السلام عليكم ورحمة الله وبركاته

يوم الاحد الماضي كنت امشي بسيارتي الثانية وهي نيسان بكب 2005 وقت المطر واثناء وصولي الى التقاطع لم اراى اي سيارة ومشيت واذا بي ارى دورية تمشي بسرعة ونوايني وصدمني من الجانب الايسر من الباب والصندوق انا قلت في نفسي اكيد راعي الدورية عنده بلاغ ومطاردين راعي نيسان ويحسبونه انا طبعاً من قوة الصدمة افترت سيارتي والعقال طاح والغترة بصراحة الصدمة قوية لانه صدمني بالدعامية بعدها نزلت وقالي فيك شي قلت لا الحمدلله لم اتناقش معه ابداً واتصل على المرور وبعدها كل شوي تجي دورية ويقفون شوي عند الدورية ويقولون الخطاء على راعي النيسان يقصدوني وانا ساكت لم اتكلم اي كلمة انتظر المرور واتاء رجل المرور وسلم على راعي الدورية الشرطة وكان راعي المرور يكلم شخص في الجوال واثناء مكالمته قال نعم انه عندي فلان بن فلان راعي الدورية واعطاء الجوال راعي الدورية تبين لي ان الذي يكلم في الجوال هو شخص يعرف راعي المرور ويعرف راعي الدورية ويوصي راعي المرور على الانحياز لراعي الدورية بدليل ان راعي المرور قال لي هل معك تأمين فقلت نعم ومباشرة قال لي الخطاء عليك 100% فقلت الان انا مصدوم من وراء وراعي الدورية مسرع ولم يضرب فرامل نهائياَ ويوجد مطبين امامه ولم يهدي للمطبات ويوجد معهد طلاب ولم يراعي السرعة في شارع ملئي بالطلبة فرد علي وقال لي هذا تقريري وتقييمي للحادث اذا عندك معارضة فاذهب الى ادارة المرور واعترض هناك وذهبت الى المرور وقالوا بكره راجعنا وراجعتهم من بكره وقدمت اعتراض وقالوا لي بعد يومين تراجعنا واتصل علي اخوي وقالي ان السيارة كلفت 800 ريال ومالك ومال وجع الراس رح وتعال ورح وتعال تتعب وباالاخير ماتدري تاخذ حقك ولا لا وتتعطل والسيارة يبغاله وقت عشان تتصلح وخاصة ان السيارة نحتاجها في البر خذ ورقة اصلاح وصلحها ويعوضك ربي قلت تدري الشكوى لله ( ملاحظة ان الدورية لا تخطي ابداً ) ولو جت دورية وصدمت سيارتك وهي واقفة عند بابك راح يحطون الخطاء عليك ويقولون كان دخلت سيارتك في البايكه ولا حطيت لك بايكه

الله يعينك حبوب .. وحقك مب ضايع تاكد .. :-)

بس أقول ليش الموضوع مني ..

وحياك بالمنتدى ..

فيصل سبورت .. :banana:

كان الله بعونك

ومنهم من لايربط الحزام ويقطع الاشارات
حشا ماصار مرور

أخوي آنا مرة كنت راكب مع رفيجي و صدمنا واحد من ورا << لاحظ من ورا بالضببببط

و طلع الشخص هذا أخو المرور اللي جانا لكتابة التقرير

طبعاً واسطة حرااااااااااام عليهم إن شاء الله يعيشون و همه مبتلين حياتهم كاملة ، خلوا الخطأ علينا مع ان الخطأ واضح عليه ، و اعترضنا و سوو لنا محكمة و في النهاية بسبب عدم حضور الشخص الثاني اضر صديقي يصلح على حسابه :(

الواسطة و الغش و ما يفعل ،الله يعينك و إن شاء الله تاخذ حقك منهم زيادة

عيش كثير تشوف كثير..... حمدا لله على السلامة

يا بن الحلال .. مشي حالك ..

من ناحية انهم يغلطو .. فهذا .. مستحيل .. :sss:

صاحبي من فترة كان طالع من بيتهم توه جالس من النوم حتى وجهه لازال ( مكفس ) وهو ماشي لسيارته إلا بدورية وقفت له وسألته وين سيارتك .؟ قال انا راح الها بالمواقف وقفو جمب السيارة وعطوه عدم ربط حزام وعدم وجود رخصة (الرجال طالع بملابس النوم بياخذ غرض وراجع ) تصدق اخذها وهو مبسوط .؟!
لانه إعتاد على مثل هذه الامور ..!!

في هالديره .. كلشي تشوفه ..

