يا ناس انا اقول هالقصص من واقع وليس من خيالي ولازم تصدقوني عشان اني حاولت كثير كثير انني اصلح من طبع ابو دمعه الأثرم(( الأثرم هو اللي مكسور احد اسنانه الأماميه )) ولكن جميع محاولاتي كانت فاشله
فقلت اجرب اعطيه احد الأسامي الأحتياطيه بسوالف واستلمه يمكن يستحي على وجهه ويعدل من طبعه
ومن وساعة وجه ابو دمعه الأثرم انه اول موضوع يكتبه كان عني * وهذا انا اللي معطيه الأسم اجل لو ما عطيته اسم من اللي عندي كان سارت علوم ثانيه
المهم خلونا في الرحله البحريه
ــــــــــــــــــــــــــ
سلمكم الله كنا رايحين لمنطقه بعيده عن المدينه بحوالي 400 كم وكان الجو بارد
وكنا اربعة اشخاص ( ابو دمعه بطل قصتنا ــ والعتـر ــواخوه ـــ وابو دبه )
طبعا في الرحلات اجمالآ ( ياويلي على الأسلوب ) يكون الكسل في عمل الأمور المنزليه مثل الطبخ وغسل المواعين هو ديدن كل المشاركين
وفي الغالب يكون الأكل من النوع اللي على الطاير ( شندويشه ـ سويت رول ـ قطعة كيك ـ كاكاو ) واذا بغينا نثقل فتحنا علبة تونه وقطعنا بصل وطماط وليمون .............وهات يا ضرب بالخبز
ولكن في رحلتنا هذي كان معنا شي غريب وعزيز ولذيذ انه البيض ذلك المخلوق العجيب
ما علينا عجيب غريب ضريف مب مناسبينه حنا
*************************
استيقضف في الصباح واذا بالعتـر واخوه قد ذهبو للبحر باحد القوارب واذا بابو دمعه قد عمل له صحن بيض مقلي وزرطه قبل ما يقومني هذا ( الأيثار والا بلاش )
مشيت حالي بشندويشه
ذهبت للبحر بالقارب الثاني مع ابو دمعه
.
.
.
في الليل وبعد التسدح على رواقات الخيمه تحرك شيطان ابو دمعه واخو العتـر وقررو الذهاب للبحر بأحد القوارب
نظر ابودبه الى العتـر بخبث وبادله بنفس النظره فشجعوهم على الذهاب
بالفعل ماهي الا دقايق وسمعو صوت قاربهم متجهين الى عرض البحر
سئل ابو دبه العتر هل ذقت البيض منذ وصلنا
فأجابه العتـر ما ذقته ابد
قال له ابودبه خلنا نسوي بيض بالجبن
قال العتر تمام
تم الأنتهاء من عمل البيض اللذيذ ذو الريحه اللي تطير العقل
ولكن الفرحه لم تكتمل فلقد عاد من كان في البحر
ودخلو الخيمه وقال ابو دمعه ( خيانه هاه؟ )
قالو له ما ذقنا البيض من جينا وانت ماشاء الله عليك ما بقيت لنا منه شي
قال ابو دمعه ابي اشارك معكم
قال له ابو دبه اذا كنت تريد ان تأكل الله لا يهينك اغسل الملعقه
قال ابو دمعه واذا ما غسلتها ما اكل
قال له ابو دبه طبعــــــــــــــــــآ
قال مانيب غاسلها
واخذ حفنه من تراب ونثرها بكل نذاله وقلة ادب وخاتمه على مقلى البيض
وكأنه لم يعمل شيء وكأنه لم يهدم حياة العتر وابو دبه فلقد كانو يحلمون خلال كم ساعه يستطيعون اكل البيض ليس من كبر كميته بل من رغبتهم في الأطاله في اكله والتلذذ فيه
وجائهم الرمل والتراب والقليل من الحصى من يد ابو دمعه وهدمت جميع احلام اليقظه
فكانت نهايه حزينه ولا نهاية الأفلام الهنديه
*******************
*********************
طيب ممكن سؤال يا ابو دمعه
ابيك تجاوب هنا في سوالف وقدام الناس ليش انت دايم كذا ؟ ما تحب الا نفسك
ليش تستخدم اسلوب المبزره (( لعبوني معكم او اخرّب ))
بعدين اذا زعل عليك شخص من شي كايد لا تتوقع انه يرضى عنك بكلام مدهون بزبده
انا اريد الأساس يتغير اريد وميض من نور الأيثار يبدو على فعايلك
وتسلمون
ادري طولت عليكم بس كما هو واضح المقصود مَن؟
واذا المراقبين بيطردوني عندي بدل الأسم ثلاثطعش اسم واشوف من يكون نفسه اطول
حنــــــــــــــــــــــ الحين وش دخل المراقبين في السالفه ــــــــــــــــــــــون
[b]
[ تم تعديل الموضوع بواسطة حنون يوم 01-11-1999] 
عرض نسخة للطّباعة |
ارسل هذه الصفحة لصديق]
خاصه الست وميض جديده وين لقيتها اكيد لقيتها تحت فنيله ابو دمعه