مو مشكله اخوي X خذ راحتك ..

انصحك في الصفراء لان الحمراء اذا استخدمتها في السيستم وخربت ما يبدلونها لك على الضمان اما الصفراء فا هي حقه سيستم ..


اخوي بو جاسم ..

بالنسبه لل CDT فا هي ماركه سماعات مثلها مثل بايونير وكينود بس الاختلاف ان كل ماركه لها جودتها ..

يعني لما تبي تركب سيستم صوت في سيارتك تروح للحمل وتقول له ابي اسحن شيء . طيب شنو راح يقولك ؟؟ بيقولك بايونير والشله الموجوده عندنا في الخليج ..

طبعا هذه ليست احسن ماركه وهذا للاسف يعتقدونها الناس احسن شيء بس هي ولا شيء بالسنبه للبقيه ..


عندك سماعات CDT احسن من البايونير مليون مره في كل الاتجاهات .

طيب ايش معنا قلتوا CDT ??

طبعا CDT ليست الافضل في الكون فيه احسن منها ولكن هي مشهوره بين الشباب في الخارج لن اسعارها جدا جدا ممتازه وليست مبالغ فيها ..

يمكن تكون مبالغ فيها للشباب في الخليج اللي تعودوا على دفع 200 ريال وياخذ له سماعتين ويصير مبسوط ..

اقل فئه من سماعات CDT تكلف حوالي 1600 ريال وما فوق .

هذا موقعهم :

http://cdtaudio.com/car_audio.htm

اذا اي واحد يبي هذه السماعات انا حاضر اجيبها له لين باب بيتهم وعلى فيزتي بس فيه عموله بسيطه لي .


اما بخصوص العوازل ..

فا لما تركب سيستم صوت قوي يعني مو بايونير لازم اكثر يصير عندك بودي السياره كله يهتز ويطلع صوت يفشل شوي كانه صوت ***** فا الحل انك تشتري عوازل صوت مثل اللي في الديسكوات وتعزل السياره من الداخل ويصير ما فيه اي اهتزازات خلاص .

بعض الناس ما عندهم سيستم بس يحطون عوازل من نوع ثاني حق الصوت وليس فقط للاهتزازات ..

لانه مثلا سيارته زعجه صوت المكينه والحنه وصوت الشارع و و و و فا هو يقوم يحط العوازل وتصير السياره مثل البي ام ..

اسعارهم ما اقدر افتي ولكن اذا للابواب والارضيه يعني السعر يبداء من 1500 وما فوق اعتقد .

طبعا كل شيء من امريكا ما فيه شيء بالخليج ..

حتى لو حصلت ما يتحملون جونا الحار وينفتح الصمغ حقهم مع الوقت ..


تحياتي ......

شكراً DDesign على التوضيح
في تعليق بسيط على العوازل
اعتقد احسن شركة في هذا المجال dynamat و عيبها سعرها المرتفع في شركة ثانية اسمها fatmat مو مشهورة لكن لقيت ان تحاول تنافس داينمات في السعر و الجودة

و كلا الشركتين تبيع عوازل تتحمل الحرارة و الرطوبة و السوائل

بس ما في منهم في الخليج
لكن سمعت ان soundonwheels عنده عوازل dynamat

هههههههه غريبه اخوي بو جاسم انت تقول ما اعرفهم وبعدين تقول لي داينامينت وراميت !!

عموما هذولي الشركات ممتازه ما قولك انها تعبانه وضيف عليهم شركه secondskin ..

اما عن ساوند اون ويل فا ما ادري يمكن يجيبهم صح بس لازم تتاكد انه مكتوب عليهم كذا ولازم تتاكد لان فيه مستويات وليس مستوا واحد ولازم تتاكد هي حق عزل صوت ولا اهتزازات ولا الاثنين مع بعض ..

اذا كنت في الشرقيه وتبي اعرف واحد يطلبها لك من امريكا ..

ولكن مثل ما قلت لك افضل شركه الى الان شفتها هي cascade هي الشركه الوحيده الللي تصنع في نفص المصنع عواز صوت وعوازل حراره وعوازل اهتزازت يعني بتاع كله وسبق اني تكلمت مع الامريكان في هذا الموضوع وكانت بتصير ضرابه لوووووووول .

