الجميع اكيد لاحظ ان الناس والمحلات بدأت تعبئة الهواء بغاز النيتروجين بدل الهواء العادي... ونحن عندنا في عمان اصدرت شركة تنمية نفط عمان (ما ادري شو دخلها) اعلانات تفضل استخدام غاز النيتروجين، وحسب ما قرأت ان الغاز لا يسخن مثل الهواء، بل يحافظ على هواء الاطار بارد، وايضا يقولوا انه اخف من الهواء العادي! وعندنا في مسقط تعبئة الاطار بالنيتروجين ب 2 ريال عمان (19 درهم اماراتي). وايضا يتم تغيير القطعة السوداء الموجودة على مكان التعبئة الى قطعة لونها اخضر للتمييز بين الهواء المستخدم.

والمعروف ان النيتروجين غاز جاف وخامل (جامد) وغير قابل للاشتعال. والغاز يستخدم منذ فترة طويلة في قطاع الصناعات والطائرات الحربية وسيارات الفورميلا 1.

وعن قراءاتي حول غاز النيتروجين استخلصت التالي،

1. يطيل عمر الاطار بنسبة 25%.

2. يقلل الحرارة في الاطار وبالتالي يقلل استهلاك الوقود بنسبة 2%.

3. آمن، فالنيتروجين غاز غير قابل للاشتعال.

4. يحافظ على ضغط الاطارات بشكل افضل.


وهنا يمكنكم تنزيل ملف اكروبات يحتوي على معلومات حول استخدام النيتروجين للاطارات

اضغظ هنا

والحين اترك الموضوع مفتوح للنقاش وخاصة للمجربين عن فوائده ومدى فاعليته.

انا جربته وارتحت له
وطول معي بدون زيادة هواء الى ان تفقعت الكفرات في رصيف

شكرا على الموضوع

بالنسبه لي عبيت نيتروجين مع الأطارات الجديده لما ركبتهم

صارت السياره مشيتها خفيفه وناعمه و اصوات الأحتكاك خفيفه

والكفر مشاء الله كويس للوقت هذا :banana:

انا استعمله وميزته خفيف وما ينسم بسهوله ..
تعرفون كل فترة الهواء ينقص من الكفرات حتى لو ما فيها اي قطع او شق لكن مع النايتروجين ما ينقص بسهوله ... والمطبات كأنها انعم شوي ...









اخوكم الشبابي

انا صار لي لي فترة معبي نيتروجين ...

فعلا تحس المشي انعم...

ويطيل عمر الاطار والفرامل...

ممتاز في سيارات 4×4

في واحد بأحد المنتديات حط نيتروجين على جنوط اكورد تجاريه وجاه مطب وطعج الجنط

الجنوط التجارية معروفة برداءة صنعها والمعدن المستخدم! يعني طبيعي :-)

طيب يا أخوان من يفيدنا عن نعومة المطبات مع غاز النيتروجين؟؟؟؟؟؟؟؟؟؟

هل فعلاً بتكون المطبات أنعم؟؟؟


وللأخوان في الرياض من وين نعبي غاز النيتروجين

أنا كنت بصدد تعبئة إطاراتي بالنيتروجين بس كنت متخوف شوي..

الآن، بعد نصائح المجربين.. إن شاء الله بنعملها قريبا..


وتسلم أخوي الماني على الموضوع والمعلومات القيمة..




تحياتي..

انا يوم الاربعاء وديت سيارة الوالد الوكاله (لكزس) للصيانه وقالي المهندس انهم في القريب حيستخدمو النيتروجين بدل الهواء في جميع اطارت سيارات لكزس ......

زين .. لو دشيت البر وبغيت تنسم .. عقب كيف بترد تترسه .. تسويلك مكس هواء ونيتروجين ..

مب عملي الا للسيايير المدن ..

تحياتي

طيب مدامها مريحه بالمطبات اجل تنفع للقياده الرياضيه؟؟

طيب يا أخوان انتم تدرون ان نسبة النيتروجين في الهواء الجوي اللي نتنفسه هي تقريبا 70% ان ما كانت أكثر ؟

ما أدري كيف يكون فيه فرق ؟؟ أتمنى أحد يفيدنا

هل اللي يستعملونه هو العادي و الا أحد مركبات النيتروجين :think:

أخوي الشبابي فين تعبي غاز النيتروجين في جده؟؟

الي متأكد منه هو عند ميزان اليرموك والمجد في الصناعية القديمة (طريق الخرج شمال - من الدائري الجنوبي)

يسلمووووووووو خيوووووو ومافيه داعي توصف وتقول على الدايري...اخوك كل يوم بالصناعية

بس بكم يعبون الاربع كفرات؟؟؟

الغاز هذا ما أعتقد إنه نيتروجين صافي يعني N2

يمكن أكسيد النايتروجين أو أي من مركبات النيتروجين

بس في شي الكل موافقين عليه لكنه بالعكس !

و هو


النيتروجين كتلته أثقل !

شوفو هالنقاط يتكلم فيها عن النيترو مقارنة بالهواء المضغوط

1. It has more mass, so it migrates through the tire three to four times slower. The result: Tires hold their psi longer.

2. It runs about 20% cooler. Less heat results in less tire degradation.

3. It drastically reduces oxidation on the rim and inner-liner (nitrogen systems almost totally eliminate oxygen -- the cause of oxidation -- from the mix).

4. It is environmentally safe.

و هاي الموقع الأصلي :
http://www.moderntiredealer.com/t_i...FTOKEN=39511807

:think: الحين شو السالفه يعني نعبي ولا كيف

المشكلة انا ركب تجارية بعد بس تواير يابانية


وما اعتقد بعبي نيتروجين مع اني اعترف انه افضل من الهواء

وعن طريق تجربة النيتروجين على اكس فايف شفنا فرق كبير جدا جدا

يقلل من الحرارة ويخلي التاير ابرد

يطيل من عمر التاير

القيادة كانت انعم


بس التجربة كانت على تواير ورنجات وكالة

والله والله أنا توني مغير كفراتي اللي في الأمام دانلوب وعبيتها كلها نيتروجين

والله السيارة سارت غييييييييييييييييييييييييييييييييييييييييييير
سارت أنعم وسواقتها أحلى أنصحكم كلكم بالنيتروجين

شباب حبيت اسأل شلون النيتروجين مع التفحيط ..؟؟؟ يعني تحفر اكثر ولا اقل .. وهل تنفع على السلك تاير ..؟؟؟ ...
ومع تفحيط اللفات بعد شلون تكون احسن ولا اخس ..؟؟

يا شباب هل هناك أي محطه في الامارات توفر غاز النيتروجين لتعبئه التواير لاني سامع من قبل ان محطات أينوك توفر هذه الخدمه فهل هذا صحيح؟

أبشرررررررركم سويتها وعبيت نيتروجين <---- مركب توين توربو الأخ


بس والله كلام الشباب صحيح ومشكورين وماقصرتوا

السيارة صارت أخف بالقومة وممشاها تغير نوعاً ما :think: والمطبات صارت أنعم نسبياً :think:



الله يعطيكم العافية على طرح هذا الموضوع (ألماني) وباقي الشباب وعساكم على القوة

اشكر الجميع على التجاوب والتعاطي مع الموضوع... تصدقوا طارح الموضوع وبعدني ما غيرت الى النيتروجين

تحياتي للجميع. :-)