المشتكى لله ،،

المظلوم ما يروح حقه
يا في الدنيا ولا في الآخرة

لكن ما أقول إلا حسبي الله عليهم
والله يعينك

هذول ما الهم الا ربنا..الله يخزيهم دنيا واخره..قولو امين

تحيااتي

اولا الحمدلله على السلامه ..... وفي الحديد ولا فيك .... :-)

وبعديـــــــــــــن واضح ان الخطأ عليك 100% ...... <---- بينضرب الحين

عادي ياخوي ولاتزعل نفسك .... وبعدين دورياتنا فيهم الصالح وفيهم الطالح ...

وحمدلله على السلامه مره ثانيه ....

يبغا لهم درس تاديبي



في حركة نذاله ودي اسويها بس لو مالبلاغ كان سويتها



كان اخلي الدوريه الي تلحقني تصدم غصبا عنها






يالله الله يكون بالعون في النهايه انت معاك حق والله بياخذ حقك منهم بطريقه او باخرى مالك الا الصبر.



تحياتي

أحداث هذه القصة حصلت لي شخصياً


انا برمضان الي فات صدمني دورية مرور بطريق خريص..اخوكم بمستشفى الملك فهد ورايح دوامي الساعة 10 تقريباً وصدمني من ورا قدام وكالة الناغي...ونحاش :blink:

اقسم بالله نحاااااااش :blink:

واطارده الين مخرج كلية الملك فهد وماوقف وامشي وراه 180 وعجزت الحقه :blink: للمعلومية هو على جمس جديد

المهم ديور ورجع للرياض مرة ثانية واطارده ابي اشوف الي راكب الدورية عسكري والا الدورية مسروقة

يوم وازنته والا عسكري ويطالع بعد عينه قوية :ranting:

وارجع لمكان الصدمه وادق على 993 وابلغ قالوا مو معقولة :blink: قلت خوذوا رقم الدورية واعطيهم اياه قالوا اوكي انتظر

طبعاً الأمانة موجودة على طول بلغوا...ومادقوا عليه لانه خويهم وقالوا ترا راع البي ام مبلغ ارجع له احسن لك...مرررررررره الامانه موجوووووودة

لطعوني نص ساعة يبوني امل واروح وانا مقفله معي وجالس لهم :ranting: يوم شفت مافيه فايدة وادق على مكتب العقيد المقبل قائد مرور الرياض وافضح فيهم وهددتهم قلت حقي والا الجرااااااايد والله وبالله لافضح فيكم :ranting:

اقسم بالله ماكملت 5 دقايق الا الجمس محضر ومحضرة معاه لومينا عليها فرد جاي يقرر الغلط على من ومحضر معهم فورد حقت الظابط الي مستلم شرق الرياض وكلهم سم وآمر قالوا الغلط عليه 200% وسيارتك مصلحة ومالك هم بس نرجوا ان الموضوع يوقف عند كذا

وفعلاً حطوا الغلط على العسكري وهم مايشوفون الجادة :banana:


ولو مادقيت على مكتب القائد وكبرت السالفة كان للحين واقف انتظر تحت كوبري الاستاذ


اخونا العزيز فيصل مع احترامي له ماعرف لهم...والله مامشي من مكان الحادث وادق على اي جهة رسمية اعرف رقمهم...ادق على الدليل واكلم الامارة والديوان وقيادة المرور واكبر السالفة من جد واخليهم يحسون انه وراهم من يقواهم :ranting: كلللللللش ولا القهر

وبيني وبينك لو معي ددسن مثلك لامشي ورا الدورية واصدمه مثل ماصدمني مع الجنب اخليه يحب الصبات اهم شي تبرررررررررد كبددددددي :banana:

يا أخي ارفع الجوال و انت تطالع فيه بحمق و اذا سألك قول له أدق على الوالد

انا سويتها و انا مفحط و مشاني ( الموضوع أكبر من كذا بواجد لاكن هذي آخر السالفة يعني )

اشكركم جميعاً على التفاعل وعلى التعليقات

وعندي كلمة اخيرة..... اقول حسبي الله ونعم الوكيل على من ظلمني في هذا الحادث

أخوي تدري لو في البحرين صارت لك السالفة << حالياً في الفترة الأخيرة

بيني و بينك يعني

خاصة مع هالشرطة الاجانب ، و الله نأذيه نخليه يتأدب عدل ، يعني دورية عادية ، لكن المرور ما نقدر كلهم بحرينين ، الأجانب لو ما نفع بالكلام نستخدم شي ثاني :knight:

بس إنتوا الدوريات سعوديين يعني ماتنفع الحركة

بس ما أقول إلا الله يعينكم على هالمواقف :(

المرور (مجموعة من أجهل واحط وأسفل ناس في المجتمع السعودي)

