السلاااام...
فيه اسباب مختلفه تجعل الانسان يقرر في وقت ما ان يتزوج....وهذه الاسباب
تختلف من شخص لآخر...
ونحن في عصر اصبح الانسان ذكرا كان ام انثى يبحث عن مواصفات خاصه....
تتباين حسب الظروف والاولويات ,والامكانيات الماديه,والاختلافات في المستوى
العلمي والثقافي والاجتماعي....الى آخره...
ونحن الآن امام سؤال يفرض نفسه....متى يعرف الانسان بانه مستعد للزواج
من جميع النواحي؟؟؟؟؟؟
وما هي الاسباب التي قد تجعلك (((انت))) ان تفكر في الزواج ؟؟؟؟؟

اتمنى من الجميع ان يتجاوب مع الموضوع .....واتمنى من المتزوجين او المتزوجات
المشاركه من اجل الاستفاده ....

صبحك الله بالخير غايه
راح اجاوب عليك بس لما ارجع

لأن موضوعك يحتاج رد انما ايه

صباح الخير ...

ونا تعجبني هذي المواضيع
بس مو بالليل بالنهار ازين على شان اللي ما يشتري يتفرج
,,,
سؤال صغير
انت ولد او بنت
تراني من زمان محتار

مرحبا ...غاية النفس
.
.
شوفي ..مدامني ...عزوبي .....راح اجوبك بكل صراحة من وجهة نظري انا..
..لأنه شي يتعلق فيني انا ..لأنه مستقبلي انا ok
.
.
-1..اما متى افكر بالزواج ..يمكن اذا ((..رخص المهر..))..افكر..
-2..اذا كنت انا كفو زواج وقادر على مصاريفه ومسؤلياته..بتأمين شقة او بيت
..المهم اسكن وتكون لي خصوصيتي انا وزوجتي حتى لو كنت عند اهلي وبينهم.
-3.انا شخصياً لا يهمني الجمال قدر مايهمني العقل.. هو صحيح ان كل واحد يتمنى وحدة جميله ..بس ..قليل اللي تجمع 2في واحد.. يعني جمال وعقل..وأنا لا اشرط جميلة الجميلات بالعكس ..ابي جمال عادي بالمره.واهم شي العقل لأنه هو الأساس في كل شي.
.
.
اما من ناحية الأسباب اللي راح تدفعني لزواج هي:
-1..لأن كل واحد مشغول بنفسه عني.
-2..الأفتقار للحنان.
-3..اقوم وصحى ولااحد درى عني .
-4..طعم الحياة بنسبة لي ..ســـاده بلا طعم
-5..احيانا اطبخ ..واقلي ..وكنس ..ونظف البيت هذا اذا راحو اهل البيت
...خصوصاَ بالأجازات.....((..اقعد..فيها..))
-6اريد الأحساس بالحياة ..وشخص يهتم بي واهتم به.........
.
.
ولا شي غير اللي ذكرت...بس هذا اللي عندي


------------------
اخـــــــــــــــوكم
وردالـــشــمـــال
waard@ayna.com

الحفار
اعذرني...ما اقدر ادخل النت بالنهار لاني اجلس
مع الوالده..وبكذا ماعندي فرصه الا بالليل !!
وانا بنت واعتقد الاسم يدل على هالشيء...

ورد الشمال
تعجبني صراحتك...ok

1_ تتكلمون عن غلا المهور ..يعني في حدود كم الرخيص؟؟
في حدود علمي وبالذات في عائلتنا المهر ابد ما يكون غالي ..بل ومعقول
جدا ... يمكن البعض يبالغ وهذا مو بصالحهم
..والله يصلحهم..لانهم ما يسمعون النصيحه ابد..
2_ يعني نفس النقطه الاولى...مصاعب ماديه
هل تؤيد السكن عند الاهل ؟؟ ولماذا ؟؟ اللي اعرفه ان البنات ما يحبون
يسكنون عند اهل الزوج!!!!
3_ نعم الرأي ...ولنفسك عليك حق ..

