بسم الله الرحمن الرحيم

شباب يعني نقدر نقول ان الدفع الامامي فكره سووها الشركات عشان يشفطو مننا فلوس وبس

بصراحه هذا اللي فهمته:anger:

السلام عليكم ورحمة الله وبركاته
تقدر تقول السبب الرئيسي، لأنهم بيختصرون الوقت والجهد وتكاليف التشغيل ويقللون رواتب العمال( ساعات العمل بتقل) وبينتجون سيارات أكثر والصيانه طز في المستهلك خل يدفع أكثر مو مجبورين يحطون خلفي عشان خاطره يشوفون مصلحتهم وين ويحطونه عكس الشركات اللي مايهمها زياده الإنتاج يهمها جودة الإنتاج، على فكره اليوم ركبت الأوميجا مالت إخوي وتعرفون شنو إكتشفت؟

أولاً الهندل اللي تمسكه( فوق الباب) نفس اللي في الكابرس، الكفر اللي تتحكم فيه من إرتفاع الحزام نفس الكابرس، الحديده اللي في آخر السقف نفس اللومينا وإن شاء الله أصور هالأشايء وأـحطها للشباب عشان يقولون ديكور دخالي زت وقوة بدي أقل ومواد مستخدمه من أسوء المواد الأوبل ليش محد تطكلم عنها تدرون يش( شعارها مو شفر) والله لو نازله بشعار شفر تلاقي السب واللعن فيها مثل الكابرس واللومينا.

بسم الله الرحمن الرحيم

السلام عليكم ورحمة الله وبركاته

وش السالفه شباب على ايش الهواش ؟؟

هو صحيح ان صناعة السياره السحب الامامي أوفر على المصانع لكنها بعد توفر حاجات كثيره على المستهلك مثل صرفية البنزين :cool: و بعد لها ميزات كثيره مثل الفزه القويه

و اذا ما انتم مصدقيني جربوا Saab 9-5 مع لومينا SS و بتعرفون



و سلامتكم

يالطيب احنا ما قلنا الدفع الأمامي مالها مميزات أبدا احنا ذكرنا ان الأمامي ممتاز في الفزة وفي الثلوج وفي توفير البنزين .

بس في الخطوط تكون تعبانة وفي التصليح صعب وفي التحمل تعبان (هذولا هم أهم شئ مو الفزة والبنزين)

ولو كنت تقاوم كل يوم بالأمامي أكيد راح يتعب أكثر أما الخلفي يتحمل .

والخلفي الكل يعرفله غير الأمامي فئات معينة .

وأرجو عدم تغيير الموضوع إلى لومينا خلونا بموضوعنا .

ومشكورين على التفاعل (مواد كيميائية مو ناس )

ياشباب اسمحوا لي بالمداخلة ...
السحب الامامي ممتاز لسيارات الفئة الصغيرة واغلب المتوسطة حيث انه يوفر بالبنزين والقوة الكثير ...
وممتاز بالثبات حيث ماتحتاج الى انظمة رساوة ونظم تعليق مكلفة وبالنسبة لصيانته فقد تكون مكلفة نوعا ما لكن لاتزيد بكثير عن الدفع الخلفي بالاضافة الى تجاربي في سيارات يابانية والمانية وامريكية سحب امامي فلا الاحظ ان مشاكل العكوس تظهر كثيرا بل نادرا .. يعني ماهو كل واحد تظهر معاه ... بعدين حتى في الخطوط الثبات يكون لصالح السحب الامامي نفس المبدأ لا يختلف من المدينة عن الخط ...
اما الدفع الخلفي فأهم ميزة لاحظتها فيه ان الدريكسون ( الطارة ) مريحة وخفيفة مما يسهم كثيرا في الراحة بالاضافة الى ان السيارات الدفع الخلفي قادرة على توصيل سرعات اعلى منها في السحب الامامي ولاحظت ذلك خصوصا لما اطلع بسيارتي ( ماكسيما ) اتعب من السواقة بسرعة لكن لما اخذ سيارة اخوي ( فياجرا ) ما اتعب من السواقة لأن الطارة خفيفة وما احس بالمطبات عليها ....
ملاحظة :
في السيارات الفخمة مثل المرسيدس والبي ام الرساوة ما تفرق كثير بين الامامي والخلفي ....













