مشكورين يا شباب على المشاركة وأنا بذكر الأحداث الأن بالتفصيل الممل:
أبن عمي استأجر الـ626 كذا يوم ، قبل ما يرجعها بيوم واحد قلنا له خلينا نشوف أيش بتسوي مع الأكورد إللي عندي وكانت معانا سيارة ثالثة إللي هي السيفيك.
رحنا الكورنيش ، جربنا أول مرة عند الأشارة بس السالفة ما ضبطت لأن في سيارة كانت صافة معانا ، علشان كذا وقفنا على جنب علشان نعيد الطلعة ، وحنا ماشين وكنت على الغيار الثاني ، رجعت أول دقيت هرن للمازدا أقوله أني بدعس ألحين ، أنا دعست وهو دعس .
كون المازدا قير أوتو ما رجعت للأول إلى في وقت متأخر ، علشان كذا في نهاية الغيار الأول أنا تقدمت نصف سيارة ، بدلت إلى الثانية عند 7000RPM ، شوي أشوف المازدا بدأت تقرب ، قلت ما يصير قير أوتو تطوفني ، بدون ما أرفع عن الدواسة البنزين أبدل ثالث ، في نهاية الثالث كنت أنا والمازدا جمب بعض وخففنا.
في المرة الثانية رجعنا لنفس الأشارة وأقنعنا أبن عمي صاحب السيفيك يصف معنا ، أوكي فتحت الأشارة ، مشينا مع بعض لسرعة 40 كل/ساعة و
طاااط طااااط طاااط ، دووووووووووس
إلى نهاية الغيار الأول إحنا مع بعض ، بدلت للثاني ، المازدا والسيفيك بدأ يطوفوني :eek: :eek: :eek: :eek: :eek:
Ohhhhh Nooooo السيفيك ماسكة مع 626 بس الفرق نصف سيارة لصالح الـ626 وقعدين يتقدموا بثقة !!!
جربنا مرة ثالثة في مكان مختلف ، ووصلنا هذي المرة لسرعة 180 كلم/ساعة والنتيجة نفس الشيء
المرة الرابعة كانت من الزيرو ، نادى المنادي 1.......2..........3 "أنا أنطلقت قبل العد الثالث "لأني عارف النتيجة مسبقاً
".
تقدمت سيارتين عنهم ، وصلت لسرعة 60 كلم/ساعة وهم لسة ورا وأنا قاعد أتقدم على خفيف،
عند 100 كلم/ساعة بدأ يقربوا ، 150 كلم/ساعة المازدا جمبي من جهة اليمين والسيفيك وراها مباشرة ،
180 كلم/ساعة أنا أخر الواصلين لخط النهاية
وقفنا نسولف شوي ، والصراحة أستغربنا من أداء السيفيك هذي وكيف انها عدتني مع أننا توقعنا أنها ما تسوي شيء.......
للأسف ما كانت الكاميرا موجودة وإلا كنت حطيت المقاطع هنا ....
على فكرة كل سيارة كان فيها شخصين "السائق وراكب" والـ626 كانت ماشية 16,000 كلم "لمن يهمه الأمر".:cool:
عرض نسخة للطّباعة |
ارسل هذه الصفحة لصديق]
