السلام عليكم...

أخوي DDesigns، أرجو أنك تساعدني في تطوير سستم سيارتي،

السستم الحالي هو كل التالي:



Pioneer DEH-P5550MP


المواصفات


Infinity Kappa 63.5i

المواصفات



Kenwood KAC-8401

المواصفات


الصوت على هل سستم صاير نوعا ما حــاد!! و ساعات لما يكون في الاغنية bass الصوت يطلع مثل ( بق...بق...بق...بق... ) علما بأن volume على 35!!

المهم.... أنا أعتقد ان العيب في السماعات و ناوي أبدلهم، أنا إهمني بدرجة كبيرة الSQ طبعا قوة الصوت مطلوبة.... قوة صوت مسجلي الحالي تعتبر كفاية على حد ما بس اللي إهمني ال SQ

الميزانية.................... :think: ..............مفتوحة :banana: .........إلى حد ما

لازم تسوي HPF للسماعات عن طريق الامبليفاير على 80-90 هيرتز :smart:

و بالتسبة للصوت الحاد,, سماعات انفينتي مشهورة بصوتها الحاد

اذا تبغي سماعات ممتازه شوف سماعات DLS السويديه
انا استخدم موديل ايريديوم iridium 6.2 و صوت السماعات ممتاز جدا جدا جدا

و على فكرة نفس السماعات مستخدمه في سيارت فريق DLS لمسابقة الـSQ و فازت بالمركز الاول ثلاث مرات و مره الثاني و مرتين الثالث :eek:

بس لو رجع فيني الزمن ورا شوي,, كنت اخذت موديل MS6 من DLS لأنه صوتها ممتاز و بأقل من سعر ايريدوم

و نحن حاضرين لأي استفسار او مساعده

ركب ووفر

بيكون البيس (دف دف دف دف)


اما بالسستم هذا الصوت ناقص بيس !

مشكورين يا جماعة على الرد،


أخوي NAS1

بخصوصDLS iridium 6.2 وايد غالية :blink: حوالي 700$!! حرام والله،، السيارة بروحه واقفة في الشمس،،، هذي السماعة خله حق سيارة المستقبل

أسمع وايد ناس يتكلمون عن سماعات DLS،، هذا يدل على ما أظن أن جوتهم عالية :banana: هل ممكن أخوي NAS1 ترتبلي موديلاتهم حسب جودة الصوت؟

ايريديوم في دبي قيمتها 1300 درهم

هههههههههه

في امريكا لاعنين خيرهم بالضرايب

محد يصدق الاسعار الي عندنا

حتى الامريكان ما يصدقون,, يقولون في منتدياتهم اذا كان عنك ايريدوم
"you have to be a rich person to get this speakers"

:knight:

شو رايك :eek:

لو فرضا شريت أربع سمعات DSL iridium راح إكون اهناك 4 تويترات،،، وين راح أركبهوم؟؟ و هل كلهم جدام؟؟

السلام عليكم

بالنسبة للتوزيع
حاول انك توزعهم على الابواب
اذا بتاخذ طقمين يعني 4 ووفرات صغار و4 تويترات
كل باب تويتر واحد ووفر واحد
والكروس اوفر حطة في محل زين مو تسوي مثلي الكروس اوفرات انعدمت الي ركبها لي حطها في موقع جدا سيء بس الحمد لله تبدلت على الضمان
وقول ايش السيارة الي بتركب عليها يمكن الشباب يساعدونك اكثر

وانا افضل انك تكملها وتركب لك ووفر بتحس انك مركب سستم اذا ركبت ووفر بالاضافة للاغراض الي انت بتركبها
وبالتوفيق ان شاء الله

شكرا على ردك أخوي X،،

السيارة الله يسلمك نيسان ماكسيما 1998 J30 ،،، بس سيارتي فيها 4 سماعات و ما في مكان حق التويترات!

انا اقول ما يحتاج تاخذ طقمين

ركب الايريدوم في الامام مع امبليفاير محترم

و صدقني راح يعجبك الوضع

و ورا ركب سماعات 2 واي او 3 واي و شغلها على المسجل


هذا اذا تبغي سيستم علشان تسمع فيه,,, مش علشان تسمع الناس :bomb:

الايريديوم ممتازه جدا كسماعات امامية "بالعربي سماعات اساسية"

حرام انك تاخذها و تركبها ورا لأنك بهذه الطريقة بتكون خربت كل شي

و ما بتعطيك الجودة الي انته تبيها لأنك بتكون ضايع بين السماعات الخلفية و السماعات الامامية

==================
و بما انك قلت انك تريد SQ عالي

اول نصيحه انصحك اياها هي انك تنسى السماعات الخلفية

لأنك تريد الاستمتاع بالموسيقى الي تسمعها و في الـ SQ الهدف الرئيسي هو انه يكون عندنا صوت واقعي و صافي كأنه الموسيقى و المغني يغنون امامك