كل أمورهم واسطة صاحبي وصاحب صاحبي ويغيرو رسمة الحادث عشان تزبط كذبتهم

أنواع الظلم شفتها منهم الله ينتقم منهم دنيا وآخره

والله لو المشكلة لو كانت صدمني و جاء صاحبه و حطو الغلط عليا عادي تصير في كل مكان

دايما تصير للمواطن قضايا زي كذا : يلاقي قسيمة بإسمه او حادث ماله دخل يحطو الغلط عليه اشياء عادية جدا

لكن اللي صار لي شيء مدبر من رؤوس كبيرة يعني ناس شغاله في المباحث و الامن العام و كل القطاعات العسكرية ... تعرضت انا شخصيا للضرر و تجاوز الضرر الى محارمي

في السابق كنت اقول لازم نوقف مع رجال الامن

لكن ذحين اقول هيا الى الهجرة :mad1:


حاكم يقول

إقتباس:

المرور (مجموعة من أجهل واحط وأسفل ناس في المجتمع السعودي)

و انا اقول كل اللي في القطاع العسكري ينطبق عليهم القول السابق

احنا بلعراق جيش يدوسون السيارة بالدبابة ويمشون ومحد يتكلم معاهم :bomb: :ranting:

والله لو اني منك يا فيصل سبورت اسوي وحدة من ثنتين :
1 / ما يردني الا مكتب سلمان بن عبدالعزيز و معروف الرجال كيف تصرفاته ..
2 / اكلم على 60 الف من عيال عمي واضرب الجندي ضرب وارميه بالقسم واقول خلوا حركات الاستهبال عندكم ... :ranting: والله المواضيع اللي زي كذا تقهرني ...


سناري ...
اذا الموضوع بيوصل لهالمواصيل والله لو يكون من يكون قدامي .. جندي ولالواء .. والله افتري فيه افترا ....

اخوي فيصل سبورت اكتب الموضوع وانشره في الساحات وصدقني سيصل للجهات المسئولة .. احدهم طالب بمنع انشاء الهجر والقرى الصغيرة قبل امس وجاء القرار امس ...
فلاتتهاون ..






اخوكم الشبابي

آآآه بس لا تقلب عليا المواجع

المشكلة الضربة تجيك من كل جهة

عملا بالمبدأ القائل القوي ياكل الضعيف

يعني بالعربي اللي عنده اقارب في المباحث و الجوازات و غيره يقدر يعكر عليك حياتك

و انت يا مواطن ابشر باللي يجيب معلوماتك كلها من كمبيوتر الدولة و لا احد يقدر يحاسب العابثين

اخواني الاعزاء

اشكركم على تفاعلكم الحار وصدوقني كما تدين تدان وراعي المرور اللي ظلمني بالطريقة هذه راح ياخذ عقابه من الله ويسلط الله عليه من هو اقوى منه ,,,,انا وكلت امري لله سبحانه وتعالى والله يعوضني عن خسارتي والله القوي


واللـــــــــــــــــــــــــــــــــــــــــــــــه المستعـــــــــــــــــــــــــــان


والحمــــــــــــــــــــــــــــــــــدللـــــــــــــــــــــــه على سلامتـــــــــــــــــــــي

ما أقول الا الله يعوضك يا أخوي فيصل و ما تشوف شر

مرورنا و انا أخوك ......... الله بالخير

حقك مهوب ضايع و انا أخوك

شو هالكلام اللي اقراه


اخوي خل عنك هالرمسة والله لو شو كانت


وحدة دورية دعمت مكسيما اخوي من الخلف والغلط طلع على راعي الدورية

وفعلا عطو اخوي مكسيما غيرها الى ان تتصلح المكسما حقته


لا تسوي واحد ثنين صراحة اسمحلي على هالكلمة بس اشوف الفساد والظلم بعينه في المرور
عندكم

ليتني مكانك والله لاشتكي على طووول ما بسوي واحد ثنين الجرايد افضحهم في كل مكان

يتأدبون مرة ثانية يعدلون في الحكم :bomb:

كثير سووها و لا طالوا لا حق و لا باطل

الا و الله طالوا باطل بس

شكاوي و تردد و مراجعات و مرافعات و في الاخير الدوريه مستحيل تخطئ هذا الموضوع و ما فيه

اذا راح تشتكي بتلاقي حقك لكن بعد تعب وجهد ...
لكن يا اخ فيصل سبورت .. الامير سلمان لو وصل له الخبر بيجيب لك حقك على طول وبيأدب العسكري ....... خبر بأحد الجرايد وصوتك يوصل ...










اخوكم الشبابي

أخوي فيصل سبورت أولا الحمد لله على سلامتك وثانيا الحمد لله انه الحادث على قولتك مهب قوي، ومادام انك وكلت أمرك لله ثق تماما انه حقك ما بيضيع، وماله داعي انكم يا شباب تكبرون المسألة أكبر من حجمها.........يعطيكم العافية