حرام أذزف على فرقاك لو دمعه... تستاهلين العيد ليوم فرقاك
غش وخداع ونذالة فيك مجتمعـة... ودرب الهوى وياك ملين أشواك
الناس تشري الستر وتداري السمعة
........................وإنتي ولاهمك ياكبــر بلواك
من يعرفك بيضيّع السبت من الجمعة
........................معذور لوشق ثوبه من سواياك

من ناحية الحلاوه الشعريه .. حلو .. ولكن يا أخي عنيف وايد.. يا معود اللي يحب ما عمره يكره ..ويسامح .. هذي بيتين من قصيده لي
اجرح القلب وتدلل وقول أحلامي سراب
دوس قلبي ولا تبالي ولا تخليني سعيد
قول مسكين قول ظالم قول ربه ما يهاب
وبقول انا يا ناس حبه قد جرى مجرى الوريد

القصيده أطول من ذلك ولكن هذا رد على العنف الصارم اللي كان في قصيدتك اللي أنا أعتبرها أدبيا رائعه