اذا كنت رايح الصبح للدوام ولا لأي مكان بتشوف منظر انا متأكده انه مر عليكم وهو منظر بائع الجرائد هذا الانسان الي متأكده ان ولا واحد منكم يتمني يحط نفسه في هذاالمكان وفي جو مثل جونا في الخليج يعني والله حرام عليهم يعذبون هذا الانسان والله انا قلبي ايتقطع وانا اشوف هذا الانسان وهو يركض ورى السيارات يتمني واحد يأشر له عشان ياخذ منه جريده ولا مجله وبعد كل هذا اعتقد انه مايتقاضى الاجر الي يستاهله على هذي الشغله .
لكن ليش مايلاقون حل لهذا العذاب الي يحسبه فمثلا في امريكا يقومون بوضع أله لبيع الجرايد مثل اله البيبسي بالضبط ويمكن اتقولون حرام نقطع رزق هذا الي يشتغل لكن اكيد عنده اسره يصرف عليها ولا مااعتقد بيرضا وهو غير محتاج لكن اضن الي قدر يوفر له هذا العمل بيقدر ايوفر له عمل في مكان ثاني ويكون احسن والله يعطيه ثواب على هذا الخدمه الي وفرها لأخوه الانسان (اتمنى ابداء رأيكم ) .
مع تحيات اختكم نملة

يا هلا اختي نملة ..
احنا في الكويت ما عندنا مثل هذه الظاهرة ..
احنا الجرايد تنباع في الجمعيات و البقالات أو اللي عنده اشتراك توصل له لي بيته .. اول مرة ادري ان هذه الظاهرة موجوده في الخليج!!!
على العموم فكرتج وااايد حلوة و اعتقد انه لازم يدور له على شغل ثاني غير هالشغلة .. بس السؤال اللي يطرح نفسه .. هل يا ترى راح يشغلونه؟؟؟

:(:(:(

أهلين اختي مسلمة...والله هالظاهرة منتشرة في الامارات..

هلا اخوي الحفار

الله يصبحج بالخير ....



بصراحه هاي سالفة بائع الجرايد تعور القلب من الزين ...

لان الفقير ينرخ في هاي الشمس لين ما يقول بس ..بالاضافه الا
ان ..يوقف طول اليوم على اشاره من الاشارات وعل وعسى حد يشتري
من عنده جريده او مجله ....وانا معاج في اقتراحج ...لانه افضل
من هذا الحال اولا ثانيا ...حتى للمظهر العام احسن ...

ومثل ما قلتي اكيد ان هالانسان رح يلاقي وظيفه افضل من هاي
الوظيفه المتعبه واللي يا ريت راتبها كبير ...الا جدا بسيط ..


بقولج شيء ما تصدقينه ...يوم كنت صغيره ...ديما كل ما امر على
واحد مستحيل ما اخذ من عنده مجله ..يكسر خاطري ...واتفقت انا
واختي ...اذا اشتغلنا على طول اروح واشتري من عند كل واحد
يبيع جرايد مجموعه من الجرايد بس اخليهن عنده ما اخذهن ..:-)



نمله ماشاءالله صايره مواضيع رهييييييبه ...

احتراماتي لك ..

الله يعينهم على ما بلاهم .. :( :( :(

هلا اختي شجون المحبة.. والله انهم يعورون القلب..كل ما امر عليهم في الشارع اقول بكتب موضوع في سوالف..بس انسى واليوم تذكرت

في مصر وباقي الدول العربيه وحتى في السعوديه (( في جده )) شفت هالشيء

يبيعون

علوك ومويه

بالامارات تقولون

علوج وماي

في باكستان

ممكن تلاقي معاهم حشيش لو تبي و حبوب مخدره بعد

وعليكم السلام ورحمه الله وبركاته ...

بس مرة ثانية مو تنسون ..

احنا الحمد لله العلوج و الماي بالبقالة و الجمعية ..

والله اخت نمله كلامج حقيقي 100% لكن وين الناس بيحسون ولا بيتحركون ومثل مايقول المثل ( اذا الجلد مب جلدك حكه على الشوك) .. مع تحيات بومبا

المشكلة مب بس جذي يا بومبا...المشكله ان ;)

هذا رزقه و نصيبه ... و بعدين شووه يضمن له أنه بيلقى شغل أحسن ..

و ثانيا : هو اشتكى لكم .. !! يمكن الريال مستانس فى شغله ..
وثالثا فيه شغلات ثانيه متعبه أكثر منها ... بالعكس أنا أشوف أنه بياع الجرايد شغله ماهي متعبه ..
بس اشوي رياضيه ( يعني يبغى لها واحد يمشى كثير )

و عاشرا ... من كل جريده ( غير عن راتبه ) له ربع درهم ..

و بعد أكثر البيع الصبح يعني ما فيه شمس ...

يا جماعه يا جماعه ...

شو هادا كلااااام سيبو الراجل في حاله .. بلا منظر حضاري بلا بطيخ ...
خلوه يشتغل وراه عايله لا تقطعون رزقه ..

و الله الموفق

وكلام جميل فعلا ...

لكن هذه الدنيا تحتاج للشقاء والعناء .....

ولا يمكن ان يكون جميع الناس على مستوى واحد او عمل واحد


تحياتي نمله

هلا أخوي بو سناد...كلامك مو صحيح..أنت شايفهم الظهر؟؟

والله انهم يكسرون الخاطر ::_::

هلا اخويي ساهر الليل
مشكور على ردك في موضوعي ;)

صباح الخير أختي نمله

صدقج بائع الجرايد يعور القلب وايد ، بس شو نقول هذا رزقه

وهو راضي ، وبالطبع هذا العمل أفضل له من التسول ، أو العمل

في شغل غير شريف .


ذكرتيني ببائع الجرايد الشيبه الذي من زمان ما شفت ،

يمكن سافر .

اللي يدري يدري .. واللى ما يدرى يقول كف عدس ...

يا نمله