هلا

بريستيج
كلمه متداوله عندنا وخاصه في اوساط الشباب بشكل كبير
كأن يقول لك شخص ان بريستيجه ما يسمح له انه يقوم بعمل معين
حتى ما يخرب شكله عند اللي حوله!!!!!

انا ما احب الكلمه هذي..
ولا اتعامل بها لكن اسمع بها كثير من اللي حولي

واللي لاحظته ان الكلمه هذي تمنعهم من اشياء يبون يسوونها..!!

فهل انتم من اللي يستعملونها؟؟؟
وليه؟؟
ومن وين جت؟؟

والسلام

بدون احراج
وش معناة اصلا برستيج

------------------
skbz
بيعوشقلطة
المطفوق زوج make_up

صباح الخير غايه
ومطفوق ,,
بريستيج = المظهر العام أو الصوره الشكليه

لي عوده لموضوعك
سلااام

ما اشوف شيء

صباح الخير للجميع
هاللحين عرفت يالمطفوق
بانتظرك يالاوركيد

هي مثل اتيكيت او الصوره الخارجيه

وطبعا هذه الكلمه انجليزيه واخذت من معناها للاستخدام اليومي مثل ما رايت وسمعت

------------------
المعارضةجداً

...حلو نحط لنا طريقة نمشي عليها ..ونلتزم بها

بس اللي أحلى هو التمرد ..تسوي اللي بكيفك ..لا يمنعك برستيج ولا يحزنون..!!!

------------------
مهما كانت موهبتك فالعالم بحاجة لها ...

هلا أخت غاية النفس
كيف الحال ؟

أعتقد أن كلمة بريستيج فرنسية يعني أنها ليست عربية فليه إحنا العرب
نستخدمها ؟؟؟

أكيد للتقليد وأنا ضد التقليد الأعمى

ومن رأيي ألبس اللي يجي عليك وبس وما عليك لا من بريستيج ولا يحزنون

مجرد رأي

هلا make_up
اللي ابي اعرفه الناس اللي يستخدمون الكلمه هذي ...ليه؟؟.
هل من اجل المظاهر؟؟
والا دليل على شخصيه امعه تمشي مع الناس وتسوي اللي يسوون من غير
تفكير...مجرد تقليد!!

هلا القيس
تدري عاد اني اسمعها من الشباب اكثر من البنات!!!
هل الشباب يتمسك بالمظاهر اكثر من البنات؟؟!!!

هلا غصون
تمام الحمدلله
المشكله مو بس باللبس
المشكله بكل شيء من تصرفات وافعال واقوال واحيانا اعتقادات

مشكورين

هلا غاية
سلمك الله هذولي هم ابناء النيدو والمعلبات والبيغ ماك ،
ما عندهم الا شكلهم اللي اذا اخترب قامت الدنيا وما قعدت ، لدرجة انهم ( الشباب ) لحرصهم على البريستيج يكون كامل انهم يغسلوا كفرات سياراتهم ويلمعوها بالتايد والديتول - وبعضهم بالمرطبات مثل السفن أب علشان تعطي لمعان اكثر ،
اقول - الله يرحم مزنه بس !!!

غاية النفس اسمك مره حلو ............

لينا

اهلين بالحبايب كل - ابوهم-
طيب مافكرتوا ان البريستج يكون ضروري في بعض الاحيان؟
كيف؟
مركزك الوظيفي والعلمي واحيانا وضعك الاجتماعي يفرضون عليك
انه يكون لك بريستيج معين..
بمعنى انا والله وظيفتي ماتسمح لي اني ارد على اللي يقلون ادبهم
علي في الشغل - من مرضى طبعا-
وكمان مو معقول اني اتصرف على راحتي -أوي- قدام الناس
الاجناب لان بريستيجي مايسمح لي اني سوي الحاجات اللي
اسويها مثلا وانا مع اعز اصدقائي
بالاضافه الا ان بعض الاشياء مالها دخل في البريستيج
انما هي مراعاة للذوق العام ها ها ها ها
طبعا بريستيج الوضع الاجتماعي يمكن يكون له ماله داعي
لما يتجاوز حدود المعقول..
احيانا تضطر انك تجاري الناس مو عشان شي بس ولكن تضطرك
الظروف انك تسو هالشي مثال..
عشان اثبت لكم مدى السطحيه اللي موجوده فينا
صاحبتي راحت لمحل في سوق راقي جدا وشرت منه اغراض
قال لها اللبناني ممكن تبدلينه اذا ماعجبك- لان السياره كانت
قدام الباب وكانت سياره محترمه- من بكره ماحصلت سيارتها
فراحت بسيارة المقاضي- الوانيت- وراحت للمحل نفسه
تبغى تبدل اللي شرته قال لها نفس الشخص" اااوووووف منكم
بس تبديل في تبديل؟""" لان سيارتها وانيت
وهناك امثله كثيره
انا ماقول انهم صح ولكن زي ماقلت تصير اشياء غصب عنك
بس لاتخافون...التغيير قادم صح يمكن ياخذ وقت لكنه اكيد راح
يصير
ياليتكم تشوفون الامريكان عندنا
الواحد يلبس جزمه اصابع رجوله تطل منها ومع كذا ماشي
بثقه ياليت من يسوي زيه ولكن معليش هذي
راح تكون من ضمن الخطه الخمسيه القادمه لترويض نفسي
والتخلص من عيوبي

ف

بياع القلوب
هلا..لا تعصب واللي يعافيك..
والله يسلمك هذي النوعيه الله يشفيهم ...
اخذتهم المظاهر لبعيد..
واما يلمعون كفراتهم فهذي حلووووووه

لينا
هلا والله ..تسلمين
بس ما شاركتي

يالورده بارد عليك بعدين اوكييييي..

صح لو فكرنا فيها من الناحيه العمليه(الوظيفيه) ممكن ان نتقبلها مثل ما وضحت وايلداوكيد بس من الناحيه اليوميه بين الربع و الاصدقاء فلا لها لزوم و لا لشئ لان احلى شئ ان اتكون على طبيعتك (لان اذا ماكنت على طبيعتك معا اعز اصدقائك ف مع من بتكون ؟؟؟)

حرم / مطفوق

------------------
المعارضةجداً

ما ألذ التصرف بتلقائيه في غير مواضعه... ولكن هذا لا يتوفر كثيرا للأسف.

غاية النفس....
ودي بس ماعندي شي اقولة


لينا

wildorchid
هلا بيك
اللي ذكرتيه صح وما اعتقد انه في هالحاله نطلق عليه بريستيج
لانك بهالحاله يكون عندك سبب يفرض عليك انك تتصرفين بطريقه معينه
وتتعاملين مع انواع من الناس يتطلب منك مواصفات معينه..

اما عن الحادثه اللي ذكرتيها فللاسف منتشره ومحد شايفها على انها
غلط..
والله يصلحنا اجمعيين

make_up
هلا والله
كلامك صحيح..لكن لما يجيك واحد ماله مركز وظيفي ولا يحزنون
ويقول بريستيجي..ما يسمح لي اتعامل مع اشخاص معينين
هذا اللي يذبح..

ظب
هلا بيك
اعجبتني الذ


لينا
هلا والله
ولا يضيق صدرك...وجودك يكفي

حبيت اسلم عليكم قبل ما اروح

لاني باتعيد برا الرياض

وما راح اشوفكم الا بعد العيد بيومين او خمسه

فكل عام وانتم بخير وبصحه وسلامه
ومن العايدين
ومن الفايزين

بااااااااااااااااااااااي