بالله عليكم هذولا معلقين .
كيف يبغونا نتابع المباريات وماقيه الا نقشيندي وغازي صدقة الي ممتحنا في الرياض وفي جدة !!! ونقشبندي الي ما يفهم ولا يعرف بالكورة وجرياته معروفه .. والله مساكين المشاهدين خلف الشاشة .انا اتوقع ان art موصية التلفزيون السعودي علشان يعلقون وهذي افضل دعاية لهم علشان الناس تشترك وتفتك من هالاثنين .

عاد أنا أشوف نقشبندي مؤدي المهمة على أكمل وجه وهو أحسن من غيره بكثير طبعا مايتجاوز البكر والأحمد ، بعدين ياخي نبرة صوته مريحة للسمع مافيها نشاز .

الاعصار مدري وش جايك على نبيل نقشبندي ياخي هذا معلق والله مايفقه شيء في الكورة

نبي من المعلق يكون حماسي ويتفاعل مع المباراة ويكون داخل جو في المباراة وهذا مايفقده نبيل نقشبنيدي !!!!!!



------------------
ردد الجمـهور سامي ... وجاب القول سامي
وانتشى جمهور الازرق وحققنا البطولة

اقووووووووووول مردهم التعليق على الفروسيه ماهو على مباريات لكن شكلهم بيلحقووون طيب الذكر سلطان العبدالله او حافظ جمعه .

الصراحة حنا ماعندنا تعليق علشان نتكلم عنه لذلك اذا كان نقشبندي والا معلق هي دي يبي يعلقون على المباريات فاحسن شي نقصر التلفزيون وانا لو الود ودي كان خليت البكر يعلق على كل المباريات

واحب اضيف على الكلام الاخ العالمي:-ان يكون ملما" بالمعلومات الرياضيه المتكامله عن كل لاعب في الملعب

على فكرة .....هل استمعتم الى تعليق محمد البكر في الدوري الاوربي عبر قناة MBC....ودي تقولون لي وش رايكم في تعليقه.....

------------------
باتيستوتا يقولون انه ارجنتيني......ولكنه الان ابن من ابناء فلورنسا

المشكلة المعلقين الممتازين كلهم برا.
- وش حدك على المر ..... - بالنسبة للبكر ما يحتاج ما يبي شهادتي . امنية ان الاحمد يعلق على الدوري ؟؟
معقولة يروح صلحه.

بس انا ملاحظ ياخ كوكتيل ان البكر اثناء تعليقه على الدوري مايعرف اسماء اكثر الاعبين بالانديه الاوربيه .....ولا يملك معلومات عنهم ..... والا وش رايك

------------------
باتيستوتا يقولون انه ارجنتيني......ولكنه الان ابن من ابناء فلورنسا

باتيستوتا

انت مصدق ان البكر معلق بس علشانه هلالي فهو ناجح
وهذا المعلق تم ايقافه بعد تعليقه على مباراه العين والهلال بسبب بعض الكلامات السوقية

البكر ناجح ومطلوب من جميع الجماهير

انا وش ابغى في معلق يعرف اللاعبين جميع المعلومات عنهم حتى اسم امه يعرفه !! وش ابي فيه اذا كان وصفه للمباراة سيء !!!!
بعكس معلق اذا كان يتفاعل مع المباراة وحماسي ان شاء الله مايعرف اسمه نفسه

انا ابي معلق حماسي ويتفاعل مع المباراة
***********
امنية
***********

البكر، الاحمد ،،،، يعلقون على جميع مباريات الدوري السعودي


------------------
ردد الجمـهور سامي ... وجاب القول سامي
وانتشى جمهور الازرق وحققنا البطولة

والله مدام صالح كامل ..جالس لكم فلا تفرحون بمعلق...
.
.
اللي عندنا مهم للكوره ولا الكوره لهم ...
بعض المباريات اللي يعلقون عليها ..غازي وزميله قشبندي ...ينسون
يقولون المبارة مكونه من خمسة اشواط

صحيح كلامك يالمتالق.....لانه هلالي فهو ناجح

اهلين بباتيستوتا
بالنسبة للبكر هو افضل واحد بعد ناصر الاحمد .
استمعت الى تعليقه على البطولة الاوروبية وحقيقة جيد وليس عيبا ان يكون ملم ببعض اللاعبين ويكفينا المشهور منهم .
هلالي مهب هلالي هذي ما تحدد كيف تعليقه ومن يقول ان البكر سيء فمع احترامي له لا يفقه بالكورة والتعليق شيء