بصراحه يا شباب من قهري كتبت هذا الموضوع أنا أول من أشتر باسات 2004 في الإمارات ولاكن يالمصيبه والخيبه واللقعه صحيح سيارة ألمانيه وفل أوبشن وسعرها 106000 درهم لاكن السيارة قطعت 500 كم وضرب قيرها والله حرام.

بصراحه لما وديتها المهندس شكله انهبل لما فحص السيارة مع العلم أن السيارة في فترة التلين وقال أنها تبغيلها شهر تصليح والله مهزله.

أنا ما كذبت خبر وشليت الدنيا وقعدتها على روسهم واليوم رايح أشتكي .

اسيارة شارنها من وكيل أبوظبي

بسم الله الرحمن الرحيم

شكلها عين مصليت على النبي المهم وش بتسوي هل بتبيعها او بتصلحها ؟؟؟؟؟؟؟؟؟؟؟؟؟

بس لا تستعجل

لأن هذا الموضوع راح يوصل للشركة في ألمانيا و سوف يتم فحص التصاميم و ممكن يكون عيب تصنيعي و يتم الابلاغ عنه عند التأكد من الموضوع

ان الله مع الصابرين

مبروك على السيارة

مثل شامي ( تهريها بالعافية )

خليل

أخوي S1000 لاتسكت عليهم بعدين تندم بعد فترة من الزمن

مادام أنها في فترة التليين طالبهم بأنهم يغيرو السيارة

تحياتي

بسم الله الرحمن الرحيم

اخوي لاتضيق خلقك ولاشي روح لهم

وتفاهم معاهم لو هذي تحصل معي

احرق الوكاله بالي صنعها

ويعطوني سيارتين غيرهم مو بس وحده

طالب بتغيير السيارة

الله يعينك اذا كدا السيارة من اولها

وجــــــــــــــــــــــــــــــــــــــــــــــــــع
في فترة التليين ؟

اجل والله ماكذب صاحب الباسات اللي اشتكى من القير من فتره قريبه ...وهنا في المنتدى

بسم الله الرحمن الرحيم

دقيقه يعني :rolleyes: :cool: :( :p :eek: ;) :banana:

والله مابقا شي هم يضحك ويبكي ويقهر وكل حاجه؟؟؟؟؟

يعني الحين الالماني كذا اجل كيف الكوري

انا عندي اوديA4 2002 من عندهم عمري ماندمت اني اشتريت شي مثل ما ندمت يوم اشترين من عندهم اقولكم قصتي عمركم سمعتو يوم تخترب سيارتك تتصل فيهم تتوقون شو يقولون لك خذ موعد بعد اسبوع او اسبوعين ثانيا قطع الغيار نار تصدقون مبدل سفايف عندهم لسيارة امام وفي الخلف ب 1500 درهم من يومين اخترب من عندى الكويل كل ماتطلب منهم قطع غيار ما تلقي شي يقولون انتظر انتظر شركة اخرطي يعرفون يعرضون فقط يوم اشتريت السيارة قالوا لي الظمان 3 سنوات على السيارة دون تحديد الكيلو مترات بعد سنة و3 اشهر اخترب على جهاز التحكم في التكييف رحت إلى عندهم قالوا لي الضمان صح ثلاث سنوات ولكن مايشمل لستة مالها اول ولا اخر يعني ضمان بدون ضمان مذكور في اللستة كل شي في السيارة وطلبوا مني 2500 سعر جهاز التحكم في المكيف ومواعيدهم اخرطي اقولك شي أفضل لعلي و اولادة وكيل اودي وv.w ان يغير تخصصة من بيع سيارات و ان يبيع سمك لأنة ما يعرف شي.

وشكرا.

في هاذي صدقت

بس من رايي انه مايبيع سمك اذا في السيارات مو ناجح بينجح
يبيع سمك على العالم
لان ويش عرف لحمار بأكل لكنار

السلام عليكم ..

في البدايـة أقول نعم في عيب تصنيعي في القير في الباسات 6 سلندر من سنـة 2003 و 2004 ، طبعا هذا ينطبق علـى بعض السيارات مو كلها ، في أمريكا تم تغير جميع الغيور للسيارة من هذا الموديل علـى حساب الوكالـة ..

علـى و أولاده الصراحـة تعيس مو لأن خدمـة تعبانـة بل لأن الزحمـة عنده وايد ، تخيل وكالـة فيها أودي و فولكسواغن و بورشيه في مكان صغير جدا جدا ، حاليا الشركـة قاعدة تشتغل علـى ورشـة ثانيـة لكن متى تخلص الله أعلم ..

لا تطلع من الوكاله الا بموتر جديد
و الله من حقك

بلا ادنى تعليق


http://www.swalif.net/sforum1/showt...threadid=171005

طول بالك اخوي ويامالك اسأل مجرب

لو اني مكانك ما أترك صحيفة بالعالم ما أنشر المشكلة فيها ،
حتى الصحف اللي في جزر انونيسيا واللي في أدغال أفريقيا أكتب لهم عن مشكلتي
وصدقني ما يضيع حق وراه طلابه