اي والله كلام اخوي MR_ZR1 لي مته بتسون السكايلن اقوه سياره بالعالم...انا اشك ان لو كانت القومه بين سكايلن و مورشيلاقو هم كنتوا راح ترقعون حق السكايلن و ان اهو الاقوه....عادي يعني لو في قومه كورفيت و فايبر و الفايبر طاف ما اروح اقول شي لانه ادري ان الفايبر اقوه.....

و بالاخير الامر راجع لكم...



تحياتي

Black Chevy

ههههههخخخخهههاااااااي

ياخي وش فيك معصب كسرت الكيبورد هاااااي

استانس واعيد وكرر واشوف الفديو كيف السياره الامريكيه الرياضيه ذات الثمان اسطوانات وسعتها توصل ال5 لترات بقوه توصل 400 حصان تفوز عليها سياره يبانيه 6 سلندر وسعتها 2.8وقوتها 280حصان

ياخواني وش فيكم ترى الكلام الي تقلونه مايودي ولا يجيب هو بس ذاته كلامXكلام انا جبت لكم فديو بين سيارات يبانيه وامريكيه ستاندر ولا عليهم ولا قطعه ليش الكورفت الي رافعينه فوووووووووووووووق الي
مسوينه طياره مو سياره ماقدر يفوز على سياره ب6 سلندر وسعتها 2.8

يعني وش الي مستفيدين منه زياده سلندرات 8 و سعه كبيره وصوت على الفاضي والاهم شي صرفيه بنزين

وبعدين قولي انت عديت كل السكايلانات الي في الكويت وكل الكوارفت الي جالس تقولي ولا يجون ربعهم يعني اصدق انت تدري بكل موتر في الكويت لااتجيب كلام وخرابيط من عندك لاتجيب الكلام على نفسك

واذا بتتحجج لي بسعر يمكن عندكم الستنغري غالي اما في امريكا سعره سعر طايح اعرف واحد دارس في امريكا يقولي الكماروهات واكوارفت السبعينات اسعارهم رخاااااااص مره

وروح شوف سعر الجياتي في اليبان:banana:


خلاص جيب ابو 13 الف وتعال ولا اقولك مايصلح نبغا كورفت



وبعدين جاي تقارن لي مواتركم السكايلانات الي في المضمار بسكاييلان وش عرفنيى ان مواتركم مزوده مثل الناس مو من قال انا لغمت سيارتي قال ملغم موتره

وبعدين انت جالس تفاخر ومعتر بلكوويت ومواتركم عندنا وعندنا وعندنا الي يشوفكم في اوربا الي يشوف احسن مضمار في العالم ولعلمك السعوديه فيها سيارات مجهزة لدراغ وهاذا ماعندنا مضمار يعني لو عندنا مضمار هاااي هااااي تشوف الموتر من كل جه مجهزه لدراغ

هاااي هااااااي الاخو استاد فزيائي تمدد بلحراره وينبربر بلبروده ماقول ياحليليك بس خليك على المواتتر الي توصل 10 الاف سي سي وعى خراط

والانتر كولر يعمل ياحبيب

ياعمي بس

MR_ZR1

شوف عاد انت الي شعللت الموضوع انا في البدايه شفت القومه وسكت ماقلت شي واخر شي تقول عم عمامه وتاج راسه وين قاعدين هاذا الي ناقص



في الاخير ماحد بيقتنع من الثاني لئن كل واحد حاط براسه كورفت والثاني حاط براسه سكايلان

وكل واحد وسياره عشقه

Corvette:
ZO6 0-60 around 4.1 secs
C5 0-60 around 4.6 secs



Skyline.
0-60 5.1 secs

:blink:

والله قلت لك عاد مافيه أحد بالعالم يقتنع بسباق واحنا حاطين لك قومه مو سباااق عمرك شفت أحد مره يطلع سباااق ؟؟

