السلام عليكم ورحمة الله وبركاته..
شحالكم يا أعضاء سوالف؟ إن شاء الله كل شي ماشي تمام..
المهم.. حبيت أسلم عليكم وأقول لكم عن امتحاناتي..
للحين امتحنا 3 امتحانات.. رياضيات (الورقتين وجيولوجيا)
1. الرياضيات1..(19 صفحة-3 ساعات) كان زين والكل يقدر يحله.. حتى اللي مب فالح;)
2. الرياضيات2..(18 صفحة-3 ساعات) كان زفت وحتى الأسئله اللي عرفت أحلها أحسها غلط.. والصراحة حسيت بالارتباك في الامتحان.. من الأجواء المحيطة.. كل بنيه تهز ريلها والأبلة اللي واقفة تراقب علينا تقول يلا بنات ماشي وقت اللي عندها شي تحبره تحبره.. وغير الحررررررررررررررررررر يا ربي على الحررررررررر..
3. الجيولوجيا(8 صفحات- ساعتين ونص).. واللي كان البارحة.. كان زين.. والحمدلله حليت اللي أعرفه واللي ما أعرفه طبعا كالعاده ألفت;)
اصبروا بعد ما خبرتكم.. ما يوزعون علينا ماي..
أول يوم شفت وحده يايه اللجنة عندها كرتون ماي.. وزعت على البنات.. وخلص الكرتون.. وطبعا طز في باقي البنات.. والمشكلة إني من باقي البنات.. شو الفايدة أنا يالسة في آخر اللجنة.. محد يسأل عني.. وبعدين عقب يمكن نص ساعة.. يت وحده عندها ماي.. تسأل حد يبا ماي وقلت لها أبا.. واليوم الثاني.. ما وزعوا.. والماي كان عند الأبلة اللي تراقب (هذا اللي عرفته عقب ما طلعت من الامتحان) وقالوا لي انه اللي تقول تبا اييبون لها.. لكن هذاك الوقت كنت متوترة مثل ما شرحت لكم أعلاه ;).. واليوم الثالث اللي هو البارحة.. ما وزعوا.. فأنا قلت بطلب منهم ماي.. لكن تدرون ما طلبت.. تعرفون ليش!!.. لأنه الأبلة اللي واقفة علينا من دخلت اللجنة وهي معصبة.. ما أدري ليش.. يعني لو طلبت منها ماي بتضربني.. قلت أموت من العطش وما أطلب منها..
والوقت بعد ما كان يكفي في الرياضيات.. الورقة الأولى شي بنات ما قدروا يكملونها.. أنا الحمدلله كملتها.. لأني كنت أحل بسرعه.. لكن الورقة الثانية كانت صعبه وما كان عندنا وقت حتى نراجعها.. :(
ويقول لكم في هاليوم.. يوم امتحان الرياضيات الصعب.. البنات.. ربعي يعني.. طلعوا من اللجنة شافوا بنيه نعرفها تصيح.. وتصيح.. وتصيح.. ساروا لها وتجمعوا عليها يهدونها.. تسألها ربيعتي.. ها قولي.. كم سؤال ما حليتي؟؟ .. البنيه ما سكتت.. تصيح وتصيح .. تصيح وتصيح.. قالت لها وهي في حالتها.. عندي غلطة
ردت عليها ربيعتي.. قالت لها.. انت عندج غلطة أنا الامتحان كله غلط.. هههههههههههه.. والله حالة.. ومثل ما يقولون في المسلسل السوري اللي شفته هذاك اليوم في الكويت.. ناس تاكل جاج وناس واءعة في السراج.. ولا انتو شو رايكم.. ;)
ونملة اختي في لجنة غير عن لجنتي.. ومكانها عند الباب.. مب أنا آخر الصف.. ومحد يسأل عني.. :(:( دنيا.. غدارة..
والبقية تأتي..
والحين أنا لازم أسير أذاكر العربي.. عندنا يوم السبت.. الورقة الأولى.. ادعو لنا
تحياتي للجميع.. ودعواتكم
عرض نسخة للطّباعة |
ارسل هذه الصفحة لصديق]