اما من ناحية الاسباب ...معاك حق ..
تدري حتى البنت تحتاج للاشياء اللي ذكرتها وهي اللي تخلي البنت
تفكر بعد فترة بالزواج !!
طريقه كتابتك للاسباب رائعه وبالذات 1و2ز3و4و5و6
كلها
الله يرزقك ببنت الحلال اللي تسعدك..قول آمين

مرحبا غاية النفس

أستطيع أن أوجز الأسباب التي تدفع الرجل أو المرأة للتفكير بالزواج في الحاجة الى الاستقرار النفسي والعاطفي لكليهما

ولك التحية

آمــــــــــــــــــــــــــــــــــيـــــــــــــــــــــــــن
...
.شكراً لإجابتك وردك الصريح ...
.
والنقاط اللي ذكرت الأختHuda76 حقيقة100%ولا تستاهل شهاده مني
.
اما من ناحية غلاء المهور...الله يعين بس..والله مبالغ طائله عندنا..

..بالسعودية..وفي المنطقة اللي انا فيهابالذات ((..شوفي الحظ ..))..
.



------------------
اخـــــــــــــــوكم
وردالـــشــمـــال
waard@ayna.com

من منا من لم يحلم بأسره يكتنفها الدفء والحب والحنان..
ولكن متى تتحقق هذه المشاعر؟
بالاختيار المناسب بالطبع..
فمن يناسب غيرك قد لا يكون مناسبا لك..
اشياء كثيره تشكل نظرتنا في العلاقه الزوجيه وماذا نريد منها
وكيف نتخيلها....
ولكن يبقى وجود الشخص المناسب هو العامل الاكبر...
فلا شيء اروع ولا اجمل من التوافق الفكري بين الطرفين..
اشياء كثيره ومبعثره تدور في رأسي فأسمحي لي عزيزتي
على عدم التركيز.....
كما قلت في مواضيع سابقه.. الانسان بحاجه الى الانتماء
الى شخص يحمل جميع ما تحمله من افكار ومفاهيم..
انسان يشاركك النظره ذاتها الى الاشياء والمواقف..
انسان يفهم ما تريد ويقدر حقيقة من انت....
انسان لا تحتاج معه ان تبرر حقيقة تصرفاتك لانه يعرف سببها
ويجد لها الاف الاعذار...
يستطيع في لحظه ان ينسيك هموم الدنيا بأسرها بكلمه حانيه
او تعاطف رقيق...
انسان تكون غطاءه ويكون سماءك...
انسان يخاف الله فيك وتخاف الله فيه...
انسان يصونك وتصونه..يحمي ضعفك ويضعف لك..
انسان تأمن نفسك معاه ويأمن اسمه معاك.....

السلام

اردت فقط القاء التحية

مع السلامة

الاخت غاية النفس وانا هذا ما اريد قوله/
اشعر بانني بحاجه لان اتزوج وذلك للاسباب التاليه
1/انني ولله الحمد في وظيفه محترمه وقادر على تحمل نفاقات الزواج
2/مستقر نفسيا وعقليا وفكريا لكن انتظرها لكي تشاركني هذه الحياه
اما المواصفات
1/ان اكون اول وآخر من امتلك تفكيرها وعقلها وقلبها وهذي صعبه شويه بس ممكن,,
2/ان تكون من عائله ميسورت الحال على شان ابوها ما يمتحني بكثرة الطلبات
3/ان تتعهد با تحافظ على رشاقتها حتى سن الخمسين واذا صار اي تغير بالقياسات قانه لي الحق يالزواج مره اخرى ,علما بان هذا الحق مسموح لي في اي وقت لاي سبب طاريء..
4/ان تراعي ضروفي العمليه ولاتنكد علي عيشتي بالطالعه والداخله..
5/ان تكون مسؤوله ان تدريس الاولاد ومراقبتهم دراسيا ..
6/ان تسمع الكلام اللي اقوله ولها حق النقاش والمعارضه للقرارات العائليه
ولها حق الرفض
7/ان تهتم بنفسها كثيرا ولا تتعذر بالاولاد ومشاغل البيت..
8/اذا تبي ان اجيب لها شغاله ما عندي مانع
9/اذا ارادت ان تعمل بالتدريس فقط ماعندي مانع
10/ان تكون جميله وممشوقت القوام ولاتكون نحيفه ولا دبه يعني وسط
11/ولا يمكن طبعا اننا نسافر كل صيف
12/ولا يخطر على بالها انها تشيل الغطاء عن وجهها ولايمكن تلبس برقع ولا نقاب
13/ما تمتحني بامها وكل شوي تبي تروح تشوفها لها بالاسبوع يومين فقط
.. للزيارات
........وعلى من يجد في نفسه القدره على تنفيذ هذه الطلبات ان يقدم ملفه للاداره العامه ........
والســــــــــــــــــــــــلام


------------------
يعين الله يعين الله
والقلب كله جروح
وينك حبيب الروح
وينك دخيل الله
http://members.tripod.lycos.nl/grmbgifs/jackh.gif

HUDA76
هلا بيك...صحيح اللي قلتيه...لكن متى ؟؟؟

ورد الشمال
آمييييين كمان

WILDORCHID
ليه احس بكلامك رنة حزن او يأس..؟؟عيوني الاشياء اللي ذكرتيها حلم
كل صبيه...(((وبصراحه مابي اضيق صدرك اكثر))) ..لكن وين بتلاقين
هالشخص وكيف؟؟ هذي مواصفات فارس الاحلام...ومين ما يبي كذا!!!
لكن هل تعتقدين ان التوافق في كل شيء مع النصف الاخر راح يكون في
مصلحة علاقتكم ؟؟؟اعتقد لما يكون فيه اختلاف في الطباع او الهوايات
راح يخليكم اثنينكم تنشغلون ببعض تكتشفون اعماق بعض..
((( عساك فهمتي اللي اقصده )))
وما بتملون من بعض بسرعه...وش رأيك؟؟

الدرعيه
حيا الله الدرعيه واهلها.. لكن المفروض انك تشارك..OK

الحفار
لا اكون ناشره اعلان زواج امزح...انشاء الله تقراه بنت الحلال
وتتزوج وتعزمنا...
اما من ناحية المواصفات فلي تعليق عليها...
البنت لما تتزوج ...يكون زوجها حياتها كلها ...لانه بيكون
اقرب لها من اي شيء ثاني بالدنيا...وبتعطيه روحها ,وحياتها ,عمرها,,
وجسمها وحبها وكل شيء لها هوبالاصل لزوجها...
والرجل الذكي هو اللي يعرف كيف يعامل المرأه بطريقه صحيحه ...بدون
ما يضع قوانين او حدود..لازم يعطيها ثقته لانها وثقت فيه..
اما النقطة الثالثه ...منيب معك بالمره..ليه الانانيه هذي..
4_ هذي تحل بالتفاهم والمعامله الحسنه..
5_ طيب انت وش بتسوي ؟؟؟
6_ انت زوجها ومن حقك انها تسمع كلامك...لكن انت متزوج انسانه
تحس وتتألم..مهيب آله...وهذا انت تتفق معها عليه اثناء الخطوبه والا
ليش الخطوبه ؟؟؟
7_ لازم تساعدها في هذي النقطه..بان تنبهها للاشياء اللي تحبها
وتعجبك..
8_ علشان الراتب.. وما تبيها تختلط...!!!
10_ ما تبيها طويله؟؟

12_ مين اللي ما يلبس نقاب هالايام...

خايف من حماتك.. !!!والله ما ادري وش مسويه لكم هالحماة..ياخي هذي
امها اللي ربتها واللي تشكي لها همومها واللي تنصحها...يعني لمين اشكي
اذا ما شكيت لامي..؟؟الله يصلحك..وما فيه ام في الدنيا تخرب بيت
بنتها ابد...

وين موقع هالاداره العامه
انشاء الله يرزقك ببنت الحلال اللي تغير رأيك ..قول آآآمييين
اتمنى انك تتقبل رأئي بسعة صدر...

الأخت الفاضلة غاية النفس

قصدت بكلامي أن الانسان قد يكون حقق كل ما يصبو اليه من طموح و آمال ولكن بينه و بين نفسه ينتابه شعور بأن مازال هناك جزء ناقص أو فراغ لا يسده وجود أخ أو صديق مثلا

هذا الفراغ لا يسده الا وجود النصف الآخر المكمل وهو الزوج أو الزوجة .. الجزء المفترض به أن يشعر الأنسان بعده باكتمال شخصيته ..

ولا ننكر بأنه لابد أن يكون المقبل على الزواج - رجلا كان أو امرأة - قادرا على تحمل أعباء الحياة الزوجية ومتطلباتها ..

والسلام

وانا طحت من اعلى الأفه؟

طيب طيب

أختي ًًWildorchid

أنتي على العين والراس
عزيزة و غالية

اختي هدى..صح لسانك..

وايلد اوركيد..

مايبيلها سؤال بعد راينا بالزواج.. اول شي لانها فطره بالانسان يحتاج للي يشاركه بالحياه وكل واحد يحتاج للثاني ويسير معاه بالحياه .. وجذاب اللي يقول مو محتاج للزواج او مو مهم عنده.

وكل واحد يحب يكون له بيت وعايله واولاد يربيهم ويشيلون اسمه ويستقر نفسيا وعاطفيا واجتماعيا....

لكن عندي تعليق للأخ الحفارعلى رايه وشروطه :

اسمحلي اخوي انت ماتبي تتزوج انسانه انت تبي تمثال بالبيت،، فقط اسم زوجه تتكل عليها وتقط مسؤولياتك عليها ،، ونسيت انكم اثنينكم شركا زوج وزجه كل واحد له مسؤوليات وعليه واجبات مثل ماهي عليها واجبات لا تنسى واجباتك انت بعد...

1- اذا انت احترمتها وقدرتها وحبيتها اكيد راح تفوز بكل شي عقلها وقلبها .
2- وتبي وزنها ثابت شنو محنطه اهي شنو ماتحسب تغيرات العمر والزمن والاولاد.
3- واذا كانت بنت ناس وختارها من اصل طيب ماراح تكدر عيشتك انشالله وانت ونصيبك .
4- تبيها تدرس الاولاد وتشتغل بالبيت وفوق وبره البيت وفوق هذا تبيها مهتمه بنفسها على طول يبا انت ماخذ انسانه مو لعبه ولا طوفه ما تتأثر ومالها احساس ومشاعر يعني.

وانت ليش ماتدرس عيالك يعني شفيك شقاصرك مو عيالك بعد اهم مثل ماهم عيالها.

ولا يعد لايمكن تسافر يعني محكوم عليها بالاعدام هاذي اللي بتاخذها .. ومعناته انك انت ماراح تسافر بعد .. ولا حلال عليك وحرام عليها .
5- وشالهبه اللي طالعين فيها هالايام .. ماتزور امها الا يوم او يومين بالاسبوع يباه هاذي امها تزورها متى ماتبي كيفها الرسول موصي على الام وانتو تمنعونها ... والمفروض انت اللي تقولها كل يوم زوري امج مو تمنعها وتحدد لها يومين.

ودمتم سالميييييين

حجايه

حياالله حجايه...اخيرا سمعتينا صوتك

انا معك باللي قلتيه..لكن فيه وقت من الاوقات تحسين انك بحاجة
لشخص جنبك اكثر من اي وقت ثاني... ارجع واقول متى؟؟؟

الحفار...وينك ؟؟؟

مسيك الله بالخير يا أخت غاية النفس

موضوعك مرة حلو

بالنسبة للأسباب التي خلتني أتزوج هي كالتالي وأعتقد أنها زي أي شابة في سن الزواج


1 حب الإستقرار العاطفي والنفسي
2 الحاجة للحب وإلى أحد يحبني و يخاف علي ويهتم بي
أنا أعرف أن في الأبوين يقومون بهذه المهمة بس إذا كان من الزوج يكون شعور مختلف تحسين بأهميتك فالدنيا
3 بطبيعتي أحب الأطفال في الدرجة الأولى وطبعا لا يمكن لأحد أن يكون أسرة إلا بالزواج

