تعالوا ياحلوين شوفوا مو بس GM حتى البورش سحبت

[RED Chevy]

بسم الله الرحمن الرحيم

السلام عليكم ورحمة الله وبركاته


ياحلوين ياشطار البورش بدت تسحب الكايان من الأسواق لأن في خلل فني بالبريك وقولوا أخس سيارات البورش بعد، في أمريكا بس موجود 10 ألاف كايان حسبوا كم في العالم، حسبوا كم واحد بينسحب فالحين تقولون الGM أخس شركه وسحبت سيارات لأنها كذا ولأنها كذا، موضوعي مو ذم في البورش ولا غيره بالعكس آنا من أشد المعجبين فيها وخصوصاً الكايان بس أنتظر ردودكم.

[E_TYPE]

مشكور اخوي على الخبريه بس احنه مانسمع بين فتره وفتره انه البورش سحبت سيارتها زي الGM...
وشكرآ

[الأنصاري]

ممممم امر عادي سواء من بوش او تيوتا او هوندا او جي ام الشئ الجيد ان الشركة تعترف بالغلطه وتسحب سياراتها

بالنسبة لكثرة سحب جي ام سياراتها اعتقد ان جينرال موتورز المصنع رقم واحد عاليما يعني اكثير مبيعا فهذا شئ طبيعي

رد شيفي انا عن نفسي ما اشوف شي في جي ام بس يعني احس ان اعطالها بدت تزيد عن السابق

وشكرا

[هشومي]

رد مقتبس من بوعبود
ممممم امر عادي سواء من بوش او تيوتا او هوندا او جي ام الشئ الجيد ان الشركة تعترف بالغلطه وتسحب سياراتها

بالنسبة لكثرة سحب جي ام سياراتها اعتقد ان جينرال موتورز المصنع رقم واحد عاليما يعني اكثير مبيعا فهذا شئ طبيعي

رد شيفي انا عن نفسي ما اشوف شي في جي ام بس يعني احس ان اعطالها بدت تزيد عن السابق

وشكرا


نعم الراي:banana:

[الشبابي]

مشكور على الخبرية ...
بس يا اخوي بورش ما تسحب الا بالسنة حسنه ... يعني نسبة سحبها للسيارات بالنسبة للزمن تعتبر قليلة ....












اخوكم الشبابي

[RED Chevy]

هلا هلا بالشباب، تدرون ليش صار الخلل عند البورش؟

السبب بسيط الطلب على الكايان موطبيعي، يعني لازم الإنتاج يزيد يعني يكون أسرع يعني دقه صنع أقل يعني إحتمال أعطال أكثر كلامي صح أو غلط؟

E_TYPE: هلا فيك إخوي، بس شنو الأعطال اللي في الgm أعطال في نظام الكهرباء وغيره لكن الكايان خلل في البريك وتعرف إذا البريك حراب شيصير.

بوعبود/ هشومي: كلامك صح إخوي يعني مايصير أقارن بين الفراري اللي مايزيد إنتاجها عن 10 آلاف سياره بشركه إنتاجها بمئات الملايين، كل مازاد الإنتاج صار إحتمال الأعطال وعن إن زادت أعطال الGM في الفتره الأخيره هذي كانت على سيارات إنتاجها خيالي يعني عندك التريل بليزر أكيد شفت إنمتشاره شلون ومايتقارن بإنتشار سلفه الجيمي، وشي وارد إن يصير عطل فيه بما إن اتلطلب عليه كثير، وكلامك صح في إن سحب السيارات خطوه جيده، أحين البورش ماصار له سنتين وإنباع منه في أمريكا 10000 وحده، وعندنا مثل أكثر من نص المبيعات( في الشرق الأوسط) الكليه للبورش( يعني باقي الطرازات كلها ما مثلت نص مبيعات البورش) وآنا بذي الموضوع أبي ـبين إن كل الشركات ممكن تسحب سياراتها ومتأكد محد بيسب ويلعن في البورش صدقني لو قلت الشفر ساحبين 5 لومينات بيوصل الموضوع 10 صفحات من السب في الشفر، وآنا أحيي كل شركه تسحب سياراتها وتصلح الخلل اللي فيها ومشكوووووووورين شباب على ردودكم.