يعني ضارب الطبله على اليمين و المغني في الوسط و عازف الغيتار على اليسار و عازفين الكمان في اليمن و هكذا يعني لازم تكون عيش الجو هذا :smart:

علشان توصل لهذا الشي لازم يكون عندنا سماعات في الامام فقط او انه يكون عندنا سماعات خلفية لكن لازم يكون علوها بنسبة ربع الصوت الامامي

و ثانيا لازم يكون عندك سبووفر علشان يمسك البيس الي المفروض انك ما تشغله من خلال السماعات

عندك سيارتي و سيارة مشعل ما فيهم غير سماعات امامية,, و اذا جلست فيها و طولت صدقني انك ما بتحس بأنه كل هذا الصوت من سماعتين :eek: ما شاء الله

نصيحتي الثانية هي انك بدل ما تركب طقمين من السماعات, ركب واحد و بالمبلغ الباقي الي عندك حاول تعدل السيستم,, يعني على اسلاك متحرمه,, و على عوازل الصوت لأنها جزء لا يتجزأ من النظام الصوتي الممتاز

و اذا تبغي اي نصيحه,, لا تتردد في سؤالك

و اذا تبي ممكن انك تضيفني على المسنجر و راح اتضارب وياك شوي

n_27777@hotmail.com

أخوي Nas1، شكرا على اجابتك،

:knight: :knight: :knight: :knight:
أولا.... باركوا لي يا شباب..... تخرجت من الجامعة.....باكالوريوس محاسبة

مدام رايك اركب سماعتين اماميتين....أعتبره تم :knight:


هل ممكن أخلي سماعات إنفينيتي الحاليين في الخلف و أركب الجديد جدام؟؟؟

هل الامبليفاير الحالي جيد؟؟

ما هو السبوفر و عازل الصوت و الأسلاك؟؟ و هل لهم أثر كبير على جودة الصوت؟؟

هل ممكن أخوي NAS1 اتحصلي أحد أطرش السماعات من دبي عن طريق البريد؟؟

اخوي انا عندي صني استاندر موديل 99 راكبه فيها سماعتين قدام يوم تشغل المسجل

ودك تدوس في بطنك من قوة القهر يعني يفقع نفسه وورى مخلينها فاضيه

كأنه الشركه تقولك اذلف ركب من برى

ومسجلها لو تشوفه مسجل وسيدي

قصدي مسجل لحالاه ورادي لحاله

ومااحب التكلفه ولا السب وفر ابي شي حلو

لأنه مره ركب مع صديق عنده جلنت اتجننت من الصوت الي عنده

ومره مع هوندى انخبلت

ومره مع سوزوكي انسطلت

فإيش رايكم دلوني

مرحبا اخوي 12 سلندر

الـ سب ووفر هو السماعه الي تصدر البيس BASS و تتركب في دبة السيارة

الاسلاك طبعا مهمه,,

لأنه مثل ما يقولون,, تكمن قوة الشي في اضعف نقطه فيه :smart:

طبعا الاسلاك ذات الجودة الممتازه ضروريه للحصول على صوت ممتاز

و عوازل الصوت تركبها في الدبه, علشان ما تهتز من قوة البيس

السلام عليكم ورحمة الله وبركاته

أخوي Nas1 الف شكر و ما قصرت على المعلومات و لكن حاب آخذ رأيك في أحد الانظمه الصوته و هو VDO


و هذي مواصفاته :

Product design
Silver Finish

Detachable Flipdown Front

Blue dot matric LCD; white illumination

Blue Key illumination

Protection LED

Pilot Light




Tuner
RDS Tuner

FM with RDS TRAFFIC, NEWS

MW, LW, SW

RDS PTY

TA EON

RDS Clock

Preset Buttons FM-120, MW-40, LW-10, SW-10




CD Player
CD MP3 Player

Scan/Random Tracks

Previous/ Next / Fast Forward/ Fast - Rewind

CD-R / CD-RW

CD-Multisession

CD-Text

MP3 Specific Data

Max. 50 Directories per CD

Max. 300 Tracks per CD

ID3 Tag (Version 1 & 2)

Max. 30 Characters per Name

Bit Rate 8- 320kbps

Sampling Frequency 8- 48kHz




Internal amplifier

Max. power: 4x55 watts

RMS power: 4x27 watts

4-channel 4V Preamp Out

Aux In

Loudness Control

6 Sound Presets

Volume Mute





General
Telephone In

Telephone Mute

Mounting angle: + 3° / - 10°

Dimensions (178.6 x 50 x 154 mm)





Options
all VDO Dayton Speakers, Subwoofers, Amplifier

CD-Changer (CHM 604 MP3)

Communication Interface Module (CI 3000)

Bluetooth® Handsfree Terminal (CIX 3000 Blue)

Car Specific EDI Adapter

Car Specific Steering Wheel Remote Control Adapter

IR Eye (CA 1106) & IR Credit Card Remote Control (CA 1103) or IR Steering Wheel Remote Control (RCS 5100)

