View Full Version : بريستيجي ما يسمح لي اطلع من دووووون نظاره؟؟!!!!!!!
غاية النفس
13-03-2000, 05:15 PM
هلا
بريستيج
كلمه متداوله عندنا وخاصه في اوساط الشباب بشكل كبير
كأن يقول لك شخص ان بريستيجه ما يسمح له انه يقوم بعمل معين
حتى ما يخرب شكله عند اللي حوله!!!!!
انا ما احب الكلمه هذي..
ولا اتعامل بها لكن اسمع بها كثير من اللي حولي
واللي لاحظته ان الكلمه هذي تمنعهم من اشياء يبون يسوونها..!!
فهل انتم من اللي يستعملونها؟؟؟
وليه؟؟
ومن وين جت؟؟
والسلام http://www.swalif.net/swalif1/ubb/smile.gif
المطفوق
13-03-2000, 05:26 PM
بدون احراج
وش معناة اصلا برستيج
------------------
skbz
بيعوشقلطة
المطفوق زوج make_up
wildorchid
13-03-2000, 05:32 PM
صباح الخير غايه
ومطفوق ,,
بريستيج = المظهر العام أو الصوره الشكليه
لي عوده لموضوعك
سلااام
غاية النفس
13-03-2000, 05:38 PM
ما اشوف شيء http://www.swalif.net/swalif1/ubb/frown.gif
غاية النفس
13-03-2000, 06:18 PM
صباح الخير للجميع http://www.swalif.net/swalif1/ubb/smile.gif
هاللحين عرفت يالمطفوق http://www.swalif.net/swalif1/ubb/smile.gif
بانتظرك يالاوركيد http://www.swalif.net/swalif1/ubb/smile.gif
make_up
13-03-2000, 07:25 PM
هي مثل اتيكيت او الصوره الخارجيه
وطبعا هذه الكلمه انجليزيه واخذت من معناها للاستخدام اليومي مثل ما رايت وسمعت
------------------
المعارضةجداً
القيس
14-03-2000, 02:08 AM
...حلو نحط لنا طريقة نمشي عليها ..ونلتزم بها
بس اللي أحلى هو التمرد ..تسوي اللي بكيفك ..لا يمنعك برستيج ولا يحزنون..!!!
------------------
مهما كانت موهبتك فالعالم بحاجة لها ...
هلا أخت غاية النفس
كيف الحال ؟
أعتقد أن كلمة بريستيج فرنسية يعني أنها ليست عربية فليه إحنا العرب
نستخدمها ؟؟؟
أكيد للتقليد وأنا ضد التقليد الأعمى
ومن رأيي ألبس اللي يجي عليك وبس وما عليك لا من بريستيج ولا يحزنون
مجرد رأي http://www.swalif.net/swalif1/ubb/smile.gif
غاية النفس
14-03-2000, 12:35 PM
هلا make_up
اللي ابي اعرفه الناس اللي يستخدمون الكلمه هذي ...ليه؟؟.
هل من اجل المظاهر؟؟
والا دليل على شخصيه امعه تمشي مع الناس وتسوي اللي يسوون من غير
تفكير...مجرد تقليد!!
هلا القيس
تدري عاد اني اسمعها من الشباب اكثر من البنات!!!
هل الشباب يتمسك بالمظاهر اكثر من البنات؟؟!!!
هلا غصون
تمام الحمدلله http://www.swalif.net/swalif1/ubb/smile.gif
المشكله مو بس باللبس
المشكله بكل شيء من تصرفات وافعال واقوال واحيانا اعتقادات
مشكورين http://www.swalif.net/swalif1/ubb/smile.gif
بياع القلوب
14-03-2000, 12:41 PM
هلا غاية
سلمك الله هذولي هم ابناء النيدو والمعلبات والبيغ ماك ،
ما عندهم الا شكلهم اللي اذا اخترب قامت الدنيا وما قعدت ، لدرجة انهم ( الشباب ) لحرصهم على البريستيج يكون كامل انهم يغسلوا كفرات سياراتهم ويلمعوها بالتايد والديتول - وبعضهم بالمرطبات مثل السفن أب علشان تعطي لمعان اكثر ،
اقول - الله يرحم مزنه بس !!!
LEENA
14-03-2000, 01:19 PM
غاية النفس اسمك مره حلو ............
لينا
wildorchid
14-03-2000, 01:27 PM
اهلين بالحبايب كل - ابوهم-
طيب مافكرتوا ان البريستج يكون ضروري في بعض الاحيان؟
كيف؟
مركزك الوظيفي والعلمي واحيانا وضعك الاجتماعي يفرضون عليك
انه يكون لك بريستيج معين..
بمعنى انا والله وظيفتي ماتسمح لي اني ارد على اللي يقلون ادبهم
علي في الشغل - من مرضى طبعا-
وكمان مو معقول اني اتصرف على راحتي -أوي- قدام الناس
الاجناب لان بريستيجي مايسمح لي اني سوي الحاجات اللي
اسويها مثلا وانا مع اعز اصدقائي http://www.swalif.net/swalif1/ubb/smile.gif
بالاضافه الا ان بعض الاشياء مالها دخل في البريستيج
انما هي مراعاة للذوق العام http://www.swalif.net/swalif1/ubb/smile.gif ها ها ها ها
طبعا بريستيج الوضع الاجتماعي يمكن يكون له ماله داعي
لما يتجاوز حدود المعقول..
