ارحمونا...تكفون .. اطعمونا..
ساعدونا ..ودنا نعيش..ماعندنا ما ناكله..
عايلتنا كبيره.. واللي يعولنا متوفي....
ابونا مات ..(واكيد الاخ ماعنده وظيفه)..
ماعندنا حق ايجار البيت..ولا الكهرب..
ارحموا اخواتكم..(سيل من الدعاء للمتصدقين..)
التوقيع..(طفلة صغيرة ماتتجاوز العاشره..العليا الرياض..بجوار مسجد..بعد صلاة المغرب)
التعليق..(وين راحوا 8ملايين برميل يوميا؟؟؟)
----------
عســـــــــــ عمار يالبنان...ــــــــــــــل

ها ها ها ها ها ها .. ضحكتني والله!!!!

وين راحوا..احسبها في القصور والشرهات وولائم العشاء والورود اللي على طاولات الاجتماعات..
والاقامه للمرافقين والاخوياء في اغلى الفنادق في اوربا للعاملين معهم ومصروف الجيب اللي اكثر من مليون ريال كلها على حساب الدوله..وووووووو...وترانا احنا اللي نصرف عليهم...:(

هلا عسل..
شوف يا سيدي..
من بعد أزمة الخليج واحنا رابطين الاحزمه..ولحد الآن مافكيناها..
البترول صارن اسعاره خياليه ورائعه ولكن هل تغيرت حالنا؟
لا طبعا..
ليه؟
لان فرق العمله يروح عشان تحسين أوضاع اللي بالي بالك..
واحنا؟
لنا الله..
مو معقول ان احنا نعد من أكبر المنتجين للبترول وهندنا اكبر
احتياطي في العالم ومع هذا البزين عندنا اسعاره نار..
صار الواحد يعبي بنزين بحوالي 50-70 ريال يوميا..
لو اني اشتغل وزيره كان طفّرت..
والغريب ان لنا 9 سنين وهو ينقال لنا ازمه وتعدي..تجملوا معانا
يالاجاويد..تجملنا والنهايه ان الوضع قاعد يزيد سوء..
تقدر تفتح فمك بكلمه؟

غير كذا...
طالع تبرعاتنا وين تروح..
نموت ونعشق مايسمى بالتبرع للدول المنكوبه..ندعمها شعبا وحكومه
طيب وش صار على اللي هنا؟
وين التبرع الداخلي يا جماعه؟
الله كفيل بهم..
ماتفهم..هل هو عدم وعي..والا اللي برا اكثر حاجه من اللي هنا؟؟

امس فيه خبر بجريدة الجزيره

يقول لك

اهالي ومحافظ مدينة القنفذه يشكرون الامير سلطان انه تبرع لهم بوحدات لغسيل الكلى قيمتها خمس ملايين

,,
فكر فيها ياعسل وانت تعرف ليش انا احس اني ابي استفرغ من هالخبر

حلوه يالحفار... بلا والله من حلالهم...اجل كل شي بفضلهم واحنا ما لنا شي...:(

شوف مصيبة غيرك تهون عليك مصيبتك

:(:(

اسمحوا لي لكنكم عايشين فترة التقتير والتقشف ( بخـــــــــل )

هذي على حساب الفقراء والمعوزين

:(

زعلت فعلا

تاكيد لكلامكم


اللي شاف برنامج 911
يتحسر على عمرة
ليش؟
تشوف كلب طاح من فوق جبل جت طيارة هليوكبتر و ودته لمستشفى الحيوانات

انحن اذا صار حادث لبني البشر؟
اولا: متى تجي الشرطة وسلامات للمصابين
ثانيا الناس تفزع بغير علم وممكن المصابين يجيلهم شلل من الفزعة اللي في غير محلها
ثالثا متى يجي الاشعاف واذا جا تلقاه رايح عنوان غلط اما الشارع اللي قبلة او الشارع اللي عقبه
هذا اذا جا من اساسة الابعد ما تطلع روح المصاب من الحسرة مهو من الاصابة
وانا متأكد من كذا
لكن ما نقول الا انهم شهداء بإذن الله

لا والادهى والامر اذا اصيب شخص في القراين او مرات او شقراء يتعطف صاحب السمو ويرسل طيارة لا وبعد الوسايط عشان اخر شئ ينقلونه مستشفى الشميسي اقصد مقبرة الشميسي
و الله المستعان
مش كدا والا ايــــــــــــــه

تصدق يا عسل
هذاك اليوم يلست أحسب الزيادة في انتاج النفط عندكم وقلت خلني اشوف كم يطلعون بالدولار