طبعا هذي مواصفات المشغل فقط

و هذي السماعات

http://www.vdodayton.com/image_view.aspx?ID=7793


و هذي مواصفاتها :

2-way coxial system
Diameter 165 mm


Power handling: 50 – 170 Watts
Frequency range: 28 – 30,000 Hz


Sensitivity dB/W/m: 90

560 SEL

بصراحه اول مرة اشوف الماركه هذه ,,,

اشوف انه فيه مميزات جيده ,,

لكن ما اقدر احكم على الجوده,,

و ثانيا هل كل الاكسسوارات متوفرة ؟؟

هل عندك فكرة عن سعر المسجل ؟؟؟

اذا تبي نصيحتي,, خلك مع مسجلات بايونيير او الباين فقط

بسبب توفر الكثير من الاكسسوارات الخاصه بها
و جودتها عالية ,, و بأسعار مناسبة للجميع

طبعا يوجد مسجلات افضل من بايونيير و الباين مثل إكليبس و دانون و نيكاميتشي لكن اسعارها خيالية نوعا ما و ما فيها موصفات,, فقط اشارة نقية جداا

اخوي انا عيل بطلع عن موضوعك بكم سؤال ...

انا عندي اكورد موديل 2005 و الصوت ممتاز بس يفتقر للنقاوه يعني مثل ماقال الأخ Nas1



فشو الشغلات اللي تنصحني إني أركبها عسب احصل هذا الصوت ولو أمكن من سماعات الوكاله ...

السلام عليكم

اخوي Nas1
انا عندي هوندا اكورد 2005 واحب اركب نظام صوت "DLS iridiu " نقي جدا جدا جدا جدا
ياليت يكون نقي جدا جدا جدا ويكوون نظام كامل يعني سماعات وتويتر و.... ما اعرف شوه بعد :shy:
السعر مب مشكلة بس اهم شي الصوت نقي جدا جدا جدا
اسمحلي ذليتك بكلمة " نقي جدا جدا جدا جدا"

المهم
شوه تنصحني اركب و اي مكان وخبرني باتفصيل ما عليك اماره عسب اتفلسف على راعي المحل تقوول انا فاهم

ومشكوور على كل شي مقدما.


اخوك خالد

انا فكرت أطلبها عن طريق الانترنت لأنها أفضل حل للمرسدسات بجميع أنواعها و تكاد تكون هي الوحيده اللي تتناسب مع المرسدسات

لأني جربت ماركات كثيره مثل : SONY Xplod و JVC و لكن الصوت يطلع حاد جدا .. تسألني ليه أقولك ما أدري ؟

و لكن اللي جربوا أنظمه VDO Dayton قالوا انها أنسب شئ للمرسيدس طبعا بعد Becker


و الف شكر

سؤال ما يخصه ..

كيف يعني أنسب شي .. يعني المرسدس شو فيها زد ..

أخوي Nas1،

من وين أقدر أشتري الايريدوم ؟؟؟ هل أقدر أحصله في الانترنت؟؟؟

أخوي DDesigns ما له بيان!! عسى ما شر!!

يا شباب شوي شوي علي,, وااحد وااحد

الاخ لومينا,,
سيارتك ما تحتاج وايد اشياء,, سماعات في الامام "يفضل انها تكون كمبوننت" و سب ووفر في الخلف و تشغلهم على امبليفاير 4 قنوات و خلصنا :eek:

و يفضل لو كنت تقدر تركب مسجل جديد و الطريقة بتحصلها في موضوع المواضيع المتميزه للأخ 922

اذا انته من الامارات اقدر افيدك و اخليك تسمع سيارتي و تشوف اذا عجبك الوضع ولا لا :cool:

UAE-Warrior

بما انه السعر ما يهمك

عيل انصحك تركب سماعات ايريديوم او ur6 في الامام من DLS مع امبليفاير من نوعية جيده

و سبووفر JL audio موديل W6 او W7 >> على حسب الميزانيه مع امبليفاير DLS a6

بس في نقطه مهمه جدا و هي انك ضروري تركب مسجل خارجي و عوازل صوت في الابواب للحصول على صوت نقي جدا جدا جدا جدا جدا :-)

560 sel

اخوي الصوت ماله علاقة بالمسجل,, الصوت الحاد يجي من السماعه نفسها

عندنا مرسيدس 560 sel عليه سيستم مكون من كمبوننت dls ابو 4 انش من النوع المتوسط و الصوت ولا احلى لأنه DLS تتميز بنعومه تويتراتها بعكس تويترات انفينيتي على سبيل المثال الي تشتهر بصوتها الحاد

V12

الايريديوم في النت سعرها غالي جدا و يصل الى 450-500 دولار كـ حد ادنى

في الامارات سعرها 350$ تقريبا او 1300 درهم اماراتي او ريال سعودي

اذا تبي ممكن اني اخذها لك و ارسلها للمكان الي تبيه :smart: