اليوم وأنا راجع من الجامعة مريت وكالة الجميح وحصلت عندهم شيء خلاني :eek:


شيفروليه أبلاندر LT لون أزرق Blue Granite Metallic ... الصراحة روعة!! :eek:

الصور مو معطيتها حقها ببساطة :ranting:

تصميمه الخارجي وشعار شيفروليه الكبير ومقدمته المنتفخة وديكوره الداخلي الجميل والأنيق كلها تخليه

زبدة الموضوع هم جايبين الفل كامل لكن بدون جنوط بسعر 104 ألاف!! سألته ما تجيبون الستاندرد قال: هذا كل اللي عندنا

http://www.chevrolet.com/uplander/colors/

الصراحة شكله قبيح جداً

وغالى

ومااظن بينافس الاوديسي والبريفا

س: هل رأيته عالطبيعة بأم وأب وجد وخال عينك؟

إذا كان لا.. فايش تسوي هنا؟ روح خط الدمام الخبر وشوفها!

إذا شفتها وما عجبتك.. يمدحون طب العيون..

الأوديسي والبريفيا قبيحات كالجحيم Ugly as Hell.. وبالأخص الأوديسي التي تشبه الصراصير الله يكفينا شرها!!


بس رأيك غير مستغرب من واحد حاقد عالسيارات الأمريكية!

على فكرة إنت ساكن في الدمام / الخبر؟
المهم أحذرك لو شفتك بأصدمك إنت وأكوردك.. لا تقول ما حذرتك!

شكلها قبيح ومستحيل تنافس البريفيا والاوديسي.

مشكور اخوي ايماج على الخبر

اللحين أنا قاعد اتحسس البطحة اللي على راسي!

إذا ثنين قالوا شيء وإنت قلت شيء مشكلة خطيرة!!

عموماً أنا أشوفها حلوة وهذي مسألة أذواق لا أكثر.. وتبقى شيفي أمريكية أصيلة ربي يحفظها..

لكن ديكورها الداخلي أنيق وكلاسيكي وغير متمرد..

على فكرة اللي ما شافها على الحقيقة لا يحكم عالصور! لأن في الصور تبين قبيحة!

اخوي ايماج انت ليش متعب نفسك وكل ما واحد كتب رد ترجع ترد عليه .. كل واحد بيعبر عن زوقه
وانت منت خسران شي .

لا تكون تملك نص شركه شيفي

لا لا لا .. لا نص ولا ربع..

يعني ما تبيني أعطي أحد وجه! أطنشكم؟ أنا فاضي ما وراي شيء.. شنسوي!

هاذي اذا ما خاب ظني شايفها بوكاله شيفروليه قبل اكثر من شهر...الصراحه صحيح شكلها حلو بالطبيعه و بالصوره طالعه قبيحه

انا اقول بالتصميم تحطم الاوديسي لاكن توه الناس تقرب من المكله جراند فويجر :cool: الي على الاقل ماسكه السوق بالكويت و مايهمني غير الكويت

السلام عليكم

بصراحة ماعجبتني الي بالصور

واصلا السيارات بهالفئة ماتستهويني ابد

بس في سؤال داخل عرض يمشي مليووون

اخوي Imaj ايش رأيك بمحرك ايكوتك 2.2 لتر الي على الاوبل اوميجا والفيكترا ؟؟ زين والا شين ؟

ايش رايك فيني بالله مو سؤال داخل عرض

ماتلاحظ انه يشبه



:sss:




:p

والله انا اوافقك الرأي 10000000% وترى شفته عند وكيل قطر الجيده وشكله باااااايخ بشكل :m:

Imaj مشكور عالخبر

أنيقه :p

شكله عادي لكن مابحكم الا لين شفته على الطبيعة

شفت كذا صورة لهذه السيارة البشعة و هي صراحة مع كل صورة جديدة اشوفها تزداد بشاعة اكثر

هذا في الشكل

اما الاداء فمستحيل تتفوق على الاوديسي صاحبة افضل محرك في هذه الفئة


و سلامتكم

قبيحه في الصورة بس الله اعلم كيف ع الطبيعه :think:

بسم الله على الرام
وش جاب الرام لهذا
وانا معاك يا ايماج
ما يقارن بالادويس والبريفا
الاثنين اشكالهم صراصير

ولكن ما ينافس الكلايسلر جراند فويجار والدودج كارفان
خاصة مع النظام الجديد
رتب وانطلق

شفت السيارة اليوم على صطحة تحميل رايحة للوكالة ...
السيارة احلى من الصور لكن تظل قبيحة .....










اخوكم الشبابي

اللي أعجبتني ردودهم بأرد عليهم.. الباقين طنش..

