اعتقل رجال الامن في أوهايو رجلا يدعى جيروم سلاي عمره 51 سنة بتهمة ملاحقة امرأة كان التقاها "مــرة واحــدة" في حياته قبل "31 سنـة"....
وجاء الاعتقال على خلفية قيام الرجل بطرق باب السيدة وتقديم باقة ورد وهدية لها....
وقال الرجل انه وقع في حب المرأة منذ لقائه بها لمرة واحدة في الستينيات، وانه ظل يتتبع أخبارها ويحاول الوصول الى عنوانها، حتى عثر عليها بمحض الصدفة. وأضاف الرجل انه غير مستعد لفقدان تلك المرأة مرة اخرى بأي ثمن، حتى لو كانت هي غير راغبة في حبه !!
ولدى تفتيش منزل الرجل عثرت الشرطة على عشرات الهدايا المغلفة بورق أنيق، والعديد من رسائل الحب التي كان يكتبها للمحبوبة الضائعة في مناسبات عيد الحب وأعياد الميلاد وغيرها...

سايكو
هلا UAE_BABE
هذا مسكين مريض نفسيا
ومستحيل يكون انسان سوي
حشى 31 وش ذا الذاكره ما نسي اشباهها
عساني اتذكر شكلي :(

ما الومه والله ...

انا للحين اتذكر مضيفه طيران من 8 سنوات كنت برحله من الرياض لجده

وانا نازل مريت من جنبها وغمزتلي غمزه تذبح

و لاقدرت ارجعلها من الزحمه :( وراحت حسره بقلبي لليوم

وللحين اتذكر شكلها رغم اني ما شفتها غير دقايق :(


تحياتي بيبي

UAE_BaBe

مرحبا بيبي

يا سلام وينه هذا وينه :( شفتي الحب اللي على أصوله شو يسوي هذا مافي منه اثنين .. شافها مرة وحدة بس وحبها يا سلام عالحب والله ما الومه انا بعد إذا رفض بكل اصرار وقوة انه يبتعد عن حبيبته حتى وان لم تكن ترغب به :( مينونه والله
لا يا حليله كان يشتريلها هدايا وهي بعيدة عنه والله انه خطير ولا قيس و روميو في زمانهم ... الله يعينه ويصبر قلبه

لا بس شوفوا قلبه كيف ينبض ؟؟؟؟ لحقوا عالرجال يا جماعه حرام والله :(
اسمحيلي بيبي أبي أقول شي حق يونيك هانم

:
:

يونيـــــــــك

ليش يعني غير سوي ومريض نفسيا ؟ ؟ ؟ ليش انه حب وما نسى اللي حبها قلبه ؟ ؟ ؟


تحياتي لج بيبي ولـلعاشق جيروم سلاي

أهلين اختي unique

ليش؟؟؟
اكيد انه حبها بصدق عشان جيه ما نسى شكلها
حتى انه يوم لقاها رفض الابتعاد عنها حتى لو هي ما كانت تباه !!
مسكين :(

مرحبا اخويه ساهر الليل...
ما شاء الله ذاكرتك قوية ..
بس ما قلتلنا كيف كان شكلها؟؟ هاهاهاها

هلا وغلا ارماني...

هيه شفت...
ومن الحب ما قتل ..الله يكون في عونه

والامر الذي يدعو للاستغراب انه لم يفقد الامل في العثور عليها بعد سنوات طويلة...
ولو ما شافها صدفة كيف كانت بتكون حالته الحين ؟؟؟
وشو اللي خلاه متأكد انها بعدها حية ؟؟؟
تساؤلات كثيرة!!!

تحياتي لكم

ويــــنه هذا ويــنه ..؟؟
لو حصـــــلته محـــد يلمسه ...
أنا باخذه ..
" عشان آخذ الرسايل والهدايا بس " ..

والله زين إنه وفي ..
بس مرة وحدة شافها ..؟
اللللللله .. روعة والله ..
مب مثل وايدين .. اللي " يدعوووون إنهم يحبون "
ها لازم الحكومة تعطيه وظيفة مدرس عواطف في الجامعة !!

تدرين شو في خاطري ..؟
أسأله شو كان شعوره يوم وقف عند الباب وعطاها الورد والهدية !!!!!!

شو كان شعوره طول هالسنين ..؟
ما مات الحب في قلبه لو للحظة ..؟؟؟

إنزين ما عندج إسمه ولا إيميله ..
بطرش له .. عيبني الريال ..

