أتمنى من الأخوة اللي عندهم خبرة بميكانيكا السيارات يفيدونا

طبعاً سؤالي هذا كان بعد ملاحظة

إن معظم (إذا ما كان كل) السيارات وبعد إستخدام متواصل لفترة طويلة نوعاً ما (او بطريقة شديدة)

مستحيييل تعطيك نفس العزم والقوة مثل لما تكون في بداية تشغيلها

فهل هذا ناتج عن تعب وإجهاد المحرك ؟؟

والله حتى انا بدي اعرف الجواب زيك .... خلينا نستني احد اجي وقلنا الجواب ....

والله صاج يازكيا

انا اللي اعرفه انه السياره تفقد نسبه من الاحصنه من بعد
فترة استعمال او قطع عدد معين من الكيلومترات
اذا فيه حد يعرف عن السبب يقولنا

ولله انا عندي نفس المشكله
انا رحت لورشه وسالته عن هذي المشكله ردي علي وقال:
ممكن تكون السياره قد اكلة حرار
يعني سخنة السياره مره
و من هذي الحراره تحرق الجلد وخاصه الجلد الموجوده حول البساتم
الو السلندر


______________________________________
BECUSE I SPEED THEY CALL ME MR:SPEED

اي سيارة جديدة تشتريها تعطيك عزم كامل اوكي .
بعد فترة من الاستخدام انت بتستهللك مش بس المحرك انما جميع الاجزاء المتصلة بالمحرك من اسلاك الى فلاتر الى جميع الاجهزة اللي تكون قريبة من حرارة المحرك هذا واحنا نتكلم عن الاجزاء القريبة من حرارة المحرك فما بالك من المحرك نفسه اي محرك سيارة يتكون من بساتم داخل جرم المكينة تدور بواسطة شي اسمه كرنك البساتم دي تدور داخل مجرى كل على حدة .
طبعا البساتم هذي يكون حولها شي اسمه (شنبر) او عبارة عن حلقات من المعدن القوي بحيث تمنع او بمعنى اصح تكون حاجز بين حجرة الاحتراق في الاعلى وبين الزيت والكرنك في الاسفل .
بعد فترة من الاستهلاك تبدا هذي الحلقات او الشنابر بالتاكل بسب الاحتكاك المستمر ,ايش اللي سار بعد فترة من الاحتكاك والاستهلاك؟؟ اللي اسير يا طويل العمر انو تبتدي كمية ضئيلة جدا جدا جدا من الزيت في اسفل المكينة تختلط بحجرة الاحتراق في الاعلى مسببة عدم وجود احتراق كامل في الاعلى.
مع الزمن وانا اقصد بعد مرور سنة او اكثر على الاستهلاك تبتدي تلاحظ خروج دخان خفيف ابيض من خلف السيارة وهو عبارة عن بادئ للتبويش.
اللي بيحصل انو انت بتعدي في المرحلة القبل اولية وهي استهلاك القطع والاجهزة اللي خارج المكينة زي الكويلات او اسلاك البواجي(spark plug wires) وبالاضافة الى (spark plugs) وفلاتر السيارة وايضا طرمبة البنزين او مضخة البنزين والزيت سويا وفي شي مهم جدا او بالاصح شيئين اثنين الا وهي مجرى الهواء الداخل الى الموتور وبخاخات السيارة(fule enjection) بعد فترة من الاستعمال بخاخات السيارة تبتدي بالانسداد بسبب الشوائب الموجودة في البنزين.
ومن خبرتي بالنسبة لمجرى الهوا بعد فترة من الاستخدام يبتدي يتراكم في داخل مجرى هواء الموتور ابتداء من الفلتر الى روس المكينة نوع من الكربون الاسود ... مع الزمن والتراكم ببتدي بتغطية الغلاف الداخلي وبالتالي تقل كمية الهواء الداخلة للمكينة وهوا ذا السبب الاساسي لضعف المحرك بعد قترة.
وطبعا هيا ذي الاسباب الرئيسية لضعف السيارة ,طبعا انا انصح بالصيانة الدورية كل 20,000 وتغيير معظم المكونات الاساسية خارج المكينة

مشكور يا أخ KING_SS على هذي المعلومات الطيبة "بينت لنا عمق خبرتك في مجال السيارات" ، لكن أعتقد الأخ E55 كان يقصد فقدان المحرك للعزم خلال نفس اليوم ، يعني أول ماتمشي بالسيارة في الصباح وتسير فيها مسافة طويلة بتلاقي أدائها في الصباح أفضل من أدائها بعد 3 ساعات مثلاً...

أعتقد والله أعلم أن المشكلة تكمن في زيت المحرك ، فمع درجة الحرارة العالية والتشغيل المتواصل يفقد الزيت جزء من لزوجته مما يجعله لا يقوم بوظيفته على أكمل وجه "زيت المحرك له وظيفتين ، الوظيفة الأساسية تزييت الأجزاء المتحركة داخل المحرك والوظيفة الثانوية هي التبريد".

