تفنن في طروق الحب شرقني وغربني

معك يا زين دوخات الهوى ويا حلو مشواره

وغرد في سما سمعي أبي تحكي وتطربني

سواليفك مطر عمري .. ربيعي ضحكة أزهاره

حبيبي يا بعد كلي وكلك صدق تعجبني

بغيباتك وصداتك وتلويعك وتكراره

تجنن كل ما اشوفك احس انك تذوبني

وتضيعني من الدنيا .. وتشب بخافقي ناره

جمالك ناهب قلبي وتفكيري ناهيني

دلالك يا رقيق العود .. عود تعزف اوتاره

تولعت بتصانيفك .. وتعذيبك يولعني

وعلى أي حال راضي بك شمس العمر وانواره
******
كلمات الشاعر / أسير الشوق
اتمنى انها تعجبكم

ياقدمك

الحين مسوي موضوع وحالتك حاله وآخرتها تفنن

والله حاله

بروكسي
طيب احين متعب حالك وفاتح النت وقاري موضوعي هذا وبالاخير مو عاجبك؟؟
طيب رد على موضوعي الثاني حق مقاطعة امريكا ، على الاقل موضوع مفيد ... صح والا انا غلطان ؟؟؟؟
سلام ياصاحبي

انا فاتح النت ادور مواضيع كويسة ارد عليها

وادور ناس محتاجة مساعدة بالكمبيوتر او الانترنت

وصراحة ........ ماعرف اسكت

تعبان من المواضيع الي تنزل مستوى سوالف

كل واحد يكتب خواطر ومادري شنو

نبي شيء مفيد او شيء مسلي

اما الخواطر شنو نستفيد منها ؟

سلام بروكسي
فعلا معاك حق
ايش نستفيد من الخواطر الا كلام في كلام ؟؟
بس يمكن بعض الخواطر تعتبر رسالة موجهة الى شخص ما تعبر عما بداخلنا !!
يمكن ...

بكيمون
ارجع واقول اسلوبك مو غريب علي

سلام يونيك
تراك مشبهه علي والله
انا جديد هنا
هو فعلا كذا واحد قال لي ان اسلوبي مو غريب عليهم
شيء عجيب والله ....
بس اتمنى اسلوبي يكون له مستقبل ؟

بس برضوا الاسلوب مو غريب علي