تجربة كروان فيكتوريا 2004 قبل وبعد التزويد

[فـهـد]

السلام عليكم ورحمة الله وبركاته



في هذا الموضوع بتكلم عن تجربة كروان فيكتوريا قبل وبعد التزويد, ونوعها ال اكس سبورت موديل 2004 نسبة القير الاخيره 2.73 وهي الاضعف في الكروان فيكتوريا.

قياس التسارع كان بجهاز جي تيك برو المطور, وهو جهاز دقيق اذا استخدم بطريقة صحيحه وبمكان مستوي

اول تجربه بالجهاز كانت السياره ماشية 2400 كلم

والنتايج كانت

0 الى 60 ميل = 9.1 ثانيه
0 الى 100 ميل = 22.9 ثانيه

قطع ال 200 متر = 10.8 ثانيه على 67.9 ميل
قطع ال 400 متر = 16.5 ثانيه على 87.4 ميل

السرعه القصوى = 180 كلم (محدده الكترونيآ)

القوه: 239 حصان
العزم: 278 رطل


* بعدها اضفنا للكروان فيكتوريا صندوق ومقياس هواء من ميركوري مارودر
* استبدلنا تيوب الهواء الي بين الصندوق والمكينه بتيوب من كروان فيكتوريا بوليس انترسبتر موديل 2004
* برمجه خاصه للكمبيوتر
* بواجي كوبر من موتركرافت, درجتين ابرد من الأصلي
* ثيرموستات 180 درجه

بعدها جربنا السياره على جهاز الجي تيك, بنفس المكان الي قبل, وكانت السياره ماشيه 2700 كلم

0 الى 60 ميل = 7.7 ثانيه
0 الى 100 ميل = 17,9 ثانيه

قطع ال 200 متر = 10.1 ثانيه على 73.3 ميل
قطع ال 400 متر = 15.5 ثانيه على 94,1 ميل

السرعه القصوى = 220 كلم

القوه: 265 حصان (تقريبي)
العزم: 300 رطل (تقريبي)


مثل ماتشوفون اداء السياره تحسن بشكل كبير بالنسبه للتكلفه والي هي 2,600 ريال سعودي مع الشحن من امريكا الى السعوديه.



شرح موجز للقطع المضافه مع الصور,





http://www.adtr.net/shop/images/Marauder-Airbox.jpg
صندوق وحساس هواء اصلي المستخدم في ميركوري مارودر
وحجمه الكبير يسمح بمرور هواء اكثر من صندوق الفيكتوريا, مقياس الهواء (ماس اير فلو ميتر) حجم 80مم مقارنه ب 70مم في الفيكتوريا


http://fahad600.jeeran.com/airtube2.jpg
تيوب هواء كروان فيكتوريا بوليس انترسبتر موديل 2004 , مكانه بين صندوق الهواء والمكينه
وحجمه 3.5 انش مقارنه ب 2.75 في الفيكتوريا سبورت, حجمه الكبير يساعد على مرور هواء اكثر للمكينه


http://www.modulardepot.com/images/flasher.jpg
جهاز تنزيل البرنامج على السياره, والجهاز يكون مبرمج من الشركه على حسب طلب الزبون واحتياجات السياره. ووظيفة الجهاز تنزيل البرنامج في كمبيوتر السياره فقط, بدون اي تغيير في الاعدادات, الا عن طريق الشركه المبرمجه.


http://fahad600.jeeran.com/ColderPlugs180FStat.jpg
بواجي مصنوعه من مادة الكوبر وهي موصل سريع للكهرباء, ودرجه البروده اقل بدرجتين من بواجي كروان فيكتوريا الأصلي
وبالصوره ايضآ ثيرموستات 180 درجه, مقارنة بالأصلي 192 درجه





بتلاحظون ان الزياده في القوه ماهي كبيره مقارنه بالتسارع, والسبب ان البرنامج الرياضي يعدل القير, ويخلي التعشيق يصير اقوى واسرع وهذا يساعد في جعل التسارع افضل بشكل ملحوظ,

والشي الثاني السرعه الي يعشق عليها القير, مع البرنامج الرياضي تصير اطول وهذا ايضآ يجعل تسارع السياره يصير افضل.