[560SEL]

رد مقتبس من RED Chevy
بسم الله الرحمن الرحيم

السلام عليكم ورحمة الله وبركاته


ياحلوين ياشطار البورش بدت تسحب الكايان من الأسواق لأن في خلل فني بالبريك وقولوا أخس سيارات البورش بعد، في أمريكا بس موجود 10 ألاف كايان حسبوا كم في العالم، حسبوا كم واحد بينسحب فالحين تقولون الGM أخس شركه وسحبت سيارات لأنها كذا ولأنها كذا، موضوعي مو ذم في البورش ولا غيره بالعكس آنا من أشد المعجبين فيها وخصوصاً الكايان بس أنتظر ردودكم.

السلام عليكم ورحمة الله وبركاته

وش الهدف من الموضوع ؟؟

[RED Chevy]

رد مقتبس من الشبابي
مشكور على الخبرية ...
بس يا اخوي بورش ما تسحب الا بالسنة حسنه ... يعني نسبة سحبها للسيارات بالنسبة للزمن تعتبر قليلة ....
هلا واله بالشبابي، البورش هل سمعتوا من قبل إنها سحبت سياره وحده، آنا عن نفسي أول مره أسمع خبر إن بورش سحبت سياراتها، وهذي بداة المشوار، فكل مازاد الإنتاج صار إحتمال السحب أكثر ولاتنسى إن الخلل جايد مو شي بسيط، ذي البريك يعني ممكن يكون سبب رئيسي في الحوادث ومشكور على مشاركتك معانا.











اخوكم الشبابي

[RED Chevy]

رد مقتبس من 560SEL
السلام عليكم ورحمة الله وبركاته

وش الهدف من الموضوع ؟؟
الهدف سلمك الله إن كل شركه ممكن تسحب سيارات وإقرى ردي على بوعبود وبتعرف السبب.

[560SEL]

رد مقتبس من RED Chevy
الهدف سلمك الله إن كل شركه ممكن تسحب سيارات .

خلاص وصلنا لمربط الفرس

انتهى الموضوع :D

[RED Chevy]

:laugh: :laugh: :D صدقني ذي شعوري على بالي بتكتب رد طويل عريض وعنك إعتراض على كلامي بس صج خليتني أضحك، حسبي الله على بليسك، آنا قلت الرجال بيدخل دخله قويه لكن :laugh:

[560SEL]

السلام عليكم ورحمة الله وبركاته



:D :laugh: :D :laugh:


و لا يهمك يا اخوي حاضرين في أي وقت :D



تحياتي

[MuGeN]

عايدي :D

[عاشق(BMW & لومينا)]

تسلم خوي RED Chevy ويعطيك العافية:glasses:

[RED Chevy]

هلا هلا بالشباب:

MuGeN : عادي:anger: أحين لو الشفر ساحبين كان موعادي ها:D

عاشق(BMW & لومينا) : الله يعافيك وماسوينا إلا الواجب ومشكور على ردك.

[أبوالزين]

تسلم اخوي
محد كامل في الدنيا
الكمال لله

[infiniti]

اخوي بو عبود انا اوافق الرأي GM بالسنوات الاخيره بدأت تخسر شي من جودتها و اتوقع السبب هو ان الشركه تفكر في اسلوب الاداره اكثر من مستوى الجوده و انتوا شايفين مشاريع GM بالفتره الاخيره اشترت شركة دايو و غيرها من الشركات و اتوقع هذا احد الاسباب اللي يخلي جودة الشفر في نزول من فتره تقارب 5 سنوات و اذا استمر الحال معناتها ان سمعة الشفر راح تزل للارض و هذا مو في صالح الشركه .



