|
|
عضو نشيط جداً
|
|
المشاركات: 294
|
#1
|
مساحة بوح
أحبه حب ما بعده ولا قبله خلق بالكون !! …. يفوق أضعاف حب أمـه وحب أبوه و أخوانـة
احبه حب مــــا يوصف ولا يعرف غدر وظنون …. طهوره من طهور المسك عفيف بعفّ أيمانه
ولكن للأسف حبي حبيس داخلي مكنون …. أسيراً في رجا فرصه ويبحث وين عنوانه
أخاف الشوق في صدري يفجرني ألم وشجون …. أخاف .. أخاف لو يدري ويذبحني بنكرانه
أبا اصبر والصبر قالوا ملاذ وسلوة المغبون …. وحـب من " طرف واحد " ولا صده وهجرانه
عسى الأيام تلفي به ويصدق حظي الملعون …. وأعيش العمر كل العمر في ضله واحضانه
مناي وعيد ميلادي يشوفه قلبي المشطون …. أقول له كلمة احبك ويغمـرني بـتـحـنـانه
صدى الآهات والكلمه مساحة بوح للمفتون …. بترجمها قصيدة حب تشوف النور من شانه
وإذا مجـنون لـيـلى مات أنـا بعده ترى المجنون …. أنا قـيـسه ومجنونه ولو طوّل بنسيانه
|
|
24-02-2001 , 03:34 AM
|
الرد مع إقتباس
|
عرض نسخة للطّباعة |
ارسل هذه الصفحة لصديق]
