السلام عليكم

مرحبا شباب شلونكم شخباركم....صارلي مده مو كاتب موضوع هيهيهيهيهيهي<<<<<ادري ادري ضحكه خبيثه

انا اشوف هليومين طالع لنه جم خبير بالمنتدى يصنفون لنه مستوى الامان بالسيارات الامريكيه...عن تجربه ما اعتقد عن خبره هم ما اعتقد..عن دراسات ما اعتقد...شنو القاعده الي استندوا عليها باقوالهم امممم قاعده اسمها الكره و عدم مقدره على الحصول على كاديلاك XLR<<<<تفسير علمي منطقي


على العموم الموضوع في مقارنه و قويه حيل و الي يعجبه يعجبه و الي ما يعجبه لا يعجبه<<<<سئلوا عني بالفريج تره عصبي عصبي...عيوني يطلع منها شرار و يطلع من خشمي دخان!!


حادث اي نعم حادث لا لا حادثين على قولتكم حادث شنيــــــع...

الحادث الاول::: السياره لومينا SS . مكان الحادث:::شارع الغوص او كما يسمى شارع الموت (من اشهر شوارع القومات و التفحيط بالكويت) ضرف الحادث:::السياره بحالة سباق على سرعة 230 تقريبا و فقدان سيطره من السائق مما ادى الى انحراف السياره و الصعود بالرصيف المنصف للشارع و الانقلاب عدة مرات و الاصطدام بشجره.

حالة السائق و الراكب...اصابات طفيفه و السائق يمشي بشكل طبيعي!! و لم تكن هناك اي دورية شرطه او سيارة اسعاف!!

صور الحادث::
http://www.arab7.com/up/file/1108128389624.jpg
http://www.arab7.com/up/file/1108128498327.jpg
http://www.arab7.com/up/file/1108128569587.jpg
http://www.arab7.com/up/file/1108128636416.jpg

طبعا نلاحظ ان الابواب صارت اجنحة ليمبورقيني مجاناً لووووووول !

الحادث الثاني:::السياره فولفو s60 حائزه على مليار الف خمسين جائزه بالامان و معروفه انها سياره سويديه و الامان فيها واااصل يعني بدي فولاذ و قبضان حديديه بالبدي و مليون ايرباق و انظمة تحكم...الخ!! مكان الحادث شارع الخليج و الموتر طاير محتد من المسيله و داش مكوع على كوع بسرعة 230-240 و يفقد السيطره و يدخل بالرصيف و يدخل بالشجر و بعامود اناره و ينقلب جم قلبه و الموتر ينقسم الى قسمين بكل معنى الكلمه!!

حالة السائق::: وفاة السائق الله يرحمه...انفصال الرأس عن الجسد..شاب يبلغ من العمر 18 سنه.

صور الحادث
http://www.arab7.com/up/file/1108129109164.jpg
http://www.arab7.com/up/file/1108129167611.jpg
http://www.arab7.com/up/file/1108129221285.jpg
http://www.arab7.com/up/file/1108129312325.jpg

اخر صوره نشوف عامود الاناره و الباب و كان في جثة السائق الله يرحمه طبعا بعيد عن السياره بمسافه.



عموما انا عندي قناعه ان السيارات الامريكيه قمه بالامان او انها تجي بعد الاوربيه و بالاخير السيارات البلاستيك اليابانيه و الكوريه.....

و اللومينا ss خصوصا نشوفها تنقلب و تنقلب و السائق يطلع فله زي العسل و اذا مو مصدقين عندكم العضو مؤيد اف ون تقدرون تسئلونه!!


----هاذي كانت مقارنه لاسكات بعض الافواه المزعجه الي اضطرتني اني اقعد من سباتي العميق و الجميل و العوده للكتابه و النجره----

ملاحضه هامه انا املك سياره من سياارت هوندا و اخرى من شيفروليه او هولدن...علشان لحد يقول انحيازي...بس الصراحه تنقال ان بعد سرعة 200 بالهوندا اتمنه اني اكون بالكابرس لاني اخاف على عمري من كتلة البلاستك الي تبده تتنافض و ترتج و تسمع اصوات من البدي و الابواب تقول::خفف يا غبي انت راكب موتر ياباني راح تموت يا غبي لوووول...و المشكله انها سياره رياضيه يعني المفروض حاسبين حساب حق سرعة 200 كيلو و اكثر و انا دافع مبلغ و قدره مو دافع مبلغ و قدره = نوديك المقبره!!


جميع حقوق الصور محفوظه بحرف الc الصغير مثل الي على شعار البيبسي و الكولا..يعني الي ينقل من غير ذكر المصدر راح يطقون جرس بيتهم و يشوف ال FBI جارينه من عتراه جرة خروف العيد للمسلخ مفهوووووم!!


تحياتي و الى لقاءً اخر و الحين بروح انام احسنلي و هله هله بالردود الحلوه

معليش عزيزي و لكن لكل حادث حالة و مقارنتك بين اللومينا و الفولفو بالامان اعتقد انها كبيره شوي

بالنسبة لحادث الفولفو اعتقد انه له فتره

و كون ان صاحب اللومينا مات و الفولفو ما مات فهذا مشيئة الله -عز وجل- و لكن السيارتين كلهم معدومات و ممسحوت على الاخر و لكن لا تنسى أن المكان اللي ضرب فيه الحادث له تأثير يعني لو جت الصدمه على الباب اليسار غير عن لو جت على الباب اليمين صح و الا لا ؟

و بصراحه شكل اللومينا معدوم أكثر من الفولفو

على فكره قد شفت حادث على طريق الملك فهد بين جمس و كامري ((كااامري)) الكامري انعدم الصدام بس لكن الجمس أنقلب !!!

طبعاً انا ما أقول ان الكامري أقوى من الجمس و لكن الجمس سقط على الكامري و الكامري صدم الجمس من الخلف ممن إدى إلى ان الجمس ينحرف و يطيح على السيد الثاني و ينقلب !!!

و صاحب الجمس توفى هو اهله الله يرحمهم و صاحب الكامري عايش و حي يرزق و ما جاه ولا شيء

لذلك ما نقدر نحكم على السيارات من حادث واحد

الصراحة

أنا عندي كابريس إس إس

إذا بتتكلم عن الأمان أنا أقولك فولفو بالأسباب بس تبقى مشيئة ربك

يعني إذا كان حادث اللومينا مكان الفولفو يمكن يعيش إلي في الفولفو و إلي في اللومينا يموت

هذه حوادث ما تقدر تحكم فيها

في ناس ماتو على سرعة 40 و واحد نعرفه وناس يمشون ملييييييييييييييييون ويطلعون ما بلاهم شيء

حكمة ربك

فلا تقارن

إن شاء الله تتقبل كلامي بقبل كبير

سلااااااااااام وإن شاء الله ما يصيب حد

كلها بمشيئة الله...لكن عندك الكامري ماتعرف ويش هو الامان..لاني كل ماشوف كامري منقلبه لازم تكون كشف

لا حول ولا قوة إلا بالله
الله يرحم صاحب الفولفو

بس منت ملاحظ انوا في حاجة اسمها قضاء وقدر...
والي مقدرلك حي صيبك ح يصبك ((ولو كنتم في بروج مشيدة.....))


وتحياتي للمقارنة الغريبة هذي!!!

كلها بمشيئة الله...لكن عندك الكامري ماتعرف ويش هو الامان..لاني كل ماشوف كامري منقلبه لازم تكون كشف
------------------------------

اتفق معاك بقوووووووووووووووووووووووووووووووووووووووووووووووووووووة
تخيلوا شباب كامري موديل 2002 ((على ايامها))
صاقع وجه بوجه بجمس ((طبعاً إلا شوي ويوصل الجمس للسواق!!!))
وبرضوا مافتح الأير بااااج!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


سلامات متى ناوية تفتح الهانم؟؟؟

السلام
معليش أخوي أنت قاعد تتكلم عن شيء عجيب أول غلط وهو مقارنة اللومينا بالفولفو وثاني شي وهو الأهم الأساس اللي بنيت علية المقارن أساس خاطئ 1000000000% .

أنت تتكلم عن حادثين كل واحد فيهم في وادي وبعدين على قولة الشباب الموت في الحوادث ما يعتبر مقياس على أمان السيارة لأن مافي سيارة في العالم تعرف أنت عند سرعة كم تموت وعند كم تعيش .
إذا تبي مقارنة صح أول شي ماتقارن الفولفو بالللومينا وثاني شي تسوي نفس ظرف الحادث بنسبة لاتقل عن 95 % في السيارتين وتشوف بعد كذا نسبة الأمان ولاكن عند سرعة أقل من 150 كم لأن لافولفو ولا أي سيارة راح تشفعلك بعد 150 كم (( إذا أخذنا بالحسبان أنها راح تفيدك في سرعة أقل ))


وأخيراً أتمنى أنك ما تزعل من الكلام وهذي كلها في النهاية وجهات نظر

ههههههههههه
اعتقد الغبي هو الي يكتب بهذي الحده بالكلام هذا اولا وثانيا" الافواه المزعجه الي ايعاني منها المنتدى(مثل كاتب الموضوع) والي ابسببها انسحب اكثر الاعضاء المحترمين
اول مره ارد كذا لانو الموضوع ليس مقارنه بين الامريكي والفلولفو بل الموضوع عن الكلام الغير مهذب

اخوي اذا تبي مقارنه بنفس هذا الاسلوب

فيه موضوع للاخ اكورد او الاكورد العنيد صاحب موقع المربع نزل فيه صور التيما 2005 مصدومه من الامام و الجانب الايسر كامل هذي الالتيما صاحبها يصير من اقاربنا و السيارات اللي صدمها هي جمس 99 و كورولا على طريق الرياض الجمس ماتوا ثلاث اشخاص و الكورولا اصابات اغلبها كسور و اللي في الالتيما ماصار فيهم شي ماعدا الراكب في المقعد الخلفي رضوض في الوجه !!

هذا الحادث حقيقي و على سرعه 240 لاكن ضروف الحادث مختلفه .
هل نفهم من هذا الحادث ان الالتيما افضل من الجمس في مستوى الامان؟
طبعا لااااااااااااا

اصلآ مافيه سياره فيها امان وهو يمشي الطبلون اي سياره بتسرع به بتصير نفس الشئ ......وعلى حسب الصدمه في ايش او منقلب ومطير شجره......




لا تزعل من كلامي حبوب......

مشكووور على الموضوع ولكن ما نقول الا قدر الله وماشاء فعل ..

والله ان الموت اذا بيجينا راح يجينا لو كنا في بروج محصنه ..

...بس الصراحه تنقال ان بعد سرعة 200 بالهوندا اتمنه اني اكون بالكابرس لاني اخاف على عمري من كتلة البلاستك الي تبده تتنافض و ترتج و تسمع اصوات من البدي و الابواب تقول::خفف يا غبي انت راكب موتر ياباني راح تموت يا غبي لوووول...و المشكله انها سياره رياضيه يعني المفروض حاسبين حساب حق سرعة 200 كيلو و اكثر >>

صدقت فيها ..

السلام عليكم

هوب هوب هوب...و من قال ان ظروف الحادث مختلفه..الحادثين رأيتهم بأم عيني<<<<خطيــــر

الاثنين صاروا جدامي و نفس الظروف و للعلم الاثنين انحرفوا على كوع و اصعدوا رصيف و ادخلوا بشجر و انقلبوا.....و الفرق بين الحادثين ايام قليله...و انا متأكد ان سرعتهم متقاربه.

اخوي abu_nasser اولا لا ضربه يمين وله شمال هذا حادث الموتر فيه انقلب و دعم من كل صوب....و رجاء لا تقول ان حادث اللومينا اقوه من الفولفو..ليش انت ماشفت شلون الفولفو مقسومه بالنص؟؟ تبوني اصور المصابين و الجثث علشان ترتاحون!!..و شكراً على الرد

اخوي SLR55 مشكور على المشاركه و يعطيك الف عافيه

اخوي مؤيد اف1 مشكور على المشاركه...عادي شوف اللومينا ابواب ليمبو و الفولفو صارت سيارتين و كل سياره لها ميزه مثل الكامري شلون تصير كشف لووووول

اخوي WRX مشكور على المشاركه....اي نعم قضاء و قدر..لاكن هذا ما يمنع تقارن اذا الحادثين لهم نفس الظروف و كأنهم حادث واحد.

اخوي WRX ...انا اقولك اهو اهم شي انك دفعت مبلغ و قدره لأضافه ايرباق بس ان مته يفتح هذا يعتمد اذا كان المبلغ و قدره=نوديك المقبره او لا!!

اخوي MR.FERRARI مشكور على المشاركه و يعطيك الف عافيه

اخوي الامير الاحمر مشكور على المشاركه

اخوي until the end واااااااااااو ردك مره مهذب.....ممكن توضح لي نقاط الخروج عن الادب بموضوعي؟ و مشكور على كلمة غبي و على الرد.

اخوي infiniti كلامك اوكيييي و على راسي بس محله مو هني..انا حاط لك حادثين لهم نفس الضروف تقريبا!! و مشكور على الرد و يعطيك الف عافيه.

E_TYPE عاد والله يبتها 100% يا بدر...لوووووووووول وله 240 و يبي يعيش...و مشكور على الرد حبوب و ماله داعي ازعل

اخوي Corvette_Stingray مشكور على المشاركه و يعطيك الف عافيه

والله انا شفت حادث غبي حده
كان بين ميتسوبيشي كولت 99 وبي ام دبليو الفئه الثالثه 325 موديل 91
كانت الكولت صادمه البم ام من الخلف
والله البي ام تكسر وتعور لدرجه ان صندوق السيارة نزل للاسفل لكن والله ما احلف واكون كاذب
والله الكولت ماصادها شي غير خفسه بسيطه في غطاء المحرك

يعني تفسير للحادث
ان مكان الضربه وكذلك السرعه ودرجة الاحتكاك هي الاسباب إلي تأخذ عليها عوامل الحوادث

مثل الزجاج الغير قابل للكسر لو تقط عليه طابوق 8 انش ماراح ينكسر لكن لو تطق عليه من الطرف بس بقطع حديده راح تشوفه يتثلم ويتكسر

صدقني لو صاير العكس وراعي اللومي اهو اللي توفى >>> مااقصد ترى هههههههههههههههه

كان شفت الردود السنعه واللي توريك مدى عفانة هيكل الأمريكي أو الاسترالي بشكل أصح ..

ولكن بما أن راعي اللومي نجا فراح نشوف أنواع التصريفات والأعذار الظريفه ههههههههه

من جد يوم جت السالفه على الفلفو قالوا قضاء وقدر ولو لومينا مو قضاء وقدر لا السياره مافيها ثبات ومو سريعه ومعفنه وماتسوى والقدر ماله دخل في السالفه

ومن جد الفلفو متقططططعه ومافي ملامح اصلا لاكن اللومينا باقي تعرف انها لومينا على الاقل

:knight: :knight:

ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه

[اقتباس]

مكان الحادث شارع الخليج و الموتر طاير محتد من المسيله و داش مكوع على كوع بسرعة 230-240 و يفقد السيطره و يدخل بالرصيف و يدخل بالشجر و بعامود اناره و ينقلب جم قلبه و الموتر ينقسم الى قسمين بكل معنى الكلمه!!