اما اخوي رد شيفي خلينا نقارن بين مشاكل الياباني بشكل عام فلنفرض ان تويوتا و نيسان و هوندا كلهم شركه واحده يعني انتاجهم اكبر من انتاج GM شوف كم مره تنسحب اليابانيه في السنه من الماركات الثلاث و شوف شنة 2003 كم مره GM سحبت سياراتها ؟؟؟ راجع ذاكرتك و شوف و راح توصل الى نتيجه مقنعه .

[STS4ever]

اول مره اعرف ان اندماج الشركات ينزلها الارض :laugh: :laugh: :laugh: عاشوا الشباب عطونا من هالاصناف خلونا ننبسط ؟؟؟!!!

وتيوتا ياما فيها بلاوي وماسحبت ونيسان بعد ولاتخلوني افتح ملف الباثفايندر حق اخوي واخليكم تبكوون :laugh: :laugh: :laugh:

:laugh: :laugh:

[infiniti]

STS4ever

فهمت قصدي بطريقه غلط ؟

قصدي ان الشركات اذا كبرت عن حجمها من الصعب السيطره عليها (تخصصي اداره اعمال) :D
هذا من ناحيه علميه . ثانيا اللي صار مو عمليه اندماج اللي صار هو عمليه شراء و هذا هو مربط الفرس طبيعي ان جنرال موتوز راح تنقل بعض موظفيها الى شركتها الجديده و بكذا راح يصير نقص في الشركة الاساسيه و هذا النقص ما يتعوض بيوم و ليله يحتاج فتره من الزمن .
هذي المرحله تعتبر مؤقته وياليت تقراء ردي السابق وتركز شوي.

ثانيا اسمحلي اعترف ان جميع السيارات فيها ااعطال ولاكن فرق بين الاعطال و (الخلل المصنعي ) و الفتره الاخيره زاد الخلل المصنعي عند اغلب الصانعين ولاكن GM هي الاكثر بين الكل .

مجرد مراقبه بسيطه للاخبار تتأكد من كلامي .

[فـهـد]

ياليت تذكر المصدر .

[STS4ever]

لفه سريعه :laugh: :laugh: :laugh: :laugh:

طيب ولا يهمك ولو اني معارض كلامك بس يالله لو نتكلم في الموضوع ماراح نخلص :D

سلام

[RED Chevy]

مراااااااااااحب بالشباب:

racing_guy: هني القمنده، كل الشركات ممكن تصير فيها عيوب، بس في سوالف الفولفو تسحب شي جميل الكرايسلر تسحب شي حلو البورش تسحب خطوه جيده، لكن الشفر تسحب تكون أخس وألعن شركه في الوجود ومشكور حبيبي على مشاركتك.

infiniti: هلا فيك، وأزيدك من الشعر بيت، الشركه تخطط لشراء السانج يونج، لكن عن نفسي صدقني وبدون تحيز أو كلام، هل ممكن تقارن الكادي القديم ويا الحالي من المواصفات والمواد المستعمله فيه والأنظمه وغيره، طبعاً سيارت الشركه في تحسن شوف الدايوهات من داخل ماتحس إنها مكوريه، إركب دايو قبل GM ودايو عقب GM وشوف الفرق، والشفر نفس الكلام لكن المشاكل محد يقدر يحكم بكم سياره تسحب، شوف إنت الكامري أتحدى أي واحد( أي واحد) يجيب كامري من 98 -2002 ويقول ماتسرب هوا، هذي مب مشكله تحتاج حل، جيب إيكو أو كامري راعيها مابدل ليت من ليتاتها، هل ذي الجوده، جيب لي كامري السقف مانزل( التلبيس الداخلي) هل ذي جوده، النيسان شوف البدي شلون كأنه ورق صدقني زوج خالتي ضرب رصيف على خفيف( ماطافت السرعه 40 والتاير دخل على داخل وولد خالتي رجع عليه واحد ريوس وتكشسر الوجه كامل( ذاك ماداس بترول) المازدا الكبار 929 معروف بتكسر الجيور، هل في شركه من هذولي سحبت سياره من ذيلا( عمك أصمخ) الأمريكي إذا سحب فتصحيح لغلطتهم، وليش محد تكلم يوم الأكورد إنسحبوا( سارتنا محد كلمان وقال تعالوا بنبدل القطعه) خلاصة كلامي الياباني حتى لوفيه مشاكل مايسحبون إلا على الأشياء الجايده، صدقني كان عندنا أنتيجرا لازم كل يوم تصب ماي فيها إذا ماصبيت سلم على مكينتك، وكل مره تبديل قطع بدون فايده ونفس الكلام مع الأكورد 97.

STS4ever: مشكور إخوي على ردك وإفتح ملف الباثفايندر عشان يقتنعون ربعنا.

فهد 2: مشكور إخوي على مرورك.

[علي عبدالله]

رد شيفي : صدقني اللي مقتنع بنظرة هنا ..مهما حاولت ..من الصعب انه يغيرها لانه راح يعتبرها (نوع من الهزيمة ) وراح تحصل مصادمات جديدة ونسمع كلام فارغ وفي النهاية ينزل الموضوع بعد الكثير من عمليات التقطيع والسب ..(انا شخصيا كنت متحمس جدا للرد على اللي يسبون جنرال موتور وغيره من كلامهم الفارغ ) بس تم التأكد انه مافي فايدة (هو فاهم ان وجهة نظرنا صحيحة بس مايقدر يعترف بسبب الحقد والتعصب او ممكن ايضا بسبب انه يخجل من الظهور بشكل المهزوم )وبالتالي راح يستمر في الانتقاد مهما قلت له ومهما جبت له من ادله
وانا كنت مستعد اواصل على هذي الحالة ..بس اكتشفت ان المنتدى بدا يفقد اعضاء مهمين واعضاء مميزين واعضاء لهم معزة خاصة (صراحة )http://www.ec-co.com/vb/images/smilies/a29.gif
والسبب الرئيسي هو هذي السالفة (الصراع مع وضد السيارات الامريكية )
بالتالي اظن لابد من ترك سالفة جنرال موتورز واللي يكتب عن سيارة شفر او جمس او غيره راح يحصل الكثير من الاعضاء يتفاعلون معه باذن الله ...اما الطرف الاخر ...اذا مو مهتم بجنرال موتورز ومنتجاتها (ان شالله عمره مايهتم )ومافي داعي يدخل الموضوع من الاساس ..وخليه يحتفظ برأيه السخيف لنفسه .
انا اقول هذا الكلام لان اتجاه هذا الموضوع واضح ..والخوف انه ينتهي بنفس الطريقة وفي النهاية نخسر عضو اخر ...وبكل صراحة ...كفاية خساير :mad:

[RED Chevy]

مشكور ياراعي البيج على ردك، ومثل ماقلت إن في ناس تقتنع بوجهة نظرك، لكن ماتبي تطلع بموقف المهزم أو إنهم كانوا غلط وإنت صح، أهم شي رايهم يتم مثل ماهو ومايطلعون غلطانين ياأخي إذا إنت غلطان قول آنا غلطان، إنت شوف الموضوع عجك زين ورد على صاحبه وشكره، ماعجبك أو ماعجبك إسلوبه لاترد أفضل لكن إذا عندك شي مفيد رد بأدب وإسلوب محد يعترض عليه وللله الحمد ذي الموضوع الشباب مثل جيد ينتقدرون لكن بدون تقليل من أحد وبدون سب وإستهزاء وعن فقدان الأعضاء شوف المنتدى قبل كيف وأحين كيف، في ناس لازم تتوقف عند حدها، والمشرفين الله يعطيهم العافيه لازم يشدون شوي ويمنعون المهازل اللي تصير، بتجيب شي على غشمره معليش، بتنماقش عضو ناقش بس لاتقل أدبك، عندك راي غير أو نصيحه قولها بطريقه لطيفة بدون ماتزعله وإذا كل يوم بيطلع عضو خلاص سوالف مابتكون مثل قبل، حتى الأعضاء الجداد مانشوف لهم أثر إلا القليل، القسم يحتاج تطوير وفي ناس تحتاج تهذيب وبس.