وبلاك تشيفي قالك ادا تبي تقاوم تعال الكويت عاد القرار راجع لك تبي تقاوم ولا لا وهو فهمك ان السكاي في رابطتهم كل في المراتب الاخيره وهدا شي صحيح واخر مره لعبوا كان الاول مارك بيري بالترانز ام والثاني كورفيت سي 2(( اللي طايح سعره ورخيييص ))

نقولك السياره هدي احسن من هدي تقولي لا سعرها أرخص ؟؟

ويبت لك كورفيت لنقل فلتر اللي تسارعه 1.9 وهو تجاري واستخدام يومي أشوفك مارديت عليه ؟؟
ولا ماعرفت ترد ؟؟

وادا غلطت على السكاي تبعكم انا آسف بس هدي الحقيقه عمره مابيوصل لمستوى الكورفيت

اقول بس لا يطقلك عرج على هضحكه.....

و بعدين السباق الي انت حاطه ماله علاقه بالسرعه لانه كل لفات يعني بالعربي السياره الي فيها ثبات و قومه قويه اهي الي راح تفوز...يا حبيبي لا تطول بالحجي يعني انت تصدق وله اي واحد ان لانسر افلوشن اقوه من الهوندا ان اس اكس و الفيراري..يا حبيبي الي اخذ المراكز الثلاثه البورش و ممن بعده السكايلن و من بعده الافلوشن يعني كلهم دفع رباعي و قومه قويه يعني شي يفيدهم على اللفات....اما لو كان في خط لكان البورش و من بعده الفيراري و من بعدهم الكورفيت و الباجي وزعهم على كيفك....و من قالك ان الكورفيت صرفيه الكورفيت حاله حال اي 8 سلندر و صرفية جيده...يعني يوم يصير عندك كورفيت تعال و تكلم عن صرفيته....

و بالنسبه لعدد السكايلنات اي نعم عدد السكايلنات بالكويت 90 سكايلن gtr بس و الباجي قدم حق تقحص و تفحيط و الحجي هذا من القروب....و بالنسبه لعدد اللكورافيت لا تخليني اخذ الكاميره و اصورلك 100 كورفيت بيوم واحد بس.

و بعدين ليش ما اعتز بديرتي...انت الي تقول عندنه سكايلن و عندنه سكايلن..يوم قتلك عندنه يت قتلي قاعد افاخر..انت الي قلت و بكل ظرافه تعالوا نقاومكم بالجو و البحر.....

و اذا مو عاجبتك رابطتنه فكافي اقولك انها اقوه رابطه بالشرق الاوسط و مستواه يوصل لمستوى رابطه امريكا و وايد مواتر امريكيه و تي تشارك....و فيها مواتر اتحده فيها اقوه سكايلن بالعالم.....و الحمدلله ان عندكم مواتر مخصصه لدراق و خوش شي الصراحه....

و تنقد تقول مدرس فيزيه..على الاقل احسن من الي يسوي روحه فاهم بالسبورت و يقول السكايلن اسرع من الكورفيت ستوك...الحجي هذا لو اقوله حق اخوي الصغير يضحط علي...


تحياتي

اخوي oil_HKS_lio اذا انت تعرف راعي السكاين بو 820 حصان ياريت تقوله ان في بطوله بالكويت بعد جم يوم و راح اقولك موعدها لو تبي...يعني مايصير احنه نجيكم لانه الله يسلمك الدراق عندنه....و حياكم ببلدكم الثاني الكويت....

اخوي انا عندي مقاطع على الكاميره بس للاسف ماعرف انزلها على الجهاز...الله يسلمك في عندنه كابرس 86 يقوم على موستينغ سالين مزود..هذا من فئه السوبر ستوك او سوبرستريت يعني من فئه السكايلن الي تقول عن....يعني اذا السكايلن وصل الكويت ماراح يقوم مع فئه البرو و السوبر برو لانه مافي شده عليهم.....يعني اخرته اذا وصل الكويت بينطاف من كابرس 86...يمكن;)

و انشاالله هليومين بشوفلي طريقه انزل المقاطع على الجهاز و احطهم لك و انت عاد راوهم حق خويك و شوفه مستعد يقوم مع كابرس 86...

