بسم الله الرحمن الرحيم


الموضوع: تجربة هوندا اكورد 2003


المواصفات التقنية:

المحرك: 4 اسطوانات بنظام I-vetc DOHC
16 صماما دفع امامي

القوة: 160 حصان على 5500 دورة بالدقيقة
العزم: 22.6 كلغ م على 4500 دورة بالدقيقة

ناقل الحركة (القير): اتوماتيك :من 5 سرعات متتابعة + واحدة خلفية

المكابح: امامية : اقراص مهواة
الخلفية: أقراص صلبة

وزن السيارة: بدون ركاب 1430 كلغ
سعة خزان الوقود: 64.8 لتر

---------------------- التعليق والتجربة --------------------------
جاء تصميم الاكورد بشكل متميز مغاير لتصاميمها السابقة
الحجم بات اكبر والوزن كذلك ارتفع
مقصورة الركاب اصبحت اكبر واكثر جمالا
المحرك اقوى من السابق وعزمه اعلى
يتميز بنفس رياضي مستمر تبدأ قوته من بعد 3500 دورة
المكابح اصبحت اقوى وتقف بسهولة
استهلاك الوقود منخفض
مكيف الهواء بارد مخصص صحرائنا الجافة
القير: اوتوماتيك رياضي يتجاوب مع طلبات سائقة بسهولة
بمجرد الضغط بشكل اكبر على الوقود يغير ويعطي تجاوب وقوه وسرعة
صوت مروحة التبريد منخفض جدا لايكاد يسمع
السرعة محددة ب 220 كيلو متر
تحسن تسارعها واصبحت اكثر رشاقة
سعرها اقل من الكامري بحدود 8-4 آلاف درهم حسب تجهيزاتها
صندوق امتعه كبير ويستقبل امتعه طويله

----------------------------- الصور -----------------------------

مشكور اخوي

ويطيك العافيه على

الموضوع الجميل والمعلوات

يا زورو الامارات
:banana:

يعطيك العافيه اخوي صراحه ابداع مشكور على الموضوع الوصور





مع تحياتي
عاشق الهوندا
:banana: :banana: :banana:

ما شاء الله .... شغل ممتاز .. يعطيكم الف عافيه ..

اول صوره عجبتني وايد .. كأنها منزله :cool:

مشكوورين وما قصرتوا .. ونتريا تجاربكم القادمه

مشكووووورررر والله ما قصرت ويعطيك العافيه
بصراحه روعه والي اروع من ذلك فكرتكم الحلوه في عمل مثل هذي المواضيع بأنفسكم وبتجربة عضو من اعضاء المنتدى وعدم الاكتفاء بمواضيع المجلات
بصراحه تشكرووون على هذا الموضوع
والاكورد احسن من الكامري بكثير من وجه نظري

وتحياتي للجميع

الله يعطيكم العافية على التجربة الرائعة...
لاكن في شي ماذكرته ..السيارة مافيها مسجل كاسيت

ياااااااسلام والله السيارة قمة في الروعة الله يعطيك خيرها ويكفيك شرها انشاء الله لكن حبيت اقولك هل كل الاكورد هوندا فيه انوار ضباب
ولو تلاحظوا ياشباب انه صورة مشرفنا زورو الامارات موجودة في علامة السكانH لووووووول ماشاء الله ومشكور مشرفنا على الصور الحلوة
وشكراً

مشكوور على التجربه


بس ليش ماصورتون عداد ضغط الماكينه وهيه على سرعه 120

المفرووض تحطو كم الضغط و اهيه على سرعة : 80 ، 120 ، 160

ومشكور اقين

مشكور اخوي ( زورو الامارات ) على المعلومات

ابصراحه الاكورد 2003 طوروها من ناحيه المكينه والقوه العزم واما عن الشكل الخارجي فلا بأس به ;)

تحياتي للجميع

هلا بالشباب ماتقصرون

التجربة هذي قام بها جراند في 8 وواحد ثاني مب معانا في المنتدى

والي مصور هو جراند يعني مب صورتي الي منعكسه في السكان

اذا بغيتوا الصدق هي من الداخل احسن من الكامري بكثيييييييييير
ومن الخارج الكامري احلى وايد
هذي مادري كيف تصميمها يبغي لك وقت لين تتعلم عليها

واتوقع خلال سنتين بيعدلون تصميمها بشكل خفيف يبرز جمالها

تحياتي

السلام عليكم ورحمة الله وبركاته


Holden2003 شكرا اخوي على المشاركة

مللك الليل 20 الله يعافيك اخوي

uae speed مشكرا اخوي والله الصور كله حلوة حقك واصله

TIWNCAM انا نحن من زمان نسوي تجارب خاصة بنا ورأينا غير عن راي المجلات والتجارب الي تعملها الشركات وكلها بوجهة نظرنا.


760IL شكرا اخوي صح على التذكير السيارة مافيها مسجل الموديلات الجديدة كلها تشتغل على الاسطوانات سي دي .

محب الكورلا2003 شكرا اخوي هي الصور مع الزوايد وسعرها مختلف عن غير زوايد من كشاف امامي،وقطعه الفيبر الامامي للبمبر(صدام الامامي)وهوائيات للزجاج الامامي السائق وراكب الي عند السائق ومن داخل جلد.،والي مصور انا كنت مصور مب زورو الامارات.

