توقف 00

انت امام باب الجمعيه التعاونيه ؟


مممممممم شو يابنا عند باب الجميعه الحين

نسيتو اول الشهر ؟

اكيد الحين انتو وخاصه المتزوجين وياهم الميزانيه ويدورون في الجمعيه التعاونيه

صح 00صح


الحين اريد اعرف اول ما تدخلون الجمعيه التعاونيه شو اول قسم تحبون تسيرون له ؟

وشو الاقسام اللي ما تحبون تمرون حتى صوبه ؟؟


وهل انت صاحب ميزانيه مضبوطه الى اخر الشهر ؟

ماعندنا جمعية تعاونيه في المملكة:(

وشهي هالجمعية وكيف هو نظامها ..
اخاف مو وقته السوءال هذا صح .....

شفت الصورة

الجمعيه هي سوبر ماركت بس كبيييييييييييييييييييييييييييييييييييييييييير

وحلل الماء بعد جهد بالماء

وليه تسموها جمعية تعاونية

سموها ونحن بعد سميناها


اكيد انت مب ياي الامارات

مين اللي سموها
وليش سموها كذا ..

طيب ناخذها وحدذ وحده ..

جمعية .. يعني تضم مجموعة معينه من الناس
لهدف محدد
تعاونيه ..
يعني الشرط اللي تقوم عليه الجمعية هو تعاون افراد هذه الجمعيه

بس على اي اساس وكيف نوع هذا التعاون

ماادرييا يعسوب
دخلتني في متاهات

هههههههههههه

المهم الجمعيه يعني كل االي تباه تلقاه
من الابرةه لين الخيط
هههههههههههه

أولا :

تحياتي لج اختي العزيزة موزة ...
و عاد خبرينا بآخر أخبارج ويا طالباتج الشعنونات
ترانا تولهنا على سوالفج ....


ثانيا :

سميت الجمعية التعاونية بهذا الاسم لتكونها من مجموعة
من الجهات و الأعضاء .. و أن الناس يساهمون فيها بأسهمهم
... فيتم بناءها باجتماع هذه الجهات ...

يعني هي مجهود جماعي و ليس مجهود خاص ....



ثالثا :


أول ما ادخل الجمعية اسير حسب مب كاتبيلي الأهل
في روشتة الطلبات :(

يعني ما اخلي بقعة ....

جميع المستلزمات الشهرية ...

و بالدور بعد


لكن احب الأقسام عندي هو قسم الاكسسوارات و المكياج
و الورود



تحياتي لأبلتنا موزة :
توتة

صراحه فيه جميعة تعاونية بالرياض بهذا المسمى اما عن الاسواق الكغذائية الكبيرة فحدث ولا حرج يمكن فيه ما بين 500-1000 سوق ........ تلرررررررررررررررررررلم

وين يودون كل هالبضائع والله ما ادري من جد شيء يفوق الوصف والخيال .... اليومين هذي فيه سوق كبير اسمه اليورومارشيه مسوي تخفيضات كبيرة من جد ((((( لا تصدقون مو بالمره )))) بس والله فيه حجات كثيرة حلوه

انا بصراحه وبجد مجنون شيء اسمه تسوق ووقتي الفاضي احب اقضية بين ارفف الاسواق التجارية الكبيرة دخلت اليوم اليورومارشية وتسوقت بخمسية واربعه وثمانون ريالا فقط لا غير .... واول ما دخلت البيت قالت لي امي اووووووووووه انت فاتح بيت من ورانا جديد ولا ايش ؟؟؟؟؟

عاد الوالد قالي كلمه كبيرة باحتفظ فيها لنفسي

يعسوب حبيبي هاذي الاسواق سمية بهذا الاسم لانها عبارة عن اسهم تاسست فيها هذة الاسواق وكل مساهم يحصل فيها على نسبة تخفيض او عروض اخرى وسميت بهذا الاسم الانها مبنية اساسا على التعاون بين افراد مساهمين لهم ارباح سنوية فقط اتمنى انه تكون فلسفتي واضحه تلرررررررررررررررررلم

تقبلوا تحياتي جميعا

هههههههه

شكراانج وضحتي حق يعسوب المعنى

وعن بناتي خلاص نحن نستعد للامتحانات


مممممممممممممم

ماشاء الله على الطول الاكسسوارات يا سلام عليج والله

ماشاء الله عليك

عيل انت صدق من النوع اللي تدخل تبا شيء وتطلع معاك اشياء
ههههههههههه

يعني ما تحب تطلع من الجمعيه

الله يحفظك

موضوع مسلي ومفيد

أولاً: مجرد توضيح، السوبرماركت عبارة عن مشروع تجاري بحت لا غير، يهدف إلى الربح المادي، أما الجمعيات التعاونية ففكرتها أن تيسر وتخفض الأسعار للناس وفي نفس الوقت تحافظ على مستوى ربح يكفل لها التطور والإستمرار، وهي عبارة عن أسهم مشتركة بين مجموعة أعضاء، وفي بعض الأحيان تقوم هذه الجمعيات بعمل تخفيضات كبيرة فتبيع بسعر التكلفة أو أقل بقليل في بعض الأحيان، من باب التيسير على الناس.

