شوي لوسمحت..
ابغى مساحه كافيه عشان أقدر أرتب أفكاري..
شوي بس عشان أقدر أعرف انا وين..
أحتاج اني أعرف حقيقة مشاعري..أحتاج أني أفهمك أكثر..
انت تخنقني..تمنعني من الاختيار..
عطني حريتي.ولو دقايق..ثواني..
ماأحب ان احد يجبرني..ولو باسم الحب..
ماأحب أن احد يحرمني من حقوقي ولو باسم الخوف علي..
أتمنى اني أقدر أتخذ قراراتي بكامل ارادتي..
مو تحت سيطرتك..
كثر الحب..يقتل..ماتعرف؟
شوف حولك..طالع..
كم واحد حب ومات ..هل تعتقد من كثر الحب؟
طيب ليه؟؟
لأنه ماأحد عطاه الفرصه انه يتنفس..شوي بس..


وبس!

ماشاء الله عليك يا اوركيد اسلوبك سلس وحلو, تعرفين انها مشكلت شباب هذه الايام متسرعين و متسلطين باسم الحب (كنت منهم).

وخيك ناظج

شويتييييين مو شوي بس ....

اعتقد ان هذا الشيء يحدث اذا ما كان هناك تفاهم ..وادراك..
لحقوق ورغبات الطرف الثاني ..وكان التلسط هو اساس الحب ..
كثير من التحكم ..الغيره ..الاوامر ..كلها تحت شعار
ما يسمى بالحب ..فقط..هذا يكون من احد نتائجها
الوخيمه صدقني ...وما خفي كان اعظم ...



وبسين مو بس وحده ...


احتراماتي لكِ...

السؤال ليش هو يحاول يحافظ عليك (يحجز حريتك) داخل صندوق مغلق أشبه بالسجن الذهبي ؟
هل هي الأنانية ؟؟؟ أسمع ناس تقول لا
طيب هل هي الغيرة ؟؟؟ فيه ناس تعترض
يعني معقولة الحب ؟؟؟ كلكم تقولون لا

الحقينا يا أوركيد وقولي لنا وش السبب ؟

تحياتي لك

مشكلتنا أن احنا نسيء مفهوم الحب..
نعتقد ان احنا لازم نحيط بحبايبنا كل وقت عشان نحسسهم بوجودنا..
ونفرض عليهم أمور كثيره يمكن ماتناسبهم أو ماتريحهم ونجبرهم أنهم يعملوها واذا رفضوا اعتبرناه عدم حب..والاعدم كفايه..
مو لازم انك تكون خاتم في اصبع من تحب عشان تثبت له حبك..ولا انك تمشي زي الروبوت عشان تثبت..انك مخلص وفي..

الحب.وحتى الصداقه أكبر من كذا مقاييس..

تحياتي ناضج
انشالله خف تسلطك؟

اييه اوركيد هذا حب التملك والسيطره التامه على الحبيب ..احبك وتحبيني يعني صرتي ملكي والمفروض ما تزعلين من تحكمي فيك وتحبين اللي احب وتسمعين الاغاني اللي احبها ولا تخبين اسرارك عني يعني انتي كلك ملكي...
يا شين كذا طيب انا وش موقعي من الاعراب في الحياه ..ممتلكات خاصه!!!!!
للاسف الكثير يحبون يسيطرون على محبوبهم باسم الحب وهذا غلط في غلط..
وشكرا تعبت..

يا سيدتي..

وهل التسلط والأوامر هي الضرائب التي ندفعها من أجل الحب؟؟
أشياء غريبه..نرضى بها..وبعضنا يستمر فيها الى مالانهايه..
وهل يعتبر الحب مبرر لقتل الحريات؟؟
بس ماأعتقد أن عدم التفاهم أو التفهم لأحتاجات الثاني هي السبب.. يمكن خضوعه وتعوده هم اللي خلوه مسلوب الاراده للأخير..

واكيد أن واحد فيهم بيخسر..بس ياخوفي يخسر بطريقه صعبه وعند قربه من نهاية المطاف,,


حبي واحترامي شجون

أهلين فانتازيا..
تشبيه صحيح..قفص من ذهب..
كل شيء فيه حلو وجذاب..الا ان مافيه روح..

غيره؟
حب؟
تسلط؟
انانيه؟
ضعف؟
عدم أمان؟
احساس بالنقص؟
فرض شخصيه؟


صدقيني ماأدري..أتمنى اني اعرف ليش بعضنا يظل خايف انه يفقد اللي يحبه..وبسبب خوفه هذا يفقد احلى مافي الحب..
يفقد روعته وقناعته..
ماأحبك لأني أخافك أو أخاف أفقدك..
أحبك لأنك انت الحب..لأنك لي من غير قيود..
بكامل حريتك أخترتني وأخترتك..

تحياتي

سلامتك من التعب..

لا وأزيدك من الشعر - بكسر الشين وليس بفتحها- بيت..
اي معارضه لهذا النوع من الأوامر يعتبر تمرد وعدم حب..
وقلة أهتمام بمشاعر الطرف الآخر..الطرف المسكين..الطرف السي سيدي

اوركيد

( وخّر شوي ...شوي بس ..ابغى اتنفس )

كلمة دايما نرددها حتى لو الصوت ما علي
ممكن نرددها في نفوسنا //

لكن اعتقد لو قلنا //
( تعال ..قرب .. اجلس .. نتفاهم ..)
ممكن نتوصل لحل // يريحني ويريحك //

تحيــــــــــاتي

أولا انتي ما تتخيلين قد ايش انا مبسوطه..وانتي عارفه ليش
ثانيا..
ايه نقول قرّب..بس اذا حسينا ان احنا براحتنا..شيء بكيفنا مو مفروض علينا..
صعب أني أرضى بشيء..غصب عني مو بكيفي..
شيء ماكان لي الحريه فيه..
شيء متعب أنك تحس أن كل اللي يربطك بهالانسان هو مجرد مجامله..
زي بالون الهواء...تعبيه مجاملات وشكوى وفي الأخير راح ينفجر في وجه كل من ساهم بتعبيته,,

تفاحه

الحمدلله // وانا بعد حسيت جبل وانزاح
وهذا بفضل الله ثم فضلك //

تفاحه..
الفضل لله ثم لك انتي..لأنك انتي تفاحه
والا ناسيه قوة التفاح؟؟
هماهم يقولون أن تفاحه في اليوم تغنيك عن الطبيب؟

كم واحد حب ومات ..هل تعتقد من كثر الحب؟
طيب ليه؟؟
لأنه ماأحد عطاه الفرصه انه يتنفس .. فاختنق ومات في الحب

وبس

تحياتي وتقديري ..

وماذا نقول؟؟
يامن على جسر الدموع تركتني..
أنا لست أبكي منك بل أبكي عليك

معليش جملة أعتراضيه

تحياتي طيبه..وحبي وتقديري