الموضوع منقول من منتدى السيارات .


لقيت هذا المقطع للالتيما من صفر الى 100 في خمس ثواني و اجزاء و الغريب ان السياره قير اوتوماتيك بالقير العادي انا ماوصلت لهذا الرقم يمكن بسبب ان السياره تحرق بالقير الاول و الوقت بين التعشيق الاول و الثاني يضيع علي بعض الوقت ؟؟

هذا المقطع

اضغط هنا و حمل

تتوقعها صافية ؟؟

على كلام صاحب السياره يقول ان السياره ستوك و اللي يبي يشوف بنفسه يراسله على الايميل!!

و اليوم شفت مقطع التيما اوتوماتيك مع لومينا اس اس الالتيما مقدم عنه

يمكن!!!

واحد من الربع يقول في حركة يسوونها في الألتيمات اليديدة 6 سلندر بحيث أنها اتخلي القومة أسرع ..
وهي تصغير حجم الاطار ! يقول تعطي فرق حلو .. عاد انا مادري كلامه صحيح ولا لا !

اول شي يعطيك الف عافيه اخوي وتسارع رهيييييييييييييييييب

وياريت لو تنزل لنا قومة الالتيما مع الومينا اس اس؟

بس اخوي انا نزلت الفلم ومايطلع لي الا صوت مافيه صوره؟:(

ياريت تشوف لنا حل لان ابي اشوف الفيديو:(

بس شي غريب انا جربت الاربعه اوتو قومتها ثقيله جدا وحتى عزمها تعبان

بس يمكن السته العكس تماما بما ان تسارعها 5 ثواني شي غريب والله

اقوى من تسارع الزد قير عادي؟

اكيد فيه تزويد حتى لو خفيف

لان تسارع مذهل الصراحه

اخوي uae speed مافهمت كلامك اي اطار تقصد يعني التاير؟ ولا شو السالفه الغالي مافهمتك ياريت توضح؟ويعطيك الف عافيه :m:

أخويه TOP-SECRET ..
أقصد التاير نعم ... انت ما لاحظت التاير شكبره في الستة سلندر ؟
طبعا عليها رنقات 17 .. والتاير عليه ( قرف ) كبير .. مادري شو تسمونه .. طول التاير من بعد الرنق ..

<<-- صدق فاشل في التعبير !!

تحياتي

توب سيكرت

هذي وصلة اللومينا مع الالتيما الاوتوماتيك

http://www.3ashg.net/up_ar/ar/SS2004.zip

شغل المقطع على الريل بلير و اذا ما طلعت الصوره حاول تسوي تحديث للريل بلير و راح تطلع معاك الصوره .

هل تتوقع إنها صافية ??
ثاني مرة أسألها
إذا الZ350 ما جاب ها النتيجة

أما بخصوص اللومينا مه الألتيما صح إن الألتيما قوية بس ما أتوقع تروح عن اللومنا لأني شخصيا مجرب ويا ألتيما وما راحت

في النهاية إنت الصح لأني ما عندي دليل إلا إذا بتاخذون على كلامي ^_^

سلااااااااااااااااااااام

SLR55

انا نفس حالتك مستغرب من هذا الرقم 5 ثواني مع اني جربت الالتيما القير العادي و افضل وقت من صفر الى 100 ماوصل اقل من 6 ثواني.

انا اقول يمكن عشان الاوتوماتيك ما تحرق في بدايه القومه و الشي الثاني انه مايضيع وقت التعشيق بين الاول و الثاني و الله واعلم .

اذا كانت تسارعها حتى وهي مزوده خفيف فهذا شئ جيد بالنسبه لسعر السياره وكاربع ابواب

بصراحة غريبة ..

