يا قلبي علمني وش جرى فيك
يا قلبي رد علي أنا اللي احاكيك
بوح يا قلب بسرك انا من يحس فيك

لا وا حسايف علي وانا اتغنى فيك

أشوفك نزاعٍ بالهوى للي ما يبيك
أشوفك سريع الخفق وهو ما درى فيك
أشوفك ملتوي منطوي هذا ماهو خبري انا فيك

لا وا حسايف علي وانا اتتغنى فيك

خبري بك الحر طيرٍ ما حدٍ يجاريك
نزاعٍ لصيد من يترقوص بالهوى ويغريك
لاستلت جناحك هو وعدك بعصف من يعاديك

لا وا حسايف علي و انا اتغنى فيك

ليش تاخذ من صفات العين الدنيّة اللي ماييلق فيك
تدمع من الدم و من دمعت لاجله ما كلف الخاطر يراضيك
من تجاهلك انساه ياتي يوم وتفرح بحبيبٍ ما يفكر الا فيك

لا وا حسايف علي و انا اتغنى فيك

لا تحزن على من صوبك ثم داواك ثم صوبك و ارداك
ثم كفنك بيده ثم دفنك و وقف على قبرك و بدمعةٍ عزاك
طع شوري يا قلب هذا هاوي المقناص!!ولا يسمع بألي يبوح به فاك

لا وا حسايف علي وانا اتغنى فيك

ليش يا قلب تجرحني وانا اللي بازٍ فيك
و سميت نفسي كحيلان لاجل صفاتٍ تجمعت فيك
تصحيني من الفجر وتبدل عالي صهيلي بصياح ديك

لا وا حسايف علي و انا اتغنى فيك

(كحيـــــلان)

الله ياكحيلان...شعرك ممتاز
ولكنك مقل..وفي نفس الوقت
متردد..اكتب...ولا تحرمنا
يااطيب الناس .
=============