حمل رخصة وقيمتها 1000 ريال :cry1:

بالنسبة للتوقيف ماراح يوقفه لانه مايدري هو معه رخصة وناسيها والا أصلاً ماعنده

الا عاد اذا اخوك بيعلم على نفسه ويقول ترا ماعندي رخصة أصلاً هذي لها تصرف ثاني

ولاتقول بيشوف العمر بالبطاقة ويقول ماعنده رخصة لانه ماوصل السن القانوني...عادي يقدر يصرفها ويقول عندي تصريح وناسيه :banana: هذي تعتمد على صاحب السيارة نفسه اذا هو ذيب بيمشي أموره

مشكور على التنبيه..

حبيبي نديم الطيف لاتفتي من عندك لوسمحت

انا كنت امشي بدون رخصة ببطاقة الاحوال ويعطيني العسكري مخالفة حتى في التفاتيش

يا عدم حمل رخصة وهي قيمتها 100 ريال او عدم وجود رخصة قيمتها 300 ريال

اما في حالة الحجز ادا كنت مخااالف مثلا سرعة او شي زي كدة فتروح الحجز ماعيها كلام

وشكرا في الاول والاخير

شكران على التنبيه

وشلون نعيش بدون سرعه في عصر السرعه بيذبحونا ذولي

مخالفة عدم حمل رخصة 100 ريال؟؟؟؟؟ اجل حزام الأمان بكم

بعدين وش الفرق بين عدم حمل رخصة وعدم وجود رخصة ؟؟؟ ليه يعني بيمسكك وانت شايل صورة الرخصة والاصل ناسيه والا بيخاويك العسكري لليت ويحرجك يقول ادخل جبها

ياخي ذولي حقين المرور ما عندهم سالفة ,,,, الحين حتى الخطوط الطويلة ما يبونك تعدي 120

اذا عديتها ومريت على تفتيش اعطوك مخالفة ,,,, :ranting: مو معقولة خط 400كيلو متر وامشي 120

يعني متى الواحد يعدي ال 120 كلم ,,, اجل يجهزون السيارات اللى تجي عندنا ما تعدي ال 120

وخلاص زي الكابريس القديم كان 160 ويقفل ما يعديها ,,,,,, اذا كان قصدهم من المخالفات

الحد من السرعة !!! لكن ما حولك احد ,,

لا وازديك من الشعر بيت، لو رجال الامن يعرفون فيزياء وماث كان راحت علينا

لو فرضنا انك مريت على رادار في اول ال100 كيلو وانت ماشي 110 ...ومشيت بعدها الى المحطة الثانية في اخر ال100 كيلو ، لما جيت تقرب من النقطة خففت سرعتك....

وقتها لو كنت انا رجل الامن :cool: ، راح احسب الوقت الي استغرقته من النقطة الاولى للثانية ، وراح اعرف وقتها هل انت عديت ال120 خلال قطعك للمسافة او لا (حتى لو ماشغلت راداري)

الله يستر .. اشوا انك مو عسكري

عندنا وظيفة مدير عام تنفيذي تقبل فيها طال عمرك؟؟؟ <--------- بنضمن انك تشتغل مدني مو عسكري

حبييبي نديم الطيف انا اخد مخالفة في التحلية عدم حمل الرخصة وهي انك عندك رخصة ولكن ناسيها او تالفة وشي زي كدة ورحت دفعتها كانت 150 قالي خلاص ب 100 بس اعتقد انها ب 150 ريال سعودي

والثانية اخدتها في تفتيش طريق الملك عدم وجود رخصة وهي انك ماعندك رخصة من الاصل ولا تقلي كيف يعرف لانو لمن ينزل في الكمبيوتر بيشوف عندك رخصة او لا
وقيمتها 300 ريال

وشكرا