جربنا تاون كار مع برمجه تحدد التعشيق على 5,600 ار بي ام, وكان وقت السياره في الربع ميل 15.6 ثانيه
وبعدها عدلنا سرعة التعشيق وصارت 6,000 ار بي ام وهذا هو الشي الوحيد الي تغير بعد التجربه الاولى, وجابت السياره 15,2 ثانيه في الربع ميل,
بس من تغيير التعشيق من 5,600 ار بي ام الى 6,000 ار بي ام.



السرعه القصوى الي وصلنا لها في الفيكتوريا هي 220 كلم بالقير الثالث في مسافه ثلاثه كيلو,
السياره تقدر توصل 240 كلم, بس لأنها جديده ما قدرت توصل سرعات عاليه خلال مسافه قصيره.



ان شاءالله يعجبكم الموضوع, والأسبوع الجاي بنركب كرونا نسبة 3.55 ودفرنش لوكر ودرايف شافت المينيوم (عمود كردان)
وان شاءالله بكتب عن تجربة السياره مع القطع الجديده وبيكون فيه صور وفيديو للسياره.




اذا فيه اي استفسار, ملاحظه او تصحيح, ياليت تشاركونا فيه

و شكرآ

[922]

السلام عليكم ورحمة الله وبركاته


ماشاء تزويد رائع وقوة مناسبة

اقتراحاتي :

خرط الثلاجة
وطرمبة موية كهرياء
هدرز فلتر هواء
وضروي مبرد زيت خارجي للقير

واخيراً بكرات المنيوم



بالتوفيق باقى التزويد
ولاتحرمنا من جديدك


تحياتي

محمد

[الشظيه]

ماشاء الله تبارك الله

الله يعطي صاحبها خيرها ويكفيه شرها

السياره سارت ممتازه ومع التعديلات البسيطه فرقت كتييير .

ولو تضيف التعديلات الى ذكرها 922 تسير السياره كلام كتير.

بالتوفيق

[FSM]

ماشاء الله تبارك الله

تزويد خفيف .. و أعطى نتائج جيدة ,,,


ننتظر الفيديو :D

[mr_z]

مشكور أخ فهد على الموضوع صراحة موضوع أكثر من رائع

[خليل أبو سمرة]

القليل من المال بفعل الكثير من التعديل

هذه هو ما يكلق عليه ناس فاهمه تشتغل على السيارة شغل محترفين

أدهشتني بموضعك الرائع و انا في انتظار التعديلات القادمة

الله يعطيك خيرها و يكفيك شرها

اطالب بتثبيت الموضوع

خليل

[E_TYPE]

مشكوووووووووووووور على الموضوع الحلو والمفيد ..
الى الامام ..

[mustang cobra]

بسم الله الرحمن الرحيم
شغل عدل يلا نستنى الفيديو:D

[TOP-SECRET]

رد مقتبس من mr_z
مشكور أخ فهد على الموضوع صراحة موضوع أكثر من رائع

[STS4ever]

ابداااااااااااع ان الفكتوريا توصل لـ 7.7 بمبلغ ولا شي :eek: :eek:

وتعودنا على ابداعاتك وفي انتظار جديدك

سلام

[durango]

ما شاء الله ... شغل عدل



بس اخوي ما جربتو تغيرو فلتر الهواء؟؟؟


و بالنسبه للاكزوست. ايش كان وضعه؟؟






EMO

[HaKeM]

ماشاء الله

شغل ممتاز وبتكلفة بسيطة

الأمريكي مافي مثله في التعديل

:D

[Third Eye]

ماشاء الله تعديلات حلوة بالبركة يافهد وننتظر المزيد:)


تحياتي

[Pure_Intimidation]

I would suggest adding a K&N replacement filter at least with removing the catalyst converter, or you can just get a Flowmaster exahust.

In the US they usually replace the heads with the Mustang ones, off course better flow and bigger valves.

