تكمله
(ليعذرني من له على القصة ملاحظات شرعيه فان لها ظروفها)
المهم بعد ما طلعنا السيارة رحنا للخيمه وحصلنا البنيه صلحت الشاهي وفرشت في ظلال الخيمة وطلعت هيه وامها واختها المهم شربنا الشاهي وتحدثنا في امور شتى حديث اعذب من الشهد وقمنا وفي قلبي لواهيب نار تتوقد .ولعل صاحبي لم يكن احسن حظا مني .
مرت ثلاثة ايام كانها ثلاث سنوات وبعدها قلت لصاحبي تروح معي للربع اللي هناك قال احسن الساعات ومشينا لهم حصلنا البنت وامها فقط لان اختها الثانيه متزوجه واهلها غير موجودين وكنت اعلم هذا مسبقا لذا قررت ان نذهب لهم في هذا اليوم . المهم جلسنا معهم وسولفنا سواليف عاديه جدا لاكنها تشفي المريض وتمرض المتعافي وقلنا لهم انا جينا نسلم على عمتنا فلانه (عجوز من ربعنا متزوجه منهم ) ومرينا نسلم بس .
شعوري انا واضح من اول اللحظات لكن كان نفسي اعرف شعورها فحاولت ان اتلمس من خلال كل كلمه لها اوحركه أي شي يدل على مشاعرها لاكني لم افلح .
قمنا من عندهم ورحنا للعجوز اللي من ربعنا وسلمنا عليها وسألتنا من اين جينا فعلمناها انا مرينا على ال فلان فضحكت العجوز وقالت جلستوا مع فلانه قال صاحبي: ايه
قالت احد منكم يبيها زوجه بالحلاال ماهو لعب
قلت انا وصاحبي مع بعض كلنا نبيها قالت اكيد قلنا أي والله اكيد
قالت خلاص شوفوا انا بروح لها واخيرها بينكم واللي تختاره يصير رجال ويتقدم لها والثاني يوخر عن دربه طيب ؟ قلنا اتفقنا .
قالت كل واحد يحلف لي بالله انها ان اختارته انه مايتراجع ولا يفشلني .فتسابقت انا وصاحبي وحلفنا لها بكل غليظ من الايمان انا ما نتراجع . قالت العجوز انتظروني هنا وطلعت
بقيت انا وصاحبي في الخيمه لحالنا وقمنا نمشي في الخيمه بشكل متعاكس (هذا والله الي حصل ) زي اللي نشوفهم في التمثيليات هذا يروح وهذا يجي . وراسي يكاد ينفجر من تصارع الافكار .لو اختارتني كيف اسوي ومنين ابدا... ابيع الوايت ولا اتسلف ...طيب لو اختارت صاحبي اش مصيري اقبل لالا.. انتحر لالا ..اطلبه يتنازل مستحيل.... لو وافقت علي اش اسوي كيف اتصرف المهم وطوفان من الافكار
وبعد وقت طويل او قصير ما ادري المهم انها جات العجوز وهي تضحك يعني جات بالموافقه بس على مين منا ...
×××
حسبي هذا اليوم والبقيه تاتي بعد ان استرد انفاسي
×××
واسلموا لأحبابكم