السلام عليكم...

بما إني عضو جديد في المنتدى فحبيت أضع موضوع حلو يحبونه الشباب وهو عن هذي اللعبه الجميله فعلا والمثيرة ...

المهم هو أطلب من الشباب يحطون آخر سرعه جابها في TEST COURSE

الخط الكبير اللي في اللعبه ...

انا ببدأ وعسى واحد يتحداني ..

896 كم ... طبعا بأقوى موتر وهو سوزاكي أسكودا الوحش ولكن بعد ماوصلت الأأحصنه فيه الى 1780 حصان او أكثر ما أذكر وبقولكم كيف جبت السرعه الخيالية ..

خلوكم معاي . طبعا بعد ماخذيته رحت TUNE UP التزويد و آخر التيربو stage 4 ووصلني الى 1780 حصان ورحت TEST COURSE لكن والله شو سويت فيه تنزيل كامل عسبت الهواء مايأثر عليه و قفلت التراكشن والنظام الثاني ما ادري شو إسمه المهم و حركة حلوة وسويتها إني أنزل البمبر و أرفع الجناح في نفس المكان مال التركشن وذي السوالف في SETTING مال السيارة المهم واطلع السباق لكن عاده من قوته مايلف ابد لين قبل ماتنتهي اللعبه والله العظيم ادري مابتصدقون والله وقف على العجبلات الخلفية وتزيد السرعه بشكل جنوني إلين وصلت 896 كم وكان يقدر يجيب ازيد وأوصل الى النهايه طبعا تسمع صوته وهو على السرعه تقول طيارة وجربوا الحركة و إن شاء الله تطلع وياكم .. اخوكم ولد الأمارات

اخوي ياريت توضح لنا اكثر شويه يعني شرح خفيف ..

عشان اقدر اجربها ..

ابينلك الخطوات حاضر الغالي .

1: خذ السيارة من الوكاله
2:روح على مكان التزويد وخذ TURBO STAGE 4
3:طبعا بتشوف عدد الأحصنه بيزيد
4: روح على test course لتجريبه
5:قبل ماتدخل روح على setting مال السيارة
6:نزل السيارة اكيد تعرفها بس اول خيارين في المساعدات خفضهم.
7:روح على آخر شي هو التحكم في إنزلاق السيارة و عدم التفحيط TCS خفضهم على 0.0 .
8: اول خيار في نفس المكان هو التحكم في إرتفاع الصدام والجناح وخفضه إنته عليك الغالي خفض الصدام ورفع الجناح . فقط
9: إدخل السباق وعلساك تجيبها عاده ...

مشكووووور اخوي ولد الامارات ..على هذه الحركه

شكور اخي ولد الامارات


بس هل تقدر تجيب كلمات السر تبع الشريط كله ...!!!

بحاول اليوم إن شاء الله ولايهمك الغالي .... وشكرا شباب على الردود ولكن وين الشباب ....

شو إستوت عندك الحركة ولا لأ .... وخبرني دخيلك

طلعت خبير في هذي السوالف وأنا أقول محد خبير غير أخوي الصغير عمره
14 سنة في اليوم لازم 10 ساعات مقطع تقريبا و بعد ما يخلص من اللعب
الله يعيني ويعين ربعه أنا وأنا لكن ما شاء الله على أخوي لاعب محترف وأتمناك
ياولد الامارات تترايس معاه في اللعبة لكن أكيد أنت اللي بتفوز لان
شكلك
أبو الجراند توريسمو 3


اوكيييييي

أخي / اختي :alashwaq

هذي الحركات اللي تحصل فيها السيارات :

Gran Turismo 3 A-Spec
الرابط الأول :

إضغط هنا

وهذي أكواد الجيم شارك او AR2

وطبعا الله يعينك على كتابتهم و إذا عندك AR2 بيكون احسن لأنه الكودات كلها موجوده ولكن لازم تكون اللعبه أصلية عسبت تشتغل .

الرابط الثاني
إضغط هنا

وعسى إني كفيت ووفيت و أتمنى الشباب يشاركون ... ويجربون الحركة ويوصلون اي سرعه ويخبرونا

انا وصلت 850


ومشكووور اخوي .

ياعيني عليك حبيب وفطين تفهمها من اول مرة ... واشوف واحد ثاني يتحداني ... وباخذها بروح رياضيه :banana:

8.80@199 MPH
skyline GTR34 9.12@159
RUF 8.92@160

انا عند الأمريكي و صلت 999 ميل و جربت الياباني و جبت 999 كم اقصى شي حتى لو جبت الف راح تتسجل 999... وهذا الكلام من سنة تقريبا...

مشكور اخوي ولد الامارات

وانشاء الله نرد لك هالجميل

مافهمت عليك الغالي ويمكن تفهني ادزيد لو سمحت ...

وطبعا شكله واحد تحداني وطافني وانا ناطر الشباب طبعا جربوا ومابتخسرون شي ..

لاعادي إختي والله مافيها شي كلنا إخوة .. وأي شي ثاني انا حاضر .

أنا ولد اخي الكريم :p

موضوع حلو وانا بجرب اليوم وعسى ني اييب شي .

مشكووووووووووووووور اخوي على الموضوع الجميل بس في نقطه مافهمتها

7:روح على آخر شي هو التحكم في إنزلاق السيارة و عدم التفحيط TCS خفضهم على 0.0 .
8: اول خيار في نفس المكان هو التحكم في إرتفاع الصدام والجناح وخفضه إنته عليك الغالي خفض الصدام ورفع الجناح . فقط

لن السايرة كرهتها بمعنى الكلمى لن السايرة تبووش ((تفحط)) الى النمرة الخامسه ولا تلف مثل الناس تخلي سوقتها صعبه يمكن الطريقه الي تقولها لنا تسوي خير لنا لن الجزئ الثاني اشوفها قويه وتلعب لعب اما الحين شغلها تحفر في الارض ارجو اخوي توضح النقطتيييين سيو