Anyhow, good job with your project, these cars are fun to modify, cause they meant to be a regular senior car that moves like a Titanic.

:)

[فـهـد]

مشكورين شباب على الردود والاقتراحات,

وان شاءالله قريب بنعرض صور وفيديو للسياره, واي شي جديد بنعرضه في المنتدى.



شكرآ :)

[فـهـد]

رد مقتبس من durango
ما شاء الله ... شغل عدل



بس اخوي ما جربتو تغيرو فلتر الهواء؟؟؟


و بالنسبه للاكزوست. ايش كان وضعه؟؟






EMO



غيرنا صندوق الهواء الى واحد اكبر مع فلتر الماردرو الي يعتبر رياضي اكثر من الفيكتوريا ويسمح بدخول هواء اكثر.

الاقزوزست, أصلي تبع الوكاله, مع اربع دبات كاتيليك (دبات تلوث)


السياره مالها شهر من طلعت من الوكاله, وصعبه نعدل في الاقزوزست, وبنبدأ بالأشياء الخفيفه.

وبعد فتره بنركب هيدرز فورد ريسينج, واكس بايب بدون دبات تلوث.


شكرآ


رد مقتبس من Pure_Intimidation
I would suggest adding a K&N replacement filter at least with removing the catalyst converter, or you can just get a Flowmaster exahust.

In the US they usually replace the heads with the Mustang ones, off course better flow and bigger valves.

Anyhow, good job with your project, these cars are fun to modify, cause they meant to be a regular senior car that moves like a Titanic.

:)



from 2001 Crown Victoria, Grand Marquis and Town Car, started to have Mustang Power Improved Heads, which the Mustangs had them from 1999


Thanks,

[SLR55]

ماشاء الله عليك يا فهد

بس لازم تفكر في حماية القير بعد

يعني القير من المصنع يتحمل درجة معينة وبعدها ما يتحمل

لو تركب شفت كيت و كلتشان إذا نويت على كبيييييييير :black:

بس عندي سؤالين

س1 شو فايدة ثيرموستات 180 درجه

س2 جهاز جي تيك برو المطور وين أقدر أحصله في الإمارات (أدري إنك من السعودية )

إذا حد يدري لا يبخل علنا


وبالتوفيق إن شاء الله

[فـهـد]

رد مقتبس من SLR55
ماشاء الله عليك يا فهد

بس لازم تفكر في حماية القير بعد

يعني القير من المصنع يتحمل درجة معينة وبعدها ما يتحمل

لو تركب شفت كيت و كلتشان إذا نويت على كبيييييييير :black:

بس عندي سؤالين

س1 شو فايدة ثيرموستات 180 درجه

س2 جهاز جي تيك برو المطور وين أقدر أحصله في الإمارات (أدري إنك من السعودية )

إذا حد يدري لا يبخل علنا


وبالتوفيق إن شاء الله


القير يتحمل الى اكثر من 300 حصان ان شاءالله اذا داومت على الصيانه,

الحين ناوين نغير التورك كونفرتر (طنجرة) الى وحده اصغر, لأن الي في السياره ماتتحمل ار بي ام عالي.


شفت كت وكلتشات ماراح نحتاجها الى بعد ال 350 حصان, اذا اضفنا روس مكينه وكامات او سوبرتشارجر.



الثيرموستات, وظيفته التحكم بمجرى مياه تبريد المكينه, وثيرموستات درجه 192 فهرنهايت وظيفته اغلاق مجرى الماء من المكينه الى الرادييتر, الى ان تصل درجه حراره الماء الى 192 فهرنهايت, وبعدها يفتح ويسمح بمرور الماء الى الرادييتر للتبريد

وثيرموستات بدرجه ابرد, مثل 180 فهرنهايت, يفتح مجرى الماء عند وصول درجة الحراره الى 180 وهي درجه اقل من الاصلي,

بذلك درجه حرارة الماء ماتوصل الى 192 مثل قبل, وبيكون اعلى شي 180 درجه.




