- وفي غابر الايام ما يعظ الفتى..ولا خير فيمن لم تعظه التجارب

هذا موضوعي لاهوب منقول ولا يحزنون(افرح يا عسل)

اللي يعيش يا ما يشوف والدنيا تجارب وكل يوم يمر من عمر الانسان يتعلم فيه شي جديد ويمر بتجارب كثييره وهذه الدنيا تجارب الى اخر يوم في عمر الانسان..
المهم في حياتي انا تعلمت الكثييير واهمها عرفت منهو صديقي ومنهو اللي ينافقني وعرفت الصادق من الكاذب ولقيت ان اغلب الناس يهمها القشور والماده ..واخذت حذري والحمد لله ولكن الكثير ما يتعلمون ويختلقون الاعذار في كل مره ولكن النتيجه وحده..وان النفس الضعيفه لا تقوى على التجربه
وقال الرسول صلى الله عليه وسلم(لا يلدغ المؤمن من جحر مرتين)

وتعلمت اني ما احكم على احد الا لين اجربه فعلا تجربه حقيقيه..

- لا تمدحن امرأحتى تجربه..ولا تذمنه من غير تجريب..

وتعلمت ان الكلام الكثير ماله داعي لان اللي يتكلم لابد ويغلط لذا السكوت احسن..

وتعلمت اني ما ادور رضى احد الا بما يرضي الله وهذه اكبر تجربه مريت فيها وحكتني حك وخلتني شايب من هول المفاجآت اللي طلعت لي وصدمتي في ناس كثييير ما كنت اصدق انهم كذا وانهم جبناء ومعدنهم للاسف رخيص..للاسف اقرب الناس لي..:(

واخير تعلمت ان الرومانسيه سراب ووهم وان الحب الحقيقي هو من خلال العشره وبلا رومانسيه بلا هم..:( وتوفير بلاش شموع وورود.

المهم طولت عليكم..مع السلامه..

لا تعليق :( ...

ما ابي احرجك ( عشان امي )

لكن بصراحه .. شكل الدنيا (دقدقتك كثير)..

يالله يا ابني .. اتعلم ..
-------

عســــــــــ ما تعلمت ..من عسل شيء ؟؟!!ـــــــــــل

اخي معقول عسى ماشر وراك ضايق صدرك
بس والله انك صادقس

هلا طيبه.. ولكي مني جزيل الشكر واحلى تحيه كاريوكا..

عسل.. دقدقتني..ايشبك يابويا ايش الكلام هادا!!!!!!


مها...وش اللي صادقس!!!قصدك صادز..صح...

بصـــراحــه يامعــقول
ماني عارف وش أقول لك
كـلامـك حــزين مره ويخفي
في جنباته تجربة انسانيه
صـادقة .
والله ماني عارف من اللي ممكن
يسـيء لانسان مثلك ؟!!
انت من اصدق الناس اللي
قابلتهم بسوالف في مشاعرك
وفي طيبــتك , تصدق السطرين
الاخيرين خلوني تعيس :( لاني
بجـد متمنيت اني أسمع هاالكلام
مـنك .

تذكر يامعقول يوم اني كتبت
لك موضوع انتقد فيه كثرة
مواضيـعك ؟
تـذكر ردك عــلـىّ ؟

أقسـم لك بالله الواحد ألاحـد
انـي تأثرت مـن ردك يومهافـوق
ماتتخـيل والله انـي اقولها
لك بصـدق اني من هذاك الوقت
كل مااقابل أسمـك أشـعر بغضب
مـن نفسي لاني أحـرجـتك .
معـقول ربما اعجـز أن أوصـف
لك شـعوري ألاخوي تجاهك انت
بـاالذات لانه شيء غريب
نادراً أشعر فيه بالفعل
انت أنسـان عن ألف أنسان
أحـس بداخلك حــنان وعاطفه
وطيبـه مـع الجميع .
وياتعـاسـة اللي ماعرف قـدرك

اخوي الغالي معقول ...
الدنيا تغيرنا .. بعد اللين تقسينا
ومثل ماتتغير احداث الصداقات والظروف مثل ماتتغير النفس البشرية وتمر على خطوط متعرجة تدربها بعدهاعلى الطريق المستقيم
واجمل مافي حزنك الحين ... عبق التجارب وحكمة الجروح والصبر
وقوة الشخصية اللي تماسكت بعد تطاير الظروف .

كل ماكتبت اخوي عجبني ... واكثر ماعجبني
( وتعلمت اني ما ادور رضى احد الا بما يرضي الله )

صدقت معقول لو أرضينا الله بكل الامور رضينا حنا على دنيانا وارتحنا من الجروح او من لهفة الضمير
وكل ماتعلمنا اكثر من الحزن والصدمات ... كل ماقوينا بعدها مايغرناالناس ولا الدنيا لو أقبلت بإبتسامات

وتحيتي لحزنك القوي . وجرحك الصامد
وتحيتي لك معقول

القط الوردي..:( بصراحه حسيت ان كلامك صادق وشكرا لك على هذا الاحساس الاخوي الجميل والفريد من نوعه....وعادي طنش..بالنسبه للموضوع اياه..


المعاند.. تغطس وتظهر فجأه!!!كيفك ووينك ووين مواضيعك!!!

ومثل ما قلت اللي يعيش ياما يشوف والحمد لله على كل حال..وشكرا

لك اخوي ولا تقطع هاه!!!

يقول ساهر الليل والعهده لازم تسلمها قصدي على الراوي

انك يا اخي معقول ...

اصبتني بالذهول ... بكلامك المعسول ... وبكل ما كنت تقول ....

فعلمتك الدنيا ...

الكثير ... وكيف تعرف الصغير من الكبير ... وان كل شئ ممكن يصير ...

وختمت كلامك الجميل فقلت ...

ان الحب وهم ... لا يجلب غير الغم ... ويجعل الدموع تسيل على الفم ...

جزاك الله خير يا اخي

فكلامك بالصميم ... للرجال والحريم ... وافهم يا فهيم



تحياتي للاخ معقول الكريم

تصدق كلامك السجعي يذكرني بمسلسل سوري من سنة جدي اسمه رحلة المشتاق لطلب الوفاق...

شكرا لك..وايضا شكرا لك(تصدق ما عاد عرفت وش اقوول

تحياتي لك ساهر....

شكرا كثير معقول على سؤالك اللي له الفضل دايم برجعتنا لسوالف
انا بخير والحمدلله دام انت ياالغالي بخير
لكني لازلت اغطس لعل وعسى مايحين الغرق ولا دوامة الحنين .
وشكرا على سؤالك يالطيب الغالي