و خل اقولك القوانين لانه اهيه مو محتاجه شي اله عضويه ب15 دينار يعني 180 ريال و يشوفون موتره و يحطون بالفئه مالته..و بعدين ينطاف و يرد السعوديه..يعني شي جدا سهل


و اخوي انت قلت ان يمكن السكايلنات الي عندكم مو مزوده عدل..لعلمك ان مافي سكايلن عندنه مزود بالكويت كلهم شغل الامارات...بالكويت احنه نلغم امريكي و بس لانه نعرف شنو السبورت السنع....و بعدين اذا تبي شغل شوارع فعندنه ترانز تون تيربو اسئلك عن و اعطيك خبر انشاالله...و بقولك شي قبل لا امشي روح شوف نتايج رابطات الامارات منو الي ياخذ المراكز بأقوه فئه اذا ماشفتهم كلهم شغل امريكي انا اقص ايدي...و مثل ما تدري ان الامارات اكثر ديره فيها سكايلنات و تزويدهم له واصل مرحله كبيره ماشاالله...

صبر صبر ما خلصت..ياريت ترد على سالفه الكورفيت تون تيربو و تسارعه 1,9 و سرعته 400 محدد و اهو تجاري و استعمال يومي...يعني ياريت تيبلنه سكايلن مو شرط تجاري لاكن للاستعمال اليومي ايب هاذي الارقام.....ماني خابر غير البليتز و هذا مو تجاري وله للاستعمال اليومي و تسارعه جحش بالنسبه للكورفيت...يعني جنك مقارن كورلا فبورش...


تحياتي و منتظر ردك

MR_ZR1

تدري ليش مو مقتنع ؟ لئن الكورفت خسر هااااااي



Black Chevy

اقول بس لاتتحجج لي تقول لفات او ثبات او رباعي ومادري ايش لو فيه خير الكورفت كان طلع


وعدد السكايلانات 90 بس واجد ياخي المفروض هم 91 شلون فاتك الجيتي الي موقف عند البقاله في البر

ولا تنسى ابغاك تصور لي الكوارفت خلال ساعه 1000 كورفت

وبعدين شوف كل واحد يعتز بديرته بس انت زودتها كل شوي جايب السياره انا قلت اذا في كورفت معدل جاهز يبغا يطلع قومه احنا جاهزين ونت الله يهديك خليتها امدح وادلع في منطقتي

اقول مدرس فيزيا امممم؟
:banana:

كان قلت الى اخوانك كلهم على شان يضحكون عدل

وانشالله نشرف مضماركم اذا سمحت الضروف نحاول نقدم على الكابرس هاااااااااي قال86 قال

شكلكم مشعللينها

أخش و لا لا ؟؟؟؟؟؟؟

وأذكر أخوي اللي قال ان مكينه الكورفت LT-1

عشقك و لا تعرف مكينتها حتى

مكينه اللومينا LS1

مكينه الكورفت LS6

الفرق براس المكينه و بشغلات ثانيه.

وترى شباب.

السالفه بمافيها مين أكثر واحد يقدر يقط فلوس.

بمعنى.

أنا مستعد لو عندي 100 ألف ريال.

أقط مكينه SR20DET على تيرسل و ألغمها بالفلوس ذي.

يمديني أوصل حدود ال600 حصان بدون غاز

ذاك الوقت أقول لأطلق كورفت و سكاي يجوني و يبشرون بخير.

السالفه كلها فلووووووووووووووووووس :anger:

King 4x4 هههههههههههه ..

أخواني الأعزاء خلكم في صلب الموضوع ..

وهو التسارع بين السيارتين وهم ستاندر ..

واللي يغيير الموضوع يثبت ان السيارة اللي يدافع عنها ما تصلح للسرعة وهي ستاندر .. يعني بدون التعديل ما تسوى شي مثل باقي السيارات

الله و اكبر يعني الحين حته الفيراري مافي خير اقول انت حيل فاهم و الفهامه تخر منك......الي حته عوامل الفوز بالسباق حاصرها بالسرعه بس....