[King 4x4]

رد مقتبس من RED Chevy
مشكور ياراعي البيج على ردك، ومثل ماقلت إن في ناس تقتنع بوجهة نظرك، لكن ماتبي تطلع بموقف المهزم أو إنهم كانوا غلط وإنت صح، أهم شي رايهم يتم مثل ماهو ومايطلعون غلطانين ياأخي إذا إنت غلطان قول آنا غلطان، إنت شوف الموضوع عجك زين ورد على صاحبه وشكره، ماعجبك أو ماعجبك إسلوبه لاترد أفضل لكن إذا عندك شي مفيد رد بأدب وإسلوب محد يعترض عليه وللله الحمد ذي الموضوع الشباب مثل جيد ينتقدرون لكن بدون تقليل من أحد وبدون سب وإستهزاء وعن فقدان الأعضاء شوف المنتدى قبل كيف وأحين كيف، في ناس لازم تتوقف عند حدها، والمشرفين الله يعطيهم العافيه لازم يشدون شوي ويمنعون المهازل اللي تصير، بتجيب شي على غشمره معليش، بتنماقش عضو ناقش بس لاتقل أدبك، عندك راي غير أو نصيحه قولها بطريقه لطيفة بدون ماتزعله وإذا كل يوم بيطلع عضو خلاص سوالف مابتكون مثل قبل، حتى الأعضاء الجداد مانشوف لهم أثر إلا القليل، القسم يحتاج تطوير وفي ناس تحتاج تهذيب وبس.

أوكييييييييييييييي. :think:

[King 4x4]

بس سؤال الحين. :think:

اذا كنت تشوف قله حيا من بعض الأعضاء.

اذا كيف حاط في عنوانك "تعالوا ياحلوين شوفوا مو بس GM حتى البورش سحبت "

ياحلوين عاده تكون على الصغار.

اذا انت كنت معتقد انا صغار.

كيف يكون من فصيله "الصغار" مهندسين و حمله شهادات بكلاريوس ؟؟

فبالله عليك قلنا وش تدرس ؟؟

الحين أنا و أعوذ من كلمه أنا أدرس هندسه كمبيوتر. (وكلها قله حيا)

و أريد جوابا على ذي النقطه الله لا يهينك.

و اذا انت كنت "كبير" و مجرب سيارات كثير.

ياما ناس قبلك شعورهم بيض طاحوا في الغلط.

أوكي. :anger:

ولا أحد يزعل مني لأن هذي طريقتنا في التفاهم من الجامعه.

اما دليل أو بلااااااااش كلام.

حتى لدرجه دكتور بريطاني بهذلوا عيشته الطلاب بكثر الكلام قال : "ان العرب في عروقهم الجدل فلذلك لا يصلحون الا تجار" فبألله عليك ترضى ذا الكلام يطلع علينا أو لا ؟؟

وأطلب من المشرفين حذف الموضوع لأن من أساسه فيه مساس بالمشتركين في المنتدى.

و أعيد و أكرر لا أحد يزعل مني.

أخوكم King4x4

[IMPALA SS '96]

رد مقتبس من بوعبود
ممممم امر عادي سواء من بوش او تيوتا او هوندا او جي ام الشئ الجيد ان الشركة تعترف بالغلطه وتسحب سياراتها

بالنسبة لكثرة سحب جي ام سياراتها اعتقد ان جينرال موتورز المصنع رقم واحد عاليما يعني اكثير مبيعا فهذا شئ طبيعي

رد شيفي انا عن نفسي ما اشوف شي في جي ام بس يعني احس ان اعطالها بدت تزيد عن السابق

وشكرا


رد منطقي وجميل....

