احنا صرنا في عصر اللامعقول..
عصر انقلبت فيه كل الموازين..فقدنا فيه قدرتنا
على التمييز..
والأقسى من هذا كله ان احنا بدينا نفقد انفسنا..
هويتنا الحقيقيه..صرنا حايرين..نمشي حسب ماتربينا
والا حسب ماالناس اللي نتعامل معاهم يبغونانمشي؟
هل نفقد قيمنا ومبادئنا عشان نعيش والا نعيش عشان مبادئنا وقيمنا؟
من هو اللي صح؟احنا والا هم؟
لقينا طريقنا والا نستنى من يدلنا عليه؟
ماشين مستعجلين مادري ليه..حياتنا زحمة ..ومشاعرنا
رخيصه..مادري هي اللي رخصت والا احنا اللي ساومنا عليها؟
تنازلنا عن كثير هل معناه انه في يوم بنفقد كل شي؟
والا راح نسترجع اللي فقدناه؟
نردد شعارات كثيره..بس مين فينا ينفذها؟وحتى لو حاول
هل هي قابله للتطبيق ؟في عصر المثاليات الزائفه؟
حنين وشوق الى الماضي..ولكن هل كان الماضي احلى؟
البجث عن الحب الحقيقي والسعاده الدائمه همنا الأول..
وشكله همنا الدائم..
ليش الزحمة هذي؟
ماأدري :(
أضحك والا ابكي؟
شعور مبهم..
لايمكن تفسيره.....


وبس

حلوة وبـس ...اللي في الاخير ..صراحة رايقة
----------
عســـــــــــ اححممم صباح الخير ــــــــل

يا شينك وأنتى معصبه

*

أهلين عسل وأبو غازي ,,,

صباح الخير ,,

لا من قال اني معصبه؟؟
ابدا سلامتك

خزعبلات ؟؟؟؟!!!

وش هذي ...

تصدقين عاد ..انه لازم نمشى على قيمنا ومبادئنا وابد ما نفرط فيها

والشاطر اللي يقدر يسترجع اللي راح ...وعمرها ما كانت المشاعر رخيصه ابدا الا للي ما يعرف وش هيه ولا يفهمها اصلا ..والا والله انها غاليه حيل

ابدا لا تبكين على شيء ما يستاهل انسي ...ولا تخلينه شعور مبهم ابدا ,,,,

اسمحلي اوركيدا ...الظاهر انك زعلتي مني حيل....بس انا ما قصدت ابدا ..
:( :( :(

------------------
شجـــــــــون

لا لالا
ابدا يا شجون :(
صدقيني هي تخاريف مشمشيه تنتابي احيانا..
بس معليش مصيري اتخلص منها

كلامك صحيح..وليس خزعبلات..... :( :( اييه الله يستر ويجعل خاتمتنا خير وبس...

------------------
كل شي معقول

الله يستر معقول ,,
وآميــــــــــــن,,
صار العالم يخوف..او احنا اللي صرنا نخوف :(

فكوني منها :(
لقد عادت من جديد :(

صباح الليل ..... خزعبلات....

اولاً اضحك الدنيا تضحكلك
ثانياً شو يستاهل في الدنيا الفانيه عشان يزعجنا
اللي تشوفونه زين لاتخلونه والشين لاتفتكر فيه

تـحــــــــياتـــــــــــــــــي

------------------
mazyoon@swalif.com

مــــــــزيون

يقولون اضحك تضحك لك الدنيا,ابك..تبكي لوحدك :(

طيب واذا اللي يضيق صدورنا مارضى انه يتركنا؟؟!!
وش الحل؟؟ :(

ويا صباح النور..

------------------
دع الزهور من كل لون تتفتح
ماوتسي تونج

في هذه الحاله شوتسوي

تصبر على البلوى لأنها من الله عز وجل لين ما ياتي اجله وتدعي عليه بالجحيم

إبـــــــــــــــــــــــــــــــــتــــــــــــــــــــــــســـــــــــــــــــــــــــــــــامــــ ــــــــــــــــــــــــــــــــــه

------------------
mazyoon@swalif.com

جحيم مرة وحده؟؟؟؟؟؟؟؟؟؟؟؟

ابـــــــــــتـــــــــسامـــــــــــــــه

ما عرفنالكم
صايرين مثل الام تسب عيالها ولا ترضا عليهم بالسب
على الاقل لو شيء يذهنهم

مــــــــــــــــــــــــــــــــــزيون
زي الأم هاه؟

فيه بيت قصيد دائم أقوله الا جئيت أواسي عمري وبدون ماتسمع لأنها شغوفه

يقول أبن لويحان( لو ما تخلت عني ذاكرتي)

ياطيب العقل ماتكمل بدنياك المطاليب
لو طاب لك حاجتين.. فثالثتهن ماتطيبي

ودائم سبحان ربي هالثالثه تلقاها ماأكملت عند أغلب خلق الله وهي ((سكينة روحه))...