أخوي بو جاسم

ساوند أون ويلز يبيع عوازل من ماركة stinger

النوع الي يبيعه بنفس مستوى الDynamat extream و ايسوي البابين بسعر 400 درهم مع التركيب, صح أنه غالي لكن ما في غيره:anger:

عنده Trunk kit بس مب متأكد من سعرها

سبق وسالت في الدومين عن جوده الستينجر قالوا مو ذاك الزود ..

السلام عليكم ورحمة الله وبركاته

ما أقدر أقول شيء دام أهل الخبرة قالو انه مب زين (شباب السونددومين)


يالله شد حيلك مشعل ما باقي وايد على المسابقة نبغيك ترفع الراس :banana: :banana: و اتخلي الناس

و ان شاء الله بقنع سالم انه يشارك بالووفر الجديد (الي في بالك )

تحياتي لكم جميعا

وبن محل ساوند أون ويلز ؟؟؟

تتكلمون عن محلات أول مرة أسمع فيها

والسلااااااااااام

أخوي SLR55

إذا أنته من الامارات بتحصله في دبي شارع المطار في الاتجاه القادم من الشارقة بعد وكالة المرسيدس(قرقاش).

وفيه محل ثاني في شارع الشيخ زايد و هو gulf wireless عنده ماركات أحسن من الي عند ساوند أون ويلز و شغلهم نفس الشي من ناحية التركيب كلهم فاهمين الشغلة
لكن أسعارهم شوي غالية إذا ما تعرفهم.

(راسلني على الإيميل إذا أنته من الامارات و بغيت شيء من عندهم, لأني أعرف أتعامل معاهم:anger: )

أنا من الإمارات وبالتحديد من بوظبي

يعني قبل وكالة القرقاش وأنا ياي من بوظبي صح ؟

بس حبيت أزورهم وأسلم عليهم


و أبا أعرف شو عندهم من شغلات


والسلااااااااااااام

حيا الله هل بوظبي

شوف أخوي
Sound on weels عقب وكالة قرقاش الي في الشارع القادم من الشارجه مب من بوظبي


gulf wireless هو الي في شارع الشيخ زايد يوم بتوصل هناك أسألهم عن مكانه (أنا أدله لكني ما عرف أوصف المكان) :blink:


sound on weels عنده منتجات Earth quake و polk audio و alpine و sony

Gulf wireless عنده rockford fosgates و JLaudio و lightning audio و MbQuart و focal و boston ecositcs و Sound Stream و مسجلات Alpine و Sony و pioneer

طبعا sound on weels مشهور أكثر بحكم أنه الأقدم ولأنه الكباريه والشيوخ كلهم يتعاملون وياه(مسترزق من وراهم )

تحياتي لك

سلاااااااااااااااامي عليك

خلاص أنا بحاول أزورهم في أقرب وقت وبشوف العوازل والسماعات

ونسلم عليهم بالمرة ^_^

ومشكووووووووووور مرة ثانية

اخوي SLR55

فيه محل ثالث هو اغلى واحد تقريبا بس اكثر واحد محترف فيهم مشكله المحل انك ما تحصله في الشارع لانه متنقل :eek: ...

اللي هو انا اذا تريد اي شيء انا حاضر اقصد من النيت .. او اذا واحد من ربعك يبي يكون الافضل بين ربعه بس مو قادر او ما فيه ماركات زينه او المحلات اللي هني يعطونه مبالغ خياليه فا انا موجود في الخدمه واسعاري مو غاليه ولا مبالغ فيها ولكن الماركه هي اصلا جذيه ..

بس لو تقارن مثلا تروح للمحلات وتقوله ركب لي اقوى سيستم عندك بيقولك 30 ولا 40 الف انا اجيبه لك باقل من كذا بكثييييييير .


تحياتي ....:banana: :banana:

اوووه نسيت اقولك عن أهم محل

صدقني إذا تبغي شي من عنده ما بتندم لأنه الاشياء الي يقدر يجيبها أكثر من رائعة في جودة الصوت او مواد التصنيع .مثال سماعات cdt تعتبر الاكثر شعبية في امريكا, كل هذا بسبب الجودة العالية لمنتجاتهم. أو ووفرات DD (هذه متوحشة)

اقولك اخوي NAS ان شاء الله راح ارسل الفلوس بعد يومين حق امريكا وبيرسلون لي العوازل ..