وهذا هو رأيي وأسبابي
أما بالنسبة للمواصفات فقد فات الأوان لتحديدها


------------------

الاخت غايه/ اسلام
نبدأ من النقطه
3/ وانا وش ذنبي لما بعد سنه او ثلاث او اربع تصير كنها برميل ما اعرف وجهها من قفاها..ادري تضحكين ,,لالا لا تضحكين .والله انه كثير حاصل ,وترى لي عيون واشوفهن بعضهن يبيلها ونش على شان يشيلها ,,هاهاهاها,,
5/ انا اقوم بتامين حياتهم الاجتماعيه والماديه واشقى على شان اسعدهم
وممكن كل شيء اسويه الا التدريس واعمال لمنزل ,,علما بان ماعندي مانع اطبخ احيانا (( لانني تعودت من كثر ما عشت عزوبي ))
7/ انا انبهها مره مرتين وبعدها مافيه تنبيه واللبيب بالاشاره يفهم
8و9/ لا انا راتبي زين بالمرره ويكفي عيله كبيره ولله الحمد ,وايه صح ما ابيها تخلط لاني غيااااااااار مرررررررره

10و11و12/
لا ما ابي طويله مره خير الامور اوسطها ونا فاهم عليكي
وبعدين اغلب البنات تلبس نقاب او برقع او ماتتغطى ونا كل هالاشياء ما ابيها ....ابيها تتغطى ومو شرط لازم جوانتيات او شرابات مافيه مشكله تبان الكفوف..
اما الحماه انا ماقلت ما تسمع كلام امها لا انا اقول مو كل شويه ابي اروح اشوف امي ماني فاضي ودي جيب وبعدين انا ماعندي حريم تركب مع السواق الحالها الا لما يصيرون عيالها طولها
...
يا طويلت العمر موقع الاداره العامه موجود في عقلي وقلبي ,,بس عاد حسافه ما احد قدم اوراقه لين الحين رغم ان هالاعلان منشور من زمااااااااان



------------------
alhaffar@swalif.com
يعين الله يعين الله ..والقلب كله جروح
وينك حبيب الروح..وينك دخيل الله
http://members.tripod.lycos.nl/grmbgifs/jackh.gif

هلا بغصون...
النقاط اللي ذكرتيها صحيحه ميه بالميه...
اما عن المواصفات...فالسعاده والحب اهم شيء..وهي اللي
بتبقى معك لما تدور الدوائر..
وانشاءالله يوفقك ..


الحفار
اوكي...تبيها نحيفه..
اما عن التدريس...اعتقد انك لازم تشرف على اطفالك على الاقل
تصير لك هيبه عندهم مع الاحترام..وما تقدر تتصور مدى فرحة
الاطفال لما يساعدهم ابوهم في دروسهم...
هذي زوجتك....الله يصلحك...كذا تعاملها..اه منك..
مسالة عمل المراه...موب علشان الفلوس...علشان تلقى نفسها فيه
وكمان تختلط بناس تستفيد منهم وتفيد...وعلاقات اجتماعيه حميمه
وتساعدها على تطوير نفسها ...و..و..
اما الغيره...الله يقويك..بس بعقل

مسألة الغطاء...!!!!
والباقي بينك وبينها...

اما لو بنت تقدم اوراقها....فهذي حلللللللللللوه
الله يوفقك ويرزقك بالبنت اللي ترضى بهذي الشروط..
وتسعدها وتسعدك....قول آآآآآآمين

انا مع الحفار ...بتثبيت الوزن.....
.
.
شو ذنبي اذا شفت زولها ..ولا ادري هي رايحة ولا جايه....رغم محاولاتي تحديد الأتجاه
.
.اما من ناحية امها ...من ناحيتي انا على حسب الوضع:
.
.
اذا كانت الأم هدامة :اي تهدم اللي انا بانيه في عقل زوجتي من تفاهم بيننا
وحب
.
هذي ...احاول قدر المستطاع انها ماتجيها إلا قليل بالمرررررره
.
اما اذا كانت ام ...بنأة : اي تبني اللي انا مابنيته في زوجتي وتساعد
على نمو عقلها ...راح اخليها تروح لها كل يــــــــــوم. حتى لو راحت
من غير علمي ما أزعل عليها أبداً ...لأنها رايحة لمدرسه ماهي ام ...والأم مدرسة.


------------------
اخـــــــــوك
وردالـشـمال
waard@ayna.com

هلا بورد الشمال
بارجع لك بالليل باروح اللحين لامي
بااااي

ماخلص حكينا ؟

وانا اقول وش مطلع هالموضوع ..

تصدقين عاد يالاوركيد انا افكر فيه من كم يوم حاسه انه ناقص وما اكتمل بس فيك البركه


الا وش ذكرك فيه ؟؟