اخوكم الشبابي

عاد تصدقون توني الحين شفت أخوي دخل من باب البيت وكلمته وقلتله شلون المكسيما على الخطوط قالي مو ثابتة والإكسات دايما تخترب عنده مع انه والله هو ما يقاوم ولاشئ (رجال عاقل) .

وعلى فكرة سيارته موديل 2002 فاتحه على ايده من الوكالة
وهو قالي انه ينتظر اللومينا موديل 2005 يشوف يتغير شكلها ولا لا .
وراح يثمن المكسيما ويشتري أس أس لأنه مكان دوامه تغير ويبي سيارة للمشاوير .
عندنا كابريس أس أس وأخوي مرتاح منها .
علشان هو شاف الأس الأس شفر كيف مريحة وما تخترب فقال يبي يشتري اللومينا (نفس المكينة بس البدي غير).

ومشكورين على مشاركاتكم .
فخلاصة كلامي أقول انه الدفع الخلفي أحسن بكثييييييييييييييير .
والسبب انه مرسيدس والبي أم والسيارات الفخمة تستخدمه للحين .(حتى في سياراتها الصغيرة فئة 4 و6 سلندر).

فأنا أقول ان الشركات الفخمة تدور الأمان والقوة حتى تحافظ على سمعتها .
ما يصير احنا نحكم ونقول .
ومشكرين على المشاركات .

السلام عليكم ورحمة الله وبركاته

تعقيبا على رد الاخ الغزيز "حفيد الفاروق" على SVT-COBRA

جرب سيارات SAAB و انت بتعرف كيف الثبات فيها و كذلك VOLVO





تحياتي

بسم الله الرحمن الرحيم

مرسيدس والبي أم أثبت من الساب والفولفو

ليكون تقول العكس

اخوي حفيد الفاروق ...
جرب مرسيدس سحب امامي واخر دفع خلفي وسترى ان الامامي ارسى ....
هل تعتقد ان الكاديلاك الدي تي اس اقل رساوة من السي تي اس ؟؟


















اخوكم الشبابي

هلا الشبابي

أنا ما قلتلك الأمامي مو أرسى .
أنا قلتلك انه معقد ومو راسي في الخطوط وانه صعب التصليح .

وهو راسي في القومة بس

وبالعقل لو كانت أرسى وأحسن كان حطوها بس الناس تفكر .

ولا أحد يزعل احنا نتناقش
(في الملعب أعداء وفي الخارج أصحاب)

وواحد من الشباب كان حاط في قلبه .
وقالي كان بينا صراع وبغيت ما أرد في موضوعك .
أرجو انه محد يحط في قلبه

يا الطيب تراه الأوبل اصلا منظمه إلى جنرال موترز
و فيه كدلك تشبه الأوبل اوميغا بالضبط
و للعلم شاصي الأوميغا هوه نفسه شاصي اللومينا
و منو قال ان الأوبل اوكي
هاي المفروض ما يحسبونها المانيه

اخوي ريد شيفي ...
على فكرة الاوبل معروفة انها مثل اللومينا حتى ان الكتاوت لو تفكها حقت الشكل القديم للومينا 2001 بتلاقيها نفس حقت الاوبل من نوع سيمنز ... ولعلمك للأسف رغم انها سيارة فخمة جدا بالنسبة الى سعرها الى ان جودتها اسوأ بكثير من الومينا ....



