...
إختي UAE_BaBe
هو ينطبق عليه حالة من ثنتين
إما هو مجنون أو مريض نفسيا
او هو بـالـ31 سنه دور على حب غيرها وماقدر
لكن الغريب بالموضوع كله انه شافها مرة واحدة لو كان يحبها
أو يعرفها مثلا ماالومه أبد لو مانساها العمر كلها
امممممم تقولين
(حتى انه يوم لقاها رفض الابتعاد عنها حتى لو هي ما كانت تباه !!)
هل هو ذا الحب
عشاق الاسطورة كان حبهم متبادل لكن الحب اللي من طرف واحد ماهو بحب أبد غير حب النفس لنفسها
اعتقد ان اللي يقول انه حبها بصدق هو اللي ماعرف الحب الصادق ابد مادرى غير هامش العشق واحواله
ولو اني ارحمه ... مثله الله ابتلاه وضاعت الـ 31 سنة بوهم وسراب
وان كنت معه بإخلاصة لكني تمنيت بلحظة لو حبته او حست بإحساسه
يمكن بذا تهون كل بلواه
وصدقيني لو حبته او على الاقل حست بالقليل من كثر احساسه كان هانت كل بلاواه ورضى بسجن احساسه
لكن ويش نقول غير الله المستعان











[تم تعديل الموضوع بواسطة المعاند يوم 30-09-2000 في 12:59 PM]

والله انك صادقه يالروح وست الصادقات

تعجبني صراحتك ووضوحك

والحقيقه فعلا انه انسان نادر وجوده واللي قال عنه مريض نفسي ما فهم هالشيء هذا ابد

فعلا هو رجال اسطوره

والله يعجبني كثير لانه ما نسي رغم انه ما اخذ منها شيء حتى الابتسامه
والله الحين ياخذون كل شيء من البنت وبعدين ينسونها :(
..

هذا المفروض يكون رمز ليوم الحب بدال الاستاذ فالنتاين
..

وش يجي جنبه قيس وعنتر والحفار

ولا شيء
..

هذا رجل اسطوره

مامنه اثنين

اذا لقيتي ايميله يا يو اي بيبي ابعثيه لي ولا تعطينه الروح خايف تشغله عن حبيبته

لااااااااااا الحفــــــار .. :(

لا تقطع أرزاقنـــــا ...

اعوذ بالله هذا مريض وجنون بعد اجل فيه احد يضيع عمره علشان قشور..اي بمعنى انه تعلق بشكلها واعجبته..مالت عليه !!الله لا يبلانا..

وانت يالساهر..!!!!تعال ابيك ..!!!اجل انت من ذوليك الشباب الطائش افاااااا والله ما كنش العشم اجل تتذكر غمزة مضيفة طيران(.......)..امحق والله... امزح بس ..ولا بلاش..

والله هذا الريال وفي بزيادة...عقبال ما انحصل مثله..اختيار موفق يا بيبي...شكرا

مرحبا اختي الروح...

القلب وما يهوى ... الريال يحبها وما اعتقد انه فكر في وحده ثانية ولو كانت ملكة جمال

وانا بعد عندي وايد اسئلة...
شو كان احساسه اول ما شافها صدفة؟؟؟؟
وكيف اتأكد انها نفسها اللي شافها من 31 سنة؟؟؟؟ و و و و ....

خلاص يا الروح انا بعطيج ايميله وانتي طرشي كل الاسئلة
بس ان شاء الله يكون بعده عايش !! هاهاهاها

لا تنسين ..الهدايا لو سمحتي ;)


مرحبا اخي المعاند ...
تدري ان اسمك ينطبق على شخصيتك هذا أولا ...
ثانيا متى كان الحب يعتبر مرض نفسي وجنون .. تعال نحسب الحين كم واحد خان حبيبته وباعها برخص التراب.. كم واحد وعد بحياة وبيت واطفال ولما وصل لأعلى المراتب والدنيا ضحكتله ما عادت هالفقيرة تعجبه ليش؟ لأنها old style و ما تناسب واحد high مثله .. !!

الحب مشاعر سامية مب جنون ولا مرض نفسي يا اخويه .. ... واذا كنت تعتقد ان الحب من طرف واحد هو حب النفس فانت غلطان يا اخ معاند .. ليش الواحد يوم يحب هل يكون هالشي بارادته .. الا اذا كان هالشي ينطبق معاك فهذا شي ثاني ..

تحياتي لكم

UAE_BaBe

صـــــــح لسانج ...
مادري كيف ممكن الواحد يفسر الحب ( الصادق ) على إنه حالة نفسية أو نوع من الجنـــون !