ورغم ذلك منهم اللي مايشعر باأنسانيته لو تخلى عن مبدأ واحد من مباديه , فكيف لو تخلى عن أكثرها , كان فقد حتى الاثنتين اللي أكملت له قبل الثالثه
:(

صميدع,,
صبحك الله بالخير..والنور والسرور :(

صدقت..
السكينه والسلام مع روحك..هذا لو قدرت توصل له اكيد
انت الرابح..
وصدق "بن لويحان"
عمر الانسان ماقدر يحقق كل اللي في باله..بس فسه اشياء
لو حققتها كفتك عن الباقي..
منها السلام الروحي ...زي ماتفضلت..
لما نفسك تطرح عليك اسئله بلا اجابات..يكون عندك طموح
غير محدود..ومثاليات الناس صارت تستنكرها..
تتعب..تحس انك بديت تفقد نفسك.....
في داخلك حرب..
مباديء والا استسلام..
ماعاد تدري وين الصح......
يمكن تنتهي المعركه..بخسارتك :(

يسعد صباحك باأطيب الفال

نعم تدخل مع نفسك في عراك بسبب مثاليات أكتسبتها في حياتك أو غرزت فيك منذ الصغر , ويكون ذلك العراك عندما تتكشف لك حقائق الناس فتجدها خاوية على ثيابها , وهذا الصراع مزمن وفيه أمتحان للشخص ولايثبت فيه الا من كان ذو شموخ ويستند على تربيه أساسها متأصل في نفسه رغم أنه قديم عمر ...

ولكن هل الأفضل أن أوقع نفسي في معركة مع مثاليتي, وأخسر نفسي وأربح مثاليتي ؟

أم الأفضل أن أوقع مثاليتي في معركة مع نفوس الآخرين ,فأخسر مثاليتي وأربح نفوس الآخرين ؟

:(

اهلين صميدع,,
مسيك بالخير
والله تساؤلك حيرني جدا,,
صراع مع نفسي والضحيه مثالياتي والا صراع مع الناس
والضحيه انا؟؟

تدري؟
مااعتقد اني لو خسرت مثالياتي باخسر نفسي ابدا :(
لانه المفروض انهم يكونوا جزء واحد..

برضه تساؤلك حيرني :(

بالمهلي

مسيك بالرضا

الصراع مع النفس الا حصل فالطرف الخاسر رابح
لأن الطرف المنتصر جزء من الطرف الخاسر ...
ومثل ماذكرتي , وتكون الخساره هنا معنويه لكن الربح حسي ومادي

لكن خسارتك مع خلق الله , تصبح أنت الطرف الرابح في عيينك
ولكن في أعينهم أنت الخاسر
لأن ربحك هنا يكون حسي ومادي وخسارتك تكون معنويه قد لاتفطن لها
الا عندما تحاسب نفسك , وهنا تخسر الجميع لو ماتداركت أولوية نفسك

هلا وغلا

لو ماعرفت أولويات نفسي؟
طيب واذا كنت انا عارفه وواثقه من صدق اللي انا متمسكه فيه..
هل بتهمني الخسارة المعنويه اللي ممكن القاها؟ هل يستاهل
الناس اني اراعي خاطرهم على حساب نفسي؟
طيب ولو كانت أولوياتي عاجبتني وماحد يقدر يقول لي انها غلط
ولكن اتركيها عشان الناس هل من الممكن اني اتنازل عنها؟
راح اتعب؟
اكيد لان ماحد يقدر يصمد كثير قدام الناس الا لما يكون في قمة
ايمانه باللي هو يسويه أو باللي هو مؤمن فيه..
يس احيانا ممكن تتنازل عن شيء بسيط هو من ابسط اولوياتك عشان
توهم الناس انك تنازلت فيتركونك في حالك..وفي الاخير انت الكسبان

صح والا لا؟

من الصعب وجود أنسان لايعرف أولوياته
الا أذا كان شخص غير مبالي ...

والخساره المعنويه للشخص العارف لأولوياته ومنهجه
قد تكون مفيده من خلال تعرضه لموقف مستقبلي فيدرك جيدا من خلال ماسبق ...

والتنازل عن بعض ممتلكات مبادئك ومشاعر لبعض الناس
فالأمر يعود لمدى تقديرك للموقف ومعرفتك لنتائج الربح والخساره
,ولاتظلم نفسك من أجل نفس غيرك ...

وأمر التنازل صعب لمن يمتلك أساسا يرتكز عليه
وسهلا جدا لمن يكون شعاره بسيط في الحياه ...

والتنازل عن بعض الامور البسيطه من أجل لجم الألسنه
يعتبر تصرف حكيم بل هو امر مطلوب
لأن (ترك المداره طرف من الجنون)

You have to cool down and take it easy.

------------------
قالو الحـب أعمى قلت أعمى بصيـر
..............................خل قلبك دليلك لو يتـوه اللسـان