اخوكم الشبابي

هلا بالشباب، طبعاً آنا أعرف إنها لومينا والكتيرا والcts نفس الكلام، لكن تذكرون موضوع إخوي KING 4X4 عن قوة البدي، تناقشت وياه عن إن الأوبل هي اللومينا هي الكتيرا، الموقع اللي هو جايبه قول إن اللومينا أزفت بدي وحاط للأوميجا والCTS علامات ولا أحسن ومستوى السلامه فيهم مرتفع، فشلون الأوميجا اللي هي اللومينا تكون بتقديم ممتاز واللومينا أسوء شي محطوط لها، لو نفكر بعقل شوي نشوف إن الموقع غلط في غلط يعني هل ممكن تصدقون إن الأمان في ااباثفايندر زفت والإنفنتي QX4 أعلى مستوى أمان، ذي كان قصدي والصور بتبين كلامي.

اخوي ريد شيفي ...
ممكن تكون التجهيزات تختلف ...لأن بعض السيارات تشترك بالمحرك او بهيكل السيارة فقط او بالقطع الكهربائية فقط ... ومن المعروف ان اوبل لها تقنيات عالية اعلى من سيارات جنرال موتورز الاخرى ...
بعدين على فكرة اللومينا 2000 الى 2002 بدون دعامة حوادث داخلية اما الجديدة فتحتوي عليها ( هذا ماسمعته من صاحب لومينا 2003 ) ..
وبعدين الاوبل تحتوي 4 ايرباج على ما اعتقد وكذلك السي تي اس وهي من الجيل الجديد السريع الانتفاخ اما اللومينا لأ ...
بعدين هل قوة اللاوبل ولا السي تي اس مثل قوة اللومينا ؟؟؟
وهل انظمة الرساوة نفسها ؟؟ لا طبعا الاوبل والكاديلاك ارسى بكثير ...


















اخوكم الشبابي

الشابي، ترى الإيرباج اللي في الكرسي موجود في الكابرس أحين، وأنظمة الثبات ماظن تختلفكثير عنك الأوبل فيه الحبه اللي على شكل ثلج هذي مو التراكشن اللي في اللومينا؟
الحبه اللي فوق الجير هذي مو البور في اللومينا؟
قبل كم يوم قاري في مجله هولدن( الفرع الإسترالي لأوبل) هذي من المجله، وترى الكورسا تنصنع في أستراليا يعني كلنا في الهوا سوا.

اخوي ريد شيفي ...
لا اعلم ان كانت هي نفسها ام لا لكن كل من جرب الاوبل يعرف انها ارسى من الومينا اللهم حوادث الانقلاب الغريبة التي تحصل لها ...
وبالنسبة للتراكشن اللي في الومينا فإن طريقة عمله تختلف عن انظمة الرساوة الموجودة في السيارات الاخرى سواء اليابانية او الالمانية او الامريكية فهو عبارة عن فاصل فقط ... يتحسس انزلاق اي كفر ويفصل الدعسة بينما في السيارات الاخرى يتكامل هذا النظام مع الانظمة الاخرى فيعطي فرق كبير في الثبات ....














اخوكم الشبابي

الشبابي شي واحد بس يثبت إنها نفس السياره، الفخذ( المقص عندكم) روح شوف مال اللومينا وشوف مال الأوبل ولو لقيت فرق ذي وحهي:think:
إذا تقدر مر الجميح اليوم أو بكره إدخل الكابرس واللومينا ولاالأوميجا ودقق في الأشياء اللي قلتها صدقني مابتشوف فرق، ودش CTS طالع الالخام المصنوع من تنجيد السقف وإدخل رويال وشوف نفس الخام أو لأ.

الشبابي شي واحد بس يثبت إنها نفس السياره، الفخذ( المقص عندكم) روح شوف مال اللومينا وشوف مال الأوبل ولو لقيت فرق ذي وحهي:think:
إذا تقدر مر الجميح اليوم أو بكره إدخل الكابرس واللومينا ولاالأوميجا ودقق في الأشياء اللي قلتها صدقني مابتشوف فرق، ودش CTS طالع الالخام المصنوع من تنجيد السقف وإدخل رويال وشوف نفس الخام أو لأ.
وإذا تقدر شوف السيارتين من تحت وطالع نفس الشي أو لأ.