هههههههه ضريف ضريف لا و انت الصاج 90 صندوق مو سكايلن.....اضحك معاك:anger: انا.... ياي تقولي 91 و 1000 كورفيت.....اقول اخوي ما يبيعون منك معلبات..انا ذاك اليوم شفت منك بسوق الحمام على 5 دنانير هههههه....

اي والله اقوله 90 سكايلن يقولي ليش ماعديت الي عند البقاله...ليش اجذب انا

و بعدين روح راجع ردودك و شوف منو الي بده كل شوي يابلي سكايلن....شتبيني اسكت اقولك ما عندنه مواتر اقوه من...و بعدين لعلمك انا مستهزء في السكايلن علشان جذي اقولك كمارو..اذا تبي كورفيت فأنت الي يبت الحجي حق روحك...كافي اقولك عندنه كورفيت سوبرشوب روح و دور اقوه سكايلن تعرفه و لعلمك الكورفيت هذا ب200 متر و بخلال 4 ثواني بس ينزل اكثر من 260...بس للاسف لانه السكايلن تبعك جحش فمايصير يحطونه مع فئته يعني بالكثير عليه فئه الكابرس الي مو عاجبك شرط لي شرفت الكويت بيزعلك


و انت روح اسئلي صاحب السكايلن و عطني خبر..لانه مالي خلق سوالف على الطل و كلام فاضي..ابي كلام جد...ما خليت سكايلن اله عديتلي احصنته ويبته لي و قاص على روحك علبالك مستوى يعني...والله لي دخل الرابطه بيزعل.....علبالك لي طاف جم موتر بالشارع يعني في شده على رابطه


اخوي King 4x4 الصراحه انا ملخبط بين الموديل اليديد و القديم و السموحه..لانه خابر السي فور كل اي lt اليديد غيرو صار ls ..و يعطيك الف عافيه...



تحياتي

اخوي oil_HKS_lio امس شفتلك كورفيت زي زيرو سكس الي اعرفه ان عليه سوبر و غاز اما الاشياء الثانيه فأسئلك عنها انشاالله.....المهم صاحب الكورفيت مستعد يقوم من 200 متر:cool: لي كيلو...فياريت تسئلي صاحب السكايلن عن مسافته و اذا يبي القومه تصير على حق تصير بعد علشان لا يقول اي الكويت شسوي....و لعلمك هذا شغل شوارع و يشارك بالرابطه.....



المهم اسئل عن مسافه السكايلن بو 820 حصان و عطني خبر......و ياريت تقولي شعليه بالضبط لو تقدر.....و لاتنسه تقوله على حق



تحياتي

هاذا صوره الماكينه للموتر والصوره منقول من منتدى هواه السيارات في المنطقه الشرقيه











والتزويد كله شغل يباني

وانا مافهمت وش قصدك على حق

والسموحه على التئخر في الرد لئن عندي ضروف جدا جدا صعبه واحتمال اختفي واعتذر من جميع الاخوه اذا زعلناهم والسلام عليكم ويكفي مخاصمه وكل واحد وسياره عشقه الكورفت سياره لايستهان فيها والسكايلان سياره لايستهان فيها كلهم حلوين واقويا والغلبه للي مزود اكثر واحسن والسلام عليكم تقبلو تحياتي اخوكم مرتضى

اخوي oil_HKS_lio انت هم سامحنه لانه انت الله يهداك ما قصرت طلعتني من طوري .....و ماشاالله مبين ان تلغيمه اوكي و شغل عدل ...

