|
|
عضو نشيط جداً
|
|
المشاركات: 157
|
#1
|
نويت مرباع الغضي سيد الاحباب * قصدي يزول الهم زاد التهابه
جيت وبقايا نارهم حول االاطناب * بيت الشعر مطوي وباقي زهابه
اقفت ركايبهم ومني الهدب ذاب * من دمع يسأل وانذهل بالاجابه
على غزير الدمع ضيت الاهداب * صديت لين الدمع يقضي سحابه
بعض الوجع يمكن تداويه الاعشاب * وبعض الوجع ياويل منهو سطابه
عشق بدوي لاحب ماهوب كذاب * يوفي ولو جرحه تجدد صوابه
واليوم وصلت بيننا مثل الاجناب * ذاك الغلا ياضيعته ياسفابه
باكر اذاجينا لهم مثل الاغراب * من بعد ماكنا الاهل والقرابه
الامر لله كل شي له اسباب * والا الهوى وش لي على هج بابه
وشلون قلبي مايجي منه منصاب * وعلى الرجم منقوش بعض الكتابه
حتى أثر مشيه مع سهول وهضاب * مر يبين ومر مايندرى به
قلبي من الفرقا صويب ومرتاب * كنه غدا نصفين من هول مابه
حزني عليه انه تسبب ولاطاب * نظرة طبيبه عجلت في ذهابه
ريح الخزامى والنفل زين الاطياب * ويشدني ريح السمر في ثيابه
لاقبل نسيم الليل له خيل وركاب * له في طلوع الشمس عز ومهابه
للشاعر : سعدالخريجي
غناء : خالدعبدالرحمن
|
|
29-12-2000 , 04:01 AM
|
الرد مع إقتباس
|
عرض نسخة للطّباعة |
ارسل هذه الصفحة لصديق]