نقطة صغيرة بس احب اذكر فيها
لكل سيارة وضع خاص يحبذ الدفع الأمامي في بعض السيارات والخلفي في السيارات الأخرى

مثلا الكورولا الي صارت تحرج سيارات كثيرة بفضل دفعها الأمامي ومحركها ثانيا يعني تخيل اشلون بتكون لو كانت خلفي D

الفورد جراند فكتوريا مستحيل تتخيلة دفع امامي حتى لو انت تبغي هذا الشئ

بخصوص اعطال الدفع الأمامي والخلفي فهي تعتمد على الشخص اولا مع اولوية للخلفي لقوتة
بس لو في سيارة دفع امامي انت تستعملها استعمال نظيف صعب ان تحصل معاك مشاكل

شباب شي ثاني وأظن هو من الأسباب الرئيسيه في ثبات الدفع الخلفي على السرعات العاليه، لاحظوا إن الأوروبي والأمريكي توايره الخلفيه مو سيده صايرين هاللون//// بعكس الياباناي اللي التاير يصير l هاللون، وكل مازادت السرعه يفشح التاير أكثر ولاحظت ذي الشي على البياإم والمرسيدسات الموديلات القديمه والكابرس واللومينا والأوميجا( كان جدامنا 530 2004 و كابرس 2004 وماكس الكابرس وال530 كانوا هاللون/ والماكس سيده بدون أي حنيه) وزوج خالتي صدم رصيف على خفييييييييييييف بالماكس التاير صار بالعكس دخل على داخل من تحت وطلع على برى من فوق وذي أعتقد واحد من أهم الأسباب.( السالفه في الأمريكيل والألماني هي هايدروليك لاغير)

الدفع الخلفي هو اساس السيارات :cool:
وفكرة الدفع الامامي فاشله بس ويش تسوي معضم السيارات دفع امامي الحين

لاكن صدق الي شبه الدفع الامامي بالي يمشي على يدينه

اخوي ريد شيفي ...
الخاصية هذي موجودة بالكابريس واللومينا وبالسيارات الثانية لكن في الومينا والكابريس موجودة بصفة قوية وتجد ميلة الكفرات قوية وهذا يعطي رساوة بالخطوط وهي حركة حلوة ولذلك تجد ان الكابريس بالذات راسي بالخط ومريح ....
ولكن الحركة هذي موجودة بالسيارات الاخرى ولكن الميلة خفيفة جدا في الامام واقوى شئ بسيط في الخلف ...
لكن بالنسبة لكون المشاكل تكون في الامامي اكثر من الخلفي فهذا الكلام كان من اول في جميع السيارات لكن الان تخلصوا من هالمشاكل لأن السحب الامامي تتأثر عكوسه بنوع الشوارع اللي تمشي عليها السيارة واحنا شوارعنا مايحتاج ... حتى اذكر ان احد المهندسين اليابانيين في شركة نيسان كان يتحدث مع اخى في الشركة عن هذه المشكلة وقال ان مشاكل العكوس في الرياض تعتبر 15 % من اللتي في جدة وذلك طبعا للفرق في الشوراع حيث ان شوارع الرياض لايعلى عليها ولكن الان كل الشركات تخلصت من هذه المشكلة ... وخصوصا بالذات الشركات اليابانية لأنها تعتمد عليها في الفئة المتوسطه والصغيرة بشكل تام .....















اخوكم الشبابي

هلا بالشبابي:
طال عمرك العكوس هذي مافهمتها لكن أظن أعرف شنو هي القطعه، إذا عي اللي في بالي فكل سيارة دفع أمامي مع مرور الزمن لين تلف السكان تسمع( طق طق طق طق) وذي المشكله تقريباً في كل السيارات القديمه وماتبين بسرعه، تصدق أحين وآنا راجع من المسجد لاحظت البولو مالتنا، نفس الشي التواير الخلفيه مايله مو سيده وذي سبب من أسباب ثباتها، كل واحد سافها يقول أثبت من الأكورد والكامري( قوطي عصير أثبت من الياباني) وجرب تسوق الماني عقب سوق سيارتك شوف الفرق كيف، ليش الياباني مايميلون التايرات الخلفيه مثل اللأمريكي والألماني( شوف البولو دفع أمامي) السالفه زيادة تكاليف وهم مايبون يزيدون.