والأهم من هذا كله، أن هذه الجمعيات على مستوى الإمارات تقدم منتجات تحت العلامة التجارية "التعاون" وهي مشابهة للسلع الإستهلاكية الموجودة في الأسواق من أدوات التنظيف أو حتى الأطعمة، وسعرها أقل بكثير من سعر هذه السلع مع جودة مشابهة.

هذا باختصار

أما الشراء من الجمعية، فأول قسم أدخله هو قسم الكتب والأشرطة! وأجلس عنده كثير، وبعدين أنتقل للمخبز (يم يم ) وبعدين لبقية الأقسام، ولا أنسى أمر على قسم الحلويات عشان آخذ لي شوية حلاوة من الزين، وعادة أحدد المبلغ اللي أريد أشتري به عشان ما أخسر كل فلوسي على الأكل

اكيد انت الحين دخلت الجمعيه واشتريت كل انواع الحلويات استعدادا للامتحانات
انا صراحه ايام الامتحانات كنت احب الكاكاو
وهو اصلا اثبت انه ينشط الذاكرة

بس ما تتوقع سردال ساعات ندخل الجمعيه وقي بالنا شيء واحد نطلع مترسين العربه ؟

أسميج إنتي ما أدري من وين تيبين الأفكار الرهيبة هذي

عن نفسي. أنا يوم أدش الجمعية أسوي مصيبة..أطوف على كل الأقسام.. و أتبع سياسة.. (من كل بستان زهرة)...ما أقدر موول إني أيود عمري عن الصرف:(

مرات أدش الجمعية الي هني .. و آخذ لي سلة.. ما آخذ عربنا على أساس إني بشتري لي شغلات بسيطة و مب ثقيلة.. لا شعوريا ألاقي نفسي طلعت و أنا أحمل حمولة عربانتين

بس أكثر شي قسم أحبه في الجمعية هو قسم القرطاسية و الملصحف و المجلات.. لازم كل ما أدرش أشتري لي يا مجلة أو قلم أو شغلات مكتبية.. (واحد مثقف)


تحياتي لك

موزه... موضوع جميل ....انا احب اشتري من السوبر ماركت مااروح الجمعيه......كل اسبوع اروح السوبر ماركت اشتري اشياء غير ضروريه...وتكون عندي في المنزل لكن تعرفين احب التسوق اذا رحت السوق اجباري ارجع محمله بلاكياس......لو فتشتي في مشترياتي كان عرفتي ان اغلبها غير ضروريه.....مع اني مش مبذره بس احب التسوق....

شو نسوي نفتح ها المخ ونطلع المواضيع

ههههههههههههههههههههههههههه


اخبرك انت شراتي تدخل تبا شغيله وتطلع وشايل عربيتين بعد
هههههههههههههههه

عدال على الثقافه بس ههههههههههه
وانا مثلك بس اسير لازم امر اخذ لي فراوله وامر على البسكوت والحلويات بعد

تسلمين اختي وشكرا على تواصلج الغاليه



ليش ما تحبين الجمعيه ؟

حاولي انج تتحكمين بعمرج شوي عشان ما تشترين اشياء غير ضروريه مب زين

الحمدلله عندي تحكم كامل في اللي أريد أشتريه، إلا في شيء واحد، الكتب! إذا شفت كتب جديدة على طول ألغي القائمة عندي وأشتري الكتب وأترك كل شيء، وإذا ما حصلت كتب أشتري اللي أريده ومكتوب في القائمة وبس!

مرات قليلة بس ما آخذ شيء مش مكتوب في القائمة، وإذا حصلت شيء أريد أشتريه أروح أكتبه عشان أشتريه في المرة الجاية يعني إدارة مشتريات 100% وميزانية مضبوطة لكني مفلس

اول شيء توقيعك غاوي والله




بعد بعد ايوا اخوي سردال اللي فهمته انك من النوع اللي تكتب قائمه في ورقه وتسير الجمعيه مب بس تعتمد على الذاكرة ؟ مثلي

موزة: طبعاً لازم أكتب قائمة، وأقسم القائمة بعد لسلع ضرورية، وسلع ثانوية، حتى أشتري الضروري أول، وبعدين الثانوي، وبذلك أضمن أني ما أخسر الفلوس على شيء ما أحتاجه

وهذه العادة تعلمتها من الإنجليز!! نعم من الإنجليز، كل ما أشوف واحد منهم يدخل الجمعية أشوفه طلع القائمة وحط الورقة والقلم وبدأ يشتري، مشكلتنا نحن العرب نحب نصرف فلوس ونسمي اللي يسويه الأجانب حرص وبخل.

لا والله، بل هو إقتصاد وتخطيط وتنظيم ، لذلك لازم ننظم أنفسنا من الآن، وقد يرزقنا الله بالزواج وتكوين أسرة وهنا المسؤولية أكبر، يجب أن نتعلم ونتعود من الآن على التنظيم قبل أن يأتي الزواج

ومشكورة على سالفة التوقيع، كلك ذوق

مب تقليدا للأنجليز ,,,,
و لكن لأني نسّايه درجة أولى ..... :(




تـــ توتوة ـــحياتي ,,,,,

العفو



بس صراحه حلوة طريقتك وهاالشيء اظني اللي يخليك انك ما تزيد ن ابشيء اللي تباه ومنظم كل شيء
بارك الله فيك



الله يعيينج اختي توته