5 ثواني ؟؟ :think:

على فكرة يا اخوان ..
تغير مقاس الاطارات الى نوع اقل يفرق في قراءة عداد السيارة فلو افترضنا ان صاحب السيارة غير مقاس الكفرات الى 215 / 45 / 17 والاصليه هي 215 / 55 / 17 فمن الممكن ان يكون الفرق كبير بقراءة العداد وخذوا تحليلي ...
النسبة الاولى في الالتيما الاوتو تصل الى سرعة 80 ..... وبالتالي مع الاخذ بالاعتبار تغيير مقاس الكفرات وان السرعة التي وصلت اليها الالتيما هي 80 و بسبب تغيير مقاس الكفرات قرأها العداد 100 وبالتالي اختصر حتى وقت التغيير ولذلك وصلت الى 5 ثواني ...
وحتى لو تركزون بالفيلم لم يتباطأ عداد السرعة وهذا دليل ان السيارة ما غيرت من النسبة الاولى الى الثانية يعني السيارة وصلت الى 80 خلال 5 ثواني وهذه النتيجة جدا معقولة ....









اخوكم الشبابي

تحليل منطقي أخوي
بس ياليت توضح بعد ترى أنا فهمي على قدي شوي






الحميدي

والله أنا نفس شي شفت لومينا أس أس تروح مع الالتيما 6 سلندر قومة وخط ..

وبصراحة كانت النتيجة للألتيما لكن بفارق سيارتين تقريبا ..

وأرجوا أنكم تجربون بأنفسكم ..

تحليلك الصراحة 100 100

بس ياليت نتأكد لو مقاس الكفرات مغير فعلاً ولا لا؟؟؟
على فكرة الألتيما تغير الأول بعد المية..... :think:



السبب انو يبغالك كودك COdec اسمه DIVX ((اشهر كودك))
اذا بغيته مر علينا في قسم الكمبيوتر والأتصالات ترى نزلته اكثر من مرة راح تلاقيه
ولا اقلك اصبر دقيقة جيبه لك....


تحياتي

هذا هو حبيبي
http://www.divx.com/divx/download/
بس اختار نظام التشغيل واضغط على داون لووود

وبس...

على فكرة التسارع يمكن يكون 5.8

سوي كليك على الزمن في الريل بلاير

يوجد صوت تغير القير من الاول الى الثاني :cool:

لكن انا عندي تحليل غير .. :think:

انا اقول انها 6 ثواني تقريباً..لان السياره وصلت 20 كم تقريباً والريل بلير لسه ماعد ثانيه :p

وشي طبيعي الالتيما تقوم على اللومينا من الصفر بس من توصل 60 اللومينا تجي للالتيما

امممم انا لو تجربة motor trend ما كنت راح اصدق!!

عموما تسارعها بالتجربه 5,9 ثانيه و ربع ميل 14,5 ثانيه بسرعة 150 كيلو تقريبا...الي بالتجربه قوتها 245 حصان و قير عادي 5 سرعات مو 6 و اعتقد مخصصه لأمريكا..!!

طبعاً الدفع الامامي شي اساسي للوصول لهذا الرقم..بالخط ماجربت معاها بس عن قريب انشاءالله هيهيهيهيهيهيهيه<<<<<خبيث!!

و على فكره شباب اذا الالتيما تطوف اللومينا ss سيارتين هذا معناتها ان تطوف الزد اليديد لووول


وووو مشكور اخوي infiniti على الموضوع و يعطيك الف عافيه

الصراحه المقطع الثاني اخوي انفينتي الي بين الومينا اس اس والالتيما قوووووووووي

الصراحه قوتها رهيبه ماتوقعتها قويه بهذا الشكل

ويعطيك الف عافيه بس الي في القومه مع الومينا قير اوتو ولا عادي؟

والقير اوتو يجي قيرين نفس الباترول ولا بس اوتو؟

ومشكووور

كيف الحال

إذا فعلاً تضيع وقت من التعشيقه الاولى الى الثانيه

فمعناتها إنك مو تبع قوماااااات :ranting:


سلااااااااام على الحلوين

بس يا شباب مو معقولة الزد الأصغر و الأخف عليها نفس مكينة الألتيما الأثقل و الأكبر و الأقل إنسيابية تكون أضعف منها!!

أعتقد أن هناك إما خلل عند سائق الإس إس أو الألتيما مزودة

لكن لا تستهزئون بالزد ترى خطيـــــــــر!!