احيانا تضطر انك تجاري الناس مو عشان شي بس ولكن تضطرك
الظروف انك تسو هالشي مثال..
عشان اثبت لكم مدى السطحيه اللي موجوده فينا
صاحبتي راحت لمحل في سوق راقي جدا وشرت منه اغراض
قال لها اللبناني ممكن تبدلينه اذا ماعجبك- لان السياره كانت
قدام الباب وكانت سياره محترمه- من بكره ماحصلت سيارتها
فراحت بسيارة المقاضي- الوانيت- وراحت للمحل نفسه
تبغى تبدل اللي شرته قال لها نفس الشخص" اااوووووف منكم
بس تبديل في تبديل؟""" لان سيارتها وانيت http://www.swalif.net/swalif1/ubb/frown.gif
وهناك امثله كثيره
انا ماقول انهم صح ولكن زي ماقلت تصير اشياء غصب عنك
بس لاتخافون...التغيير قادم صح يمكن ياخذ وقت لكنه اكيد راح
يصير http://www.swalif.net/swalif1/ubb/smile.gif http://www.swalif.net/swalif1/ubb/smile.gif
ياليتكم تشوفون الامريكان عندنا
الواحد يلبس جزمه اصابع رجوله تطل منها ومع كذا ماشي
بثقه http://www.swalif.net/swalif1/ubb/smile.gif ياليت من يسوي زيه ولكن http://www.swalif.net/swalif1/ubb/frown.gif معليش هذي
راح تكون من ضمن الخطه الخمسيه القادمه لترويض نفسي
والتخلص من عيوبي http://www.swalif.net/swalif1/ubb/smile.gif http://www.swalif.net/swalif1/ubb/smile.gif
ف
غاية النفس
14-03-2000, 02:08 PM
بياع القلوب
هلا..لا تعصب واللي يعافيك..
والله يسلمك هذي النوعيه الله يشفيهم ...
اخذتهم المظاهر لبعيد..
واما يلمعون كفراتهم فهذي حلووووووه http://www.swalif.net/swalif1/ubb/wink.gif
لينا
هلا والله ..تسلمين
بس ما شاركتي http://www.swalif.net/swalif1/ubb/smile.gif
يالورده بارد عليك بعدين اوكييييي.. http://www.swalif.net/swalif1/ubb/smile.gif
make_up
14-03-2000, 05:53 PM
صح لو فكرنا فيها من الناحيه العمليه(الوظيفيه) ممكن ان نتقبلها مثل ما وضحت وايلداوكيد بس من الناحيه اليوميه بين الربع و الاصدقاء فلا لها لزوم و لا لشئ لان احلى شئ ان اتكون على طبيعتك (لان اذا ماكنت على طبيعتك معا اعز اصدقائك ف مع من بتكون ؟؟؟) http://www.swalif.net/swalif1/ubb/smile.gif
حرم / مطفوق
------------------
المعارضةجداً
ما ألذ التصرف بتلقائيه في غير مواضعه... ولكن هذا لا يتوفر كثيرا للأسف. http://www.swalif.net/swalif1/ubb/smile.gif
LEENA
15-03-2000, 01:13 PM
غاية النفس....
ودي بس ماعندي شي اقولة
لينا
غاية النفس
15-03-2000, 03:29 PM
wildorchid
هلا بيك
اللي ذكرتيه صح وما اعتقد انه في هالحاله نطلق عليه بريستيج
لانك بهالحاله يكون عندك سبب يفرض عليك انك تتصرفين بطريقه معينه
وتتعاملين مع انواع من الناس يتطلب منك مواصفات معينه..
http://www.swalif.net/swalif1/ubb/smile.gif
اما عن الحادثه اللي ذكرتيها فللاسف منتشره ومحد شايفها على انها
غلط..
والله يصلحنا اجمعيين http://www.swalif.net/swalif1/ubb/smile.gif
make_up
هلا والله
كلامك صحيح..لكن لما يجيك واحد ماله مركز وظيفي ولا يحزنون
ويقول بريستيجي..ما يسمح لي اتعامل مع اشخاص معينين
هذا اللي يذبح..
ظب
هلا بيك http://www.swalif.net/swalif1/ubb/smile.gif
اعجبتني الذ
http://www.swalif.net/swalif1/ubb/wink.gif
لينا
هلا والله
ولا يضيق صدرك...وجودك يكفي http://www.swalif.net/swalif1/ubb/smile.gif
غاية النفس
15-03-2000, 06:19 PM
حبيت اسلم عليكم قبل ما اروح
لاني باتعيد برا الرياض
وما راح اشوفكم الا بعد العيد بيومين او خمسه http://www.swalif.net/swalif1/ubb/wink.gif
فكل عام وانتم بخير وبصحه وسلامه
ومن العايدين
ومن الفايزين
بااااااااااااااااااااااي http://www.swalif.net/swalif1/ubb/smile.gif