على وعد ..
تبقى لك دروب العمر
عمر وعمر..
وسنين من شوق وجمر..
صوت الحنين..
اللي تكون لك دهر..
شلال في جمر انتثر..
اواخر أيتام الخفوق ..
اللي تعزا بالصبر..
ليل طويل ..
والحين جالك يعتذر..
عن كل مامر وعبر..
عن كل دمعة شارقه..
في خد يعمي بارقه..
يسرق من عيوني النظر ..
عن كل عبره خانقه..
عن العيون الغارقه..
واشيا كثيرة تنتظر..
عن البقايا من صبر..
يحلف لك برب السما..
ورب المطر لامن هما..
انك له بعمره قدر..
واحلى قدر..
بك ينتهي كل الظما..
لو لاهب الشوق احتما..
ياللي تجي مثل المطر..
ابانتظر….
وانت تكون ولا تكون..
بعيد او بين العيون..
اسكب لك اشواقي شعر..
واسابق حروفي قبل..
كل المعاني تنتحر..
الليله الدنيا تمر..
قرن تهيا يحتضر..
بكرى يموت ويندثر..
والليله ياعمري جسر..
نعبر بها لعمر جديد..
فيه الغناوي والقصيد..
والفين بيت ينتظر