ولد القصيم يا هلا والله ومسهلا بك وباهل القصيم وجيران اهل القصيم وجيران جيران اهل القصيم لين تاصل للجنوب ووقف هناك حدك بس لا تعدى...........وقل لي انت من اي ديره ليكون من ((عيون الجوا ))
رباح ........رحاب افا والله احد داس طرف عباتس هو احد يتجرء ويسوي شي مثل كذا الا واحد مطيح الميانه
طيب ممكن ترفعين عباتس شوي عشان ما ادوس عليها حطيها فوق راستس مثل (( زنعوره )) اللــــــــه يرحمها برحمته الواسعه (( قولي آمين )) تراها مرضعتني
تبين سالفة زنعوره ( تراها قبل 50سنه)
طيب..... ذي وحده تخدم اهلي ( يعني اني ولد عز من زمان )يوم كنا بالقصيم وكانت طايره بي طيران عسى ما تشوفن الا وهات يا بوس وتجغف طبعا وقتها كان عمري سنتين او ثلاث بالكثير وامي الله يسلمها كانت اذا جت تسير تحلتني على زنعوره انا واخوي الصغير عشان ترضعنا من حليبها اذا صح ان نسميه حليب الله لا يذوكتس ذاك الحليب هذا طبعا اذا طلع شي يندرج تحت مسمى الحليب
المهم كنا نعرف جيتها من صوتها باول الشارع وهي تصارخ على البزران وكان لها صوت اتحدى عبد العزيز الهزاع على وقته يقلدها وكنا نركض نحتريها عند الباب واذا طلعنا مانشوف الا سواده طالعه من غبار ( الغبار باك قراوند ) عاد تعرفين من وين مصدر الغبار
مصدره سلمتس الله عباتها لأنها كانت تحب تخم الشارع وهي تمشي ( على طريقها ) فكري معي الحين منهو اللي يخمون الشوارع عندنا يعني لو كان في كل حاره زنعوره او زنعورتين مب كنا نضاف بدون هالبنغاليين اللي ساعه يخم وعشر يجمع بطاريات وقواطي ببسي ولا يحطونها الا في السفينه حقتي لأني من اكثر من شهرين ما استعملتها ......وانا عند ربي صادق البارح لقيت بطارية سياره منكب الأسيد اللي فيها كله على القارب حقي ومخرب جزء من ارضيته
ومت قهر من شهر والبنغالي مب ضارب خبر
المهم شوفي الموضوع زين ولاتضنين فيني ضن السوء
فمثلكي لا يداس له عباة
فكيف من حنون بعض الكلمات
يغلط فيها وانتي من الفاهمات
فأنت بنت ولا كل البنات
من تعرض لتس في عداد الأموات
وانتي منعوته بكثر الهفوات
ما تغلطين بس متعديه الغلط بدرجات
انتي بحر ما فيه من الملح قطرات
وانتي قمور بس في اليالي الكالحات
يعني طافي ما تشوفين فيه الا النجمات
كنّي اشوفتس عجوز مالها ضريسات
او مسجل فضت فيه البطاريات
والا ددسن ما يشتغل فيه الا المساحات
اها اقعدي بس وخليتس مع الهاجدات
لا يجي لتس كلام سريع الطلقات
من حنون مجنن الأنس منكن والجنيات
عسى ماوقفت من راستس شعرات
تراه يعتبر من اكثر الدلالات
انه حولتس جن فاقرئي المعوذات
تبعدها باذن الله ابعد من الفرات
واسف على الكلام ان كان يسبب بيننا زعلات
بس اعرفتس زين انتي ضد الصدمات
ضد الزعل برنامج يوزع بدسكات
للجميع تلقونه عند ليث راعي الفزعات
حبيب قلبي طول الغيبات
وينك ليث عندي لك اصعب المهمات
رد علي هنا ولا ترسل ايميلات
حنــــــــــــــــــــــ الله يعينه على شي بيجيه ــــــــــــــــــــــــون
سترك يارب
عرض نسخة للطّباعة |
ارسل هذه الصفحة لصديق]