Trans-Am RAMAIR : أوكي تتفق معي في نقطة إن المصورين حقين GM حمير ويبي لهم تشويت.. السيارة أحلى مما يبدو على الصور.. وبالنسبة لصاحبة العظمة الكرايسلر جراند فوياجر تبقى كعادتها الملكة المبجلة ولكن هذا ما يمنع نقول إن شيفي اليوم أحسن من شيفي الأمس بزليون مرة!

-X- : محرك 2.2 Ecotec ممتاز ولكن قديم.. هناك 2.4 Ecotec جديد وبتقنيات جديدة.. أيش اللي في بالك تسويه؟ عموماً المحرك 2.2 يتحمل أكثر من 1000 حصان..

سياف : العفو :-)

X_RaYs : هذا من ذوقك..

RED Chevy : عالطبيعة روعة خصوصاً إذا كان أزرق جرانيتي معدني..

®Lumina ss 2002 : عالطبيعة روعة خصوصاً إذا كان أزرق جرانيتي معدني..

300C : تبقى الكرايسلر سيدة الإبداع في عالم الميني فان ولو أليس الميني فان من إبتكار كرايسلر، ومعاك أنا في كون نظام stow and go من أكثر الأنظمة إبداعاً.. ومشكور على تأييدك لرأيي حول البريفيا والأوديسي.

الشبابي: هذا رأيك الخاص بك.. على فكرة مو مفروض إنك تقود وإنت لابس النظارات؟ ليش ما كنت لابسهم؟






البقية اللي ما عطيتهم وجه.. مشكووووورين على ردكم ولا تعليق على ردودكم

السيارة قبيحة

بالاضافة انه سعرها غااااالي غاااالي يعني ازود شوي و اشتري جيب أحلى منه مليون مره

انت لو تمر على شقراء أحذرك ترى نعلقك على بابا المدينة عبره لمن لا يعتبر

و انا احذرك ولا تقول ما حذرتك

أنا أمر شقرا! أنا !!! هههههههه

قول سيدني قول ناشفيل قول ديترويت.. شقرا مرة واحدة.. :knight:

وبعدين الـ104 قيمة الفل كامل بس ناقصه الجنوط..

وهذا نفس أسعار الفنتشور القديم تقريبا! الستاندرد يبدأ من حدود 26000$.. يعني فرق 3000 دولار عن الكوري..

وتعرف اسم كيا لا يسوي اسم شيفي..

بلاك عارف انك منتب قدها يا حلو

على العموم ترى الكيا قيمة الفل كامل بحدود الـ60 ألف يعني حدها أقصى شيء 70 ألف سي دي و كله موجود مو 104 أخذ ازود لي مبلغ صغير و اشتري جيب

و تعرف اسم الشفرولية = يوم في كراج بيتكم و عشرة في الورشة

السلام عليكم

طيب اليوكون و البليزر والانفوي تقوم بالواجب وزيادة ....... و اختيار افضل

يخدمك في المدينة وفي البر ونفس السعر تقريباً !!!!



لازم GM تعيد النظر في سعر السيارة !!!

وان شاء الله نشوفها بكثرة في شوارعنا ..





تحياتي
محمد

أبو ناصر : والله يا أخوي إنت شفت بنفسك سعر الأقل مواصفات الفرق بينهم بسيط كل 3000 دولار ومعروفه جنرال موترز كعادتها تسوي تخفيضات تطرح من سعر السيارة 3000 إلى 5000 دولار وإلا في نظرك أيش كان سبب إنتشار الفنتشور القديم؟
وبعدين شيفي من اللي كل يوم في الورشة؟ أنا ولله الحمد ما شفت إلا كل خير من سيارتي.. وعلى فكرة ما أتوقع الكارنيفال الجديد بيحافظ على أسعاره الحالية..

922 : هذي الفل.. حتى القديم الفنتشور الفل يصل لهالسعر.. الستاندر راح يبدأ من 26 ألف دولار ومع التخفيض والعروض يمكن يبدأ سعره من 20000$.. صدقني أعرف جنرال موترز وأسعارهم.. بالريال السعودي السعر للأقل مواصفات بيبدأ من حدود 90 ألف ريال.. وبعدين هذي إقتصادية تجي بمحرك V6 وتشيل 7 - 8 أشخاص حسب المواصفات وتجي دفع أمامي أو على كل العجلات..

imaj شكراً على الموضوع و سيارة حلوه

و لاكن سعرها في الحقيقة غاالي جداً السيارات العائلية برايي المفروض ان لا تتجاوز ال90 ألف ريال في افضل حالاتها

و الفرق بينها و بين الكيا كبير لان الكيا الفل كامل عند خالي بـ69 الف ريال بدون عرض أو حتى خصم

و هذي 104 ريال اعتقد الفرق كبير