سالفه الحق يا طويل العمر ...المهم الحق يعني مبلغ يتفق عليه الطرفين و يدفعون عربون حق بعض و الي يطوف ياخذ الحق و اهو يوصل لي 600 دينار ومرات اكثر من 1000 و اذا القومه قويه حيل يوصل اكثر.....و السبب يكون مرات للفلوس و بس ومرات يكون سببه ان الموترين تلغيمهم قوي حيل و بسبب القومه الموتر راح يتضرر.....و مرات يكون للتحدي...و مو شرط تكون فلوس يعني مرات تصير اذا انا قمت عليك مثلا اخليك تودي سيارتي زيبارت يسولها غسيل و بوليش..او اخذ جنوط سيارتك يعني اقطك على صخر


و الله يعينك اخوي مرتضى على ضروفك و يفرجها عليك انشاالله


تحياتي لك

مرحبا وشفيه العيال متزاعلين على منه اقوى


معروفين اهل النيسان بالتعصب الدمووي

بالله عليكم تحطون سكيلان وباكورفت وين صارت هذه

ولا الرجال قال ويش قال 820 حصان الاسكاي اذا اهوا يقووول انه 820 حصان خله يطلع على الساحه ويقول هذه انا ابو 820 حصان

اما يقووول 820 حصان ويجلس في بيتهم هذه يطربله وينام جنبه احسن له


ومن اللي قالك انه قدم ولد المعيوف على البورش كله كلام جرايد وصحف


ولا الثاني يقولك عنده سكيلان من القطيف راح يبي يدوس ويا دوج فايبر قاله راعي الفايبر ماابي ادوس وياك لانك انت تبي تدوس صفر وانا ابي ادوس دحدره

قالهok اذا ماتبي تجرب ويانا بنطلع عليك اشاعه انا احنا مقدمين عليك

4 ليتات وين جالسين احنا لو يكون الفايبر مبنشر مايمشي الاخ يمكن جالس يتمشى



ولا هذه اللي يقل جيبوا لي اطلق كورفت

فيه كوارفت وفيه zo6 وفيه zr1 بعد اذا تبي الجماعه حاظرين لك ولغيرك


بس انتوا عيبكم يا هل السكاي تبون كل شيء لكم مو بالتساوي


انتوا ما تبون تدوسون الا صفر وهذه السيارات اللي تتكلمونها عنها ماتمشيء من الصفر هذه السيارات تحرق من الصفر وفي الاول والثاني بعد واهيه تحرق ومابالك من الصفر



واذا فيه احد يزعط منكم انه يدوس دحدره 40 /700 وفوق يارعات الاسكاي

انا حاظر انظم له قومه وقدام كل العالم بعد


وانا الصراحه دخل فؤادي هذه ابو 820 حصان نبي نشوفه يدوووس

40/700 او مايدوووس واذا يبي يدوس فيه له سيارات واااجد تنظره

بفارق الصبر

ولي عوده 000000000


:banana: :banana:

saihat 4 ever

هاه وينك متغبي اخوك . لا ماسنجر لا تشارك في المنتديات لا حريقه


علمهم ويش معنى corvette ادا الثنين ستاندر لصالح الكورفيت
وادا الاثنين ملغمين بعد لصالح الكورفيت

MR_ZR1

مو اللي مايعرف للصقر يشويه غناتي


وهذلين وش عرفهم بالكورفت مفكرينها l200 وعليها rb25 turbo

ياحبيبي انت وياه هذه مكينه شفر ومع اني مااحب الشفر بس هذه مكينه الكورفت غير واهيه استنادر قويه ومابالك واهيه مزوده وعليها اغراض


بس لو تجمعون 100 سكاي ونحط كورفتين ملغومين ماقدرتون عليهم


ولي عوده طيبه :banana:

اقول وش جاب 250 حصان ل600 حصان
وش جاب 8 سلندر ل6 سلندر



وشلون تبون السكايلانم طلع مع انه جذي طلع عليه اول قمزتين بس دامه 8 سلندر و600 حصان واكثر يمكن راح يطلع على السكايلان حطوها بعقولكم يا اخوان

اصلا المقارنه من الأساس غلط فيه فرق بين السيارتين مش نفس الفئه كيف تصير هذي المقارنه

بعدين حتى لو ستوك يكفي الفرق اجزاء من الثانيه بين سياره ثمانيه سلندر وتقريبا 5 ليترات وسياره 280 حصان