VW-609 انا مصور ضغط المكينة او الدوران وهي الصورة عشانك


Honda_S.i.R من خلا تجلابة هوندا القديمة مع الجديدة فرق واسع بأداء المحرك له عزم قوي على سرعات عالية وخاصة الغيار العادي ،تحس ان الغيار تبديل رياضي وخاصة للاتوماتيك

زورو الامارات شكرا اخوي لموضوع التجربة وماله فضل بمساعده بالتجارب مع وفي المنتدى


وهي صورة من الخلف للسيارة
شكرا يااخوان على التجاوب
;) :p :cool:

يعطيكم العافيه على التجارب الحلوه و المفيده
والله السياره حلوه وايد من داخل ;)

مشكورين على التجربة الحلوة

بس انا عندي بعض الاسئلة :
هل انوار الضباب ( السكن ) شد بلد ولا تركيب ؟؟
التخشيب هل هو من بلدها كذا ؟
هل اقل نوع يجي فيه فتحة ؟؟
هل العزل على السرعات العالية تحسن او زي ما هو ؟؟

هل تحس بال160حصان

ولا تحسها كلام بس


نبي الشي المحسوس

وتسلمون ولله على تجاربكم

تحياتي

مشكورين على هاذي التجربه الحلوه
والشغل عدل وجميل وممتاز والصور روعه
والسياره الي اخترتوها ماشاء الله عليها مافوقها فوق
بس عندي اقتراح تجربتكم القادمه اتكون لسياره المانيه صغيره
امثال ال A 4 الجديد
و البي ام الفئه ال3
او المرسيدس الفئه الc
والله يعطيكم العافيه :banana: :banana: :banana:

ممكن تقولولي كم حصان الاكورد الـ6 سلند

و شكرا

السلام عليكم

SKYLINE GTR الكشافات الي عليها تركيب الوكاله في الامارات + اللحية الصغيره في الامام

الخشب وكالة
اقل نوع مايجي فيه فتحه
اما العازليه ما ادري عنها لان الي جربها جراند

DodgE هلا والله
بالنسبة للقوه تشعر فيها بعد 3500 دورة
وبالفعل تحسن اداء المحرك واصبح اكثر نشاطا
بس مثل ماتعرف هوندا ماتوفر عزم على دوران منخفض مثل تويوتا
يعني لازم تدعس لها شوي يالله تحس فيه

الاخ ferrari-F 50
بالنسبة للبي ام 3 احنا نزلنا تجربة للام 3 كشف تقدر تراجع
المواضيع السابقه وان شاء الله تحصله
اما بخصوص الاودي والمرسيدس
تأكد اخي العزيز ليست كل الوكالات توفر لنا سيارات للتجربة
مثلا نيسان لاتوفر سيارات
مرسيدس لديها لكن خدمتهم سيئه جدا ولا يعطون سياراتهم لأي كان
الاودي مامرينا عليها الظاهر يبغي لنا نمر ان شاء الله

وحياكم الله واحنا حاضرين للاجابة عن جميع الاسئلة

على فكره وين الاخ NFS جاسم عاشق الهوندا
العاده اول مانسوي تجربة هوندا نحصله اول واحد يرد

تحياتنا

السلام عليكم

أنا هنا هو

شكراً على التجربة الجميلة

على العموم أنا جربت السيارة (سيارة أبن خالي وصاحب أول أكورد 2003 في المنطقة الشرقية).

بس للأسف أعلى سرعة مشيت فيها بالسيارة هي 45 كلم/ساعة:eek:

اللي عرفت من منتدى ثاني أن السيارة محددة السرعة على 220 كلم/ساعة ....

والسيارة أللي عنده أوتو بـ5 سرعات (إذا حسب الـO\D تطلع 6) ، ويكون الـRPM عند 2500 على سرعة 110 كلم/ساعة.

في النهاية السيارة أفضل من الجيل السابق بكثير من ناحية التجهيزات والمواصفات ، أما الأداء فالأيام سوف تشهد بـ......

هلا جاسم وينك يا رجال ؟

مختفي تقول زعلان علينا
ما كأنك كنت مشرفنا

لازم يكون حضورك قوي
محتاجين لخبرتك في المنتدى

سامحني مشرفنا العزيز على الأنقطاع وذلك بسبب الأمتحانات إللي ما أدري متى نفتك منها....

مشكووور اخوي على الصوووره


يبين انو في الصوره انو الدوران على 3 تقريبا يعطي 80 كلم/س

مادري لو وصل على الأربعه كم يعطي السرعه

انا عندي على الدورات 2 تقريبا يعطي 80 كلم/س
ولمايوصل 3 يعطي 120 كلم /س

يعني كل لما يزيد الضغط او الدوران وحده كامله ( ماعرف وش اسميها ) يعطي 40 كلم زياده

يعني عن الضغط السبعه وهو حد الماكينه تتوقع كم ؟

ولا ويش رايك ؟؟ طبعا هذا من سابع المستحيلات اجربها واشووف كم توصل

هلا

3 يعطي 80 كم وهو على الرابع
لما ينزل الخامس في الاتو يصير الدوران اقل

وتحياتي لك

اخوي زورو الامارات

هذا القير الأوتو ، ونسبه اطول من العادي
اتوقع بعد انو لو عادي بتكون اقل على الخامس

على فكره انا عندي على السرعه 80 والضغط 2 اكون على السادس

بصراحة الخلفية ماعجبتني مع ان الهوندا حلوه لكن الخلفيه وصغر الحجم
من أبرز ملاحظاتي على الهوندا...
اعتقد خلفية ال 2002 كانت أفضل
وتظل هوندا اقوى من الكامري واكثر صبر

صراحة روعة ،،

ظنكم أبدل سيارتي الأكورد 2002 سبيشل إديشن بهالموديل الجديد ؟

وش رأيكم ؟

وظنكم كم تسوى ،، ماشية 35 ألف ..

وشكرا على هذة التجربة المميزة ،،