و عليكم السلام و رحمة الله و بركاته

ماشاء الله صاايره بن بطوووطه مو Oasis الملقبه بأم خشم

أم بدر إذا عن السوق في الكويت إذا زرتينا دقي علي و ماخلي سووق ماوديج له أفا عليج وخلي بدوري عنده

بالنسبة لي سافرت البحرين و الأمارات و السعودية و مصر بالنسبه للدول العربيه
و الدول الأجنبية لندن و أمريكا و الأخيره تكفي عن دوول كثيره لأختلاف في مناخها

بالنسبة للمواقف الطريفة كثيره ، بس في موقف كان خطير أكثر منه إنه طريف
كنا في أمريكا في ولاية جورجيا و تونا طالعين من الجمعية و مانسمع إلا صوت شرطه و إسعاف و صوت ضرب نار و كان معانا أخوي ما يشوف إلا كلنا مسكنا بطرف قميصه بس الله ستر ومارحنا فيها



و ماشاء الله أكثر المواقف الطريفة صارت في مصر ما شاء الله الله يزيد و يبارك كل الشوارع عندهم زحمه فكان في واحد راكب دراجه و حاط فوق راسه شبك و عليه يمكن لا يقل عن خمسين خبزه و الخبز في مصر يكون شوي متين و حنا واقفين بالطريج ننطر الشارع يمشي و عيونا عليه و نتكلم عنه شلون قادر يشيل الكميه هذي على راسه و يمسكها بدين وحده و الثانيه على مقود الدراجه ، شوي ومانشوف إلا هذا أهو و الخبز متكودين بالأرض ، الصراحه اللي كنا بالسياره كل واحد يطالع الثاني و يشك بالثاني منو اللي فينا عينه حاره و حصلت لي مواقف غيرها في مصر بس أخاف تقولون عن حمامه خوافه :rolleyes:

العفو أم بدووري لا شكر على واجب عزيزتي

ماشالله عليك لا تصيرين زي الرحالة ابن بطوطة وانا ما ادري

سلااااااام
بالنسبه لي رحت دبي و اردن و سوريا و تركيا و رومانيا
و احلى شي تركيا و رومانيا
و شكرا

شوفي اختي اويسز صحيح رومانيا حلوه و طبيعه خلابه و اكثر من خلابه
و الجو رااااااااااااااااائع
لكن مهما كانت تبقى دوله اوروبيه ما ترتاحين فيها
بس خلينا من ناسها
باقي الاشياء رااااااااائعه
الجو و المناظر
سبحان الخالق و المبدع
اما المواقف ما في شي في بالي حاليا اذا تذكرت قلت لك
بس اللي اتذكره اني كل شوي اطيح
هههههههههههههههههههههههههههههه :p

لا يا معوده السبب انا بس اشوف المناظر ما اشوف طريقي
و اطيييييييح
ههههههههههههههههههههههههه
:p

بالنسبة لي رحت الاردن والصراحة ما عجبتني يمكن لان مافيها سوق ومجمعات بس جوها بالليل شي شي ورحت لندن ووناسة من قلب هناك ياريت اروح لها مرة ثانية ورحت الامارات واحلى شي هناك الستي شي من قلب بس ما رحت بوظبي عششت في دبي ومرينا مرة عالحسا في احد السفرات بالسيارة ولا بأس فيها بس ما شفت سوقتها ورحت البحرين بس الصراحة البحرين حلاها بهلها وناسها والسيف طبعا

احسن بلدان زرتها

لبنان طبعا (مليت منها كل سنه طابين فيها)

ايطاليا شئ روعه
الامارات ماتصلح الا بالعيد الجو رهيب

يمدحون مكة


أنا سافرت سوريا الأردن ولبنان.. فقط ...


وكانت أحلى أيامي في سوريا ...:rolleyes:

انا زرت مصر ما عجبتني لسبب احتفظ فيه لنفسي
ورحت تركيا حلوة مرة
ورحت بريطانيا حلوة


نواف
اشبها مكة

احلى ام بدر.

صايره كشخه بالمواضيع


بالنسبه لي..

سافرت في دول الخليج للإمارات والبحرين فقط..

والدول العربيه الأردن..

وسافرت إلى

اندونيسيا وماليزيا وسنغافوره (( قريبين من بعض )) لكن يختلف التقدم في سنغافوره وماليزيا عن اللي في اندونيسيا..
اندونيسيا اجمل شي فيها المياه الحاره.. والجبل اللي قريب من العاصمه..

وسافرت
للنمسا وسويسرا وألمانيا..

سويسرا والمانيا ما طولت فيهم..
رحت لميونخ.. وصار لنا موقف.. ما اذكر عدل..

لكن اذكر انه كان فيه تمثال كبير بالشارع لونه ذهبي.

قعدنا ندور بالمدينه وظيعنا.. قعدت اطالع من الشباك لين حصلت التمثال. قلت الرجال اهوه

والنمسا.. كانت من اجمل الرحلات في حياتي.. ان شاء الله اكررها قريب..

ومن المواقف هناك..

كان فيه بحيره ساكنين فيها اسمها zeel am see كانت قريه فيها بحيره ومنتجع سياحي على البحيره .. واذا كان الجو حلو اروح البحيره اسبح (( المويه باااارده بس ما يخالف )) المهم.. اختي الصغيره كان عمرها حدود 6 سنوات.. كانت تسبح المهم طلعت.. قالت لي عبدالله شوف هذاولا ما ادري وش يبون.. كان فيه اربع شباب يناظرونها ويضحكون.. يمكن لان ملامحها عربيه وغربيه..!!

انا طبعاً طلعت فيني الشياطين.. كنت وقتها محلق شعري موس طالع تحفه..!
المهم واروح وامسك واحد من رقبته واقعد اتهاوش معه.. المهم انا قاعد اصارخ بالعربي.. هو سالني انت ايش قلت انا عربي.. وانحاشوا كلهم

ياخي والله العرب هيبه..

واذكر تعرفت على شباب نمساويين.. قعدت اسبح معهم. ما ينادوني إلا عبدول.!!! اقول يا ابن الحلال اسمي عبدالله.. يقول ya abdool!!!

وهذا رجال كبير فشلته..

كنت قاعد العب كوره في النمسا..

المهم جا يستعرض بالكوره قدام زملائه وزميلاته (( حطوا تحتها خطين)) المهم يوم خلص وانا آخذ منه الكوره.. حطيت فيه كبري.. والله العظيم مو صاحي.. احس طاح وجهه

وبس هذا اللي عندي.


الصراحه تعبت من الكتابه..

وعليكم السلام ورحمة الله وبركاته

انا ما سافرت واجد وما رحت غير الدول العربية

سافرت سوريا جوها حلو وفيها مناظر طبيعية

حلوة بس ناسها خلنا ساكتين احسن

وسافرت لبنان طبيعتها وجوها روووعة الصراحة

ورحت البحرين مع الحرارة الشديدة اللي فيها

بس الاسواق حلوة وناسها طيبين

وفي مصر طبعا الاثر اكثر شي عجبني فيها

وناسها الصراحة لصقات :rolleyes:

وما اذكر صارلي مواقف:rolleyes:

تحياتي لك

بس كنت طالع ابضاي