بس حبيت اقولك شيء نبيك بخدمه ..

تخبر انا هني مو في بديرتي وبيوتنا الكبيره والقراجات ثمنا نحلم فيها هني . فا عاد ابي مساعدتك شوي تفكر لنا وين اقدر احط سيارتي في مكان اقدر اركب فيها العوازل ؟؟

العمليه راح تكون كالاتي :

فك جميع الكراسي وديكور الابواب والسجاد في الارضيه وكل شيء تقريبا .

بعدين يتم الغسيل في الماي والصابون وتنضيف السياره من الغبار والاوساخ .

بعدين اقوم ارش ( لا لا وين نرش ما عندي كمبرسير ) اقوم اصبخ في الفرشه احسن . اصبغ الابواب والارضيه والدبه .

واخليها تنشف لمده راح يتغير لونها من وردي الى اسود .. وبعد 7 ايام تكون عازل للماء تماما :banana: :banana: .

بعدين لما ينشف اقوم احط الرولات اقصصهم والزقهم في البيبان والدبه و السقف والارضيه .

بعدين نخلي كل شيء ينشف بعدين نعيد تركيب كل شيء وتركيب السيستم من جديد هههههه ( الله يعنا )


بعدين نودي السياره المغسله علشان غسيل داخلي تخبر السياره راح تكون دمار ..

فا انا الحين شرحت لك العمليه وابيك تعطيني نصيحتك وين نسوي هذا الشيء :think: :think: :think: .


ويا ليت لو تعطيني يوم المسابقه بالضبط لان اخاف الشحن العادي يطول ولازم استعمل شحن اسرع امرنا لله الميزانيه بتطيح .

اخواني اولا سلام عليكم كيف صحتكم ,..عساكم ابخير.
حبيت اسألك يا اخوي عن ووفرات من نوع sonyxplod xs-l101PS او ايضا JBL Sound+clear Lc-1200w شنوا رأيك فيهم او ايش احسن قياسات enclosure الهم او او ايش احسن صندوق ال ported او ال sealed بالمناسبه انا ابغي bass and clear sound mexture ,..بالمناسبه الجهاز حقي هوه sonyxplod cd tuner cdx 3400x او حبيت اعرف رأيك الشخصي فيهم و السموحة على الاطاله

drag power
شوف أخوي خل في بالك ووفرات و سماعات Sony تعتبر تعيسة جدا.
يعني صوت عالي و إزعاج عالفاضي.
أنصحك بمنتجات Pioneer إذا تبغي شيء من السوق المحلي.


922 ممكن أيفيدك أكثر مني, أنا بس ابغيك تبعد عن السوني

السلام عليكم

مثل ماقال NAS انا محلل السوق المحلى تحيليل

وايضاً كلها عن تجارب شوف افضل شي نزل من سوني تلفزيونات بس والباقى كله مايسوى صدقني كل شي منهم مايسوى قيمته سمعة وبس حتى الكميرات نصبوا في دقته وهذا كلام محترفي التصوير
فديوات كلها تخرب الرأس فيها سيديات كلها منتهية حتى بلاستشن عدسته
DDesigns يقول بعض مسجلات سوني خير وبركة بس ماتوصل لمستوى بايونير والباين و eclipse
وانا ماجربت الا حق الكوريلا ومااعجبني


====================

وش بقى الا تلفزيونات لا وغالية باسعار خرافيه

ثانياً اذا كنت شايف ال JBL هذا في السعودية لاتعب نفسك بعد لانه تجاري وبمأنه 1200 واط فاكيد

غالي وتقدر تاخذ دبل قوته بنصف سعره من شركة ثانية وخصوصاً انه للوفر

===================

الصندوق انا افضل المصمت sealed يعطي باس عميق اكثر وبالمقابل يحتاج طاقة تشغيل اكثر
وميزته صندوق اصغر من البورتد اللى يعطي صوت اعلى بقدر اقل من الواط