كلاااامج عين العقل يا بيبي ( كل ها عشان تعطيني الإيميل )

اختي UAE_BaBe

تدري ان اسمك ينطبق على شخصيتك هذا أولا ...

وتدرين إن العناد خير دافع ان الانسان يظل بعيد عن التجريح من حبيبة أو غريبة بعض الناس منا ... تعيش على هامش العناد لعله يحفظها من عناد مشاعرها...
ـــــــ
ثانيا متى كان الحب يعتبر مرض نفسي وجنون .. تعال نحسب الحين كم واحد خان حبيبته وباعها برخص التراب.. كم واحد وعد بحياة وبيت واطفال ولما وصل لأعلى المراتب والدنيا ضحكتله ما عادت هالفقيرة تعجبه ليش؟ لأنها old style و ما تناسب واحد high مثله .. !!

ذا ماكان حب أبد اللي يبدل حبيبته وفق ظروفه ذا حالة من احتياج انتهت متى ماانتهى قدرها
الحب اختي معناه الخلود معناه الرضا والقناعة بالحبيبة ودفْء المشاعر في صقيع الخيانة وغدرها
اللي يبدل حبيبة مثل ماتتبدل ايامه ويشوفهاold style لمجرد انه صار high وتبدلت ظروفه هو ناقص النعمة يستاهل كل النقمة ومثله بتلفظه الدنيا لان قناعته قناعات ناقصه تدل على شخصيته محدثة النعمة .
وانا معك إن فيه بها الدنيا كثير من ها الانواع
لكن فيه بعد من ينحت بقلبه لها تمثال الشكر والعرفان لوقفتها ومعاناتها وصبرها ... ومثل مايقولون وراء كل رجل عظيم إمرأة تعالي اختي نحسبها من ناحية إيجابية
كم واحد شاطر حبيبته نجاحه وكتب رصيد عمره على شيكات شكره لها
وكل امتنانه .. ...
ـــــــ
الحب مشاعر سامية مب جنون ولا مرض نفسي يا اخويه .. ... واذا كنت تعتقد ان الحب من طرف واحد هو حب النفس فانت غلطان يا اخ معاند .. ليش الواحد يوم يحب هل يكون هالشي بارادته .. الا اذا كان هالشي ينطبق معاك فهذا شي ثاني ..

عموما اشكرك على هجومكٍ وصدقيني ذا يدل على انكٍ فهمتي كلامي من ناحية واحدة بس
ابسألك هل يستوى الاعمى والبصير؟؟؟
إذا هو يستوى بميزانك ذا له رد ثاني
ونعم اعيدها لكٍ إختي الفاضلة مرتين وثالثة بعد
الحب مشاعر سامية مرهفة مثل الجنين المولود إن راعيتيه كبر ورعاك ... وإن قتليته مات وإنت الغير راضيه
لان الحب كرامة وعزة نفس قبل مايكون احساس نبضه هو قلبين
وأبسالك هل يقدر شخص منا يحب واحدة مثلا ماحست بمشاعره
او كانت تحب غيره ماظنيت إلا إذا لغى الكرامة من قاموسه...
وانا يوم قلت الاحساس من طرف واحد ماتخيلت ابد الا الحالة اللي كانت هي موضوعك حب واحد طوال الـ 31 سنة لانسانة ماعرفها آبد ولاشافها إلا مره واحدة ولاشعرت بإحساسه
لا ويمكن ماتباه هنا فقط سالت هل هو ذا الحب ..
الحب ماهو بإيد انسان ذا صحيح لكن اللي بإيده هو كرامته كل ماصانها كل ماصانته حبيته وتأكدي ان اللي رضى بالحب من طرف واحد وحببته ماشعرت بحبه او تحب غيره ...اعتقد والله العالم إن اكيد بيجيه يوم يكره حتى نفسه
وعموما اشكرك على هجومكٍ وعلى غلطكٍ ...
واختم لكٍ كلامي ان الحب من طرفين هو مفهوم الحب عندي اما اللي من طرف واحد اسأل الله أن مايكتبه لانسان كرامته هي نبراسه

هلا الحفار...
صدق مثل ما قلت ...رجل اسطوره
بس نسيت شئ...لازم يسوله تمثال بعد

انته بعد تبا الايميل؟؟
ليكون تبا تآخذ الهدايا؟؟؟ هاهاهاها

معقول...
لا مب مرض و لا جنون
بس الاكيد انه حبها بجنون وما قدر ينساها !!
ولله في خلقه شؤون

وبعدين لا تتكلم عن الساهر :p

هلا والله بمملوزي
عاش من شافج
مشكورة الغالية