يعني الحل يكمن في إختيار الزيت المناسب ذو الجودة العالية ، لكن هل يحل الزيت الصناعي "synthetic Oil" فبدل الزيت البترولي في حل هذي المشكلة ، هذا هو السؤال إلي يحتاج إلى إجابة!

اخوي العزيز NFS تسلملي يالغالي واشركرك بعنف على الشهادة القديرة بس والله تراني لسة ميكانيكي مبتديء لوول .على اي حال اوي اي سيارة لما تشغلها الصباح تعطيك اقوى عزم وبعد فترة من التشغيل اطيح عزمها وتسير ضعيفة نوعا ما وانا اعطيك امثلة حية للي بيسير عندنا هنا ( شبابية نوعا ما) لما اسير سباق بين سيارتين عندنا افصلو انهم اخللو السيارات واقفة لين وقت السباق عشان تعطيه احسن اداء واللي احاول انو اتمشى وياخد لفتين في الشوراع اكيد سيارته راح اطيح عزمها زي ما اتفضلت وقلت كلامك 100% صحيح ,زيت محرك المكينة ابتدي اسخن والمحرك ذاته يبتدي اسخن .
بالتفصيل شوي :
اللي بيسير انو السايرة وهي باردة في الصباح او لما تجربها وهي باردة يكون مجرى دخول الهوا للمكينة بارد بمعني انو المكينة اخذة حقها وزيادة او ما تبتدي تسخن المكينة كل مجاري الهوا من الفلتر لين الروس هذي من الالمنويوم وتسخن بطريقة انت ما تتخيلها ودرجة حرارتها توصل درجات خيالية وهنا تجي فايدة الفلتر الرياضي او شي انو اتيح بدخول الهوا البارد للمكينة وتسهيل عميلة شفط المكينة للهوا .
طبعا السيارة اول ما تبتدي تسخن وادخل هوا ساخن للموتور على طول حتحس بنوع من الضعف في المكينة والزيت (زيت المكينة) من احد وظايفة زي ما اتكرمت انو امتص حرارة المكينة ومن ثم طريقة تصميم كارتير الزيت في الاسف واصطدامه بالهوا يتبرد الزيت من جديد وبالتالي تبرد المكينة وعلى فكرة لزيت اللي انت ذكرته فوق الممتاز وانا استخدمه في سيارتي ال اس اس .
ليش السيارة في الايام اللي اكون فيها الجو بارد ما تحس بضعف في المكينة او انو نسبة الضعف تقل (السبب يعود للواء البارد اللي بيدخل المكينة).
في شركات التعديل عندهم مثل (هواء بارد=عدد احصنة زيادة لمحركك)
عشان تحافظ على عزم سيارتك مش زي لما تكون باردة لاكن تقريبا في نفس المستوى لازم ما تتعدى سرعتك 80 يعني تمشي على مهللك اذا انت حاولت انك تسرع اكثر من مررة حتلاقي تغيير جذري في تسارع السيارة كل مررة تجرب السيارة فيها .
انا في مررة بالكابرس بدون التعديل (كانت عليه قطع خفيفة) جربت مع مكسيما وطلعت عليه تقريبا مسافة سيارتين لين اخر الخط ,اخذنا الدوار ورجعنا وجربنا ثاني مررة والنتيجة انو سار مستوانا بجنب بعض , وطبعا السبب في تاخيري انو السيارة زيتها سخن والهوا اللي دخل للمكينة بالتالي سخن ويضا حرارة زيت الجيربكس سخنت علا خلاف السيارات اليابانية اعتقد انها ما بتعاني من الشي دا
واسف اني طولت عليكم

شكراً يا كنج على هالمعلومات الطيبة

NFS
بالضبط ، إنت وصلت للي أنا أقصده

King
الفرق بين الهوا البارد والهوا الساخن هو إن الهوا البارد كثافته أكبر ويساعد على الإحتراق بشكل أسرع عكس الهوا الساخن

لكن ممكن يكون هذا السبب الوحيد ؟

حتى لو كان كلامك عن الزيت الساخن وتأثيره على المحرك صحيح

أعتقد إن في أسباب ثانية ، ومنها اللي ممكن نتفاداه

الاخ بارق

من قالك ان السيارة تفقد بعض الاحصنة مع مرور الزمن الاحصنة مولده من قوة المكينة ومن خلال الحركة الميكانيكية داخل الموتور
فمستحيل تفقد السيارة احصنة لانها ليست قطع استهلاكية تبلى مع الزمن والاستعمال

اما الاخ E55
والله غريبة الي يصير عندك ؟؟؟؟؟؟؟انا اعرف ان السيارة لما تحما ويتحرك الزيت داخل البساتم بشكل صحيح تصبح السيارة متجاوبة بشكل جيداكتر من لما تكون باردة...