انت تبغى bass and clear sound mexture

افضل يكون الصندوق sealed وخصوصاً اذا كان الواط عندك من 500 وفوق RMS




تحياتي
922

شكرا اخوي عللى النصيحه بس اخويه انا شريتهم بعد او بالنسبة لل JBL انا اموصي عليه من امريكا او جاني مناك او بالنسبه للمسجلات ال xplod انا اشوفهم زينين مقارنتن باسعارهم,..بس بغيت اسالك ايش احسن قياسات لل sealed enclouser لل 10 inch woofer و اذا في رسم تخطيطي الهاذ الووفر ال xpload اتمنى انك تعطيني اللنك حقه......... و شاكرك مقدما لتعاونك اخوي معاي:p

اخوي DDesigns شخبارك وشخبار الشباب الطيبين الي معاك على نفس الخط
حبيت اسئلك عن مسجلات البايونير السي دي طبعاً امس رحت للوكيل بادغيش بالخبر وشفتهم كلهم
وتتراوح اسعارهم مابين 690 الى 1850 ريال ويوم سئلت الموظف عن الفرق بينهم ان الخلفيات متحركه وبس طبعاً انا مااقتنعت بكلامه قلت مالي الا شباب سوالف الحلوين اهم الي بيوظحون لي الفرق رغم اني شفت المواصفات نفس الشي كلهم يشغلون MP3 \WMA و4*50 واط ومثل ماقلت لك الفرق بس الشاشه
ولكم مني جزيل الشكر
اخوكم
الفجر MTR البعيد

ألسلام عليكم

اخوي الفجر البعيد ...

مستحيل يكون الفرق 1000 ريال بس علشان شاشه ..

شوف الفرق الرئيسي هو الشاشه صح ولكن فيه فروق ثانيه يمكن الناس ما يعتبرونها مهمه بس هي خاصه للمحترفين فقط ..

يعني مثلا تحصل على فولت اعلى يعني صوت اصفى ..

تحصل على كروس اوفر علشان تتحكم في الموجات ..

تحصل على ريموت واير ليس .

تحصل شرائح Burr Brown الوتي تزيد من نقاوه الصوت .

ويوجد الكثير ولكن ما ني قادر افكر الحين بروح انام ..

شباب اليوم سهرت سهر وضبطت لي صوره ما يحتاج عطوني رايكم :

http://www.geocities.com/dd_sign/di1.JPG

طبعا تعبت كثير وساعدني واحد جزاه الله خير وزبطت الصوره ..

بكره بحط لها خلفيه وحركات بس لان اصاعبي تشنجت ما اقدر احركهم خلاص .

ممكن أسأل اذا كان في محل في جدة يبيع بطاريات أوبتيما و شكرا

drag power

سستمك غريب شوي ناوي تركب JBL 1200.1 على ووفر 10 انش وسوني بعد

عموماً افضل مقاس ممكن اذا كان بورتد 1.3 cu.ft والمصمت 1 بس



=============================


DDesigns

:eek: صراحة شغل متعوب

التوصيل تحسن عن الصوره الاولى

بس هذا ابداع لازم تحطه في sounddomain


===========================

mr_z

والله حتى لو لقيتها بتكون بسعر خرافي 1200 او اكثر

والسعر الاصلى 650 في دزولة الامارات الشقيقة
:p




تحياتي للجميع
محمد

mr_Z

لو تبي قول لي انا شحنها لك ابي اربح 100 ريال بس البطاريه 620 درهم وشوف كم الشحن ما اعرف بس لو فكرت قول لي انا اسألك .

شكرا على ردك 922
وشكرا DDesigns بس أنا حبيت أسأل عشان لو ضعفت بطارية السيارة أغيرها لؤبتيما بس الى الان الحمدلله ما فيه شي بكهربة السيارة و شكرا على عرضك .

شباب تراني إشتريت سماعات بس مو سماعات إلي في بالكم

سماعات على قد الحال

إشتريت زوج سماعات بيضاوية 400 واط في الخلف 5 واي


وإشترت زوجين سماعات دائرية 240 واط على الأبواب 4 واي




بس ما ركبت شيء لين ما أخلص العدة

حبيت أخذ رايكم :think:

إلي في بالي أشتريه أمبلي فاير بايونير 944 و زوحين تويترات ووايرات RCA

وبستخدم مسجل الوكالة مؤقت ليييييييييييين ما يكون عندي ....... (خليني ساكت )


أبا أسمع آراكم في التطورات التي حدثت في القرن ال21

سلااااااااااام