[oil_HKS_lio]

والله مشاكل

[RED Chevy]

هلا هلا بالشباب:

King 4x4 : هلا فيك، أفا عليك أنت فهمتني غلط، يعني عنوان الموضوع شفيه؟
وآنا مانقص من قدر أي واحد فيكم ومافي قلبي على أي واحد فيكم شي، ولد الخبر نزل موضوعه عن 11 مجرب للومينا، ليش ماطلبنا بحذفه، موضوع في الفايده ينحذف، أفا عليك بس، وإذا ياحلوين للصغار فأنا ماكان قصدي هذي، كتبت ذي العنوان عشان تعرف الناس إن موبس الشفر تسحب وشوف ردي الأول والثاني بتعرف الخلاصه، وإنت عزيز وغالي ومازلعت منك ومافي شي يزعل أصلاً.

IMPALA SS '96 : هلا فيك إخوي ومشكور على مشاركتك.

oil_HKS_lio : صدقت، مشاكل ونص بعد:headshak:

[RED Chevy]

السلام عليكم ورحمة الله وبركاته

King 4x4: موضوعك اللي عن الجيتي أو مادري وين إختفى، بس شوف ذي الموقع:

شوف الأمريكان شلون يتمنون تنزل عندهم اللومينا والكابرس (http://popularmechanics.com/automotive/collector_cars/2001/9/the_sad_truth/print.phtml)

وذي موضوع في سوالف شوفه:
http://www.swalif.net/sforum1/showthread.php?threadid=141708
.

[King 4x4]

موضوعي انحذف و أنا اللي طلبت حذفه.

لأن أكثر اللي ردوا ما فيها من العقل مثقال ذره. :mad:

[King 4x4]

موضوعي انحذف و أنا اللي طلبت حذفه. :corsair:

[RED Chevy]

أفا إنت طالب حذفه:headshak: إنزين مو مهم إنت شرايك في الموضوعين اللي حطيتهم لك؟

[ايطالي]

انا اشوف انه شي عادي .. لان الشركة ما قد جاها ضغط من الزبايين من قبل .. وبعدين اغلب الشركات سحبت سياراتها لاخطاء مصنعية مثل الميرسدس

بس ما نقدر نقارنها بأخطاء الشركة الامريكية .. مع انه عدد انتاجهم كبير .. بس كمان اخطائهم كثيرة :)

[RED Chevy]

هلا هلا بإيطالي، بس الشركه الأمريكيه متى سحبت توها قبل فتره صح؟
سحبت كميات من موديلات في التسعينات يعني يبون يصلون كل أخطائهم، شنو بيضر GM إذا مااسحبت سيارات مصنوعه في التسعينات بتقول ضمانها خلص ومانلا شغل لكن هم حملوا نفسهم خساير بملايين عشان يصلحون غلطهم وأشكرك إخوي على مشاركتك معانا.

[SVT-COBRA]

رد مقتبس من 560SEL
خلاص وصلنا لمربط الفرس

انتهى الموضوع :D

بسم الله الرحمن الرحيم

السلام عليكم ورحمة الله وبركاته

و الله أحلى رد في الموضوع :laugh:


أخوي RED CHEVY : كيف حالك ؟

بالنسبه للأمريكي أنا بقول وجهة نظري فيه و اتمنى محد يزعل مني

الشركات الامريكيه لو ما تدخل و تعدل و تحورف في الشركات اللي تشتريها الا في حدود معقوله يكون أحسن

انا أعجبني في فورد انها ما تدخلت في الشركات اللي تشتريها الا في التصاميم و بعض الشغلات الخفيفه . شوف كيف صارت مبيعات فولفو و جاكوار و مازدا :cool: يعني ما تدخلت في مكاينها و في الشغات العميقه

و عجبني في جنرال موتورز انها ما تدخلت في صناعة سيارات ساب يعني ما حطت في سيارات سياراتها مكاين شفر أو غيره :corsair:

لكن ان الشركه تطمس و تهين تاريخ و اسم الشركه الكوريه دايو هذا شئ غير مقبول أبدا حتى و ان كانت تملك كل أسهمها و حتى لو كانت ماركه كوريه أو ناشئه في السوق

ليه ما حطت علامة شفر على سيارات ساب أو أوبل مع انها مشتريه شركة أوبل من سنة 1948 :confused:



و سلامتكم

[RED Chevy]

هلا إخوي، آنا الحمد لله بخير، بس إن الشفر حطوا شعارهم على الدايو هذي آنا ضدها بعض بس شرف لها الشعار اللي إنحط عليها ولي رجعه

[oil_HKS_lio]

هذا الشفر شب الليت ..... بعت النخل وبعت البيت
كله عشانك يا الشفر ليت ............................