لا يا اخوي ريد شيفي ...
كلامك فيه الكثير من الصحة وانا معاك ... فالاولويات تختلف من شركة لأخرى فعلى سبيل المثال .. هل شوراعكم بالبحرين مثل اللي عندنا بالسعودية ؟؟؟ لا طبعا شوارعكم نظيفة لكن عندنا لا ... ماعدا شوارع الرياض ممكن تنام عليها مو مشكله ...
الامريكان عندهم فلفسفه خاصة بحيث ان بلادهم كبيرة مرررة وكلها خطوط سريعة وشوراعهم نظيفة ... ولذلك تجد هذه الاشياء موجود ومن ناحية اخرى الالمان اهم شئ عندهم هو الرساوة والامام قبل اي شئ ولذلك في اي سيارة المانية من اقل البولو الى المايباخ انظمة الرساوة قياسية من بلدها بدون اي رسوم زيادة ... ولذلك تختلف السيارات ..
طيب قلت لي ليه الياباني مافيه ؟؟؟ سؤال حلو واقولك لأن اليابانيين يحاولون يصنعون سيارات صالحة لجميع الدول بحيث انهم مايحتاجون يعدلونها عن صناعتهم لأي دوله والحركة هذي الموجودة في الكابريس والبولو تظر الرومان بيلي في الطرق الوعرة لو كانت مايله كثير ولذلك لم يضعوها اليابانيين ... فسياراتهم فيها من الرساوة الشئ الجيد جدا لكن من ناحية اخرى تجد ان اللومينا لا تجد فيها نفس الرساوة اللي في السيارات اليابانية اللي تتكلم عنها وانا مجرب لومينا اس اس 2003 حقت صاحبي ومعاي ماكسيما وفرق واضح بالرساوة لصالحي ...
وسأكتب ان شاء الله موضوع كامل عن فلسفة السيارات قريبا ...













اخوكم الشبابي

لا يالشبابي:
التاير حتى لو كان مايل ماينزل السياره هي كون مايل بدرجه خفيفه والسياره واقفه وكل مازدت السرعه مال أكثر ونزلت السياره أكثر( المعروف كل مانزلت السياره زاد الثبات) والتاير كل ماتزيد درجة ميلانه زادت الصعوبه في إنقلاب السياره، صدقني عندنا أمريكي وألماني وياباني أثبت شي الألماني والأمريكي لكن في الياباني لين تطوف 160 تقعد تتشهد تحس إن السياره بتطير، عند اليابانيين يعدلون كل السيارات اللي تتصدر للخارج عدى اللي تروح إستراليا وبريطانيا، كل الدول تروح السيارات اليابانيه سكان يسار يعني تعديل كبير يجري عليها عندك مثالب الكابرس في إستراليا سكان يمين ويجينا بس حنا سكان يسار واللومينا تجي بس عندنا وتروح أمريكا يسار يعني تغيير كبير يصير فيها ولاحظ التواير شلون مايله شوي وشوف كابرس يمشي 200 شلون التاير مايل ونفس الكلام مع الألماني.
شوف ردي اللي ناقله من مجله وبتعرف كل شي، مميزات الدفع الخلفي الثبات على السرعات العاليه والأمامي على الامنعطفات والطرقات الزلقه وصدقني آنا راكب لومينا ومرسيدسات ورنجات بس الثبات فيهم على الخطوط بشكل مو طبيعي وإخوي كان يدوس ومايرحم السياره وصاحبه نفس الكلام كسر اللومينا تكسر خلا المكينه تطلع زيت بروحها بدلوا المكينه على الضمان لكن محد إشتكى من الثبات، شوف الكابرس اللي في توقيعي هذي إخوي راد فيه من كويت والدفريشن متكسر بطلوه لقوى الحديد صاير مثل المعجون وآنا بنفسي شفته لكن الموتر وصله البحرين وماقال آه.