حال بعض البيوت اليوم صار يدعو للاسف فعندما يسافر السواق خلاص تنتهي وسائل المواصلات لديهم فالابن ماهو فاضي مشغول مع اصحابه والله الشغل لا وشغل مهم بعد مايقدر يوصل امه والا اخته حتي ابوه العجوز المسكين مايبي يوصله يقول مشغول يبي يكشخ مع اخوياه معذور خلوه اوليدي مشغول هذا كلام امه مسكين ولد امه والسواق سافر يبي يروح شهرين الله يعين وشلون نعيش بلا سواق فعلا امر محير وشلون يعيشون بدون سواق مع كثر الله العيال بالبيت وكل واحد تحت امره سياره وان كان موديله اخر موديل والا قبل سنه طلعها اقول صحيح الزمن ماتغير لكن حنا اللي تغيرنا وصرنا نبحث عن البرستيج الجديد وين وصل واخر التقليعات وش صار عليها هذا بالنسبه للابناء والا البنات حدث والا حرج ؟
البنت تقول وشفيها الشغاله نايمه اليوم بروح اصحيها ترد الام عليها لاخليها تعبانه مسكينه الشغاله في بعض البيوت لو تعطي مال قارون ماكفاها من الشغل اللي تشوفه لكن ماعليه لاصارت البنت قدايم المرايه والا معكتفه علي قدام التلفزيون مادري وش اقول بعد لكن انتم عارفين وش خفايا البيوت بعد ولو قلت صلحي بيالة شاهي قالت وشلون ماعرف شف الشغاله ، انا ايدي ناعمه كيف اروح للمطبخ ياعيني علي اليدين وين ايام امك اول وجدك اللي كان ماكلهن الشطوب من الشغل وغيره وش غيرك مانتي اطيب منهن لا والا تستاهلين بعد تجين اغسال رجلينهن بعد لكن يمكن النعمه غيرتك والا تراك ورده وبعدها تبي تذبلين ويبي يتعرفط وجهك يوم من الايام وتعرفين ان الشغاله ماهي دايمه لك وياعيني علي بنات الجيل التالي تسكع بالاسواق والطرحه تذبح اللي عنده اربع حرايم بس الوجه لاتشوفه والا صابك رده عن كل الحريم اتكلم عن اللي مع السواقين رايحات جايات ويسحبن رجلينهن بالاسواق وفي هالشوارع حتي اصبحن اكثر من الشباب بالشوارع وعينك ماتشوف الا اللثام والطرحه وياويل اللي يشوفه اخاف يوقع من طوله لكن لاتستعجلون تراهن خلاخل والا البلا من داخل يعني لاتكشف يازين اللبس من بعيد والشوفه مع المكياج اللي حول العين والا الكحل والعدسات
والا الطبخ وغيره من عمل البيت خلاص ولي زمانه صار للشغالات .
اعذروني اتكلم عن فئه معينه من البنات ماهو كلهم لكن اللي اشوفها اترزز بالشوارع كل يوم وماكن وراها اهل والا عين تراقبها .

صباح الخير يا متلبك
فعلا كلامك صحيح يا اخ متلبك
لكن زي ما قلت ها الوضع لا يمكن ان يكون عام ولكنه موجود وبكثره
ولكن الخطا ليس منهم ,الخطأ خطأ من رباهم على هذا
فاذا كنا نمدح باجدادهم وابائهم فنحن لم نصب لان هذا الجيل هو ثمرة غرسها الجيل الذي قبله .
والولد اوالبنت على ما يربونه اهله ,,
والسلام

الاخ العزيز الحفار شكرا لك عزيزي
ولكن الا ترى معي ان النار ماترث الا الرماااد وقد يكون للنعمه دور في ذلك والدلال الله يكفينا شر الدلال

متلبك .......
والله انا مبسوط جدا من شوفة ها النوعيه من الكتابات ...الى الامام وانتظر موضوعي الجاي

أخ متلبك
بصراحة أنا معاك في هذا الكلام. الدنيا تغيرت ولا عادت مثل أول حتى الناس تغيرو.. تعرف أنا أعرف وايد من البنات يسيرون السوق والسينما والمطاعم ويوم أقول لهم أهلكم ما يقولن لكم شيء قالوا لا واثقين فينا ..وإذا قلت لهم أنا ما أقدر أروح معاكم أني ما أحب هاذي الأماكن وأهلي ما يرضون قالوا: ويه إنت لحد ألحين عايشه في العصر الحجري ومتخلفة...حتى المحافظة على الكرامة والتمسك بكلام الدين والعادات والتقاليد صار تخلف في هذا الزمن وما خفيه كان أعظم...والمصيبه مو وحده ولا ثنتين يمكن الأكثريه يتصرفون بهاذي الطريقة

أخي الكريم
للاسف الشديد اننا اصبحنا نعاني من مشكلة الخواء الفكري
والذي سببها جرينا المستمر وراء القشور والمظاهر ...
ان ما يؤسف له حقا هو ان ترى شبابنا بلا هدف او طموح ..يعيش لمجرد ان يعيش من غير ان يعير اي انتباه أو حتى اهتمام لكيفية الحياة التي يعيشها
حياة خاويه من المضمون كبالونة هواء.....
قد يكون السبب في ذلك اننا نعيش في عصر مادي ولكن لم تكن الماده يوما سببا في هذا الكم الهائل من الضحاله الفكريه..
وقد تكون بسبب انشغال الوالدين عن تربية ابنائهم ومحاولة
تعويض انشغالهم عنهم باغداق المال والتدليل الزائد عن الحد
كما قلت في محاولة يائسه لتعويض غيابهم ولتغطيه عجزهم عن القيام بواجبهم كاباء وامهات تجاه فلذات اكبادهم...
ان ما نراه الان في معظم - وليس الجميع- شبابنا من جري وراء المظاهر الزائفه و محاولاتهم اليائسه في ان يعيشوا نوعا مختلفا من الحياة
لهو شيء يؤسف له..
ولكن هذا لا يعني انه لا يوجد من نقف له احتراما من شبابنا
تقديرا لرجاحة عقله و اخلاقه العاليه

الاخ العزيز عسل انا كلي فخر بمشاركتك وانا بنتظر مواضيعك اللي اعتقد اني لن امل منها استعجل علينا وانا انتظرك .
/////////////////
الاخت العزيزه غرام
انا اقف احتراما علي ردك الصريح ومهما بلغت بنا الماده فمن المفروض ان لاتصل بهم اللي هذه الدرجه اختي غرام انا شاكر لك ردك واسلوبك واتمني لك التوفيق .
//////////////////
الاخت العزيزه wildorchid
اعتقد ان التربيه لها دور وقد يعاني الاب والام هذه الايام هو الدلال الفاضح الذي يعاني منه الكثير انا معك واشكر لك ردك ومشاركتك .