ياشباب سوالف محتاج مساعدتكم واتمنى ماتردوني....

سيارتي هوندا أكورد 2004 قير تماتيك سياحي

والمشكله ان المفتاح الرئيسي مع صاحب السيارة الاول ومو راضي

يجيبه لي وانا الحين متورط وخايف تنسرق السيارة

رحت للوكاله النصابين عندنا وقالوا طقم المفاتيح والاقفال ب 1800 ريال


طلبي ارجوكم اذا فيه واحد يقدر يروح الوكالة ويسأل عن طقم المفاتيح

والاقفال كم سعرها


وجزاكم الله الف خير وجعلها في موازين حسناتكم

اخوكم 902

زين انها ب 1800 مب اكثر

عموما الله يعينك
ولو تدفع 5000 احسن من تنسرق السياره

وان شاء مايقصرون معك الاخوان

توكل على الله وغير اقفالها

السلام عليكم ورحمة الله وبركاته

902
اخوي اول شي ابارك لك بسيارتك والله يعطيك خيرها ويكفيك شرها.
لازم تتفاهم مع صاحب السيارة السابق بأن يسلم لك المفاتيح كلها وهو شو بيسوي المفاتيح لان انت احوج به.
والسعر المفاتيح مع الاقفال سعر حلو وهوندا معروفة بقطع غيارها شوي غالي ولاتنسى انت بتشتري قفل ومفاتيح من الوكالة مب من محلات نسخ المفاتيح.
اخوي اذا صاحب السيارة السابق لم يعطيك غير الاقفال والمفاتيح على طوول من غير ماتشاور اضمن لك .

السلام عليكم ورحمة الله وبركاته


اول شي الله يعطيك خيرها ويكفيك شرها


ومثل ما قال اخوي جراند

تفاهم مع صاحب السيارة لانه شو بيعمل مع المفاتيح ؟

نفسي اعرف ليش م يعطيك المفاتيح لانك خلاص اشتريت السيارة
ومب من حقه ياخذ المفاتيح !!!!!!!!!!

اليوم عطاك السيارة بكرة يسرقها لا سمح الله ولا يعمل شي


الاحسن انك تغير القفل من الوكالة وابعد عن الشر



و 1800 والله احسن عن انها تنسرق


بس ليش الصاحب الاصلي كب راضي يعطيك المفاتيح؟؟؟؟


الله يعينك ويوفقك


تحياتي لك
اخوك
خالد

السلا عليكم

مرحبا اخوي 902

ان شاء الله خلال يومين اشوف لك الاسعار هني في الامارات .

يعني انت تبي طقم كامل يعني اقفال جديده ؟؟

تفاهم معاه بالطيب ،،،


ما نفع ، ما في إلا الشرطة!

ليش تدفع فلوس علشان واحد (حــــــــــــمـــــــــار وغـــــبــــي ومتخـــلـــف) مثل هذا!

لو انا منك ماشريتها منه هاذا تبع السياره المفروض يكون عندك هو وش يبغا يسوي فيه الا اذا كانت نيته السرقه تفاهم معاه واذا مارضى ارفع عليه قضيه في الشرطه لفق عليه تهم انك شريت منه السياره ولا راضي يعطيك المفتاح وناوي يسرقها

عادي طال عمرك مافيها شي

إحنا بايعين أنتيجرا من 96 ومافتيحها عندنا لي يومك

تقريباً كل السيارات اللي تنباع مفاتيحها عندنا

لكن بشوف وبعطيك رد سكروا أحين ويحتاج شهر على ماظن عشان يوصل...

خل أخص يوم الأربعا وأشوف لك بس عندي حل ثاني:blink: شرايك بقفول شفر قديم إخوي يوسهم في الورشة تحصل مفاتيح كابرس على دتسن

والله اخوي حاول انك تكلم راعي السياره السابق يعني ليش محتفظ بالمفتاح الرئيسي يبغي يصور معاه؟

على العموم اخوي انا بسئلك في قطر كم راح يكلف وبرد لك خبر ان شاء الله بس هذا الموضوع يحتاج سرعه يمكن في لحظات تروح عليك السياره مع اني اوافق الشباب ان 1800 سعر جيد وتكون ضامن سيارتك بس فعلا هالانسان ماعنده سالفه:think:

يعطيكم الف عافيه شباب

ومشكلتي مع صاحب السيارة تخيلو يومياً اتصل عليه مايرد واذا اتصلت

بجوال ثاني قال مو انا صاحب الجوال والمعرض يقول هذا بينك وبين

صاحب السيارة والمعرض غير مسؤول

وانا اقدر ابهذلهم حتى يعطوني سعر الطقم بس بالاخير بأكتشف اني ضيعت شهرين وانا الحقهم وضيعت وقت هم مايستاهلوه واخر شي انا اللي بدفع قيمة الطقم

انا لو داري اني السياره ناقصه مفتاح كان ماشريتها ابدا

ما اقول الا حسبي الله ونعم الوكيل


=====================================

DDesigns - الامارات

RED Chevy -البحرين

TOYOTA - OBAS -قطر

والمطلوب طقم اقفال والمفاتيح الثلاثه

بانتظار ردودكم والف شكر على مجهودكم

اخوكم المنحوس 902

ان شاء الله اليوم اروح لهم ...

الشرطه في خدمه الشعب :p

الشيخ سعره 141 دينار بدون التركيب:banana: يعني أرخص من السعودية:eek:

هلا اخووووووووي ريد شيفي


ما تسلفني المفاتيح اللي عندك

شناوي عليه

تصدق من بعناها ماشفتها غير 3 مرات ومايندرى وين وصلت أحين وكيف حالها

بس اجس نبض

و الهوندا منتشرة و ناجحة في البحرين و الشرقية و الامارات :banana:

في قطر ب1550 :think:

متقاربه الاسعار بصراحه

لكن توقعي ان الكويت بتكون ارخص

لان حسب معلوماتي في الكويت القطع ارخص

DDesigns
بانتظارك

RED Chevy

يعطيك الف عافيه

TOYOTA - OBAS

يعطيك الف عافيه

ACCORD-V6

اذا انت من الكويت يعطيك الف عافيه وان شاء الله تكون اسهارهم ارخص

======================================
البحرين -------- 1400 ريال يعني ممكن
قطر --------- 1600 ريال مافرقت
الامارات ------------- ؟؟؟؟
الكويت "جديد" ------------ ؟؟؟؟

والله آسف انشغلت اليوم وما قدرت اروح للوكاله ..

بس ان شاء الله بكره .

هلا اخوي 902

شوف اليوم رحت الوكاله وسالته قال لي ايش نوع السياره الصراحه ما عرفت سيارتك شنو يعني هل هي XLi و الا VTI ولا 6 سليندر ..

المهم عطاني سعر LXI الاربعه سليندر ..

اللي هو 1360 درهم يعني نفس البحرين او يمكن اكثر لو تحوله الى سعودي ..

وطبعا تنتظر اسبوعين او ثلاثه لانه طلبيه من اليابان ..

فا نصيحتي روح البحرين اصرف لك .