[RED Chevy]

الله، حتى ذي وصلت عندكم آنا إخوي يقول ماطلق المره ومابعت البيت إلا عشانك ياشفرليت( شدعوه هو معرس عشان يطلق)

[oil_HKS_lio]

حسبي على الفورد وارد الستين فرق محبي عن أحبابه .......آه لو تسعفوني بقلن بنزين بشب في الفورد و أصحابه





:D

[RED Chevy]

هذي حلوه بعد بس الفورد تغير:D

[مجنون بورش]

يعني ماينفع نسحبه بريكات:D :D :D

[RED Chevy]

تصدق مره إخوي كان راجع البيت في الأنتيجرا( الله يرحمها) وكان بعيد نسبياً على الهاي وي وحنا بيتنا في المحرق( يمكن المسافه 40 كيلو) ويدوس بريك مافي فايده يدوس مافي فايده تم يسحب هاند بريك شوي شوي لي ماوصل تخيل يصيدك هالموقف في بورش:D

[Wild CRX]

انا من رائي ان الغلط وارد في اي مكان او زمان.

:help:

[RED Chevy]

هلا فيك إخوي Wild CRX شي أكيد إن الخطأ وارد لكن مين يسمع هذي البورش أمس واليوم نزلت الكايان ومبيعاته شي خيالي يعني تخيل سنه وحده 10000 سياره فسي أمريكا بس، لين GM سحبوا مليون مليونين شي طبيعي بالنسبه لإنتاج الشركه، صلب الموضوع هني، وأشكرك إخوي على ردك

[IMPALA SS '96]

رد مقتبس من SVT-COBRA
بسم الله الرحمن الرحيم

السلام عليكم ورحمة الله وبركاته


ليه ما حطت علامة شفر على سيارات ساب أو أوبل مع انها مشتريه شركة أوبل من سنة 1948 :confused:



و سلامتكم

و من قال أنها لم تضعها على أوبل؟؟؟؟؟؟؟؟:confused: :confused:

وين الكاديلاك الكاتييرا....أوبل بعلامة كاديلاك...
وين سيارتهم المفعوصة الجديدة بصراحة مادري إيش إسمها..."هي أصغر شي في الأوبل" وحاطين عليها علامة شيفرولية...

طبعا هذا لو غضضنا النظر عن اللومينا و الكابرس واللي هيكلها معروف إيش أصله....:damp: :damp:

على العموم وجهة نظرك صحيحة و في الصميم...GM يعيبها التدخل السافر في الأسماء التي تملكها....وهذا سيء...

وتحياتي لك ولكاتب الموضوع ولجميع الأعضاء....

[RED Chevy]

السلام عليكم ورحمة الله وبركاته
هلا فيك إخوي أمبالا، هذي شي معروف عند GMبدل شعار وبيع، وذي الشي في كل السيارات اللي عندها، عندك جيب إيسوزو جديد هو نفسه الإنفوي، والدايو الصغار نزلوا بشعار شفر وذي كله سياسات تسويق لزيادة المبيعات لاغير وأشكرك على مشاركتك معانا.

[فـهـد]

رد مقتبس من oil_HKS_lio
حسبي على الفورد وارد الستين فرق محبي عن أحبابه .......آه لو تسعفوني بقلن بنزين بشب في الفورد و أصحابه





:D

الله يرحمك ياعيسى

[RED Chevy]

آآآآآآآآآآآآآآآآآآآآآآآآآخر الأخبار:


في تصريح لبهباني( وكيل البورش في البحرين) نفى الخبر إن بورش سحبت الكايان، وقال إن السياره مافيها خلل في البريك( سمعوا الكذب شلون) قال ممكن في خلل في سلك يوصل بمدري إيش ويمكن يعطل البريك( شتفهمون من هالكلام غير إن في خلل) وقال مانحتاج نبدل أي قطعه بس تغير مكان السلك( يعني في خلل) وقال إنهم بيتصلون ب32 مالك كايان في البحرين( شوفوا شكثر السياره إنتشرت قبل كفو ينباع 30 بورش في السنه) وقال إن الشركه ماسحبت أي سياره( عجل ليش بتتصل بمالكين الكايان) وإن مافي داعي للخوف( لي فات الفوت ماينفع الصوت) يعني إذا بتستدعي سيارات ماسحبتهم بس يتصلحهم وتقول السياره مافيها شي شوفوا شلون يقول آنا كذاب بس صدقوني، مانقول غير خلهاةعلى الله.

[RED Chevy]

آآآآآآآآآآآآآآآآآآآآآآآآآخر الأخبار:


في تصريح لبهباني( وكيل البورش في البحرين) نفى الخبر إن بورش سحبت الكايان، وقال إن السياره مافيها خلل في البريك( سمعوا الكذب شلون) قال ممكن في خلل في سلك يوصل بمدري إيش ويمكن يعطل البريك( شتفهمون من هالكلام غير إن في خلل) وقال مانحتاج نبدل أي قطعه بس تغير مكان السلك( يعني في خلل) وقال إنهم بيتصلون ب32 مالك كايان في البحرين( شوفوا شكثر السياره إنتشرت قبل كفو ينباع 30 بورش في السنه) وقال إن الشركه ماسحبت أي سياره( عجل ليش بتتصل بمالكين الكايان) وإن مافي داعي للخوف( لي فات الفوت ماينفع الصوت) يعني إذا بتستدعي سيارات ماسحبتهم بس يتصلحهم وتقول السياره مافيها شي شوفوا شلون يقول آنا كذاب بس صدقوني، مانقول غير خلهاعلى الله.

[IMPALA SS '96]

رد مقتبس من RED Chevy
آآآآآآآآآآآآآآآآآآآآآآآآآخر الأخبار:


في تصريح لبهباني( وكيل البورش في البحرين) نفى الخبر إن بورش سحبت الكايان، وقال إن السياره مافيها خلل في البريك( سمعوا الكذب شلون) قال ممكن في خلل في سلك يوصل بمدري إيش ويمكن يعطل البريك( شتفهمون من هالكلام غير إن في خلل) وقال مانحتاج نبدل أي قطعه بس تغير مكان السلك( يعني في خلل) وقال إنهم بيتصلون ب32 مالك كايان في البحرين( شوفوا شكثر السياره إنتشرت قبل كفو ينباع 30 بورش في السنه) وقال إن الشركه ماسحبت أي سياره( عجل ليش بتتصل بمالكين الكايان) وإن مافي داعي للخوف( لي فات الفوت ماينفع الصوت) يعني إذا بتستدعي سيارات ماسحبتهم بس يتصلحهم وتقول السياره مافيها شي شوفوا شلون يقول آنا كذاب بس صدقوني، مانقول غير خلهاعلى الله.


هذا ما أسميه بالنفاق التجاري.....و الهدف منها الحفاظ على السمعة....و الغاية تبرر الوسيلة....وهذا متعارف عليه في جميع الشركات و المؤسسات العالمية تقريبا......وتذكر نحن في حكم الرأسمالية وليس في أيام الدولة العباسية......

:headshak: :headshak: :headshak:

تحياتي للجميع...

[RED Chevy]

هلا فيك إخوي أي غش تجاري هذي يكذب على الناس عيني عينك ويقول حنا ماسحبنا سيارات عجل شسويت ناديتهم تشربهم شاهي، خلها على الله بس تصدق لو تشوف الصيانه ماليت بتحط يدك على راسك عنده وكالة الفلكس والأودي والبورش والجيب وصيانته جبره من جينكو حالتها لله وحتى سيرفس عدل ماسون تخيل عندك بورش تدخله صيانه كراج سمكرهه أكشخ منها.