كانت الزيادة على ما أذكر 500000 برميل

خلنا نقول ان البرميل بـ 25 دولار

يعني الناتج 25 * 500000 = 12 مليون و 500000 دولار

لو حولناها بعملتكم بيطلعون

12500000 * 3.7 = 46 مليون و 250000

وعليك خير

عــ شو دخل لبنان في الموضوع ؟ ــســـل

يا حبيبي يا عسل

انت كيف تسأل مثل هذي الاسئله

انت نسيت اننا دوله ملكيه :-

وهذا يعني ان كل شئ من ثروات او ارض او بشر او حجر ملك للدوله او للاسره بشكل اصح .. حتى اسمنا صار على اسمهم واعتقد اننا الشعب الوحيد في العالم اللي اسمه على اسم حكامه يعني لو تغيروا

لا سمح الله بنروح فيها ما بنلاقي اسم وبيتغير اسمنا الاول
( بتصير حوسه )

-- والبترول بترولهم وهم احرار

وكل حقهم به ان بعير جدهم مر من هنا من مئات السنين


مع تحياتي

عضو جديد الهافي

الاخوان كل اللي فوق ...كل ابوكم .... كفيتم ووفيتم..بس..
اللي قاهرني...ثرواتنا اللي تضيع ..بتبرعات مالها داعي...وعندنا والله ناس ماتلقى عشى ليلها....ليش..؟؟؟؟!!!
--------
عســـــــــ ردودكم افحمتني ـــــــل

هلا عسل

هلا الساهر ...... كلامك ذكرني برواية لعبدالرحمن منيف
الروايه بعنوان ( بادية الظلمات) أكيد ممنوعه عندكم
و فيها النقطه إلي أنت ذكرتها ، و هي عندما أعتمد السلطان
( خريبط) أن يسمي السلطنه باسم جده الأكبر (السلطنه الهديبيه)
و كانت ردت فعل أحد شيوخ القبائل أنا قال كيف يردونا ننتسب لهم ؟

على فكره ( الأوضاع في الخليج كلها متشتبها محد أحسن من حد
و إلي عاشو على الطفره النفطيه ، يعتقدون أن الناس كلهم شبعانيين ( مثلهم ) .

و نصيحه تقرون لعبدالرحمن منيف
.
.
.
.
تحياتي
الريم

ايه والله..لو راحوا وش بيصير اسمنا؟


خلوني اسالكم سؤال..
الحين السلطه - بضم السين- مو المفروض تكون بيد شخص أو أثنين
بالكثير؟
طيب خلونا نقول بيد الروس الكبيره..
أجل كيف نسوي واحنا يحكمنا أكثر من 6000 شخص؟
كيف هال6000 يقدرون يسحبون من خزينة الدوله بلا حساب؟

---
قايد الريم
اكيد ممنوع

اعرف انه ممنوع

على فكره حتى كلامج تطرق له الكاتب عبدالرحمن منيف في نفس الروايه
.
.
.
.
الحمدالله انه مو ممنوع عندنا

هلا قايد الريم

عبدالحمن المنيف هذا اكيد سعودي

بس اقول ان مافيه شيء يتخبى اليومين هذولي..
وياخبر بفلوس..بكره ببلاش

وين القى ذا الكتاب ؟؟؟؟؟؟؟؟؟

هذا الكتاب :(

لو قرات منه صفحه او باب ..

ستنام في السرداب ..

وتؤصد عليك الابواب ..

ويضيع عليك الشباب ..

ويصبح الناس لديك اغراب ..

وتتمنى ان تكون تحت التراب ...

****************************
مو انا ترى

خير ان شاء الله .. أخليكم كم اسبوع وأرجع وألاقيكم كذه ..
طيب هذا وضع واتعودنا عليه من زمان .. لو ان شاء الله نجلس نكتب فيه مليون سنه ماراح يتغير شيء ..
يمكن على زمان أحفاد أحفاد أحفاد أحفاد أحفاد أحفاد أحفاد أحفاد أحفادي يتغير الوضع وام تدرون للأحسن أو للأسوأ ..

عزيزي عبد_حلال_العقد ،،
عندنا الشرطة ما تجي بسرعة الا إذا شافتك قاطع اشارة والا جالس تتحرّش في بنات وتبي تعطيهم الرقم ،، ثواني وهم عندك ،، ويويويويويويويوي

طيب ليش ما يسوون جمعية حقوق المواطن الخليجي ؟؟؟؟
والا كل دولة تسوّي لها جمعية خاصة فيها يكون أحسن بعد !!!