ليش ماتكون المقارنه بين الدودج فايبر والكورفيت؟

الجواب لان السيارتين من فئات مختلفه؟

لو كان الجواب نعم لان فئاتهم مختلفه عيل ماله داعي هذا الموضوع لان الفئات مختلفه والمقارنه خاطئه

لو كان الجواب لا مش عشان الفئات فبقول لكم نزلوا مقارنه بين الدودج فايبر مع الكورفيت وشوفوا من الأقوى ومن الي يقوم وبعدها تعالوا قارنوا الكورفيت بالـوحش الياباني

اذا فيه وحش امريكي من وجهت نظري فهو الدودج فايبر

وياريت لو يتم الرد من غير تعصب لان التعصب مايفيد في النقاش ولا الاستهزاء

أكيد يا خوي تويوتا وبس وانا في نظري بعد الدووج فايبر هو أقوى من الكورفيت


بس صبر شوي على الكورفيت c6 z06 وانشوف مين أقوى الدووج ولا الكورفيت
وانا حطيت قومه مو مقارنه بس أهل النيسان ماعرفوا كيف يردوا وفلسفوها

اخوي كلامك على العين والراس وانت ماغلطت يوم نزلت الفيديو لان هذا

القسم للفيديو بس لاحظ اول صفحه في الموضوع انت اقراها عدل

وانسى انك متعصب لسياره معينه وشوف ماينلامون محبين الجي تي ار

يوم ردوا عليكم في الموضوع بهذي الطريقه لان ردود اكثر الشباب

استفزازيه وهذي هي نتيجة الاستفزاز الموضوع طلع من معناه الرئيسي

وصارت مقارنه بالكلام وتعصب من غير شي مفيد..

اقووول والله عيب عليكم يا جماعة الكورفت تحطوا ارقام التسارع

الفرق بين الكورفت اللي مكينته تقول درام حجمها اكثر من 5 لترات وقوتها 400 حصان وسيارة ستة سلندر حجمها 2.6 وقوتها 278 حصان هوووو بس ( خمسة اجزاء من الثانية؟؟؟؟)

وين راح الفرق ال122 حصان لصالح الكورفت؟؟؟؟؟؟

وين راح فرق العزم اللي لصالح الكورفت؟؟؟؟؟؟؟؟

انا ما اقول ليكم الكورفت مو قوي بالعكس موتر محترم والكل يشهد له

بس الصراحة اليابانيين مبدعين في السكاي اكثر من ابداع الامريكيين في الكورفت

واذا تقول تبغى تقارن الكورفت ويا سكايلاين ستاندرد عندك ال nismo 400R

هذا طالع من وكالته كذا بتعديل شركة nismo اللي هي نيسان

سلام يا حلوين وسلامي للكوررفت :banana:

وبعدين قالوا لك الجماعة ان السكاي مو من فئة الكورفت لأن السكاي 6 سلندر والكورفت 8 سلندر بس اذا عاوزين ماكينة 8 سلندر من نيسان ترى حاضرين استلموا VRH35L 32-valve DOHC V8

قوتها 550 حصان على 6800 دورة

والتسارع من صفر الى 100 في 3.9 ثانية :banana:

وخلي الZ06 يتنفس بعد مو ال C5

سلام:banana:

الى الاخ : AYM_SS في اقوى زد في البحرين زد 300تيربو فول ريسنج مستعد يطلع مع اى سيارة ايا كانت واذا عندك كلام قط 5000 ريال واطلع اذا تبه هو يجيك والله انت تجيه ما في اى مشكلة ابي ردك في اقرب فرصة
:banana: :banana: :banana: :banana: :banana: :banana: :banana: :banana: :banana: :banana: :banana: :banana:

اخوي s_sfs في كورفيت C4 بالكويت و مستعد يطلع مع سياره ايا كانت و اذا تبي اكثر من الحق مالك هم حاضر...و اذا تقدر تيي حياك انت معاه و الحق موجود...