حالة السائق::: وفاة السائق الله يرحمه .

[اقتباس]

بعد كل هذا وتبيه يطلع صاحي ؟!!
وبعدين ياخي الشي المتعارف عليه ان بعد سرعة 120 ينعدم الامان في جميع السيارات من الايكو الى الجمس !!
والفولفو صحيح ان الأمان فيها عالي بس مب لهالدرجه عاد .. يركب رصيف وينقلب ويدش بالشجر وبعمود ليت ووو
وما يصير فيها شي !! والله لو تريلا جان اتقسمت نصين ..

وبعدين اخوي أنت الحين من مثالين بس حكمت على شركة بكبرها .. وقلت الشركة الفلانية فاشلة وما فيها أمان !
المفروض تشوف نسبة الحوادث في سيارة معينة خلال مدة معينه وتقارنها بسيارة ثانية في نفس المدة ..
وبعدين تستنتج جوده ومدى تحمل كل سيارة .. !

أسمحلي اخوي مقارنتك غير صحيحه

الله يرحمه ولكن لكل قاعده شواذ و السرعه ما في شئ اسمه سويدي ولا ياباني السرعه تنتف الي ما يتنتف !!

كان شفت الردود السنعه واللي توريك مدى عفانة هيكل الأمريكي أو الاسترالي بشكل أصح ..
-----------------

مو كل اصابع يدك وحدة....بس انا شايف انا قضاء الله وقدرة هو المتحكم في الموضوع...

تحياتي بس ياليت تشوف شئ ثاني تاقرن فيه بين السيارات
((حاجة مقعولة))

^
^

أجل خلاص ممكن تقفلوا موضوع قلة الأمان في الأمريكي أو أي سياره ثانيه ونقول انها قضاء وقدر ؟

أنا معاك انها قضاء وقدر لكن لو كان فيه موضوع ثاني عن الأمان في الأمريكي كان سويتوها فلم هندي !

هالاسترالي على قولتكم احسن من كل الياباني الي في فئتها من ناحية الامان ..كفاية انها اثقل من منافسينها بفرق مو قليل

مرحبا

اخوي راعي الايفو مشكور على المشاركه..كلامك 100% و فله.

اخوي LPE427 مشكور على المشاركه...و انا معاك بكل حرف نطقته يا حلو<<<<وكته الحين خخخ

اخوي STS4ever مشكور على المشاركه.....انا ما اقصد فولفو او غير فولفو..انا قصدي ليش الحقد على السيارات الامريكيه...هذول حادثين لهم نفس السرعه و السيناريو تقريبا بس شوف الفرق!! وووو كلامك فله و 100%


اخوي S8 تسلملي والله.....بس ما قلت لي شنو اخر نكته!!

اخوي uae speed مشكور على المشاركه..بالعكس انا ما حكمت على فولفو انها فاشله بالامان!! و ادري انها قويه بالامان بس قصدي ان ليش الكلام على الامريكي يطول!! لو الموضوع كان لومينا ss فقط جان تشوف الردود العبيطه من كل صوب..الحين انا حاط لومينا و فولفو يعني مافي حجه على اللومينا بس علشان اوضح ان الحوادث مافيها استرالي وله الماني....الياباني خله بعيد شوي الله يستر على صناعتهم و الامان الي فيها و اولهم هوندا و ميتسوبيشي

اخوي mustang cobra مشكور على المشاركه

اخوي WRX مشكور على المشاركه

اخوي LPE427 والله كلامك مضبوط 100%

اخوي مؤيد اف1 مشكور على المشاركه...الياباني لووووووول

اخوي مؤيد اف1 احين هل الخروف احسن من لكزس جي اس ؟؟؟؟ مااتوقع والله ....