جهاز الجي تيك

تقدر تطلبه من الموقع الرئيسي مباشره www.gtechpro.com او من www.summitracing.com

واي محل يتعامل مع سوميت في الامارات او السعوديه يقدر يطلبه لك.




شكرآ

[560SEL]

والله موضوع قوي جدا

:banana:

ياليت لو يتثبت الموضوع

وفي انتظار الفيديو

[ابداع2004]

شغل جباااااااااار الصراحه يعطيك الف عافيه والى الامام


تحياتي محمد الهاجري

[SLR55]

مشكوووووووووووووور أخوي الفهد :eek:

وعساك على القوة :cool:

[فـهـد]

مشكورين شباب على الردود :)

[just one]

مرحب اخوي فهد
ان عندي ماركيز 98استخدام امريكي يفصل عند 165كم
كيف افك الفاصل
ويعطيك الف عافيه والى الامام

[WRX]

السلام عليكم ورحمة الله وبركاته

مشكوووووووووور اخوي على الموضوع الأكثر من رائع ((ونستنى البقية))

لاكن عندي سؤال بس....الكرون الي تتكلم عنها هية الي تجي سبورت ((جنوط سبورت + جناح)) بس قير علاقي ومخمل؟؟؟؟
هل تفرق الي اتكلم عنها من ناحية العزم عن الي تجي بقير ارضي؟؟؟:confused:

ومشكور مرة ثانية ((قاعد اسألك لأن فيه شئ في داير بخاطري من بعد ماقريت موضوعك)):think:

[فـهـد]

رد مقتبس من just one
مرحب اخوي فهد
ان عندي ماركيز 98استخدام امريكي يفصل عند 165كم
كيف افك الفاصل
ويعطيك الف عافيه والى الامام



تفك الفاصل عن طريق برمجة كمبيوتر السياره, للسيارات الي مو معدله تقدر تستعمل هذا الجهاز http://www.superchips.com/html/products/ford/cars.htm




شكرآ

[فـهـد]

رد مقتبس من WRX
السلام عليكم ورحمة الله وبركاته

مشكوووووووووور اخوي على الموضوع الأكثر من رائع ((ونستنى البقية))

لاكن عندي سؤال بس....الكرون الي تتكلم عنها هية الي تجي سبورت ((جنوط سبورت + جناح)) بس قير علاقي ومخمل؟؟؟؟
هل تفرق الي اتكلم عنها من ناحية العزم عن الي تجي بقير ارضي؟؟؟:confused:

ومشكور مرة ثانية ((قاعد اسألك لأن فيه شئ في داير بخاطري من بعد ماقريت موضوعك)):think:


السياره الي عندنا هي ال اكس سبورت قير ارضي.


الفيكتوريا سبورت و ال اكس سبورت عزمهم واحد.



شكرآ

[Imaj]

ما شاء الله تبارك الرحمن..

شكلي بجيب لكم الكابريس حقي :D

إبداع وموضوع شيق >>> ليش ما قريته من زمان :confused:







سلام :banana:

[Irmscher 3.0]

بالتوفيق

ولا تنسى الهدرز والاقزوز سستم والسوبر شارج لوسمحت :D

بصراحه هذا النوع من السيارات ماله شعبيه بالامارات مثل ما هو عندكم بالسعوديه ولكن بدأت أحب الكراون فكتوريا سبورت من كثر ما قرأت عنها بالمنتديات وبمواقع الانترنت وشكلي بطلع وحده أقساط :D وهذه بعض المواقع اللي حصلتها يمكن تفيدك ...

http://www.zeusautomotive.com/main.htm

http://www.jerzeylimo.com/supercharged

http://home.earthlink.net/~crown_vic/crown_vic.htm

وهذا المنتدى أكيد تعرفه صادوووه :D
http://www.crownvic.us/forum/showthread.php?t=7296

http://www.crownvicmuscle.com/index.php

وهذا Mercury Kenny Brown Marauder S أكيد تعرفه
http://www.fantasycars.com/sedans/html/marauderkb.html
http://www.autoweek.com/article.cms?articleId=6522

http://www.marauder57.com/rp.html

http://www.mercurymarauder.net