و ابي ردك في اقرب فرصه....:cool:

اخوي nismo انا كنت بقطع عن الموضوع لاكن شفت ردك و قلت لازم اوضح...

اولا انت بتسوي مقارنه بالتسارع بس ليش....

و انت تستفسر عن 122 فرق هذول وين راحوا...حبيبي سؤالك جوهري و لازم له جواب...اولا هذول 127 حصان بالضبط...

اولا الاحصنه هاذي بالتسارع خلت في فرق...تسارع الكورفيت بالتجربه 4 ثواني..و بالربع ميل 12,4 و هذا كل تجربه موتر تريند..يعني بالتسارع متفوق على السكايلن 7 اجزاء بالثانيه و بالربع ميل 2 جزء من الثانيه....اوكي لحد الان انت تسئل ال127 حصان وين راحوا اوكي...التوب سبيد اكثر من 320 كم و السكايلن اذا وصل ال300 خيرا على خير....اوكي اذا مو كافي انا اقولك وين ضاعت بعض الاحصنه..طبعا الكل يعرف ان الكورفيت دفع خلفي و الكورفيت من الصفر حيل قوي لاكن القوه هاذي كلها تضيع بسبب دوران الاطارات حول نفسها (فراك) مع ان الكورفيت من موديل 90 في جهاز TSC و هذا يمنع دوران الاطارات لاكن مع ذلك الاطارات يدورون حول انفسهم من قوه المحرك...يعني و انا هني مابي ارقع حق الكورفيت لاكن لو ان الكورفيت دفع رباعي لكان تسارعه جدا جدا رهيب.....

علما ان ارقام السكايلن الي ذكرتها اهي ارقام السكايلن GT-R 34....

و بعدين اخوي شنو السياره هاذي الي عليها مكينه نيسان ال8 سلندر و تسارعها 3,9..انا اشك انها سياره صالون او جيب لانه التسارع هذا جدا تافه بالنسبه لقوه المكينه...الكورفيت z06 اخر موديل تسارعه 3,8 ثانيه فقط و التوب سبيد ماله اكثر من 320 و كل هذا بقوه 405 حصان فقط...اتمنه انك تقولي شنو السياره الي عليها المكينه....؟؟؟؟

و بعدين اخوي تره وايد مثقلين على الz06 و كأنه اهو الحين اقوه كورفيت صنعته شفروليه لعلمك ان في كورافيت ستاندر تسارعهم جنوني و منهم الgreen wood و السنك و في كورفيت معدل من قبل شركه تابعه لشفروليه اسمها Lingenfelter و قوته 802 حصان و ملغوم بمكينه كورفيت 427 حصان و هاذي موجوده من ايام السبعينات على بعض انواع الستينقري....مزودين عليها تون تيربو فقوتها صارت 802 و تسارع الكورفيت هذا 1,9 ثانيه بالتجربه و الربع ميل ياخذه ب9 ثواني بالتجربه و التوب سبيد 400 محدد ركز على محدد....و لا تقولي دراق لانه الكورفيت هذا مخصص للاستخدام اليومي و متوفر للبيع بسعر 165 الف دولار......و انا اتحده اقوه سكايلن و خل تكون قوته 1200 حصان ايب التسارع هذا و يكون استخدام شارع مو دراق....من هذا الكورفيت تقدر تعرف منو الي احصنته تروح على الفاضي مع العلم ان الكورفيت هذا ما سوله تخفيف وزن...و ياريت احد يرد على استفساري!!! ليش الكورفيت هذا ال802 حصان اقوه من السكايلنات الي قوتهم 1000 و 1300 ...هل الحصان الامريكي فحل و الياباني مو فحل مثلا؟؟؟

ملاحضه اي واحد يبي فلم لتجربه الكورفيت Lingenfelter شامله جميع المعلومات و فيها يقول المذيع ان هاذي السياره لا تتفوق عليها اي سياره اخرى بالشارع (الشارع)..انا حاضر احطله الرابط و يحمل الفلم......





تحياتي لك اخوي و السموحه لانه طولنه عليك